ጉርሻ ፔጅ |GURSHA PAGE

ጥናት፦ 55% የሚሆኑ ሴቶች በአንዳንድ ሁኔታዎች ባል ሚስቱን መደብደብ ተገቢ ሊሆን ይችላል ብለው እንደሚያምኑ አገር አቀፍ ጥናት አመለከተ። የኢትዮጵያ ስታቲስቲክስ አገልግሎት ከፕላንና ልማት ሚኒስቴር፣ ከጤና ሚኒስቴር እና ከተባበሩት መንግሥታት ድርጅት አካላት ጋር በመተባበር ባካሄደው አገር አቀፍ የዴሞግራፊና ጤና ዳሰሳ ጥናት በቤት ውስጥ ጥቃትና አመለካከት ዙሪያ አዳዲስ ግኝቶችን ይፋ አድርጓል። በጥናቱ የተሳተፉ 30 ሺህ ገደማ ሰዎች ከተጠየቋቸው ነጥቦች መካከል ሚስትን መደብደብን የተመለከተው አመለካከት አንዱ ነው። በጥናቱ መሠረት ከተጠየቁት ሴቶች መካከል 55 በመቶ ያህሉ ባል ሚስቱን ለመምታት የሚያስችሉት አሳማኝ ምክንያቶች አሉ ብለው ያምናሉ። በተቃራኒው ይህንን አመለካከት የሚጋሩ ወንዶች ቁጥር 39 በመቶ ሆኖ ተመዝግቧል። አብዛኞቹ ምላሽ ሰጪዎች ሚስትን ለመምታት በቂ ምክንያት አድርገው የጠቀሱት ልጆችን እንክብካቤ ነፈገች ወይም ቸል አለች የሚለውን ነው። በጥናቱ ውጤት ላይ እንደተመለከተው፤ ሚስትን ለመደብደብ አሳማኝ ምክንያት አለ ብለው የሚያምኑ ሴቶች ቁጥር ከዚህ ቀደም ከነበረው አንጻር ቅናሽ አሳይቷል። ከ25 ዓመታት በፊት 85 በመቶ፣ ከ10 ዓመታት በፊት ደግሞ 63 በመቶ የነበረው የሴቶች መጠን አሁን ወደ 55 በመቶ ወርዷል። በሌላ በኩል ግን ከአስር ዓመት በፊት 28 በመቶ የነበረው የወንዶች ድርሻ በ11 በመቶ በመጨመር 39 በመቶ ደርሷል። በክልል እና በትምህርት ደረጃ ባለው ልዩነት በኩል በሲዳማ ክልል 74 በመቶ እንዲሁም በደቡብ ምዕራብ ኢትዮጵያ 71 በመቶ ሴቶች ድብደባውን አሳማኝ የሚያደርግ ምክንያት አለ ብለው እንደሚያምኑ የተገለጸ ሲሆን፣ በሶማሌ ክልል ግን ይህ ቁጥር 23 በመቶ ብቻ ሆኖ ተመዝግቧል። በተጨማሪም ትምህርት ያላገኙ ሴቶች 63 በመቶ ያህሉ ድብደባውን ሲደግፉ፣ ከሁለተኛ ደረጃ በላይ የተማሩት ላይ ግን ይህ ቁጥር ወደ 29 በመቶ ዝቅ ይላል። በሴቶች መብት ላይ የሚሠራው ሴታዊት ድርጅት ዋና ዳይሬክተር ዶክተር ስኂን ተፈራ፤ የሴቶች ድርሻ ከወንዶች በልጦ መገኘቱ በአስተዳደግ፣ በኢኮኖሚ ጥገኝነት እና በጥቃቱ መለመድ ምክንያት የሚመጣ መሆኑን ያብራራሉ። በጥናቱ መሠረት ባል ወይም የፍቅር አጋር ካላቸው ሴቶች መካከል 30 በመቶ ያህሉ አካላዊ፣ ወሲባዊ ወይም ሥነ-ልቦናዊ ጥቃት የደረሰባቸው ሲሆን፣ ከተጠቂዎቹ ውስጥ 58 በመቶ የሚሆኑት ደግሞ ምንም ዓይነት እገዛ ለመጠየቅ አልሞከሩም። በጥናቱ ማጠቃለያ ላይ ይህንን ጎጂ አመለካከት ለመቀየር የሴቶችን ኢኮኖሚያዊ አቅም ማሳደግ፣ የሕግና የሥነ-ልቦና ድጋፍ ተደራሽ ማድረግ እንዲሁም ሰፊ የግንዛቤ ማስጨበጫ ሥራዎችን ማከናወን እንደሚገባ በምክረ ሐሳብነት ተቀምጧል። ፎቶ፦ ለማብራሪያ ብቻ Via BBC Amharic ጉርሻ page 🌴🌴🌴 https://www.facebook.com/share/p/1BbYrmTETZ/?mibextid=wwXIfr

