Humanitarian and Development Coordination Office - HDCO

အာရက္ခ (ရခိုင်) ပြည်ရှိ အရပ်သားပြည်သူများ တိုက်ခိုက်ခံနေရ ရက်စွဲ_ ၁၂ ဩဂုတ် ၂၀၂၆ ၁၁ ရက်အတွင်း — အရပ်သား ၁၉ ဦး သေဆုံး • ၂၆ ဦး ထိခိုက်ဒဏ်ရာရ HDCO မှ မှတ်တမ်းတင်စုဆောင်းရရှိထားသော အချက်အလက်များအရ ၂၀၂၆ ခုနှစ်၊ ဩဂုတ်လ ပထမ ၁၁ ရက်အတွင်းမှာပင် မြန်မာစစ်တပ်၏ တိုက်ခိုက်မှုများကြောင့်_ သေဆုံးသူစုစုပေါင်း_ (၁၉) ဦး ထိခိုက်ဒဏ်ရာရသူစုစုပေါင်း_(၂၆) ဦး ထိခိုက်ဒဏ်ရာရရှိခဲ့ကာ လူနေအိမ်များ၊ ဘာသာရေးအဆောက်အအုံများနှင့် အခြားအရပ်ဘက်အဆောက်အအုံများလည်း ထိခိုက်ပျက်စီးခဲ့ပါသည်။ မှတ်တမ်းတင်ထားသော ဖြစ်စဉ်များတွင် သံတွဲ၊ အမ်း၊ မြောက်ဦးနှင့် ပလက်ဝဒေသရှိ အရပ်သားများနေထိုင်ရာ နေရာများအပေါ် လေကြောင်းတိုက်ခိုက်မှုများအပြင် ရသေ့တောင်မြို့နယ် နံ့သာကျွန်းတွင် ငါးဖမ်းနေသည့် စစ်ဘေးရှောင်အရပ်သားများအား အရပ်ဖက်ဝတ်စုံဝတ်ထားသော မြန်မာစစ်ကော်မရှင်တပ်သားများနှင့် လက်နက်ကိုင်မူဆလိန်များက သေနတ်ဖြင့်ပစ်ခတ်သည့်ဖြစ်စဉ်လည်းပါဝင်သည်။ မြန်မာစစ်ကော်မရှင်မှ အရပ်သားများအပေါ် ယခုကဲ့သို့ ပစ်မှတ်ထားတိုက်ခိုက်မှုများကြောင့် ထိခိုက်သေဆုံးမှုများ ဆက်တိုက်ဖြစ်ပေါ်နေခြင်းသည် အထူးစိုးရိမ်ဖွယ်ရာ ဖြစ်ပါသည်။ HDCO အနေဖြင့် အရပ်သားပြည်သူများနှင့် အရပ်သားများနေထိုင်ရာ နေရာများအား တိုက်ခိုက်မှုများကို ပြင်းထန်စွာ ကန့်ကွက်ရှုတ်ချပါသည်။ အရပ်သားပြည်သူများသည် စစ်ရေးပစ်မှတ်များ မဟုတ်ပါ။ အရပ်သားများ၏ အသက်အိုးအိမ်စည်းစိမ်၊ လူနေအိမ်များ၊ ဘာသာရေးအဆောက်အအုံများနှင့် အခြားအရပ်ဘက်အဆောက်အအုံများကို အကာအကွယ်ပေးရမည် ဖြစ်ပါသည်။ အာရက္ခပြည်တွင် မြန်မာစစ်တပ်မှ ပစ်မှတ်ထားတိုက်ခိုက်နေမှုများကြောင့် ဆက်လက်မြင့်တက်နေသော အရပ်သားထိခိုက်သေဆုံးမှုများအပေါ် နိုင်ငံတကာအသိုင်းအဝိုင်းအနေဖြင့် အရေးတကြီး အာရုံစိုက်ရန်၊ အရပ်သားများအား ကာကွယ်ရေးအတွက် ကြိုးပမ်းဆောင်ရွက်မှုများကို ပိုမိုအားကောင်းစေရန်နှင့် နိုင်ငံတကာလူသားချင်းစာနာထောက်ထားမှုဥပဒေ ချိုးဖောက်မှုများအတွက် အမှန်တကယ် တာဝန်ခံမှုရှိစေရေး လုပ်ဆောင်ကြရန် HDCO မှ တိုက်တွန်းအပ်ပါသည်။ #ProtectCivilians #Arakan #Rakhine #Myanmar #IHL Civilians Under Attack in Arakan (Rakhine) 12 August 2026 19 CIVILIANS KILLED • 26 INJURED — IN JUST 11 DAYS In just the first 11 days of August 2026, attacks by the Myanmar military have taken a devastating toll on civilians across Arakan. HDCO documented 19 civilians killed and 26 injured, alongside damage and destruction to homes, religious sites and other civilian infrastructure. The documented incidents include repeated airstrikes on civilian-populated areas in Thandwe, Ann, Mrauk-U and Paletwa, as well as a deadly shooting involving displaced civilians in Rathedaung Township, carried out by Myanmar military personnel and armed Muslim individuals dressed in civilian clothing. The scale and frequency of these attacks