﮼حــمـــد

أجتني وكالت تحبني وخفت منها .. مثل آخر جكارة التاخذ التفكير .. ما ادخنها ؟ ادخنها.. ؟ مشت وبكلبي احس كسرة .. اثاريها مثل عطري تضل فتره .. اكثر شي صعب لمن توادعنه .. أحسج ماتعرفيني ..؟ مكسوره من غير إنسان .. چا المن كسرتيني ؟ أعرفج بعتي عشرتنا ؟ وحزني هواي طول مثل ثورتنا .. عفتيني لحد ما صرت شي ماكو .. الصدمه وكعدت الغرفه .. أنتي اول حرك بالماي مايطفه ..؟

لا تستخف بأنسان لمن يضعف مرات من گد الحزن يتصوف يعرف قبل لا تحجي قلبك شيريد بنفس الوكت ما يعرف شيتصرف واقعي تحسة عيونة تنطيك اسرار و بلحظة تلكة احساسة ما يتوصف مر بتجارب وصلتة لهذا الحال خلتة يشوف اشكال و يعوف اشكال عاش وية ناس أبليس ربو بالبيت و اعتقد حتى ابليس منهم اشرف مرات تلكاه خشمة ميكصة السيف بس من تجي تلكاه بس يتخوف مو ضعف بس مر بمراحل صعبات خلتة يعيش انسان بس مستضعف خلتة يشك بنفسة هوة المذنب بجو لحد مانكسر گلبة الطيب محتار ضل ما يكدر يميز شي خلو يشوف الموت احسن و اصرف و ضلت بعد شغلات ما تتوصف

وكف وكت الزعل وقتي ومشيت انته صعب كلش رحيلك ما تحملتة من ذيج الرسالة وشفت لوني نباك والينباك لونة يموت من علته صعب الكة اليحبني وصعب يمي تعود وصعب كلشي يمرني البعد ماردته اصفر صار وجهي ومرني لون الخوف واول مرة هذا الخوف جربتة بقت بس الصور ماريد اذبها بنار الصور خلتني اعيش الهوسة بالسكته جنت مارايد اتاخر وجي الملكاك بس موقفك موت كلبي من شفتة جفك كاد غيري بساع بيه انطيت وأنا الراسم طريق وزفة باخرتة كلي بيا ذهب مغشوش كلبك طاح وانه الماس كلبي وياك رخصته من شفت الضحك واصل السابع جار مو بس كلبي حتى العشك زعلته

صاير معقد چني راجع من اسر براسي فكرة انتحار وموت حادث واطلع أتمشى بقلق كلش حذر ادري هاي الدنيا متحب النضيف وادري يم الفاهي توكف تستقر جنت احب بنيه ومداريها حيل وهيه راحت يم شخص كلش قذر هيه رادت واحد ينفذ أمور يعني رادت غيري واحد مقتدر وهسه اكتب بالقصايد مدري ليش هيه راحت بعد شيفيد العذر ..

وجع شوكك رجع ينهش بالعظام . ورجع صوتك يجيني شلون ما حيد . هوى صباي بمحبتك صار چن الجام . يكوده الجرح وتجيبه التقاليد . كل ما اريد أحضنك اني باحلام . أفز من الصبح والكاني لوحيد . إذا ما طيف جابك كبل لا نام . كل هاي السوالف ابد متفيد . اسولفلك شكو بروحي من الألم . وانته بكل برود تكلي شو عيد . وبنفس النبره ينعاد الكلام . وبنفس الرجفه ترجع ترجف الايد .

