الرياضيات للصف السادس العلمي (د. فاضل الاعرجي)

تحية طيبة، أهنئ الناجحين، وأتمنى التوفيق للمكملين والمؤجلين. المرحلة التالية هي مرحلة التخصص الجامعي. نصيحتي لكم هي دخول المجال الذي ترغبون فيه، مما سيضمن لكم السعادة والنجاح في مجالكم وحياتكم.

نرجو استغلال الفرصة🙏 وسنكون معكم حتى امتحان الدور الثاني💫💯

عاجل | وزارة التربية 🔹 أولاً: قررت وزارة التربية شمول طلبة الثالث المتوسط والسادس الإعدادي غير المؤهلين لأداء امتحانات الدور الثاني بـالدخول الشامل. 🔹 ثانياً: قررت الوزارة شمول تلاميذ السادس الابتدائي وطلبة الثالث المتوسط الراسبين في الدور الأول بنظام الإعادة، بغض النظر عن عدد المواد التي رسبوا فيها، والسماح لهم بأداء امتحانات الدور الثاني للعام الدراسي 2025-2026.

ان شاء الله الكل مجاوبين الاسئلة حلوه مابيها شي خارج عن المألوف شباب انتهى امتحان الرياضيات بعد لا تسولف ولا تفكر بيه الان تركيزك على الكيمياء وان شاء الله تحقيق اعلى المعدلات

طلابنا الأبطال 🌟 باجر بإذن الله الامتحان النهائي، واليوم مو وقت تختبر نفسك بأسئلة صعبة أو امتحانات كاملة؛ لأن هذا الشي ممكن يزيد التوتر، ويخليك تشك بمستواك، ويضيع من وقتك الثمين. الأفضل اليوم تسوي مراجعة هادئة ومنظمة: راجع القوانين والملاحظات المهمة، وركّز على الأخطاء اللي تكررت وياك سابقاً، وحل أمثلة بسيطة حتى تثبّت الأفكار بدون ضغط. لا ترهق نفسك، ولا تسهر هواية. نام بوقت مناسب، وادخل الامتحان وأنت مرتاح وواثق من نفسك. تذكّر: تعبك ما يضيع، والامتحان يحتاج تركيز وهدوء أكثر مما يحتاج توتر وخوف. شدّوا حيلكم أبطالنا، وإن شاء الله النجاح والتفوق من نصيبكم جميعاً 🤍📚✨

#نصائح 🤎 تنبيهات لإمتحان الرياضيات 1- سد اذنك من تقرا السؤال ، وعينك بورقتك، وما عليك بغيرك اذا مسح الدفتر حتى لو كل القاعة تطلع لتهتم✅ 2- السؤال من تقراه اقرا بتمعن وبتركيز والى حد ماتوصل نهاية السؤال لان هواي طلاب ماتكمل قراءة السؤال وتنسى المطلب الاخير. 3- معطيات وأرقام السؤال انقلها بالدفتر بتركيز، ودقق مرتين على اول خطوة بالحل بعدين اكتب باقي الخطوات. 4- كل فرع تكمل جوابة ارجع راجع السؤال والجواب ع السريع واعبر ع الي بعدة. 5- اذا شفت سؤال بي فكرة لاتخترع ارجوك حاول بي شوفه تابع ليا فصل يا موضوع شنو عندي قوانين بهذا الموضوع اكيد واحد منهم ينطبق عليه ،واذا سؤال ربط موضيعين او فصلين فاكيد راح تحتاج تستخدم قانونين وهكذا يعني حاول بي لاتتوتر. 6- الحسابات للنواتج احسبها بظهر ورقة الاسئلة او باخر صفحة من الدفتر الامتحاني ولتنسى من تكمل ارجع امسحها من الدفتر. كل التوفيق الكم يارب🤎

هلا أبطالنا 🌟 إذا حسّيتوا الحل طويل، قسموا الورقة قسمين حتى يكون شكله أرتب وأسهل للمتابعة. ولمن تخلصون، سوّوا مراجعة سريعة على الحل وتأكدوا إنكم ناقلين السؤال والأرقام صح، واقروا السؤال مرة ثانية يمكن أكو نقطة أو طلب صغير يحتاج تنتبهون له. يلا شدّوا حيلكم، لأن الترتيب والمراجعة يساعدونكم تاخذون درجة أحسن ✅📚

صباح الهمّة والتحدّي أبطالنا 🌟 شدّوا حيلكم، وتذكّروا لا تقروا بتوتر وضغط. بعدكم عدكم وقت زين تكدرون تستغلّوه صح. لا تضيعون نفسكم بأسئلة مو وزارية، وخليكم على المنهج اللي درستوه. اقروا ملاحظات كل موضوع، وبعدها حلّوا كم مثال عليه حتى تثبت الفكرة، مو ضروري تحلّون كل الأمثلة حتى يكفيكم الوقت. توكلوا على الله سبحانه، وثقوا أن تعبكم ما يضيع إن شاء الله. أنتم كدّها وأبطال 💪📚

طلابنا الأبطال 🌟 بالنسبة لمراجعة الفصل الثالث، عليه تقريبًا 40 درجة، لذلك ركّزوا زين على أهم المواضيع: 📌 المعدلات 📌 التقريب، وخصوصًا الأشكال الهندسية 📌 الثوابت الحقيقية 📌 التطبيقات 📌 رول والقيمة المتوسطة ملاحظة مهمة: لا تقرون كل الأمثلة بشكل عشوائي. كل موضوع بعد ما تقرون ملاحظاته، نحل عليه مثال أو مثالين بأفكار مختلفة حتى تثبت الفكرة وتعرفون طريقة السؤال. أما الفصل الرابع، فتركيزنا يكون على: 📌 المساحات 📌 الحجوم الدورانية 📌 التطبيقات الفيزيائية 📌 المجاميع العليا والسفلى شدّوا حيلكم أبطالنا، المراجعة الصحيحة مو بكثرة القراءة، وإنما بالتركيز على المهم وفهم الأفكار الأساسية 🤍✨

Channel photo updated

طلابنا السباع دفعة 2026 🌟 📌 الفصل الأول احتمال قوي يجي عليه تقريبًا 30 درجة، لذلك ركّزوا عليه زين، وخصوصًا: - دي موافر - الأوميغا - المعادلة التربيعية 📌 الفصل الثاني هم نفس الحالة، احتمال قوي يجي عليه تقريبًا 30 درجة، وركّزوا على: - إيجاد الثابت - الربط بين القطوع - الانسحاب لا تقرأون بعشوائية، ركّزوا على المهم والمنهجي، وحلّوا على كل موضوع حتى تثبت الفكرة. بالتوفيق أبطالنا، شدّوا حيلكم وإن شاء الله درجاتكم تفرحكم 🌟