የታሪክ የዓለም ዋንጫ ፍጻሜ ታይቶ በማይታወቅ ጥብቅ የደህንነት ከበራ ስር! በ2026 የዓለም ዋንጫ የፍጻሜ ውድድር ስፔን ከአርጀንቲና ጋር በኒው ዮርክ ኒው ጀርሲ ስታዲየም (MetLife Stadium) ለክብሩ ዋንጫ ለመፋለም ሰዓታት ቀርተዋቸዋል። ይህ ታሪካዊ ፍጻሜ በሜዳው ላይ ከሚታየው እልህ አስጨራሽ ጨዋታ ባሻገር፣ በዩናይትድ ስቴትስ የስፖርት ታሪክ ትልቁ የደህንነት እና የጥበቃ ስራ የተዘረጋበት ሆኖ ተመዝግቧል። የአሜሪካው ፕሬዝዳንት ዶናልድ ትራምፕ በስታዲየሙ ተገኝተው ከፊፋ ፕሬዝዳንት ጂያኒ ኢንፋንቲኖ ጋር በመሆን ዋንጫውን እንደሚያበረክቱ በመረጋገጡ፣ የፌደራል እና የሀገር ውስጥ የጸጥታ አካላት ስታዲየሙን እና አካባቢውን በከፍተኛ የጥበቃ ደረጃ (Level 1 Special Event) ስር አውለውታል። ፍጻሜውን ሰላማዊ እና ስኬታማ ለማድረግ የተዘረጉት ታይቶ የማይታወቁ የጥበቃ ዝርዝሮች የሚከተሉት ናቸው፦ 1. የኤፍ-16 የመከላከያ አውሮፕላኖች ከስታዲየሙ በላይ ያለውን የተከለከለ የአየር ክልል በንቃት እየተቆጣጠሩ ይገኛሉ። 2. ያልተፈቀዱ ድሮኖች እና በረራዎችን ለመቆጣጠር እና ለማስቆም ልዩ የቴክኖሎጂ ደህንነት ክፍሎች ተሰማርተዋል። 3. ከፍተኛ ስልጠና ያላቸው ልዩ ጥበቃዎች እና የጸጥታ አካላት በስታዲየሙ ጣሪያዎች እና ስልታዊ ከፍታዎች ላይ ቅኝት እያደረጉ ይገኛሉ። 4. በሺዎች የሚቆጠሩ የሴክሬት ሰርቪስ (Secret Service)፣ የኤፍቢአይ (FBI) እና የክልል ፖሊስ አባላት በስታዲየሙ ዙሪያ ጥብቅ የጥበቃ ክበብ ፈጥረዋል። * የክብር እንግዶች መገኛ ፕሬዝዳንት ትራምፕን ጨምሮ * የስፔኑ ንጉስ ፊሊፔ 6ኛ፦ * የስፔኑ ጠቅላይ ሚኒስትር ፔድሮ ሳንቼዝ፦ * የካናዳው ጠቅላይ ሚኒስትር ማርክ ካርኒ እና * የሜክሲኮዋ ፕሬዝዳንት ክላውዲያ ሼይንባም በስታዲየሙ ልዩ VIP ክፍል ውስጥ ይገኛሉ። ዋይት ሃውስ እና የውድድሩ አስተባባሪዎች ደጋፊዎች ጨዋታው ከመጀመሩ ቢያንስ 4 ሰዓት በፊት ስታዲየም እንዲደርሱ አጥብቀው አሳስበዋል። መዘግየቶችን ለማስቀረት የስታዲየሙ በሮች ቀድመው የሚከፈቱ ይሆናል። #WorldCup2026 #WorldCupFinal #SpainVsArgentina #SportsNews #MetLifeStadium Via Telegraph ⚽️⚽️⚽️ ጉርሻ page 🌴🌴🌴 https://www.facebook.com/share/p/1DUCsBmzUi/?mibextid=wwXIfr