in such a short period are deeply alarming. HDCO strongly condemns attacks against civilians and civilian areas. Civilians are not military targets. Their lives, homes, religious sites and other civilian infrastructure must be protected. We call on the international community to pay urgent attention to the continuing civilian toll in Arakan, strengthen efforts to protect civilians, and support accountability for violations of international humanitarian law. #ProtectCivilians #Arakan #Rakhine #Myanmar #IHL

သံတွဲမြို့ကို ဖက်ဆစ် အကြမ်းဖက် စစ်ကော်မရှင်တပ်မှ ယနေ့တွင်လည်း ထပ်မံဗုံးကြဲတိုက်ခိုက်၊ ပြည်သူ (၁၀) ဦးအထက်သေဆုံးကာ (၈) ဦး ဒဏ်ရာရ ၂၀၂၆ ခုနှစ်၊ ဩဂုတ်လ (၁၀) ရက် ၂၀၂၆ ခုနှစ်၊ ဩဂုတ်လ (၁၀) ရက်၊ ယနေ့ နေ့လယ် (၁) နာရီအချိန့်မှစတင်၍ အာရက္ခပြည်၊ သံတွဲမြို့နယ်၊ ကျောက်ကြီးကျေးရွာအား ဖက်ဆစ် အကြမ်းဖက် စစ်ကော်မရှင်တပ်မှ ဂျက်ဖိုက်တာ (၁) စီးဖြင့် မိနစ် (၂၀) ခန့်ကြာ လှည့်ပတ်ကာ ပေါင် (၃၀၀) ဟု ယူဆရသည့် ဖျက်အားပြင်းဗုံးသီး (၃) လုံးကို ကြဲချပြီး ထပ်မံ အကြမ်းဖက် တိုက်ခိုက်ခဲ့သည်။ အဆိုပါဗုံးသီးများမှာ ကျောက်ကြီးကျေးရွာ ဓမ္မရောင်ခြည်ဘုန်းကြီးကျောင်း အနီးပတ်ဝန်းကျင်များသို့ ကျရောက်ပေါက်ကွဲခဲ့သောကြောင့် ဒေသခံပြည်သူ (၁၀) ဦးအထက် အစုလိုက်အပြုံလိုက် ထပ်မံသေဆုံးခဲ့ပြီး (၈) ဦး ထိခိုက်ဒဏ်ရာများ ရရှိခဲ့ကြောင်း ကနဦးသတင်းများအရ သိရှိရသည်။ ထို့ပြင် အခြားသော အပြစ်မဲ့အရပ်သားပြည်သူ (၂) ဦးမှာလည်း ပျောက်ဆုံးနေဆဲ ဖြစ်သည်။ ထို့အတူ အဆိုပါလေကြောင်းမှ အကြမ်းဖက်တိုက်ခိုက်ခံရမှုဖြစ်စဉ်အတွင်း ၄င်းပတ်ဝန်းကျင်မှ ဒေသခံ အပြစ်မဲ့ အရပ်သားပြည်သူများ၏ နေအိမ်အဆောက်အအုံ (၂၀) ခန့်မှာလည်း လုံးဝနီးပါး ပျက်စီးဆုံးရှုံးခဲ့သည်။ ၂၀၂၆ ခုနှစ်၊ ဩဂုတ်လ (၃) ရက်နေ့တွင်လည်း သံတွဲမြို့နယ်၊ ငပလီမြို့၊ ဂျိတ္တော (၉) ရပ်ကွက်ရှိ အပြစ်မဲ့ပြည်သူများနေထိုင်ရာ နေရာများကို ဖက်ဆစ် အကြမ်းဖက် စစ်ကော်မရှင်တပ်မှ တိုက်လေယာဉ်အုပ်စုလိုက်ဖြင့် ဗုံးအလုံးရေ (၆၀) နီးပါး ကြဲချတိုက်ခိုက်ခဲ့သေးသည်။ ထို့အပြင် ၂၀၂၆ ခုနှစ်၊ ဇူလိုင်လ (၁၉) ၊ (၂၃) ၊ (၂၄)၊ (၂၇)၊ (၃၁) ရက်နေ့တို့တွင်လည်း သံတွဲမြို့နယ်၊ ကျေးရွာများရှိ အပြစ်မဲ့ပြည်သူများနေထိုင်ရာ နေရာများကို ဖက်ဆစ် အကြမ်းဖက် စစ်ကော်မရှင်တပ်မှ နေ့ရော ညပါ ဂျက်တိုက်လေယာဉ်များဖြင့် အကြိမ်ကြိမ် လာရောက် ဗုံးကြဲတိုက်ခိုက်ခဲ့သောကြောင့် အပြစ်မဲ့အရပ်သားပြည်သူ သေဆုံး၊ ဒဏ်ရာရရှိမှု အများအပြားရှိခဲ့ပြီး လူနေအိမ်နှင့် အဆောက်အအုံ အများအပြား ပျက်စီးဆုံးရှုံးမှုများရှိခဲ့သည်။ ထို့ကြောင့် အာရက္ခ မိဘပြည်သူများအနေဖြင့် ဖက်ဆစ် အကြမ်းဖက် စစ်ကော်မရှင်တပ်၏ လေကြောင်း နှင့် ရေကြောင်း ရန်တို့ကို ယခင်ကထက် ပိုမိုဂရုစိုက်ကြပါရန် ထပ်မံအသိပေး တိုက်တွန်းအပ်ပါသည်။ ယနေ့ နေ့လယ်က သံတွဲမြို့နယ်၊ ကျောက်ကြီးကျေးရွာအား လေကြောင်းတိုက်ခိုက်ခံရမှုတွင် သေဆုံး၊ ထိခိုက်ဒဏ်ရာရမှုစာရင်း အသေးစိတ်ကို ထပ်မံထုတ်ပြန်ပေးသွားပါမည်။ သတင်းနှင့်ပြန်ကြားရေး အာရက္ခတပ်တော်