Histo is fun 🤣💯

كل المراحل ممكن تستفاد من الموقع بعد انتو و ابداعاتكم

السلام عليكم، هواي طلاب نشوفهم يسوون ملخصات أو أسئلة و هواي طلاب يستفادون منهن لكن بعد فترة يبطلون و السبب ؟ لان ياخذ هواي وقت منهم لذلك حاولت إيجاد حل للمشكلة، فسويت موقع يكدر من خلاله الواحد يسوي ملفات بسهولة وهذا الموقع مجاني تمامًا تكدرون تستخدمون هنا من خلال الرابط https://cod-md.github.io/pdfgen و اي مشكلة او اي ميزة تردون اضيفها تكدرون تراسلوني @anemd تصميم الملفات استوحيته من قناة طبكرام جوا موجود فيديو يوضح و ملف سويتة من خلال الموقع كشيء تجريبي

السلام عليكم الوقفة اللي سووها المرحلة الخامسة ما تخصهم فقط انما تشمل كلية طب المستنصرية بكل مراحلها بسبب القرارات الغير مدروسة اللي تثقل كاهل الطلبة و عدم الاصغاء لمطالبهم او الاخذ برأيهم كم مرة نزلو تصويت على جدول و بالاخير اختارو الجدول اللي يعجبهم…

السلام عليكم الوقفة اللي سووها المرحلة الخامسة ما تخصهم فقط انما تشمل كلية طب المستنصرية بكل مراحلها بسبب القرارات الغير مدروسة اللي تثقل كاهل الطلبة و عدم الاصغاء لمطالبهم او الاخذ برأيهم كم مرة نزلو تصويت على جدول و بالاخير اختارو الجدول اللي يعجبهم ؟ كم مرة ما عرفنا صيغة الامتحان الا قبل ايام معدودة من الامتحان ؟ لو نحجي عن تفريق الكروبات اللي ماله اي داعي و صعوبة أو استحالة النقل بينهم ؟ شايفين بناية اليرموك القديمة شلون متهالكة و مابيها ابسط متطلبات التعليم ؟ وغيرها هواي لازم اكبر عدد نشوفه باجر يوم الاحد لانها فرصة متتعوض حتى نوصل صوتنا حتلو احنا ما كنا مرحلة خامسة ترا يجينا الدور و يسوون بينا مثل ما سوو بيهم (اصلا سوو بينا بقرارات اخرى ) و لا تنسون انه الساكت عن الحق شيطان اخرس منا و جوة تكدرون تقرون تفاصيل الوقفة

موقع لحساب المعدل التقريبي من خلال التقديرات يفيدكم كلش مرتب (بس للمستنصرية) https://cod-md.github.io/medscore/

امتحان الهستو الفاينل رح يكون 20 محطة 15 منهن مثل الفصليات identify+ features 5 منهن حتكون عبارة عن لابتوب ينعرض بي فيديو عن من داخل السلايد و ممكن يأشرلك عل structure معين داخله اغلب الملفات منزليهن احنا قاصرة بهذا المجال بسبب انه قبل جانت محطات اللابتوب على ملفات د.عبد الجبار منها الصور لذلك اللي يريد يضبط ال 5 محطات يكدر يشوف هاي القناة بيها تأشرات داخل السلايدات كلش واضحة https://t.me/histologymucom اما بالنسبة لل 15 محطة فقرايتها مثل الفصلي ملفات د.عبد الجبار + ملفات السلايدات سلايدات كورس الاول وية features الملفات و و هاي مال كورس الثاني اختارو اللي يعجبكم الملف الاول الملف الثاني الملف الثالث

شلون نقرا للهستو العملي الفصلي؟ بما انه طبيعة الاسئلة سلايدات المايكروسكوب يجي عليهن identify + features ( اقل شي اعرفولكم 3) لازم نقرا ملفين 1- ملفات د.عبد الجبار و شرح هاي الملفات موجودة بقناة الدكتور Glands 1 & 2 Digestive 1 & 2 Endocrine Renal Male Female 1  & 2 Special senses 2- ملفات السلايدات بنفس الوقت تقراهن مع ملف الدكتور وهي ال features نفسها مال ملف د عبد الجبار طبعا اعتذر لان ما كدرت اسوي ملف بالكورس الثاني لان تمرضت فترة و بعد عفت تصوير السلايدات المهم الطلاب اللي ويانة ما قصرو و اكو عدة ملفات تكدرون تعتمدون عليهن شوفو اللي يعجبكم الملف الاول الملف الثاني الملف الثالث