በማህበራዊ ሚዲያ ላይ የታየው ቪዲዮ ግርምትን ፈጠረ ለViews ሲባል የሚከፈል የህይወት መስዋዕትነት? በአዳማ የፍጥነት መንገድ ላይ የታየው አደገኛ ድርጊት! በቅርቡ በማህበራዊ ሚዲያ ላይ የተሰራጨው ተንቀሳቃሽ ምስል እንደሚያሳየው፣ አንድ ግለሰብ መኪኖች በከፍተኛ ፍጥነት በሚጓዙበት በአዳማ የፍጥነት መንገድ (Highway) መሀል ላይ ወንበር አስቀምጦ ለቲክቶክ ቪዲዮ ሲቀረጽ ተስተውሏል። ይህ ድርጊት ለዕይታ (Views) እና ለተከታዮች (Followers) ብዛት ተብሎ የተደረገ ቢሆንም፣ እጅግ በጣም አደገኛ እና የራሱንም ሆነ የሌሎችን ንጹሃን አሽከርካሪዎች ህይወት በከፍተኛ ሁኔታ አደጋ ላይ የሚጥል ነው። 1. መኪኖች በከፍተኛ ፍጥነት በሚበሩበት መንገድ ላይ እንዲህ አይነት ድርጊት መፈጸም የሰከንድ ስህተት አስከፊ የመኪና አደጋ ሊያስከትል ይችላል። 2. ፈጣሪ አይድርገውና በዚህ ግለሰብ ላይ አደጋ ቢደርስ ወይም በእሱ ምክንያት ሌሎች አደጋ ውስጥ ቢገቡ ተጠያቂው ማን ነው? 3. እንዲህ ያሉ አደገኛ እና ህገ-ወጥ እንቅስቃሴዎችን የሚቆጣጠር እና በህግ ተጠያቂ የሚያደርግ አካል በአስቸኳይ ጣልቃ መግባት የለበትም? 4. ይህንን አይተው ሌሎች ወጣቶች መሰል አደገኛ ድርጊቶችን እንዳይደግሙት፣ የሚመለከተው አካል ግለሰቡን በህግ ጥላ ስር አውሎ አስተማሪ እርምጃ ሊወስድበት ይገባል የሚሉ ድምጾች እየበረከቱ ነው። "ማህበራዊ ሚዲያ ሰዎችን ለማዝናናት እና እውቀት ለማካፈል እንጂ የሰው ህይወትን ለአደጋ ለማጋለጥ መሆን የለበትም።" የሚመለከታቸው የትራፊክ ቁጥጥርና የጸጥታ አካላት በዚህ ጉዳይ ላይ ትኩረት ሰጥተው አፋጣኝ ማስተካከያ እንዲያደርጉ ጥሪያችንን እናስተላልፋለን እናንተስ በዚህ ጉዳይ ላይ ምን ትላላችሁ? እንዲህ አይነት ድርጊቶችን ለመከላከል ምን መደረግ አለበት? ሃሳባችሁን በኮሜንት አጋሩን። ጉርሻ Page 🌴🌴🌴 https://www.facebook.com/share/p/1De1SdBVrA/?mibextid=wwXIfr

ለእናቱ የገባውን ቃል ለመጠበቅ አስክሬን ቤት አስቀምጦ ለተፈተነው ታዳጊ ካሊድ ቃሲም የመኖሪያ ቤት ሊገነባለት ነው:: ከሦስት ሳምንታት በፊት እናቱ ባረፉበት ዕለት የገባውን ቃል ለማክበር ሲል አስክሬን ቤት ውስጥ ትቶ የስምንተኛ ክፍል ሚኒስትሪ ፈተናውን በመፈተን መላውን የሀገሪቱን ሕዝብ በከፍተኛ ሐዘን ያስለቀሰውና ያስደመመው ታዳጊ ካሊድ ቃሲም፣ አዲስ የመኖሪያ ቤት ሊገነባለት መሆኑ ተሰማ። በሸገር ከተማ አስተዳደር ኤካ ጣፎ ክፍለ ከተማ ከሁለት ታናናሽ ወንድሞቹ ጋር የሚኖረው ይህ የ14 ዓመት ታዳጊ፣ በወቅቱ እናቱ በጽኑ ታመው በነበሩበት ወቅት “እኔ አንድ ነገር ብሆን እንኳ ለዓመታት የለፋህበትን ፈተና እንዳታቋርጥ” በማለት ያስገቡትን ጥብቅ ቃል ለመጠበቅ የጠዋት ፈተናውን ተፈትኖ፣ ከሰዓት ደግሞ እናቱን አልቅሶና ቀብሮ በመመለስ የከሰዓት ፈተናውን ማጠናቀቁና “ቃልሽን አላጠፍኩም እማ!” ማለቱ ይታወሳል። ዛሬ በተሰማው አዲስና ተስፋ ሰጪ መረጃ መሠረት፣ ለታዳጊውና ለታናናሽ ወንድሞቹ ቋሚ የቤት መፍትሔ ለመስጠት የሸገር ከተማ የኤካ ጣፎ ክፍለ ከተማ አስተዳደር ለቤት ግንባታ የሚሆን መሬት በይፋ አዘጋጅቶ አስረክቧል። ከዚህ ጋር ተያይዞ የኦሮሚያ ትምህርት ቢሮ የመኖሪያ ቤቱን ሙሉ በሙሉ ገንብቶ ለታዳጊዎቹ ለማስረከብ ቃል ገብቷል። ወላጅ አባቱ ከእነርሱ ርቆ በጅጅጋ ከተማ ሌላ ትዳር መሥርቶ በመኖሩ ምክንያት እናታቸውን አጥተው ብቻቸውን ለቀሩት ለእነዚህ ወንድማማቾች የተደረገው ይህ የመሬትና የቤት ግንባታ ድጋፍ፣ የታዳጊውን ታማኝነትና ብርታት ያከበረ እንዲሁም ማኅበራዊ አጋርነትን በተግባር ያሳየ መሆኑ ተገልጿል። Via FastMereja ጉርሻ Page 🌴🌴🌴 https://www.facebook.com/share/1BXm896ZYw/?mibextid=wwXIfr

ለእናቱ የገባውን ቃል ለመጠበቅ አስክሬን ቤት አስቀምጦ ለተፈተነው ታዳጊ ካሊድ ቃሲም የመኖሪያ ቤት ሊገነባለት ነው:: ከሦስት ሳምንታት በፊት እናቱ ባረፉበት ዕለት የገባውን ቃል ለማክበር ሲል አስክሬን ቤት ውስጥ ትቶ የስምንተኛ ክፍል ሚኒስትሪ ፈተናውን በመፈተን መላውን የሀገሪቱን ሕዝብ በከፍተኛ ሐዘን ያስለቀሰውና ያስደመመው ታዳጊ ካሊድ ቃሲም፣ አዲስ የመኖሪያ ቤት ሊገነባለት መሆኑ ተሰማ። በሸገር ከተማ አስተዳደር ኤካ ጣፎ ክፍለ ከተማ ከሁለት ታናናሽ ወንድሞቹ ጋር የሚኖረው ይህ የ14 ዓመት ታዳጊ፣ በወቅቱ እናቱ በጽኑ ታመው በነበሩበት ወቅት “እኔ አንድ ነገር ብሆን እንኳ ለዓመታት የለፋህበትን ፈተና እንዳታቋርጥ” በማለት ያስገቡትን ጥብቅ ቃል ለመጠበቅ የጠዋት ፈተናውን ተፈትኖ፣ ከሰዓት ደግሞ እናቱን አልቅሶና ቀብሮ በመመለስ የከሰዓት ፈተናውን ማጠናቀቁና “ቃልሽን አላጠፍኩም እማ!” ማለቱ ይታወሳል። ዛሬ በተሰማው አዲስና ተስፋ ሰጪ መረጃ መሠረት፣ ለታዳጊውና ለታናናሽ ወንድሞቹ ቋሚ የቤት መፍትሔ ለመስጠት የሸገር ከተማ የኤካ ጣፎ ክፍለ ከተማ አስተዳደር ለቤት ግንባታ የሚሆን መሬት በይፋ አዘጋጅቶ አስረክቧል። ከዚህ ጋር ተያይዞ የኦሮሚያ ትምህርት ቢሮ የመኖሪያ ቤቱን ሙሉ በሙሉ ገንብቶ ለታዳጊዎቹ ለማስረከብ ቃል ገብቷል። ወላጅ አባቱ ከእነርሱ ርቆ በጅጅጋ ከተማ ሌላ ትዳር መሥርቶ በመኖሩ ምክንያት እናታቸውን አጥተው ብቻቸውን ለቀሩት ለእነዚህ ወንድማማቾች የተደረገው ይህ የመሬትና የቤት ግንባታ ድጋፍ፣ የታዳጊውን ታማኝነትና ብርታት ያከበረ እንዲሁም ማኅበራዊ አጋርነትን በተግባር ያሳየ መሆኑ ተገልጿል። Via FastMereja ጉርሻ Page 🌴🌴🌴 https://www.facebook.com/share/1BXm896ZYw/?mibextid=wwXIfr

