هَاجـر 💛

واذا تردون تصححون التلاوة مالتكم الها اسمعوا لايمن سويد ، المنشاوي، محمود خليل الحصري او عبد الباسط اسمعوا الترتيل مالتهم راح يتصحح النطق عدكم للاية ♥️

بالمناسبة هواي فضائل عظيمة لهل السورة لا تغفلون عن قرائها ♥️

هيج شخصيات تبين شكد قول الحق اله قوة وان الانسان كون يسوي العليه وميستهان بدوره حتى لو الحجج كلها ظاهره ، فيعني حبيب النجار كال الحق مع انه مو رسول وبوقت وجود ثلاث رسل ! شكد هالشي صعب ويحتاج منه نتعلمه ونعيش بي لان حالياً صار اصعب شي بزمنا قول الحق ! 💌

فقتلوا هالشخص والله عيشه جنة البرزخ ( ورواية اخرى يكولون الله أراه موضعه في الجنة ) " قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ () بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ " فتخيلوا عدم الانانية عند شخصية رسالية مثله ! مكال شعليه اكو رسل وما استهان بقول الحق بوقت فتنة مشتعلة وحتى من قتلوا كال "ياليت قومي يعلمون " يريدهم يذوقون النعيم الي ذاقه ونسبهم اله كال " قومي " مع انهم قتلوه ! ♥️

هذا الشخص اسمه حبيب النجار 💌 من الشخصيات الرائعة الي اشار اليها القران الكريم ، يعني تخيلوا مدينة أجه بيها ثلاث رسل من الله وعندهم اياتهم وبراهينهم والناس ممصدكتهم وتريد تقتلهم بس هو أمن بيهم و وكف بوجه الناس بنص هالفتنة ودافع عن الرسل مع انُ الموقف جداً خطر بس مكال معليه ولا اتخذ موقف الحياد .

فالملك من هاي الحجج أمن ، فهنا الناس انقلبت شلون يصدقهم الملك وكامت الناس تلاحق الرسل تريد تقتلهم . فهنا اجه شخص " وَجَآءَ مِنۡ أَقۡصَا ٱلۡمَدِينَةِ رَجُلٞ يَسۡعَىٰ قَالَ يَٰقَوۡمِ ٱتَّبِعُواْ ٱلۡمُرۡسَلِينَ ٱتَّبِعُواْ مَن لَّا يَسۡـَٔلُكُمۡ أَجۡرٗا وَهُم مُّهۡتَدُونَ وَمَا لِيَ لَآ أَعۡبُدُ ٱلَّذِي فَطَرَنِي وَإِلَيۡهِ تُرۡجَعُونَ ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ " 💌

فعجبت الملك الفكرة وأمر بأن يجيبون الرجلين ، فشمعون سألهم " ما الذي جئتما به ؟ " كالو " جئنا ندعو الى عبادة الله الذي خلق السماوات والارض ويخلُق في الارحام ما يشاء ويصور كيف يشاء " كللهم الهكم اذا جئنا بأعمى يكدر يرد بصره ؟ كالو أن سألناه يفعل ان شاء الله وجابو اعمى ودعو الله ورد بصره .. فكال شمعون هاي اول حجة علينا 💌 فكلهم الهكم يحيي الموتى ؟ كالو أن شاء الله فأخذهم الملك يم قبر شاب مات صارله كم يوم ( يقال ببعض الروايات انه ابن الملك ) المهم صلو الرسل يم قبره وكالو فتحو القبر ولكو الشاب ردت اله روحه وهاي حجة أخرى 💌

فغضب الملك وامر انُ يحبسهم لان يدعون لعبادة اله غير ألهتهم ، فأرسل النبي عيسى الرسول الثالث الي هو شمعون الصفا الي كان رأس الحواريين حتى ينصر الرسولين ، وشمعون حاول يكون من حايشة الملك ويبين عدم معرفته بالرسل وانه يعبد اله الملك .💌 المهم دخل على الملك بيوم وكله سمعت اكو رجلين مسجونين شنو موضوعهم ، كله "هذان الرجلان أتياني يضلاني عن ديني ويدعوني الى اله السموات " . فكاله ليش متسوي وياهم مناظرة فأذا جانو على حق نتبعهم واذا جان الحق النا يدخلون بدينا .♥️

فكلهم عندي أبن من انولد هو عليل ومعاق فدخلوا عليه ودعوا لله فشفى الابن بأذن الله وأمن هذا الرجل بالرسل فالناس من شافوا ابن الرجل هذا يمشي ويا بالسوق استغربوا شلون صار زين وشاع امر الرسل بالقرية لحد ما وصل امرهم للملك .💌

اكو حكمة عظيمة بسورة يس تعالوا نتشاركها 💌 "وَاضْرِبْ لَهُم مَّثَلًا أَصْحَابَ الْقَرْيَةِ إِذْ جَاءَهَا الْمُرْسَلُونَ" هاي القرية يقصد بيها مدينة أنطاكية ارسل الله الهم ثلاث رسل من حواريين عيسى ابن مريم ( عليه السلام) . فأول رسولين ارسلهم الله بطريقهم على اطراف المدينة شافهم رجل وسألهم منو انتوا كالوله نحن رسل الله فطلب منهم يعرف شنو أيتهم وطلب يشوف هاي الاية بما انُ هم من اياتهم يكدرون يشفون المرضى بأذن الله .

جهزوا شي تشربوا وتعالو نتعلم درس قراني سوة 💗

جانت رحلة مليئة بالكيك 🥧♥️

شغلوا الجسم والعقل وراح تشوفون انتقاله رهيبة 💗

فمادام عدنا وقت اليوم فأحنة جداً محظوظين فخلي وقتنا اليوم نستغله بالعمل بحقيقة التوحيد ونراقب نيتنا لكل قول و فعل وهيج راح نلكه يومنا انشغل اكثره . ♥️ مرة اتذكر جنت لازمة التلفون ومضيعة وقت هواي عليه واني متمددة فسمعت شيخ كال المؤمن دائماً مشغول بين الفرائض والسنن والاذكار والبحث بالدين والعمل به ويسعى لحوائج الناس .. حسيتني فد فشلت .

يعني متكدر تكول ربي الله بسهولة وانت بالدنيا ما عامل بالتوحيد الحقيقي وتعلق نجاتك من مشكلة وارزاقك بناس ثانية واخر شي الله ( شغلتي بيد فلان وامري بيد علان ) هذا كله يمسك لسانك عن الجواب !