عبد الرزاق هامان - ميكانيكا

ممكن آخر بوست انزله على الموضوع لكن ياريت تقروووه كويس كلامي حقيقي والله وليس طبطبه❤️❤️ الرسوب في الشهادة لا يعني أنك فاشل، كما أن نجاح غيرك بالغش لا يعني أنهم سبقوك عند الله. قد تتأخر النتيجة في الدنيا، لكن عدل اللّٰه لا يتأخر. فمن نجح بصدق فهنيئًا له، ومن نجح بالغش فقد حمل شهادة قد تخدعه أمام الناس، لكنها لا تخدع اللّٰه. قال الّٰه تعالى: ( ولا تهنوا ولا تحزنوا وانتم الاعلون ان كنتم مؤمنين) إذا تعبت واجتهدت ثم لم تُوفَّق، فاعلم أن اللّٰه لا يضيع تعبك، وربما صرف عنك أمرًا لتنال خيرًا أكبر في الوقت الذي كتبه لك. أما من وصل إلى النجاح بمعصية، فليس كل نجاحٍ ظاهرٍ بركة، وليس كل تأخر خسّارة.

نجحت لكن مش زي مانبي نجحت لكن في ناس غشت وجابت اكثر مني !! جبت دور تاني ! الحمدلله هدا لي ربي كاتبه وهدا الخير ليك ، والله كلامي مش طبطبه والله كلامي واقعي وحقيقي صديقي فوته التفكير هدا نصيحه علاش؟ انت تعبت واجتهدت وسعيت ومشيت وشفت لربي وحسبت للآخره ، وجبتها بالحلال صح؟ خليكك فخورر لانك مش شخص عادي يلي درته والله العظيم هلبا ناس ما يقدرو يديروه ، انت شخص فريد من نوعك وشخص مفيش منك هلبا ومتحبش تاخد تعب غيرك لذلك خليها على الله❤️ والله العظيم حتكتشف بعد وقت انه يلي درته صح ولو رجع بيك الزمن رح تعاوده وربي حيجبر بخاطرك ورح يوفقك في حياتك وحيوفقك في شيء تاني خير ليك . لذلك خلي الايام توريك انه خطه ربي ليك خير من يلي كنت حاسبه انت بالف مره ونصيحه فووووتت المقاررررنننه وطلب بسيط بالله متضايقش زميلك وتقوله جبت اكثر منك وخيرك مقريتش وخيرك مغشيتش . هدا المكتوب والحمدلله

ياريت تقرا الكلام كلههه والله كتبته بقلب ورب😇 خلي نقولكم على شيء من توا بش متفكرش تفكير زايد ❤️ - سواء جبت النسبة للي تبيها او لا قول الحمدلله ربي يعرف شن الخير ليك واني مجرب الشعور هذا👌 - لقيت حد تعرفه جاب اكتر منك وهوا تعرف انه مش بمجهوده متدورش ومتضايقش نفسك ولا حتى تتكلم عليه يمكن هوا تكون فرحته مؤقته توا والقدام حيبان الصح . انت الوحيد يلي عارف المعاناه يلي مريت بيها ، انت الوحيد يلي كنت برغم من التعب والارهاق وقله النوم ، كنت تقول لا بنستمر وبندير جهدي بش نوصل لهدفي ونفرح نفسي وعيلتي ونخليهم فخورين بيا ، انت الوحيد يلي عارف انه كنت تقرا لما الضي هارب وفي النو ، انت يلي عارف قداش ظهرك وجعك من التقعميز وقداش عيونك تعبو من القرايه وقداش تعبت نفسياً لما يجي امتحان صعب ، لذلك والله العظيم مفيش ولا نسبه تقيمك ولا تعطيك حقك حتى 100% ، لذلك خليك فخور بنفسك مهما كانت النتيجه . وانا والله العظيم فخور بيكم كلكم طلابي ، فخور بكل واحد مهما كانت نسبته لانكم مش طلبه عاديين انتم ابطال تستاهلو تكريم وعندي مفاجئه ليكم بعد النتيجه❤️

