“GULYAMOV SADIKOV AND PARTNERS” advokatlik firmasi rasmiy kanali

📌 Муҳим янгилик: Норматив-ҳуқуқий ҳужжатлар тури 8 тага етди! 2026 йил 14 август кунги “Ўзбекистон Республикаси Президенти Администрацияси тўғрисида”ги конституциявий қонун билан қонунчилигимизда жиддий ўзгариш юз берди. 🔹 Нима ўзгарди? Янги ҳужжат тури қўшилди: “Норматив-ҳуқуқий ҳужжатлар тўғрисида”ги қонуннинг 6-моддасига киритилган тўлдиришга кўра, Ўзбекистон Республикаси Президенти Администрацияси Раҳбарининг фармойишлари расман норматив-ҳуқуқий ҳужжатлар қаторига қўшилди. Норматив-ҳуқуқий ҳужжатлар иерархиясидаги ўрни: Эндиликда Администрация Раҳбарининг фармойишлари нормативй-ҳуқуқий ҳужжатлар иерархиясида Президент фармонлари ва қарорларидан қуйида, Вазирлар Маҳкамасининг қарорларидан юқорида жойлашди. 💡 Эслатма: Илгари “Норматив-ҳуқуқий ҳужжатлар тўғрисида”ги қонунда 7 та турдаги норматив-ҳуқуқий ҳужжатлар назарда тутилган эди. Юқоридаги конституциявий қонун билан уларнинг сони 8 тага етди. 👉🏻 @gsplawfirm

Никоҳ тўйи бўлаётган қиз қамоқхонага отасидан дуо олгани келибди... 👉🏻 @gsplawfirm

Administratsiyaning mansabdor shaxslari va boshqaruv xodimlari hamda ularning oila a’zolari (turmush o‘rtog‘i, farzandlari va ota-onasi) xavfsizligini ta’minlash O‘zbekiston Respublikasi Prezidenti tomonidan belgilanadigan tartibda amalga oshiriladi. 👉🏻 @gsplawfirm

Normativ-huquqiy hujjatlarning turlari bittaga ko'paydi: O‘zbekiston Respublikasi Prezidenti Administratsiyasi Rahbarining farmoyishlari O‘zbekiston Respublikasi Prezidenti Administratsiyasining Rahbari O‘zbekiston Respublikasi Konstitutsiyasi va qonunlari, O‘zbekiston Respublikasi Prezidentining farmonlari, qarorlari, farmoyishlari va topshiriqlari asosida hamda ularning ijrosini, Administratsiyaning faoliyatini samarali tashkil etish uchun O‘zbekiston Respublikasining butun hududidagi barcha davlat organlari, korxonalar, muassasalar, tashkilotlar, mansabdor shaxslar tomonidan bajarilishi majburiy bo‘lgan farmoyishlar qabul qiladi. 👉🏻 @gsplawfirm

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Каналга уланиш: 👉🏻 @gsplawfirm

Қандай ҳолларда қўзғатилган жиноят иши бўйича тергов ҳаракатлари тўхтатиб турилиши мумкин? Ўзбекистон Республикаси Жиноят процессуал кодексининг 364-моддасига асосан дастлабки тергов ҳаракатлари: - иш бўйиуча айбланувчи тариқасида иштирок этишга жалб қилиниши лозим бўлган шахс аниқланмаган; - айбланувчининг қаерда эканлиги номаълум бўлган; - айбланувчи Ўзбекистон Республикаси ҳудудидан чиқиб кетган, башарти унинг терговга келишини таъминлаш имконияти бўлмаса; - айбланувчи ишни юритишда унинг иштирок этишини истисно этадиган оғир ва давомли, лекин даволаб бўладиган касалликка чалинган ҳолларда тўхтатилади. Дастлабки тергов юқоридаги асослар юзага келган вақтдан бошлаб тўхтатилади, лекин дастлабки тергов тўхтатилгунга қадар терговчи айбланувчи йўқлигида бажариш мумкин бўлган барча тергов ҳаракатларини бажариши шарт. Дастлабки терговни тўхтатиш ҳақида терговчи қарор чиқаради ва унинг нусхасини прокурорга юборади. Мурожаат учун: @GSP_Lawfirm Каналга уланиш: 👉🏻 @gsplawfirm

