كُنَّاشة الحكيم للفارما والعلاجيّات

البارحة چنا مجموعة گاعدين ، سألني صديقي طبيب، قائلا: السؤال موجّه لحكيم من رخصتكم، كونه يدرس نفس دراستنا بعيدا عن الأدوية، الأطباء العرب المسلمين شلون أثبتوا الرّوح وبدراستنا ماكو شيء اسمه الرّوح؟! جاوبته، وأوجّه سؤاله الكم: شلون؟

راح تجيك لحظات ما تعرف تتصرّف بيها، ومرّات تحس نفسك استغبيت. مجرّد فكّر بيها بعد ما تنتهي، صحّحها بالمرّة الجاية، ولتعيدها. هنا بس تگدر توصل الخبرة، بالخطأ والضعف.

عزيزي الصيدلاني المختص خلي اشرحلك كلشي الدواء حتى يشتغل لازم يذوب داخل المعدة أو الأمعاء حتى يدخل إلى الدم ADME . بعض الأدوية مثل Valsartan عندها ذوبانية ضعيفة، لذلك الجسم ما يستفيد منها بشكل كامل إلا إذا أخذنا جرع جبيرة مثل 80 أو 160 أو 320 mg. هذا يفسر ليش جرع الـ Valsartan العادي عالية بالارقام فوك . العلماء واجهوا مشكلة أن هواية من الأدوية ضعيفة الذوبان، فابتكروا تقنية اسمها Solid Dispersion. وركزلي هنا هذه التقنية معناها ببساطة: نخلط الدواء مع مواد مساعدة (مواد بوليمرية حاملة مثل HPMC أو PVP)، نذوبهم في مذيب مثل الكحول أو الأسيتون، و نبخر المذيب ويبقى خليط صلب. هذا الخليط يخلي الدواء أكثر ذوبانية، أسرع dissolution ، وأعلى توافر حيوي bioavailability (يعني يدخل الدم بصورة أكبر). بالفيزياء الصيدلانية تعلمنا أن هذا يتحقق عبر تقليل حجم الجزيئات، تحسين قابلية الامتزاز او الامتصاص او التنكيع والبلل ، تحويل الشكل البلوري إلى لا بلوري، Crystalline and amorphous and non-crystalline forms وتقليل التكتل والتكتل اقصد بيه انه العينة تصير مزعجة للاستخدام ومزعجة بالتصنيع دواء Entresto® هو علاج لمرضى فشل القلب، ويحتوي على مادتين فعالتين: Sacubitril و Valsartan. لكن الشركة ما استخدمت Valsartan العادي، وإنما حولته إلى شكل جديد اسمه trisodium sacubitril valsartan وصنعت هذا الشكل بطريقة solid dispersion و Supramolecular complex هذا الشكل اللا بلوري مع الحامل البوليمري والمواد المساعدة يخلي الـ Valsartan يذوب ويمتص أفضل بكثير من الشكل التقليدي. النتيجة أن كل مليغرام من Valsartan داخل Entresto® صار يشتغل بكفاءة أعلى، لذلك ما نحتاج نفس الجرع الجبيرة مثل Valsartan العادي. صارت الجرع بالـ Entresto أصغر رقمياً لكنها تعادل نفس الفعالية العلاجية. مثلاً: • Entresto 49/51 mg (Sacubitril/Valsartan) تعادل Valsartan 80 mg عادي • Entresto 97/103 mg تعادل Valsartan 160 mg عادي. • Entresto 24/26 mg هي جرعة صغيرة للبدء. والأرقام المكتوبة بالكومبنيشن (24/26، 49/51، 97/103) كتبوها حتى يوضحون أن الكبسولة تحتوي على جزئين فعالين، الأول Sacubitril والثاني Valsartan، ومو مادة وحدة. @batpharm☑️ @batbiotic☑️

💊❤️ سؤال للصيادلة… إذا الـ Valsartan موجود بجرع 40، 80، 160، 320 mg، ليش بالـ Entresto اللي هو علاج heart failure صارت الجرعات 24/26، 49/51، 97/103 mg ??? شنو سبب هاي الأرقام الغريبة؟ وليش مو 80 أو 160 أو 320 مثل valsartan الاعتيادي؟ @batpharm @batbiotic

نصيحة اليوم: إذا بالجديد لزمت صيدليّة وبعدك ما تعرف كل أماكن الأدوية بديهيا، لا تگول ما عدنا مباشرة، اسأل؛ يجوز عندك. إذا ما عندك خبرة بقراءة الوصفات، وما عرفت تقرأها، لا تگول ما عدنا؛ اسأل صديقك، انتظر، ابحث، دزها بگروب قراءة الوصفات؛ يجوز عندك. الخجل صفة حلوة، بس مو بالشغل. لأن ما راح تتعلّم. وتذكّر أن اكتشاف الأدوية چان أساسه كلمتين: “Try, Error”