تتفكروا أول يوم شهادة؟ كان الواحد يقول: كيف بيمشي العام؟ شكلها سنة طويلة وصعبة، سنة تبي جهد كبير، وياربي كيف بنكمل؟ وكان الخوف والتوتر مالي قلوبكم وعقولكم. لكن الحمد لله… فاتت الأيام، وها نحنا اليوم في آخر يوم، ومزال شويّة وتطلع النتيجة. لكن الأهم من النتيجة: أكيد وصلتوا لحاجات أهم— أكيد طورتوا عقولكم، أكيد قويتوا علاقتكم مع ربّي، أكيد نظرتكم للحياة تغيّرت. أكيد فهمتوا إن الحياة مش واقفة على نتيجة امتحان، وإن الدنيا أكبر من شهادة أو ورقة. أكيد عرفتوا إنكم تقدروا تنجحوا في هلبا أمور، وإنه مهما صار كل شي يمشي وأي فترة صعبة بتعدّي. الصبر هو السر. والحمد لله… فاتت—ونقولو: لو حتى بأقل الأضرار، المهم إنكم كملتوا.

بعد الدعاء هدا معش بتخاف خلاص😇❤️ لو كنت خايف من نتيجة الامتحانات ردد معاي : يا خفي الالطاف نجني مما أخاف، ولا تحملني ما لا طاقة لي بإحتماله يالله. ‎-يارب اشهدك إني سعيت بقدر ما وفقت اليه، وفعلت ما بإمكاني فعله، وإنتهي الامتحان وخرجت بعده مُسلماً الامر اليك متوكلاً عليك، فأجبر خاطري وإجعل نتيجته افضل مما اتوقع. ‎-يارب خرجت من حولي وقوتي، الي حولك وقوتك، فلا حول ولا قوة الا بك، وتبرأت اليك من الاسباب واقررت بأنك رب الاسباب، فأكتُب لي النجاح يا وهاب، وأقسم لي الخير حيث كان ثم أرضني به ‎-اللهم إني أعوذ بك من ساعة السوء وطارق السوء وخبر السوء، وأي نتيجة تحمل لي السوء يا كريم. ‎-ربي أعلم أني من المُفرطين والمقصريين، وأني اضعت الكثير من الوقت والجهد، ولكن أرجو فضلك ورحمتك وأن لا تؤاخذني بما كان مني، وأن تُكرمني بما أنت أهله، ولا تُعاملني بما أنا أهله يا ذا المّن والفضل. ‎-اللهم ما كان مني من تقصير فأجبره، وما كان مني من خطأ فصححه، وما كان مني من توفيق فبارك لي فيه، وحقق لي أمنياتي في النجاح والفلاح، وأجعلني مجبور الخاطر بالنجاح ولا تحزني يارب العالمين. ‎-اللهم إني خائف فأمني، و قلق فطمئني، ومُتعب فأرح قلبي و قر عيني بالنجاح والفلاح والدرجات العلا. ‎-اللهم بيدك الخير كله واليك مرجع الامر كله علانيته وسره، فسخر لي من النجاح والتوفيق ما لا احتسب، وأرزقني سعادة ترضي قلبي وتجبر خاطري. ‎-يا الله اوراقي بين يديك، وحالي لا يُخفي عليك، فهب لي نتيجة تسعدني وتحقق بها احلامي، ولا تجعلني سبباً في حزن قلب أبي وأمي. ‎-أعلم يا الله أنك علي كل شئ قدير، وانه لا يعجزك شئ في الارض ولا في السماء، فقُل لنجاحي كن فيكون، فأمرُك بين الكاف والنون. ‎-يارب ارزقنا فرحاً يُنسينا كل هم وتعب، وأجبر خواطرنا وآمن خوفنا، وأبدل قلقنا بما يُريح قلوبنا ويسعدنا يا الله. ‎-اللهم مع ظهور النتيجة بلغني ما يسُر قلبي، وادفع عني ما يضُره، و يسر لي الامر وأرزقني بما خير. ‎-اللهم اكتب لنا نجاحاً باهراً وفرحاً كبيراً ورضا يُفرح ايامنا. واستغفرو 💙!