Мустақиллик байрами муносабати билан неча кун дам оламиз? Ўзбекистон Республикаси Президентининг 24.12.2025-йилдаги ПФ-257-сон Фармонига асосан “31-август” қўшимча дам олиш куни ҳисобланади. Шу сабабли: 5 иш кунида ишловчилар 4 кун дам олади: 29-август – (шанба) дам олиш куни; 30-август – (якшанба) дам олиш куни; 31-август – (душанба) қўшимча дам олиш куни; 1-сентабр – (сешанба) байрам; 6 иш кунида ишловчилар 3 кун дам олади: 30-август – (якшанба) дам олиш куни; 31-август – (душанба) қўшимча дам олиш куни; 1-сентабр – (сешанба) байрам. Каналга уланиш: 👉🏻 @gsplawfirm

Дунёда энг ёмон кўрган одамингизни нима деб қарғашингизни айтайми? Илоҳим, ишинг кадастрга тушсин, деб қарғанг! Бу энди шунақанги ташкилотки, шу даргоҳдан Одам Атонинг бирорта зурриёди табассум билан чиқиб кетаётганини ҳали кўрганим йўқ! Бор-йўғи “кадастр паспорти” олишим керак. Янги эмас, бир неча йиллик уй! – Онлайн ариза берасиз, – деди. – Ариза бердим, бир ҳафта бўлди, – дедим. – Икки ҳафтада кўрамиз, – деди. – Қўлларингда ҳамма ҳужжат турибди. Шаҳарнинг ярми келиб, “кадастр паспорт” олмаётгандир! Наҳотки, шу бир варақ қоғозни 2 ҳафта тайёрласанглар! – Ока, қоидаси шундай! Ҳали тўлов қиласиз, кейинг 3 иш кунида тайёр бўлади. 3 иш куни икки ҳафтадан ташқари экан. Ёнимдаги киши маслаҳат берди: – Ока, ишим битсин десангиз, булар билан тортишманг! Ўчакишсангиз, йўқ жойидан битта муаммо топиб беради, кейин ўзингиз билан ўзингиз гаплашиб юрасиз, – деди. Мана, икки ҳафта ўтиб, учинчи ҳафтага йўл олдик. Ҳар куни тонг отиши билан my.gov.uz...га умидвор қарайман: “жараёнда”! Энди бу “жараён” қачон тугаса!.. Алишер Назар, Фейсбукдан Каналга уланиш: 👉🏻 @gsplawfirm

Айрим тадбиркорларга уч ойгача лицензиясиз ишлашга рухсат берилиши мумкин ⚡️ Сенат ялпи мажлисида “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонун муҳокама қилинди. Қонун билан тадбиркорлик фаолиятига оид яна бир муҳим ўзгариш — “Бизнесга лицензиясиз кириш” махсус режимини янги ҳуқуқий институт сифатида жорий этиш таклиф қилинмоқда. Унга кўра, келгусида Вазирлар Маҳкамаси тасдиқлайдиган айрим фаолият турлари билан уч ойгача лицензия ёки рухсатномасиз шуғулланиш мумкин бўлади. Бунинг учун тадбиркор лицензия ёки рухсатнома олмасдан туриб, фаолиятини бошлаши ҳақида ваколатли органни электрон тарзда хабардор қилади. Уч ойгача бўлган давр тадбиркорларга лицензия ёки рухсатнома талабларига мослашиш, фаолиятни синов тариқасида бошлаш ва унинг иқтисодий самарадорлигини баҳолаш имконини беради. 👉 @gsplawfirm

Ходим интизомий қилмиш содир этса, унга қанча муддатда интизомий жазо қўллаш мумкин? Меҳнат кодексининг 314-моддасида ходимга интизомий жазо қўллашнинг муҳим муддатлари ва тартиби белгиланган. Жумладан, интизомий жазо қилмиш аниқланганидан кейин дарҳол, лекин аниқланган кундан эътиборан 1 ойдан кечиктирмай қўлланилади. Ходимнинг вақтинча ишга лаёқатсизлик (бюллетень) ва таътилда бўлган даври ушбу 1 ойлик муддатга қўшилмайди. Агар хизмат текшируви ўтказилган бўлса, комиссия томонидан далолатнома имзоланган кун қилмиш аниқланган кун ҳисобланади. Интизомий жазо қилмиш содир этилган кундан эътиборан 6 ойдан кечиктирмай қўлланилиши мумкин. Молия-хўжалик фаолиятини текшириш, тафтиш ёки аудиторлик текшируви натижаларига кўра, жазо қилмиш содир этилган кундан эътиборан 2 йилдан кечиктирмай қўлланилади. Юқоридаги муддатларга жиноят ишини юритиш вақти кирмайди. Интизомий жазонинг амал қилиш муддати у қўлланилган кундан эътиборан 1 йилдан ошмайди. Агар 1 йил ичида ходимга янги интизомий жазо берилмаса, у интизомий жазога тортилмаган деб ҳисобланади. Бунда жазони олиб ташлаш учун иш берувчининг алоҳида буйруғи талаб этилмайди, у автоматик тарзда тугалланади. Иш берувчи ходимга интизомий жазо қўллашда муддатларга қатъий риоя этиши шарт. Ушбу муддатлар ўтказиб юборилиб қўлланилган жазо ғайриқонуний ҳисобланади ва бекор қилиниши мумкин. Мурожаат учун: @GSP_Lawfirm Каналга уланиш: 👉🏻 @gsplawfirm

