أبـَريل 25

أبـَريل 25 pinned a photo

الحمدلله حمداً كثيراً طيباً مباركاً فيه حملة الأمام الحسين عليه السلام . اخوان هاي حملتنا بدت تقريباً قبل ٨ اشهر او ب الأكثر اني انضميت الها وعرفت بيها قبل ٨ اشهر هي چانت قبل هذا الشي ب شهرين او اكثر ، صدفة صارت عندي ضرف بذيج السنه وتوجهت لكربله ازور وداخل ضريح الإمام العباس عليه السلام صادفت صديقي وابن منطقتي سلمت عليه وبنفس اللحضة گالي قبل لاندخل نزور نحچي بيك ونريد نحاچيك بخصوص موضوع گتله گول تفضل گالي عدنا حمله وكل اسبوع الف دينار وهي ماراح تزحمك بهذا الشي ولا تضايقك وانت بكيفك بعد اني هنا صفنت چنت جاي لكربله ازور وشوف الله بشنو أنعم عليه وللعلم اني بذاك الوقت چنت صدگ ضايج ومقهور بخصوص موضوع ومفكر اترك كلشي وشوف الموضوع الي اجاني ويفتح نفسي ، المهم گتله ولا يهمك الموضوع يمي ان شاء الله منا وهيچ اني اعتبروني وياكم وراح ابدي اجمع كل اسبوع من جامعتي هم بالدوام طبعاً هنا هم صارت عدنا ابطال محمد غانم وعباس قاسم اخوتي واصدقائي ماقصروا الممثلين وزيوني ومحمد باقر كلهم الله يوفقهم وعاشت أديهم جزاهم اللله خير الجزاء چنت اني إذا انسه هذا الموضوع همه يذكروني بي من يصادف يوم أربعاء ، والبارحة رجع صادفني هذا الموقف اني واصدقائي كل يوم أربعاء ننشر ستوري ع الانستا وبهذا الأثناء حاجاني هم صديقي قديم اعرفه گالي مرتضى اريد اشترك واني هم وياي جماعتي ويردون يدخلون وهم سوه مجموعة واتساب من يمه خطيه وهم باشروا ب الموضوع ، فـ من صار هيچ الموضوع گلت نخلي الموضوع كلكم هنا اي شخص يشوف هذا الشي وعنده قدره علىٰ هذا الشي هوه وابن منطقته هوه و ١٠ من اصدقائه كل اسبوع يجمعون علىٰ الف او علىٰ ألفين دينار ماراح تأثر عليهم بشي وبالعكس الصدقة حلوه والموضوع لاتخلو اجباري علىٰ اي شخص وبدون اي احراج شوفولكم عائلة متعففة وتكفلوا بيها كل اسبوع اطمنوا عليهم كل اسبوع هي علاگة مسواك اكثر شي إذا رادت تصير عليكم ب ١٥ الف ، خلو جمعاتكم وأصدقائكم جمعة خير ولتخلوها بس شقه وضحك ، ومثل ماتحب لنفسك حب لأخوك المسلم. خلي كل شخص يشوف هذا الشي وعنده قدره علىٰ هذا الشي يسوي بمنطقته ويفيد نفسه وينفع غيره بأخرته ، وهذا الشي الي راح تسوي مو بس للعوائل المتعففة هذا الشي انت راح تستفاد من عنده بنفس الوقت ، و سلامتكم ♥️ @Xit_mortdadbot

لأن الحسين لا يُنسىٰ وَ قضية حق مُخلدة حتىٰ يومنا هذا نسأل الله أن يرزقنا وإياكم زيارة الحسين وشفاعته.

أبـَريل 25 pinned Deleted message

🙏🏻🙏🏻.

الحَمدُ لله الذي خلق الحُسين.. جابراً لقلوبنا و ملاذاً لنا في كُل شدة♥️.

أبن أول القوم أسلاماً أبي الفضل العباس عليه السلام♥️.