السّكوت يطول.. بس مو عن الحقّ" الظّلم موجود في كل بقاع الأرض بس بالعراق متمركز والفساد منتشر وله أذرع خفيّة تكمّل حلقة الوصل بس من يوصل للتّعليم شتتوقّعون راح يصير براسنا حظ؟ بعض الكليّات الأهليّة إلى أين؟ نعم، إلى أين؟ كلّ واحد بيهم يصطّر إنجازات ونجاحات ودخول تصنيفات وكأنهم أوّل من كتب تاريخ العلم وفي الحقيقة هم سارقين لحقوق طلابها.. كلّ سنة يتخرج ثلاثة أوائل من كلّ جامعة أهليّة وحسب قانون الوزارة ذولة المفروض تحتضنهم الجامعة وتعيّنهم إكرامًا الهم، دعم لجهودهم، فخر بعقولهم بسسس علمود فلان بنته خطية وفلانه ابنها تعب بدراسته خل نحطهم مكانهم ونبخس حقهم ليش؛ لأنّ الواسطة مبرّر للحفاظ على المنصب والمحسوبيّة معيار اليوم لاختيار الكفاءات .. عزائي الكم ،أنتَ وأنتِ اللّي صاعدين باسم بابا وماما وماخذين مكان زملائكم، راح تتوفّقون مثلاً، راح تحسون بلذّة النّجاح الحقيقي؟! الموضوع شائك ومعقّد، وأكبر من كلّ واحد، وهذا جزء صغير فقط لما يحصل، وتذكّروا كلش زين نجاح البلد يبدي من تغيير نفسك والله يبعدنا عن هل الدّرب ويرزقنا نزاهة النّفس بهاي الدّنيا..

متابع ممتاز، صاحب معرفة، صاحب علم، دقيق الملاحظة، مشحوذ الفكر والهمّة، لا ضعف، لا ملل، وغير مسموح الخطأ. عقل تجاري، ابن سوگ، ومرات تحتاج تصير ابن شارع، ابديتنگ مستمر، رسيرچر. حمول، صبور، قنّوع، لطيف، حبّاب، تسلّك إذا انزعجت متحچي، أخلاقياتك تُختَبر يوميا، تتعب جسديا، تنهار نفسيا. ترضي ربّك، أهلك، نفسك، ربّ العمل، والنّاس. ما أعتقد غير مهنة الصيدلة مهنة مطلوب هلگد منها. صعب بنفس واحدة جمعهن.

يريد يجرجر مني سوالف صفحة الانستا بديلة القناة ممكن تتفعل: https://www.instagram.com/ph_hakeem1?igsh=Nmd3ZTU0dHEybmJz&utm_source=qr

أتحمّل اليسوي نفسه فگر وهو عنده، الفقير، واليحچي هوايه، واليعرف، واليناقش بلا فائدة، واليشكك، القذر، ولأسلوبه تعبان إلّا اليهين أهله گدامي لأن اشترالهم علاج واستحسفه بيهم. ما گدرت أطيقه. لا خير في رجل لا يحنو على أهله والمابي خير لأهله ما بي لأحد خير يسعدني أخسره، وميشوفني بعد چهرته.

الصيدلة مهنة ملاهدة يا تقاوم، ونفسيتك تتعب يا تسلّك، وينمحي وجودك

أمور ما أسوّيها لو صنعت محتوى صيدلاني: -تصوير تعاملي مع المراجعين ونشرهم دون علمهم. -ممارساتي داخل الصيدلية. -شرح ميكانزمات واستخدامات الأدوية لعامّة النّاس. -المقارنة بين الشركات. -أنشر دواء مقطوع، وأخلّي ويّاه "مفيش أخبار عن فريدة" -أنشر انتركشنز بين دوائين، وأخلّي ويّاه "ممكن تديني فرصة أفهِّمِك" -محتوى الـpov، وأبيّن أني كيوت، وفرفوش. -أحچي بأسعار الأدوية. -أنصح بشركة. -أحچي بالعربي كاملا، وأشرح شرحي الي بالعربي. ليش؟ بسيطة، وين أقمت نفسي؟ صانع محتوى "صيدلاني" للصيادلة يعني بس، فالمفروض أحترم عقولهم.

إحنا جيل صاعد، بعد چم سنة كل واحد بينا يفتحله صيدلية، ممكن تقدرون المواد العدكم وتعبكم بمكانتكم؟ قلم أنسولين ليش أحمله خمسمية؟ بايع قلم جاف؟ شراء نقل وخزن وادخال سيستم..شرح..متابعة أكسباير، إيجار كهرباء رواتب تواجد.. جباية، وخمسمية؟ لا تأڤر ولا تقلّل بالتحميل، حمّل بما يرضي الله وضميرك. ولتقيسون عالفقير، جاي يحملون ٧٠٪؜ فوگ المواد من أحذية مستلزمات ساعات عطور وأكل ومحد يفك حلگه يگدر، لو بس من توصل للأدوية تصير بيها محسوبيات؟

كورس د.يوسف رائع سعره ١٥ ألف بس، مال وجبة ريزو تعرفوني زين، لأكثر من أربعة سنوات ما مروّج لكورس؛ ببساطة.. لأن ما أعترف بسهولة بأحد، مهما چان اسمه معروف. إنما دبلومة يوسف تستحق، حديثة ومختلفة، خصوصا بعد التعديلات وإضافة أحدث الگايدلانز، مو مجرّد تلقين. …

جاهزين؟

شباب حكيم يحبكم ولا تسألوني شلون

السؤال الرابع

السؤال الثالث

كورس د.يوسف رائع سعره ١٥ ألف بس، مال وجبة ريزو تعرفوني زين، لأكثر من أربعة سنوات ما مروّج لكورس؛ ببساطة.. لأن ما أعترف بسهولة بأحد، مهما چان اسمه معروف. إنما دبلومة يوسف تستحق، حديثة ومختلفة، خصوصا بعد التعديلات وإضافة أحدث الگايدلانز، مو مجرّد تلقين. …

Voice message

كورس د.يوسف رائع سعره ١٥ ألف بس، مال وجبة ريزو تعرفوني زين، لأكثر من أربعة سنوات ما مروّج لكورس؛ ببساطة.. لأن ما أعترف بسهولة بأحد، مهما چان اسمه معروف. إنما دبلومة يوسف تستحق، حديثة ومختلفة، خصوصا بعد التعديلات وإضافة أحدث الگايدلانز، مو مجرّد تلقين. …