الختام💔 والله حنستاحشوكم بجديات فيكم قبول جميل خليكم ديما هكي❤️❤️

بالله يوم النتيجة فكونا من الحركات القديمه والبايخه شويه متع - ترا هات رقم جلوسك خلي نشوفلك نتيجتك - كم جبت سؤال بايخ هلبا ( الشخص لي قدامك كان يبي يقولك كم جاب ره قالك منغير ما تسأله ) - وين الزردة ( الناس يلي تستحق الزردة هيا يلي كانت معاك وسألت عليك حتى مره ) - منغير شماته ولا شيء ( لقيت واحد ناجح افرحله وباركله / لقيت واحد لقدر الله مش ناجح ما تتشمتش فيه وتقوله مفروض غشيت وووو ، اجبر ب خاطره بس ومش نهايه دنيا عادي ) - جهزو الهداياا متعكم وفكونا من صندوق الكيكه والعصير 🙂🙂😂 ( صح الهديه بـ قيمتها المعنويه مش الماديه غر فكونا من الكيكه والعصير ) - فكونا من جو المقارناااتت بالله عليكم موضوع مستفزز ( متقولش خيره هداكا جاب اكثر، وخيره مش زي ولد خالتك ، الاسئلة ساهله خيرك مجاوبتش) ولد خالتك الاسطوره المخلده طبعا افرح بـ اي نتيجة تجي - النقطه الاخيره بنخليكم انتم تكتبوها في التعليقات 😂

درجاتي مش كويسه وغلطت ف هلبا غلطات ونحس مش حنجيب المعدل يلي نبيه بس… بس مافيش حد شاف كيف نجبر في روحي نقرا وانا في اسوء حالاتي . مفيش حد شاف كيف نروح مش مجاوب ونشوف شيتاتي وتعبي راح ع الفاضي ومع هذا نقاوم ونقرا للامتحان لبعده ومفيش حد شاف كيف نقعد ساهر ومش راقد هدا كله باش نكمل . ومفيش حد شاف كم نشرب مق قهوه باش نقعد نايض ونمشي للامتحان مش راقد . لذلك النتيجة مش مقياس لـ تعبي . لكن كل شيء من ربي خير 🤍 وباذن الله حنوصل🤍

كيف حننجح وانا ماحليتش كويس في الامتحان ؟ زي ما انبياء سألو اسئلة كيف هك بالظبط قبلنا.. سيدنا زكريا سأل ربنا كيف حيكون عندي ولد وإمراتي عاقر! والسيده ساره عندما بُشِّرت بإسحاق سألت نفس السؤال كيف نجيب وانا عجوز! والاجابه عن كل الاسئله اللي فاتت كانت اجابه وحده اللي هي " قَالَ گـذَلِكَ قَالَ رَبُّكَ هُوَ عَلَىَّ هَيِّنٌ " ♥️ اي نعم يمكن يكون صعب علينا لكن هو ساهل عند ربي.. لان الله امره بين حرفين الكاف والنون اذا اراد شيئا ان يقول له كُن فيكون ♥️ فلا تحزن مهما يكون ، فمهما بكت العيون اجعل ظنّك بالله جميل يُبدّل حالك بكن فيكون.. ♥️ اللهم صل وسلم على نبينا محمد♥️🫀.

