الأستاذ حسين جدوع والدكتور مسلم سعد

​🌟 الحصاد الذهبي لثانوية انوار المستقبل النموذجية الاهلية للبنين والبنات 🌟 ​النجاح ليس مصادفة، بل هو ثمرة الاجتهاد والمثابرة والتسلح بالعلم ​ببالغ الفخر والاعتزاز، تُعلن #لجنة_الرياضيات في ثانوية انوار المستقبل النموذجية الاهلية (للبنين والبنات) عن «الحصاد الذهبي» لطلبتنا الاعزاء الذين اثبتوا تفوقهم وبراعتهم، وحصدوا اعلى الدرجات في مادة الرياضيات للصف السادس العلمي وللعام الدراسي ٢٠٢٥-٢٠٢٦

وزارة التربية تعلن جداول الامتحانات العامة للعام الدراسي 2025 – 2026 بعد تقديم المواعيد

الامتحان يوم ٦/١٣ كما توقعنا

ان شاء الله تكون الحذوفات السادس الاعدادي الجديدة 2026 : - الانكليزي : حذف يونت 7 و 8 - الاسلامية : حذف الوحدة 5 - الفيزياء : حذف فصل النووية - الكيمياء : حذف الفصل 8 - الرياضيات : حذف فصل الهندسة 6 -الاحياء: حذف الفصل 4

وزير التربية يوجه بدراسة تمديد مواعيد الامتحانات العامة وإعادة النظر بحذوفات المناهج وان شاءالله خير

اهلك يثقون فيك ويرون فيك ثمرة تعبهم فأفعلها من اجلهم 💪

جدول خاص للطلبة الي عندهم تراكمات بالمواد .

الله سبحانه وتعالى ما يضيع تعب واحد و يجازي كل انسان يكون عنده هدف ولا يوجد افضل من هدفكم احبابي الغالين ولازم كل واحد بيكم يفكر بأهله الي صارلهم سنين ينتظرون هذا اليوم ويشفون ثمرة تعبهم ..فيا اولادي وبناتي…الوقت عدكم واحنه بعدنه بااول ايام المراجعه خلي نرتب وقتنا خلي نقره قرايه صحيحة والنت بهاي الايام نتركة ، الا في امور الدراسة، وما ننصرف عن الدراسة ابدا مهما كانت ظروف الحياة . بدينه بيها ولازم ننهيها نهاية قوية هذه ايام الحسم ايام حصد ثمار السنين…وانسى شي اسمة خوف و قلق انتم اقوى من المادة انتم اقوى من السادس وغير السادس ..💪ثقتكم بنفسكم خلوها بعد اقوى واقوى واني مقدر ظروفكم والضغوط الي عليكم . دراستكم ومستقبلكم هو الهدف الاساسي وأن شاء الله تحصلون ما يفرحكم ويفرح اهلكم ومحبيكم…من هسة نتعاهد ما نعوف القرايه ابد .ومنخلي ساعة وحدة تفوتنا وكلي ثقة اشوفكم السنة القادمة بافضل جامعة وكلية الي تلبي طموحكم . الأستاذ حسين جدوع . .

أحبابي طلبة السادس الأبطال حافظوا على وقتكم في هذه الأيام المهمة، ولا تدعوا الزيارات أو المكالمات مع الأصدقاء تأخذ من وقت دراستكم دون أن تشعروا. إن اضطررتم فلتكن قصيرة وضمن حدود ويفضّل أن تكون للدراسة فقط الوقت الذي يضيع الآن قد يتحول إلى ندم لاحقًا وأنتم أهل للنجاح ولا يليق بكم إلا التفوق

أشياء ابتعد عنها اولاً )الأصدقاء الي ينطوك طاقة سلبية ، مثلاً ما قريت ، ما درست، هنيالك قريت ،احس ما اطلع معدل،ما اعرف شسوي كلها عبارات تنكال بالقصد علمود تهبط معنوياتك ابتعد عنهم هذول قصدهم ياذوك ثانيا )الابتعاد عن المشاكل الي بالبيت او المدرسة دخلت نفسك بيها المشكلة تخلص وتروح بس مستقبلك إذا راح ما يرجع