የዶላር አማካይ ዋጋ 158.00 ብር ደረሰ፤ ከባለፈው ጋር ሲነፃፀር በ98 ሳንቲም ዝቅ ብሏል። በዚህም ዶላር እየቀነሰ መጥቷል። ብሔራዊ ባንክ ዛሬ ባካሄደው የውጭ ምንዛሬ ጨረታ 100 ሚሊዮን ዶላር አቀረበ ሰኔ 9 ቀን 2018 ዓ.ም | አዲስ አበባ የኢትዮጵያ ብሔራዊ ባንክ (NBE) ዛሬ ሰኔ 9 ቀን 2018 ዓ.ም ባካሄደው ቁጥር 23 ልዩ የውጭ ምንዛሬ ጨረታ (Foreign Exchange Auction No. 23) የአንድ የአሜሪካ ዶላር የክብደት አማካይ ዋጋ 158.00 ብር መድረሱን ይፋ አደረገ። ባንኩ ይፋ ባደረገው ይፋዊ መግለጫ መሠረት፣ በዛሬው ዕለት በቀረበው የውጭ ምንዛሬ ላይ ከፍተኛ የፍላጎት መጠን ተመዝግቧል። ብሔራዊ ባንኩ ለዚህ ጨረታ 100 ሚሊዮን የአሜሪካ ዶላር ያቀረበ ቢሆንም፣ ከባንኮች በኩል የቀረበው አጠቃላይ የፍላጎት (የመጫረቻ) መጠን ግን ከእጥፍ በላይ በመሆን 236.30 ሚሊዮን ዶላር ደርሷል። በጨረታው ላይ በአጠቃላይ 16 ባንኮች የተሳተፉ ሲሆን፣ ከእነዚህ ውስጥ 8ቱ ባንኮች ጨረታውን አሸንፈው የቀረበውን የውጭ ምንዛሬ መጋራት ችለዋል። የዛሬው የጨረታ ዝርዝር ውጤት፦ 1. ለጨረታ የቀረበው መጠን 100 ሚሊዮን USD 2. የቀረበው አጠቃላይ የፍላጎት መጠን 236.30 ሚሊዮን USD 3. የማሸነፊያ የክብደት አማካይ ዋጋ 158.0000 ብር/USD 4. የመቁረጫ ዋጋን157.9999 ብር/USD 5. ከፍተኛው የቀረበ ዋጋ 158.0000 ብር/USD 6. ዝቅተኛው የቀረበ ዋጋ 157.9900 ብር/USD 7. የተሳታፊ ባንኮች ብዛት:16 ባንኮች 8. ያሸነፉ ባንኮች ብዛት:8 ባንኮች የዛሬው የጨረታ ውጤት የዶላር ዋጋ ካለፈው ጨረታ አንጻር መጠነኛ ቅናሽ ማሳየቱንና በባንኮች ዘንድ ያለው የዶላር ፍላጎት አሁንም በከፍተኛ ደረጃ መቀጠሉን አመላካች ሆኗል። Via NBE ጉርሻ Page 🌴🌴🌴 https://www.facebook.com/share/p/17aRVax6z5/?mibextid=wwXIfr

አሳዛኝ ዜና፡ በዳውሮ ዞን በቦምብ ፍንዳታ የአንድ ወጣት ህይወት ሲያልፍ በሌላኛው ላይ ከፍተኛ ጉዳት ደረሰ ዛሬ ግንቦት 30 ቀን 2018 ዓ.