🤳 Блогерлар қилган рекламага ишониб сифатсиз маҳсулот ёки хизмат сотиб олдингиз. Бунда блогер жавобгар бўладими? Аввал «10 кунда 15 кг оздирадиган» сеҳрли капсулани мақтаб "сторис" қўяди 💊. Кейин «дунёнинг исталган бурчагига $100 га турпакет» ✈️ ёки «бошланғич тўловсиз, тайёр квартиралар» 🏢 деб ваъда беради. Сиз эса хайпга учиб, «севимли блогерим-ку, алдамас» деб, бор-будингизни ўтказиб юборасиз 💸 Оқибатда: ❌ Оздирувчи доридан соғлиқ кетади; ❌ «Арзон уй»дан молиявий пирамида чиқади; ❌ «Арзон турпакет» билан эса аэропортда қолиб кетасиз. Блогер эса реклама пулини чўнтакка уриб, «Мен шунчаки реклама қилиб бердим, сотувчиси бошқа, менда айб йўқ» деб блоклаб юборади 🤷‍♂️ Аммо бу баҳона ўтмайди! 🛑 ⚖️ Блогерни қандай қилиб қонунан жавобгар қилиш мумкин? «Реклама тўғрисида»ги Қонунга кўра, рекламани тарқатган блогер ҳам, уни берган сотувчи ҳам тенг жавобгар! Агар шундай тузоққа тушган бўлсангиз, дарҳол қуйидаги ишларни қилинг: 1️⃣ Далил йиғинг (Дақиқалар ҳал қилади!) 📸 Блогер пост ёки сторисни ўчириб юборишидан олдин видеони экрандан ёзиб олинг (запись экрана). Тўлов чеклари ва ёзишмаларни скриншот қилиб сақланг. 2️⃣ Рақобат қўмитасига шикоят қилинг Блогернинг устидан 1159 рақамига шикоят қилинг. Ёлғон реклама тарқатгани учун унга йирик миқдорда жарима солинади. 3️⃣ Судга бериб, пулингизни ундиринг Сифатсиз маҳсулотга кетган пулингизни ва соғлиғингиз/асабингиз бузилгани учун маънавий зарарни блогер ва сотувчидан солидар равишда ундириб олишга ҳақлингиз бор. 4️⃣ ИИБга ариза (Фирибгарлик бўйича) Агар блогер реклама қилаётган нарсаси бошиданоқ сохта ёки пирамида эканини билиб туриб реклама қилган бўлса, бу ЖKнинг 168-моддаси (Фирибгарлик)га тушади. У жиноий жавобгарликка тортилиши мумкин! 💡 Хулоса: Блогерларнинг қуруқ ваъдасига учиб, кўр-кўрона пул ўтказишни тўхтатинг! Агар алданган бўлсангиз, жим ўтирманг! Адвокат Улуғбек Хайитмуродов 👉🏻 @gsplawfirm

Солиқ қўмитаси чекларни соддалаштирилган шаклда кўриш имкониятини яратди Энди QR-кодни смартфон камераси орқали сканерлаб, электрон чекни очиш, ҳар бир товар нархи ва чекнинг умумий суммасини кўриш мумкин. Бу ҳисоб-китобларни тўғри текшириш учун қулай усул. Чунки суммани қўлда қайта ҳисоблаганда чегирмалар ва якуний суммага таъсир қилувчи бошқа параметрлар инобатга олинмай қолиши мумкин. Шунинг учун Солиқ қўмитаси харидлар бўйича ҳисоб-китобларни расмий электрон хизматлар орқали текширишни тавсия этмоқда. — Солиқ қўмитаси хабарида. 👉🏻 @gsplawfirm