شكرًا لكل طالب يجتهد اليوم هانت ما بقالك إلا شويه ونفرح بيك كلنا ما أوصيك هالله هالله بالدعاء (رَبِّ اشْرَحْ لِي صَدْرِي* وَيَسِّرْ لِي أَمْرِي* ) ( اللهم احْلُلْ العُقْدَةً مِّن لِّسَانِي) ما أوصيك هالله هالله بالكلام الطيب حق اصدقائك لا تخوف احد قبل الامتحان لا تروح وتكوله والله باجر صعب والله لهسه ما درست والله لهسه مو فاهم والله والله … لا لا ابعد نفسك عن هذا كله حط الحلم كدام عيونك ولازم تسعاله ، حط إبتسامة أبوك وهو يفتخر بيك كدام عيونك ولازم ترسمها ، حط دمعة أمك ، دمعة الفرح وأنت تمسحها أنت الأمل القادم ونحنا فخورين بيك قبل درجاتك شكرًا على جهدك وتعبك شكرًا على دراستك وعلى صبرك شكرًا لتحملك المسؤولية والله العظيم إنك فخر 💪🤍 الأستاذ حسين جدوع

أولادي بناتي الأكثر منكم يشتكي من التعب والإرهاق النفسي من كثر المتراكم عليه . شوفو يا أحبابي الي اريد اكوله الكم والله العظيم اكثر الي وصلو وصارو أطباء وصيادله ومراكز عليا مروا نفس المرحله ، بس البطوله هنا انك تقدر تجاوز المرحله هاي سريعا . يا أحبابي والله العظيم هانت ،وانت قادر على كل شي . واعلم انه بعد شهرين او ثلاثه راح تنتظر مصيرك ،أستعين بالله راح تقوى وتقوى لا تخلي اي شىء يهز نفسيتك الايام القادمه ايام المستقبل ، كمل صبرك والله هانت ،امسك ماده ماده وادعو ربك ، الله لا يرد من دعاه واذكر تعب اهلك عليك واذكر أنهم حاطين امل عليك واكيد انت راح تفرحهم ولا تنسون ماكو احلى من طعم التفوق فكن اهلاً لها 💪. الأستاذ حسين جدوع

احبائي طلبة السادس الابطال ها هو يومكم لتحقيق الحلم . كل تعب تمرّون به اليوم، يقابله مستقبل افضل لا تستهينون بأي جهد تبذلوه، لأن الله سبحانه وتعالى ما يضيع تعب أحد. يمكن تتعبون، يمكن تحسون بالإرهاق، لكن ثقوا أن كل لحظة صبر راح تتحول إلى فرحة نجاح. استمروا… فالله يرى جهدكم وسيجزيكم عليه أجمل الجزاء أستاذكم حسين جدوع

الى طلابنا الأبطال هسه إحنا أوشكنا نخلص المنهج، وهذا مو نهاية الطريق… هذا بس بداية الطريق الحقيقي. التعب اللي تعبتوه ما يروح هدر، وكل ساعة دراسة راح ترجعلكم مستقبل أحسن إن شاء الله. أريد أوصيكم وصية من القلب ❤️ لا تخلون التعب يضيع بسبب إهمال هالأيام. ترى هالفترة أهم من كل السنة، والطالب الشاطر هو اللي يثبت نفسه بالنهاية مو بالبداية. إنتو قدها، وأنا شايف بيكم خير وطموح، وما أرضى أشوف واحد منكم يندم ويكول: "ليتني قريت أكثر". شدّوا حيلكم 💪 وخلو هدفكم قدام عيونكم: نجاحكم مو بس إلكم، نجاحكم يفرح أهلكم ويرفع راسكم ويصنع مستقبلكم. وأذكروا كلامي دائماً: الراحة تجي بعد التعب، والفرحة تجي بعد الصبر. الله لا يضيع تعبكم، وأنا واثق إن شاء الله أشوفكم من المتفوقين أستاذكم الي يحبكم حسين جدوع

اولادي وبناتي، اليوم وصلتوا لمرحلة مهمة بعد تعب وسهر وجهد، فكونوا واثقين من نفسكم. الامتحان مو شي يخوّف، بالعكس هو فرصة تبينون بيها شكد تعبتوا وتعبكم ما راح يروح. خليكم هادئين، وركّزوا، ولا تخلّون التوتر يضيّعكم. ناموا زين، وادخلوا الامتحان وأنتم مطمئنين. إذا صادفكم سؤال صعب، خلّوه وبلّشوا باللي تعرفوه، وبعدين ارجعوا له بهدوء. تذكّروا، تعب اليوم هو نجاح باچر، ومستقبلكم بين إيديكم. الله يوفقكم ويحقق أحلامكم