ም በዳውሮ ዞን ከጪ ወረዳ ሾጋ ባላ ቀበሌ አንባ ንዑስ ተብሎ በሚጠራው አካባቢ በዝግና ወንዝ ዳርቻ ወድቆ የተገኘን F.1 የተሰኘ የቦምብ ዓይነት ሲነካኩ ከነበሩ ሁለት ወጣቶች መካከል የአንድ * የ15 ዓመት ወጣት ህይወት ሲያልፍ በሁለተኛው * የ18 ዓመት ወጣት ላይ ደግሞ ከፍተኛ የአካልና የጤና ጉዳት መድረሱ ተገልጿል። ይህን አስከፊ አደጋ አስመልክቶ የከጪ ወረዳ ፖሊስ ጽህፈት ቤት አዛዥ ምክትል ኢንስፔክተር አስራት ሱሉሬ መግለጫ የሰጡ ሲሆን ስለ ሁኔታው ሙሉ መረጃውን አጣርተው ሲጨርሱ ለህዝብ ይፋ እንደሚያደርጉ አስታውቀዋል። አዛዡ አክለውም ህብረተሰቡ በሰው ህይወትና በንብረት ላይ ከባድ አደጋ ሊያደርሱ የሚችሉ ማናቸውንም ተቀጣጣይ ነገሮች በየአካባቢው ወድቀው ሲያገኝ በፍጹም ከመነካካት መቆጠብና አስቀድሞ ለፀጥታ አካላት በፍጥነት ማሳወቅ እንዳለበት የጥንቃቄ መልዕክት አስተላልፈዋል። በመጨረሻም ምክትል ኢንስፔክተር አስራት ሱሉሬ በደረሰው ድንገተኛ አደጋ ህይወቱን ላጣው ወጣት ቤተሰቦች የተሰማቸውን ጥልቅ ሀዘን በመግለጽ መጽናናትን ተመኝተዋል። የዘገባው ምንጭ የከጪ ወረዳ ፖሊስ ጽህፈት ቤት ነው። ጉርሻ Page 🌴🌴🌴 https://www.facebook.com/share/p/193oB9cSMH/?mibextid=wwXIfr

ገና ስንት ሰው መሞት አለበት?" — አርቲስት ማራማዊት በወቅታዊው ቀውስ ላይ ዝምታዋን ሰበረች፤ ለሰላም ጥሪ አቀረበች ታዋቂዋ አርቲስት ማራማዊት በንፁሃን ተጎጂዎች ስም ፍትህና ሰላም እንዲሰፍን ጠይቃለች። ድምፅ አልባ ለሆኑት በመቆም የተሰማትን ጥልቅ ሀዘን እንዲህ ስትል ገልጻለች፦ ዛሬ በከባድ ሀዘን ተሞልቼ፣ የህዝባችንን ስቃይ ችላ ማለት እንደማይችል አንድ የሰው ልጅ ከፊታችሁ ቆሜያለሁ። ገና ስንት ሰው መሞት አለበት? ገና ስንት አብያተ ክርስቲያናት መቃጠል አለባቸው? ይህ የታሪካችን፣ የእምነታችን እና የህዝባችን መጥፋት ነው። እኔ የምናገረው ለንጹሃኑ ነው። የምናገረው ለጠፉት ወገኖቻችን ነው። ለተቀጠፈው ህይወት ሁሉ፣ ለፈረሰው ቤተሰብ ሁሉ እናገራለሁ። ድምፅ ለሌላቸው፣ ለተጎጂዎች፣ እንዲሁም በፍርሃት ለሚኖረው ማህበረሰብ ድምፄን አሰማለሁ። መናገር ለማይችሉት ድምፄን ከፍ አደርጋለሁ። ዝም ማለት አንችልም። ሰላም፣ ፍትህ እና ሰብአዊነት እንዲሰፍን በአንድነት መጠየቅ አለብን።" Please፣ ቤተክርስቲያኖቻችንን አትንኩብን። * ማረፊያዎቻችን ናቸው፣ * መደበቂያዎቻችን ናቸው፣ * ሰላም ማግኛዎቻችን ናቸው። እባካችሁ ቤተክርስቲያኖቻችንን ተዉልን፣ ልጆቻችንን አትንኩብን።." ©️ማራማዊት ጉርሻ Page 🌴🌴🌴 https://www.facebook.com/share/p/1BaoaAcewZ/?mibextid=wwXIfr

