رذاذ القصيد️

‏لا صاروا الأموات ضعفين الأحياء ‏تزعل و لا تلقى من يقول لك : إِرض ‏و تعيش عمرك كله تدور أشياء ‏أشياء ما عادت على كوكب الأرض

‏من الموت بغرامك : لم أجد مهرب ‏أسافر من ضفافك و أحضن ضفافك ‏أنا ، و الذكريات ، و حزة المغرب ‏ثلاثتنا نحبك ..... لكن نخافك

‏أحياناً يكون العيد مكالمة !

‏و الليلة اللي ما بها للقمر ضو ‏كنت اتحرّى وجهك يطل فيها !

‏على خبرك ‏تمل الشمس ‏من هذا الفضا و تغيب ‏و أنا ما آمْل ‏و أنتظْرك !

‏جداً حزين ‏مثل إبتسامة " نلتقي " ‏بوجيه ناس مفارقين !

‏تهادت مثل نفحات الخزامى والنفل والشيّح ‏"و راحت كنهـّا ذكرى الربيع اللي يطروّنـه".

‏ترديت فيني جعلني ما تردى فيك ‏والانسان مهما يجتهد نفسه امّاره

‏على الأرض مالك ند يالناعم الحسّاس ‏أنا بس اشوف إن الكواكب هي اندادك

حنّا ندفّ نفوسنا لـ القدا دفّ ‏وش حضرة المقفين نطرد وراها

‏"الطايلة تاكل من الحال والمال ‏محدٍ له العليا تجيه مخطومة" ‏قاعدة اساسية

جعل الصبايا زاهيات الغوايش تفدى هدب عينك اليا من رمشتي لا غاب غيرك مات لو كان عايش وانتي رغم كل الجفى ذاك عشتي

اثقل من همومك ليا رحت ناصيه معروفه اللي تنقله وانت رااااااجع

‏السهر يفقد بريقه " لا فقد سمّاره " ‏والليال تغير المحبوب .. يامحبوبي

‏" به طاولةٍ لابُد ماتجمعنا .. ‏أخشابهـا للحين في الأشْجـار " ‏— عبدالرحمن بن مساعد

‏أنا ادري . . إن ضاقت علي الوسيعة ‏محدٍ موقف لي على ساق " إلا أنت "

ترا الصباح ،،،،،، اللي تغيبين عنه اقرب صباحٍ له صباح الشريفات

‏العمـار محدده . . والـرزق وزع ‏ من بطون الغيد لبطون المقابر

‏ياصاحبي ما للنصايح براهين ‏دامك معي في منزل العز قاطن ‏خذ من جميع الناس ظاهرهم الزين ‏ابرك .. ولا تبحث خفى كل باطن ‏وان شفتني معرض عن الطاري الشين ‏انا على اهل الطيب مانيب اواطن ‏عندي يقولون انخدع فيهم سنين ‏ولا يقولون ان له سنين فاطن !

‏لسلامة راسك قول مدري حتى لو أنت تدري