STUDY WITH HASSAN 📚

يمكن يمكن ( بالاصح اكيد ) ان طلاب مرحلة خامسة راح يشتغلون على بيشنت و احنا نباوع عليهم لان كلنا نفس الجدول و كروبات تقريبا

STUDY WITH HASSAN 📚 pinned a file

ملف يساعدك تدريب على استخدام مراية و يخليك تحفظ علامات تشريحية للسن حقوق : وحده روسية ناشرته بقناتها اسمها ( ليزا )

ماطول كاعد ساكت ما عندك شي و منتظر تدريب الصيفي ليش ما تدرب على استخدام مراية احسلك لان كلش صعبة و تحتاج تدريب

اذا دافع قسط و عندك مشكله بالتفعيل روح على الباج من هذا الوجه و امسح الباركود بالموبايل علمود يتفعل عندك و ادخل على رابط النتائج

STUDY WITH HASSAN 📚 pinned «بخصوص التدريب الصيفي 🌟 : 1- التدريب يبدي بالشهر السابع تقريبا و كلية هيه تنشر عن تدريب و تدريب حصريا للمركز الصحي الحكومي فقط 2- مده التدريب الصيفي شهر كامل و دوام حسب مراكز الصحية يعني اكو مراكز تخليك تداوم يومين فقط و اكو مراكز تداوم بيها كل يوم و…»

بخصوص التدريب الصيفي 🌟 : 1- التدريب يبدي بالشهر السابع تقريبا و كلية هيه تنشر عن تدريب و تدريب حصريا للمركز الصحي الحكومي فقط 2- مده التدريب الصيفي شهر كامل و دوام حسب مراكز الصحية يعني اكو مراكز تخليك تداوم يومين فقط و اكو مراكز تداوم بيها كل يوم و دوام يكون الصبح 3- شلون تقدم عليه : اول شي تروح للكلية تاخذ من عدهم ورقه و تروح لاي مركز تريده و تعنونها بالمركز الصحي تريده و من تكمل التدريب تاخذ الورقه من مركز الصحي و توديها للكلية علمود تسوي انفكاك 4- المراكز الصحية تنقسم قسمين اول واحد المراكز تخليك تشتغل و هذني تكون بيها اعداد الاختصاصيين قليلين اما ثاني واحد هيه مراكز ما تخليك تشتغل و هنا يجي السؤال الحقيقي شلون تعرف المركز يخليك تشتغل من مركز ما يخليك . هاي عليك لازم انت تدور و تبحث و تسال و تشوف 5- شنو تتعلم بالمراكز : طبعا حسب المركزو اذا راح يعلمك هواي شغلات او يخليك بس تباوع بس الاغلب راح يعلموكم شغلات بسيطه مثل تخدير و باحسن الاحوال يخلوك تقلع سن ( على الاغلب ما راح يعلموك شي ) و حتى اكو مراكز يمكن تستغل طلاب و تخليهم مثل مساعدين او حتى يخلوهم ينظفون فديروا بالكم 6- الاجور خاصة بالتدريب الصيفي على الكلية💵 فقط مفروض و شي وحيد تدفعونه هوه 40 الف فلوس معامله للمركز الصحي 7- مواد التدريب لا تشتري لان ما بيهن فايده و ما راح تحتاجهن فجمع فلوسك و خليهن للعيادات لان عيادات كلش غالية و يفضل تشتري غراض تطور مهاراتك مثل بكج مال جراحة او دورات او او او 8- يفضل تروح للمركز و تشوفه بعينك اذا كراسي تشتغل او ادوات موجوده و نظيفة او مركز بشكل عام 9- على الاقل حاول تشتغل حاله وحده فقط بالتدريب و يفضل قلع او حشوات قبل الدوام علمود تروح الخوفه و يفضل يكون واحد من الاهل و دكتور فوك راسك علمود بالدوام تكون مسيطر 10- اما ورشات مستقبل ☮️ : 1. هذني ورشات اختياري 2. كل ورشه ثلاث ايام و حسب سالنا طلاب مراحل اغلب الورشات ما تعلمك شي و اصلا هوه نفس شغلك بالثالثة راح يعيدونه بس بفلوس و تشتغل على منيكان 3. شي وحيد تستفاد منه هوه تكدر تكمل ركواينمت بالعطلة بس تدفع فلوس ورشة 4- من تشتغل بيشنت اخذ سكرين للكيس شيت علمود حقك ما يضيع لان بالدوام يختلفون عليك فدائما اخذ سكرين علمود تحفظ حقك 😞 11- اذا تريد صدك تدرب و تحصل خبره شوفلك عيادة خاصة تدرب بيها راح تحصل ضعف معلومات و خبره تحصلها بالمراكز او بالورشات 🌟 حاول بهاي العطلة تدرب و تشوف يوتيوب و على الاقل تشتغل بيشنت واحد علمود تكون جاهز للعيادات التوفيق للجميع 💞

بالوثيقة: توجيه وزارة التعليم العالي إلى الكليات والجامعات الأهلية بخصوص "التدريب الصيفي" • يُشترط أن يكون تدريب طلبة الكليات والجامعات الأهلية داخل المؤسسات الحكومية حصرياً، ويُعد ذلك شرطاً للتعيين مستقبلاً. • عدم تحصيل أي مبالغ مالية من الطلبة تحت مسمى…

بالوثيقة: توجيه وزارة التعليم العالي إلى الكليات والجامعات الأهلية بخصوص "التدريب الصيفي" • يُشترط أن يكون تدريب طلبة الكليات والجامعات الأهلية داخل المؤسسات الحكومية حصرياً، ويُعد ذلك شرطاً للتعيين مستقبلاً. • عدم تحصيل أي مبالغ مالية من الطلبة تحت مسمى "أجور التدريب الصيفي"، كون هذه الأجور تعد ضمن الأقساط الدراسية المدفوعة. https://t.me/MydoctorA96

الحرب مرتين بدأت وأنتهت وهسة بدأت واحنا بعد ندرس ✓

هذا الموضوع اجه منه كلش هواي بالكوز تعويضي مال اشعة فركزوا عليه و راجعوا

المحاضرات الموشره . حقوق : نهى محمد