محتاج اسولف وابتسم بالمختصر محتاجلك لو يمي كل هاي البشر انته الوحيد اشتاكلك چا ليش عني تغيرت مو تدري محتاجك لان لا بيه احب غيرك بشر ولا بيه أعيش بدونك بالغالي يحلف كل محب واحلف جنت بعيونك واحد يحب واحد چنه انه وياك . هسه واحد يكره الثاني . وهذيج رسومج الحلوات ماجا اعرف انساهن جنت اشمر الصوره من ايدي من اغتاض . وشمر روحي فوكاها . والحچايه الردتها وياك . انه وكلبي من غيرك سمعناها ..💔

ما اريدك بعد شتسوي ما معذور كافي انحب جبتها وياك وتوسل جنت انه بعزاكم البس حزامين ونته بنص عزانه وجاينه مكحل اجيك وبيه واهس طفل بل عيد وتردني من الوجع مكسور ومهدل زرعتك ورده بيدي وخضرت بستان وخريفك بيه عاش وكلبي ضل يذبل تجازيني بجرح يل بيه عشت سنين وعفتني بلا ضماد وروحي تتعلعل جنت لو ماكو مبرد تحد بيه السيف بركبتي سيوف هجرك كلهه تسلل تبديت عالحضنك ما حسبت حساب يكتل كل غصن من يحضن المنجل نيتي وياك ابيض من شكو شراع ورخيص هواي انته ونيتك تفشل عذرك ما يفيد ضماد عالمكتول الينهي العشره يدري شلون يتحمل ما اسامح بعد لهنانه والله وياك لان ذيل الجلب كل عمره ما يعدل

أنحب على فراكك وادك . وشحصلت من هالعشك . الناس تأكل بالعثك . وأنه اركض على الطايحه . اركض على الطايح واجد . تالي صفر ايدي ترد . بيدي زرعتك ياورد . ولغيري تنطي الريحه . ريحتك فاحت للملا . وتحرمني يا ريم الفلا . شخصك عليه شبدله . مامش صديق الينصحه . محد ينصحك يا بدر . وتغيب نجوم الهجر . سكران بهواك الفكر . مايوم يمدلل صحه . ماصحه فكري بغيبتك . جا هاي تالي امروتك . انطيك جف امحبتك . وانت لعدوي تصافحه . اتصافح عدوي بلا خجل . واتقطع أحبال الأمل . تدري بحبيبك لو زعل . كل البشر متصالحه .

حجت وبنبرة تشبه صوت الاستغفار ! سألتني بوكت ياريت ما سئلت .. شلونك كالت وما سيطرت رخيت ! وبديت اخفي عليها البسمه النرسمت كلتلها هلا .. شمحتاجه وشتردين ؟ كالتلي الفراشة الوردتك ردت ' كلتلها الفرص مرة ووراها تضيع ' وهيه عيونها غوركت وابتسمت ' وبدت تمسح بديها دموعها النزلت ' كلتلها انه بعدج ماعشت مرتاح ' ما متخطي بس الدنيا ما وكفت ' اعتذر من عندج يتانوني عود الكاج ' طالت وكفتي والودام انتبهت '

حنيت لو للهو تسئل على اخباري . اشتاكيتلي اتندمت ..! لو هيج بس للعب تتحارش بناري . امن بعدني انچوي دتشوفني شكد قوي . مرات أبجي بجرح مرات عل طاري . مرات أنطرك ثلج وآنه الشمس خصمي . لك والله أعشكك عشك مو تجري وي دمي . ماشايفك من فتت بالدنيا كبلك صرت. بس چني من فتحت شفتك كبل امي . اي ياثخر همي ..! اتجاوزتك وكملت مجبر جنت مو بطل .! ليش استلذ بالنصر وادري انه مو نشمي .! غصباً عليه عشت من انته مو يمي .! كلت على هجرك حلو وكالولي عفيه وكفو . كدام ناسي صدك انه ربحت الحرب بس خسرت حلمي .! بعدك لياهي انحسب لا موت من فركتك لا عيش من دونك .! لليوم من تنذكر اترس فراشي دمع .! عندك بخت لو هلي فطموني بعيونك .! لك محضوظ روحي تمل من عندي وتصونك