Энди банклардан 500 долларгача нақд валютани паспортсиз сотиб олиш мумкин 9 августдан жисмоний шахслар тижорат банкларидан эквиваленти 500 АҚШ долларигача бўлган чет эл валютасини нақд сотиб олишда шахсни тасдиқловчи ҳужжат (паспорт, ID-карта ёки б.лар) тақдим этиши талаб этилмайди. Аввал мазкур лимит 100 АҚШ долларини ташкил этар эди. Эквиваленти 500 АҚШ долларидан юқори миқдорда нақд валюта сотиб олишда эса шахсни тасдиқловчи ҳужжат тақдим этиш талаби сақланиб қолади. 👉🏻 @gsplawfirm

#mulohaza Olimlardan biri Nobel mukofotini qo'lga kiritgach, jurnalistlar unga savol berishibdi: - Dunyoda ming-minglab olimlar bor. Bu mukofotni aynan siz olishingizning sababi nimada? Olim javob beribdi: - Bunda onamning xizmatlari katta. Har kuni maktabdan qaytgan bolalarga onalari "O'qituvching sendan nimani so'radi?" deyishardi. Mening onam esa "Sen o'qituvchingga qanday savollar berding?" der edilar. 👉🏻 @gsplawfirm

Отанинг исмини болага фамилия қилиб бериш мумкин бўлади Ўзбекистонда оталар ўз исмини фарзандига фамилия сифатида беришига рухсат этилади. Тегишли қонун бугун, 8 август куни Сенатда маъқулланди. Амалдаги тартибга кўра, бола ўз отаси ёки онаси билан фамилиядош бўлади ёки унга бобосининг исми фамилия қилиб берилади. Янги қонун кучга кирса, отанинг исми ҳам болага фамилия қилиб берилиши мумкин бўлади. 👉🏻 @gsplawfirm

⚡️"Rieltorlik faoliyati to'g'risida"gi O'RQ qabul qilindi 👉🏻 @gsplawfirm

Tadbirkorlik subyektlarini hisob raqamini soliqchi yopib qoʻyishi mumkin boʻlmoqda! Qonun bilan Iqtisodiy protsessual hamda Soliq kodekslariga tegishli oʻzgartirish va qoʻshimchalar kiritilib, soliq toʻlovchi soliq organining qaroriga eʼtiroz bildirmagan taqdirda bank hisobvaraqlari boʻyicha operatsiyalarni toʻxtatib turish soliq organining qarori asosida amalga oshirilishi, eʼtiroz bildirilgan hollarda esa mazkur masala sud tomonidan koʻrib chiqilishi nazarda tutilmoqda. Shuningdek, soliq organining sudga murojaat qilish tartibi aniqlashtirilib, murojaatga qonun buzilganligini, soliq toʻlovchiga xabarnoma yuborilganligini hamda uning eʼtirozini tasdiqlovchi dalillarni ilova qilish talabi belgilanmoqda. Qonun bilan huquqbuzarlik holatlari bartaraf etilgan yoki sud tomonidan bank hisobvaraqlari boʻyicha operatsiyalarni toʻxtatib turish rad etilgan taqdirda, ushbu cheklovlarni tezkor bekor qilish mexanizmi ham mustahkamlanmoqda. Senatorlar taʼkidlaganidek, mazkur Qonun tadbirkorlik subyektlarining vaqt va mablagʻ bilan bogʻliq ortiqcha xarajatlarini qisqartirish, davlat organlari faoliyati samaradorligini oshirish, sudlar yuklamasini kamaytirish hamda tadbirkorlarning huquqlari va qonuniy manfaatlarini yanada ishonchli himoya qilishga xizmat qiladi. Muhokama yakunida senatorlar Qonunni maʼqulladi. 👉🏻 @gsplawfirm