قصه من احد الطلبه : كنت في شهادة ثانوية ، وبعد كل امتحان كنت بحسب درجاتي أول بأول. وفي الاخير، لما جمعت كل اللي حسبته، كنت متأكد إن أقصى مجموع ممكن نجيبه هو %85. زعلت طبعًا، لكن قلت: الحمد الله على كل حال. ولما طلعت النتيجة... اتفاجئت إني جبت %91! وقتها بس فهمت معنى إن حسابات ربي غير حساباتنا، وإن ديما فيه امل لآخر لحظة ( لَعَلَّ اللهَ يُحْدِثُ بَعْدَ ذَلِكَ أَمْرًا ) ❤️

الفيس يمسح في البث بعذ 30 يوم من البث ديما مش انا بنمسحهم

اسمعو تفرجو عليهم البثوث التحفيزيه قبل ما يمتسحووو

عندكم امتحان نوووم غدوا ا

قريتوو كويس لغدوا ولا😓

دفعة 2008 كنا معاكم من اول يوم ، من شروحات من ملخصات من بثوث مباشره وبثوث تحفيزيه وبوستات تحفيزيه ، وامتحانات تجريبيه وفيديوهات شرح وقدمناا كل شيء نقدرو عليه ❤️ ان شاء الله منكونوش قصرنا معاكم وان شاء الله نكونوا خلينا بصمه طيبه نسأل الله ان يفتحها عليكم ياارب توصلو لاعلى المراتب وياررب نشوفكم احسن مني وانتم فعلا احسن مني نصيحه خليك انسان صالح في حياتك لان الدنيا فانيهه معش في عبدالرزاق هامان ومعش في محاضرات ومعش في عاودها يستاذ ومعش في ركزز معاي في السوال هدا المهم كنتم من نعم الطلبه ونعم الناس لي عرفناها موفقين يارب❤️❤️ هي نص ساعه وانزلكم مفاجئه قويه وهديه جميله ليكم

الواحد شاد دموعه بسيف اقسم بالله😢😢😢 والله الفيديو محززنن جداً آخر بث تحفيزي🥲🥲 تكريم لدفعة 2008 ❤️❤️❤️ منورررين يا جماعه والله منورين❤️❤️

البوست الختامي لـ 2008 ياريت تكملوه للاخير💔 الحمدلله الذي وفقني على تأديه الامانه على اكمل الوجه يا دفعة 2008 ❤️ بارك الله فيكم على كلامكم الطيب ودعمكم الجميل والله انا يشهد عليا الله درت كل ما بـ جعبتي والحمدلله الرسائل فرحتني هلبا كان فيها كميه مشاعر غريبه ، دفعة 2008 تعرفنا فيها على ناس طيبه ناس رائعه جداً وحتقعدو ديما في القلب وبتخلو بصمه جميله والله❤️❤️❤️ ان شاء الله يارررب تكونو استفدتو مني سواء في القرايه وحتى برا القرايه كنت ديما نحاول انه ننصحكم ووالله العظيم نبيلكم كل الخير ونبيكم تكونوا خير مني والله وانتم والله خير مني طلابي وخوتي والله اني احبكم في الله وحتقعدو ذكرى جميله جداً شكرا على ثقتكم بيا والله انتم خليتوني نطور ونغير من نفسي هلبا بجديات شكرااا والله العظيم نكتب في الكلام وانا حاليا زعلان لانه معش بنقريكم دفعه 2008 معش في هذا السؤال جي دفعة 2006 وهدا سوال تافه ، وصلو على النبي قبل ما نبدو، وتوزاوي وسميشن اف اكس ، ومعش في عزيزي المحترم ركز معاي بجديات ذكريات جميله شكراااا ليكم ممكن منعرفش نكتب ونعبر لكن والله لي نحس بيه توا نقول فيه❤️❤️❤️❤️ المهم الوداع جميعاً ومنبيش نقولكم لا اشكروني الدفعات الجايه لا شيء والله متقصرو عارفكم ودفعة 2009 جهزوو روحكم ونبيكم زي 2008 وتو نديرو ذكريات انا قاعد ديما معاكم تفضلو اي وقتت❤️