عيدكم مبارك وكل عام وأنتم  بألف خير 🤍 إن شاء الله ينعاد علينا بالصحة و العافية

طبعا نزلت النتائج و مبروك للناجحين و الراسبين شدو حيلكم بالكورس الثاني تنجحون بإذن الله طبعا دائما احب احجي بشكل منطقي مو عاطفي و بالنسبة للي يشوفون درجاتهم بيها خطأ يعترضون و ان شاء الله تتصحح لكن لفت نظري شغلة مهمة انه الطلاب جاي تشتكي من الدرجات و انه كليتنا اسئلته صعبه و مادتها هواي صح وياكم مادتنة هواي و صعبة لكن مو شي انه نخلي نفسنا بحلقة جحيمية مفرغة و نظل نلوم الكلية و ننسا نفسنا الكلية مو مثالية مو مثالية ما بيها نقاش و بيها نقوصات و اكدر اقترح حلول للصبح برأيي المتواضع هذا الشي مراح يفيدكم بشي شكد ما تحجون شيسوون يجيبولكم اسئلة اسهل بالامتحان الجاي ؟ زين وراكم مراحل اصعب و مادة هم رح تكبر علينا هم راح نظل هيج و هاي نظام الكلية منزمان ؟ و الشي الوحيد الللي يسوي هذا الشي انه انت بفعلك هذا كاعد تسوي حاجز لنفسك عن التقدم (يعني حتلو بيك مجال تتطور بالدراسة مرح تتطور ) و دائما تذكر انه اذا استسلمت فانت لغيت كل الاحتمالات و بقيت فقط الفشل فمراح تنجح اشوف الحل انه واحد يركز على اكثر شي يكدر يشتغل عليه و يطور من نفسه مثلا يركز على طريقة دراسته to be as much as effective و اللي من بداية السنة بديت اكتب عنها بين فترة و فترة لان اعرف نحتاجها خصوصا باختصاصنا ممكن تحصل هاي الرسالة دسلايكات ماعرف لكن هدفي من دخلت هاي القناة انه اكتب كلام يفيدكم حتلو ما عجبكم و بالاخير اني ما اكللكم نسكت عن الظلم لكن ايضا ما ننسا انه ممكن نكون افضل

بما انه الدوام قرب حبيت اذكركم بملف غدير و أضيف كم شي من عندي الان رح اعتبر نفسي احجي وية شخص قرا الملف و اقتنع انه هو المفروض يطلع درجات عالية زين نجي للخطوة الثانية اللي المفروض يسألها هذا الشخص و هي شلون ممكن احصل درجات عالية ؟ خل اجي على الطرق الشائعة…

انصحكم ببرنامج anki انه تتعلمون عليه و هو عبارة عن برنامج flashcards يعتمد على ال spaced repetition و ال active recall 1️⃣ Active recall و هي الاستدعاء النشط يعني اكو فد شي clue رح يخليك تنشط ذاكرتك و تفكر بالسؤال علمود تجاوب و يعني مثل ما من تقرا تعريف مثلا وراها تضم الملزمة و تحاول تقرا بدون ما تباوع 2️⃣ Spaced repetition وهي التكرار المتباعد وهي مبنية على منحنى النسيان يعني انت من تقرا كمية من معلومات اليوم رح تنساها بمرور الوقت لكن حتى نحل هاي المشكلة رح نقطع منحنى النسيان بالدراسة مرة اللخ و كلما التكرار اكثر كلما تكون كمية المعلومات اللي تذكرها اكبر الفكرة ببرنامج anki انه بي خوارزمية (algorithm) تحدد متى هاي التكرار مثلا ال card اذا شفتها و دست again رح يطلعلك بوقت ابكر واذا دست hard شوية اكثر و هكذا.. مثلا دست easy و الوقت المكتوب 4days يعني بعد اربع ايام تفتح التطبيق يرا رح تشوف هاي البطاقة طلعت منجديد و هلمرة رح يكون زر ال easy اذا دسته مثلا 8 days و هكذا يزداد الفترة كلما تضبط البطاقة (يعني متحتاج تكرار اكثر) هاي الطريقتين اشوفها افضل طريقتين للدراسة طبعا حسب الابحاث المنشورة لكن ال encoding اولى و اللي حجيت عنه هنا يعني ما تكدر تعتمد فقط على هاي الطريقتين بالدراسة ممكن بالكورس الثاني اجرب انزل كوزات الهستو مال عملي عليه هاي اسئلة كيمياء mcqs بالبرنامج تكدرون تفتحو و تجربون

⭐كل الملفات حدثتهن 1️⃣ صححت بعض الاخطاء 2️⃣ ضفت ال features (اكو مرات نفس السلايد بيها اشياء ماكو بغيرها فانت اكتب اللي تشوفه من ال features ) علساس الدكتور كايل 2 features انت حشي بي حتى لينقصون (بس المهم شي صحيح اذا ممتاكد من شي لا تكتبه)

الفصل الأول Nervous Microscope Youtube Lab1 Lab2 Circulatory Microscope Youtube Lab1 Lab2 Lymphoid Microscope Youtube Lab1 Lab2 Respiratory Microscope Youtube Lab Skin Microscope Youtube Lab Glands Lab1

Histo is fun 🤣💯 pinned «شلون نقرا للهستو العملي ؟ اول شي لازم نعرف طبيعة الاسئلة حسب التبليغ طبيعة الاسئلة هي سلايدات المايكروسكوب يجي عليهن بس identify + features يعني من عرفت اسم السلايد و كتبتة تكتب features و اللي هي الشغلات اللي خلتك تعرف هذا السلايد هيج اسمه مو غيره …»

شلون نقرا للهستو العملي ؟ اول شي لازم نعرف طبيعة الاسئلة حسب التبليغ طبيعة الاسئلة هي سلايدات المايكروسكوب يجي عليهن بس identify + features يعني من عرفت اسم السلايد و كتبتة تكتب features و اللي هي الشغلات اللي خلتك تعرف هذا السلايد هيج اسمه مو غيره …