Ekstremistik tashkilotlar va materiallarning elektron reestri yuritiladi! Oliy Majlis Senatining yalpi majlisida “O‘zbekiston Respublikasining ayrim qonun hujjatlariga ekstremizmga qarshi kurashish samaradorligini oshirishga qaratilgan o‘zgartirish va qo‘shimchalar kiritish to‘g‘risida”gi Qonuni ko‘rib chiqildi. Jinoyat kodeksi va Maʼmuriy javobgarlik toʻgʻrisidagi kodeksga oʻzgartirishlar kiritilib, ekstremizm, separatizm va aqidaparastlik gʻoyalari bilan yoʻgʻrilgan materiallarni tayyorlash, saqlash va tarqatish bilan bogʻliq huquqbuzarliklar uchun javobgarlik choralari liberallashtirilmoqda. Xususan, bunday harakatlarni birinchi marta sodir etganlik uchun toʻgʻridan-toʻgʻri jinoiy javobgarlik bekor qilinib, maʼmuriy javobgarlik kiritilmoqda, takroran sodir etilgan taqdirdagina jinoiy javobgarlik yuzaga kelishi qayd etilmoqda. Shuningdek, “Ekstremizmga qarshi kurashish toʻgʻrisida”gi Qonun takomillashtirilib, ekstremizm tushunchasiga aniq taʼrif berilmoqda. Shuningdek, ekstremizmga oid jinoyatlar aniq doirasini belgilash, ekstremizmning oldini olish va unga qarshi kurashish boʻyicha davlat dasturlarini amalga oshirish, ekstremistik tashkilotlar va materiallarning elektron reestrini yuritish, xavf-xatarlarni monitoring qilish hamda baholashning huquqiy asoslarini mustahkamlash nazarda tutilmoqda. Shuningdek, qonunchilikdagi “diniy ekstremizm” atamasi “ekstremizm” atamasi bilan almashtirilib, huquqni qoʻllash amaliyotida yagona huquqiy yondashuv taʼminlanmoqda. Qonun bilan ekstremizmga qarshi kurashish sohasidagi ilmiy tadqiqotlarni qoʻllab-quvvatlash, ekstremistik faoliyat haqida xabar bergan shaxslarni himoya qilish va ragʻbatlantirish, Internet tarmogʻi hamda ommaviy axborot vositalarida ekstremistik gʻoyalar tarqalishining oldini olishga qaratilgan qoʻshimcha mexanizmlar ham joriy etilmoqda. Shu bilan birga, ekstremistik tashkilotlarni eʼtirof etish tartibi hamda ekstremizmga oid jinoyat sodir etgan shaxslarni qayta ijtimoiylashtirish mexanizmlari ham takomillashtirilmoqda. Muhokama yakuni boʻyicha senatorlar Qonunni maʼqulladi. 👉🏻 @gsplawfirm

ЎРҚ-1161 l 27.07.2026й. Давлат органлари ёки мансабдор шахсларнинг ноқонуний қарори/ҳаракати сабабли жисмоний ва юридик шахсларга етказилган моддий ва маънавий зарарни суд қарорига асосан қоплаш тартиби. ✔ маънавий зарар – давлат органининг ёки унинг мансабдор шахсининг қонунга хилоф қарори, ҳаракати ёхуд ҳаракатсизлиги туфайли жисмоний шахсга етказилган маънавий ва жисмоний азоблар (камситиш, жисмоний оғриқ, зарар кўриш, ноқулайлик ва бошқалар). ✔ моддий зарар – ҳуқуқи бузилган шахснинг ўз бузилган ҳуқуқини тиклаш учун қилган ёки қилиши керак бўлган харажатлари, унинг мол-мулки йўқолиши ёки шикастланиши (ҳақиқий зарар), шунингдек ушбу шахс ўз ҳуқуқлари бузилмаган тақдирда одатдаги фуқаролик муомаласи шароитида олиши мумкин бўлган, лекин ололмай қолган даромадлари (бой берилган фойда). Каналга уланиш: 👉🏻 @gsplawfirm

Наманган шаҳрининг собиқ ҳокими Анвар Отахўжаев 11 йилга қамалди Жиноят ишлари бўйича Ўзбекистон туман судининг 7 августдаги ҳукми билан Наманган шаҳрининг собиқ ҳокими Анвар Отахўжаев Жиноят кодексининг 167, 168, 205, 206, 207, 209 ва 210-моддаларининг тегишли қисм ва бандларида назарда тутилган жиноятларни содир этганликда айбли деб топилди. Унга жиноят кодексининг 59-моддаси 3-қисми тартибида узил-кесил 3 йил муддатга мансабдорлик ва моддий жавобгарлик юклатилган ишларда ишлаш ҳуқуқидан маҳрум қилган ҳолда 11 йил муддатга озодликдан маҳрум қилиш жазоси тайинланди. Саволингиз бўлса ёки ҳуқуқий ёрдам керак бўлса бизга мурожаат қилинг 👇 Телефон: +998 95 109 52 25 Телеграм: @GSP_Lawfirm