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወእጨጌ ዘመንበረ ተክለሃይማኖት በአርሲ ሀገረ ስብከት በቤተ ክርስቲያናችን እና በኦርቶዶክሳውያን ላይ የደረሰውን ጥቃት በማስመልከት አባታዊ መልእክት አስተላለፉ። ግንቦት 26 ቀን 2018 ዓ.ም. አዲስ አበባ፣ ኢትዮጵያ ቅዱስነታቸው ያስተላለፉት አባታዊ የኀዘን መልእክት እንደሚከተለው ነው፦ መልእክተ ብፁዕ ወቅዱስ ፓትርያርክ በስመ አብ ወወልድ ወመንፈስ ቅዱስ አሐዱ አምላክ አሜን፡፡ ‹‹ወረሰዩ አብድንቲሆሙ ለአግብርቲከ መብልዐ ለአዕዋፈ ሰማይ፣ ወሥጋሆሙኒ ለጻድቃኒከ ለአራዊተ ገዳም፦ የአገልጋዮችህንም በድኖች ለሰማይ ወፎች መብል አደረጉ፥ የቅዱሳንህንም ሥጋ ለምድር አራዊት።›› (መዝሙረ ዳዊት ፸፰፥፪) በአርሲ ሀገረ ስብከት በአሰኮ፣ በሽርካ፣ በሆንቆሎ፣ በዋቤ እና በሙኔሳ ወረዳዎች በመንፈስ ቅዱስ ልጆቻችንና በቅድስት ቤተ ክርስቲያን ላይ ስለደረሰው አሰቃቂ ጥቃት የሰማነው በተሰበረ ልብ ነው። የእምነት ነፃነት ተደፍሮ መቶ ዓመታት ያስቆጠረው የጠላታ ቅዱስ ገብርኤል ቤተ ክርስቲያን በተቃጠለበት፣ እንዲሁም የካራ ኩፍቴና መድኃኔ ዓለም ቤተ ክርስቲያን በተዘረፈበት በዚህ ክፉ ቀን፤ በርካታ ምእመናን በግፍ መሰዋታቸውና በመቶዎች የሚቆጠሩ ወገኖቻችን ከቀዬአቸው መፈናቀላቸው ቤተ ክርስቲያናችንን በእጅጉ ያሳዘነ ክስተት ነው። የሰላም፣ የፍቅርና የታሪክ ማህደር የሆነችው ቤተ ክርስቲያን በምድራዊ መከራ ውስጥ ያሉትን ምእመናን በምታጽናናበት በዚህ ወቅት ራሷ በፈተና ውስጥ ሆና ከመቸገሯም በላይ በአርሲ ምድር በተደጋጋሚ የሚስተዋለው በደልና ግፍ በሁላችንም ልቡና ውስጥ "እስከ መቼ?" የሚል የቁጭት እና የኀዘን ጥያቄን ፈጥሯል። በመሆኑም ይህ መከራ እያበቃ ሳይሆን እየሰፋ በመምጣቱ የዜጎችን ደኅንነት የመጠበቅና ሰላምን የማስፈን አደራ የተጣለባችሁ የጸጥታ አካላትና በየመዋቅሩ ያላችሁ ሓላፊዎች ከምንም በላይ ታሪክ የሚጠይቃችሁ በሥልጣን ዘመናችሁ ለዜጎች ደኅንነት በምትከፍሉት ዋጋ ነውና ይህንን የጥቃት ሰንሰለት በማስቆምና ወንጀለኞችን ለሕግ በማቅረብ ከታሪክ ባለዕዳነት ትድኑ ዘንድ በቤተ ክርስቲያናችን ስም አበክረን እናሳስባለን። በየአካባቢው የምትገኙ ምእመናንና መላው ኢትዮጵያውያንም በወንድማማችነት መንፈስ ተጋግዛችሁ፣ የተፈናቀሉ ወገኖችን በመደገፍና በጸሎት ከቤተክርስቲያናችን ጎን እንድትሆኑ ጥሪያችንን እናቀርባለን። በመጨረሻም ቤተ ክርስቲያናችን ለሰላም፣ ለይቅርታና ለሰው ልጆች ክብር ሁል ጊዜ የምትቆም መሆኑን በመግለጽ ይህንን የኀዘን ሰዓት አምላካችን በምሕረቱ ያሳልፍልን፣ የሞቱትን ነፍሶቻቸውን በመንግሥቱ ይቀበልልን፣ የተጎዱትንም በቸርነቱ ያጽናናልን በማለት አባታዊ የኀዘን መልእክታችንን በእግዚአብሔር ስም እናስተላልፋለን። እግዚአብሔር አምላክ ኢትዮጵያንና ሕዝቦችዋን ይባርክ!! ወስብሐት ለእግዚአብሔር!!! አሜን። አባ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት ግንቦት 26 ቀን 2018 ዓ.ም. አዲስ አበባ፣ ኢትዮጵያ ©️የብፁዕ ወቅዱስ ፓትርያርክ ልዩ ጽሕፈት ቤት ጉርሻ Page 🌴🌴🌴 https://www.facebook.com/share/1GJcrChZxS/?mibextid=wwXIfr