شيصير ..؟ بس لو من يمك ازعل وانته تبقه وتنتضر مني الجواب .. شيصير ..؟ لو اني أعوفك وانته تبقه تدور لوجهي بشكو بالدنيا شاب .. شيصير ..؟ لو رديت الك وجرحت خاطر شبابي وكسرت كلشي تضمد من جروحي يا سواد شيصير ..؟ لو ردينا التقينا وانته تعرف بكلبي حداد شيصير ..؟ لو هم اجرحتني واني أعرفك يا سواد شيصير ..؟ لو ما علقتني جان هسه وليدي يكبر باجتهاد شيصير يا مدري شكلك بس أوصفك بانتقاد شيصير لو نرجع للقاء الأول واني اكلك شو دروح انته دخلتني بغيمه سوده وتيهت دربي بضباب

المن جايني بعديش وكتك فات .. أنا طلسم عشك ما تفتهم معناي .. مو من باب حنيتك ولا مشتاك .. من باب الشماته تريد تسئل جاي .. جاي تشوفني بدونك شنو شسويت .. ذني سوالفك عبرن عليه هواي .. مو ذاك الجسر تعبر عليه الناس .. كاتلني العطش والماي من جواي .. جاي تريد تسمع كلمة انذليت.. لك ما عاش اليذلني وراح أسمعك هاي .. أنا المايخطن إسهامي ولا حن .. ولا أبجي بضهر شامت ولا حن .. اذلك وأكسر اجناحك والى حين .. تجي مدنك تبوس ثنين أديه ..

شكثر حليان بغيابي شكثر تعبان من بعدك واكو شامه شفتها بناس خوانين كلي شجابها بخدك صارحني خنتني هناك لوبعدك ومن فكرت بالرجعه مو شغلة اريد فراك بس فكرت ارد مخنوك العجوز الحيلها تشظا وعمرها جبير تفكر شلون ترجع من تطب للسوك ومدري بياهو كلبه نصاب بشنو غص وشبع دكات ظهر الباب وابد مامنطي ظهري الوجه مو جي زين كعده بنص مضيف من انطي ظهري انعاب ومن حبيته ما حبني ورغم ذاك التعب ويا تعبني هدم محروك اضحي بكلشي ويذبني وكارهني شعجب مو جان كلبه يفور نسه ملكانه عربيات على تنور وكلشي يمرني جان يخوف جدامي عطر شياب صعبه يغير ايامي ومو كلهن كلتله تبوكهن وتروح واحد واحد من تبوكها احلاميج

شيصير لو صدفه التقينا بغير دنيا .. شيصير لو من الله ردتك .. واعثر بدربك واحس من الله .. هاك ؟ شيصير لو طخ جتفي جتفك ؟ ومن كبل لا اعتذرلك تمشي متباوع وراك .. شيصير لو من ردت أشكرك .. بالشكر اتلعثم وعفوا تكول .. وبعد ماعندي جواب .. شيصير لو تسئلني شسمك .. واني اكلك ها صحيح ؟ الجو ضباب .. شيصير لو بينت ضحكتك .. وبصوتك اليضحك تكلي الجو ضباب .. تيهت اسمي شكلك إيدك تضم رسمه الله وكل خليه تضخ مشاعر باضطراب .. شيصير لو رف كتب شدني .. وانته تنصحني بكتاب .. شيصير لو تفتر دنيتي ليمك تغير دربها .. شيصير لو بغداد شارع .. من نافذه سيارة اشوفك .. وانته صافن صفنتك اشتم عطرها ..

شيصير ..؟ لو بـ احد المقاهي انه فايت . وانته طالع وبالجذب يجمعنا باب . شيصير ..؟ لو من شفتك اعثر وأنهض بسرعة . وحماقة وانته تنكثلي التراب . شيصير ..؟ وطاوله تلمنه واشربك كهوه . وانته تقبل وانته متحب إلاقتراب . بحجه الشكرا اصافح وانته هم أيدك تمدها وانته تدري نيتي ابيضّ من شكو بالدنيا شاب شيصير ..؟ لو موضوع أخذنا وتكعد بصفي وتسولف وانته متحب التقارب وأنه احب الاقتراب . شيصير ..؟ لو تسئلني شسمك وأنه اكلك ها ..؟ صحيح الجو ضباب ..؟