በምሥራቅ አርሲ የተፈጸመው ጥቃት፡ 13 ንጹሐን ተገደሉ፣ ታሪካዊት ቤተክርስቲያን ተቃጠለች አርሲ፡ በአርሲ ሀገረ ስብከት በሚገኙ የተለያዩ ወረዳዎች በግንቦት ወር መጨረሻ በተፈጸመ ጥቃት የ13 ዜጎች ሕይወት ማለፉን የአርሲና የሶማሌ ክልል ጅግጅጋ አህጉረ ስብከት ሊቀ ጳጳስ ብፁዕ አቡነ ኤልሳዕ አስታወቁ። እንደ ሀገረ ስብከቱ መረጃ ከሆነ፣ ጥቃቱ የተፈጸመው ከአሰኮ፣ ሺርካ እና ሆንቆሎ ዋቤ ወረዳዎች ሲሆን፣ በደረሰው ጥቃት ከ280 በላይ ምዕመናን ከቀያቸው መፈናቀላቸው ታውቋል። በተፈጸመው ግፍ የአካባቢው ነዋሪዎች መኖሪያ ቤቶች በእሳት መውደማቸውና ንብረቶቻቸው መዘረፉ ተገልጿል። የ101 ዓመት ዕድሜ ያስቆጠረው የጠላታ ቅዱስ ገብርኤል ቤተክርስቲያን ሙሉ በሙሉ በእሳት ጋይቷል:: የካራ ኩፍተና መድኃኔዓለም ቤተክርስቲያን በዘረፋ የተጎዳ ሲሆን፣ ምዕመናን የቤተክርስቲያኒቱን ጽላት ይዘው ለመሰደድ መገደዳቸው ታውቋል። ከጥቃቱ የተረፉት ወገኖች ምንም አይነት ንብረት ሳይዙ ሜዳ ላይ መውደቃቸው የደረሰው ሰብዓዊ ቀውስ ምን ያህል የከፋ መሆኑን ያሳያል። በጥቃቱ ሕይወታቸው ያለፈው ወገኖች ስም ዝርዝር እንደሚከተለው ቀርቧል፡- 1. አቶ ደምረው አበራ (70) 2. አቶ ከፈለኝ ልክየለው (56) 3. አቶ ሐይሉ ንጉሴ (70) 4. አቶ እሸቴ ዳመና (42) 5. አቶ አበባየሁ ዳኜ (42) 6. አቶ ሰሙ አባይነህ (70) 7. አቶ አማረ በላይነህ (80) 8. አቶ ተሬ ደሴ (25) 9. ወጣት ገነነ ጥላሁን (ሺርካ) 10. ወጣት ሙርቴሳ ጥላሁን (ሺርካ) 11. አቶ ንጉሱ ማንደፍሮ (ሆንቆሎ ዋቤ) 12. አቶ በቀለ ኃይለሚካኤል (ሆንቆሎ ዋቤ) 13. አንድ የመንግስት ሚሊሻ ብፁዕ አቡነ ኤልሳዕ በተፈጸመው አሳዛኝ ድርጊት የተሰማቸውን ጥልቅ ሐዘን በመግለጽ፣ ለሟች ቤተሰቦች መጽናናትን ተመኝተዋል። "ስለ አንተ ሁልጊዜም ተገድለናል፣ እንደሚታረዱም በጎች ሆነናል።" "መዝሙር 43፡22) በሚል ጥቅስ የተገለጸው ይህ ዘገባ፣ ችግሩን በዘላቂነት ለመቅረፍ እና የዜጎችን ደህንነት ለማረጋገጥ የሚመለከተው አካል ፈጣን ምላሽ እንዲሰጥ ጥሪ አቅርቧል። Via የአርሲ ሀገረ ስብከት ሚዲያ ጉርሻ Page 🌴🌴🌴 https://www.facebook.com/share/p/1LCy2JLh6m/?mibextid=wwXIfr