تعرفه الشايله ابرمحك يعمي اذا كتلك اريده تنزله يمي ولو بس راس ضال اگدر احاچيه بلكي ايرد علي ويروح همي بلكي انسولف انه وياه بالعيون وكله انكسرن اعليك اختي ومي هذا المامزعل بته فد يوم ومايرتاح اذا ما يحچي بسمي طويل الدرب حد مانوصل الشام انطيني الراس اضمه جوه هدمي هذا حسين ابوي الراسه وياك هذا اليمشي ليهسه ويه دمي اسألك عمي بس لطگني بالسوط جاوبني اعله گدي وشوف حلمي هم عندك ابنيه اتحبك هواي هم عطشانه مثلي ومالگت ماي هم شايف بناتك بين الخيول يركضن عالجمر ترفات حفاي نزل الراس اليه والله ينطيك ونه بنت الحسين الجاي احاجيك بس خليني احلفك بيمن ادريك اذا انته ضميرك مايأذيك ولاتسوه عتب حته اعتب اعليك ودعي من الله ربي ايتعبك هواي وشكو شي صار بينه ايصير هم بيك

صيتك بالكرم عابر له تاريخ !؟ أنته حسين متقيمك دفاتر شوصفك وأنه أدري بوصفك أحتار أنته مقيمك الله ومو الشاعر طفك بيه مواقف عبره ودروس منه يعلم المضلوم ناصر درس عباس منهج درس أجيال منبع للوفاء وصار نادر شمعه الدين ربك دزها خطار چم شموع سحكتها الحوافر راسك من تعله فوك الإرماح ضل راسه الزمن لليوم نازل بلطف أستقام الدين يحسين لو لا الطف بقى الميزان مايل

أم عبدالله الرضيع عبدالله يبني اطمك الكاع بعدك زغير اتعوفني بساع اكعد ييمه انته ابن السباع لحمك ترف ياورك نعناع بعدك زغير وراسك ايطيح ومن العطش ماتكدر اتصيح عالرمح راسك ياخذه الريح انته وهلك كلكم مذابيح ياحرمله ماعندك اطفال شيطت كلبي وكلب العيال اليذبح طفل لا موش رجال انته وجيوشك كلكم انذال

تقلل قيمتي وتستقر ما نصحك ؟ الوحيد انه اليطيح بمشكلة ويضحك ؟ ازغر جرح عندي بعمق نهر النيل ؟ لذالك عفيه كتلك مو مهم جرحك ؟ خلك عين يمك خلها بيك تشوف ؟ هيه العين عين وعيبك يفضحك ؟ اتلح ما تلح الملح باهت صار ؟ شلون تريد احطن مالحه بملحك ؟ احجي براحتك قلل المايسوون ؟ لا تحجي على واحد رجله ما تنحك ؟ راضيني بستر لا تنخى هاذا وذاك ؟ موش انه التجيبه الوادم ايصلحك ؟ مدح بيه الغريب وماشفت نكران ؟ ذات وماكلتلي الوادم تمدحك ؟ المهم انته رخيص وعادي من تروح ؟ تلكالك ابن ادم مثلك يفرحك ؟ جنت وياك انه وهسه لا وياك ؟ ابنار ولا اخلي افراكي اليذبحك ؟ الأفضل ننهي كلشي من آلاف للياء ؟ إذا عندك أشكال اشكالنا بجنحك؟

ضايج مختنك بس زور الحسين وشوف شلون تتغير حياتك من توصل ضريحه اتشوفه ترتاح ويتحققن كلهن امنياتك بس حلفه ابستر زينب وينطيك من كل كلبك ومن كل صفاتك وذا خلصت من زيارة حسين روح الحضرة العباس زوره شكو شي حار يم الكافل ايضيع من كد ماكريم وبي حروره