ﻋتاب المُحبين.

اغليك ياللي من غيابك تألمت ليتك قبل تروح حزني اخذته.

فمان الله ياحب حداني عنه المقسوم ‏توادعنا ولاظني بعد هاليوم نتواجه.

مرتني الذكرى على هيئه حنين قلطتها حشمه وترحيب وقدر.

من وين لي فرحه وانا قلبي حزين ومن وين لي ضحكة وانا ضايق صدر.

ماعادت اخباري على منت خابر تزاحمت سود الليالي عليّا.

اه يالذة الوصل القليل البخيله ماتقارن بلذات الترف في زماني.

حبيبي لا يهمك شي لو انه حصل تقصير انا اللي لو خسرت الروح روحك ماقدر اخسرها.

هيه ياوقت الحزن علم الوقت السعيد ‏زانت او شانت تراها كلها متساويه .

من خذا العشق فتره راحته وتهليله والله ان يبطي من الوجد قلبه يعاني.

ليله ماتشابه لليالي الجميله يضفي فيها الحزن طابعه ويغشاني.

قالو تسير قلت ما من فضاوه قالوا علامك قلت عيت ظروفي.

كثر نومك البارح يردك من المقيال وأنا لي ثلاث أيام لا مسي ولا قيل .

‏تعال وزاحم ظنون الحنين وعتمة التخمين ‏انا احتاجك طمأنينه تصبّ الضيّ باحداقي.

محتاج له حاجة المخنوق للبكيه اللي مايرتاح صدرهه لين يبكيها.

‌‏أنت أبرك الحزات وأبرك ما لقيت وأنت أبرك الغالين وأبرك من يجي .

‏والله إن قلبي معاك مليان سُرور ومسـره وإنك عمر يوم العُمر مره .

ماني يمين الدرب ولا يساره أنا الدرب كله من أدناه لأقصاه .

ولافيه احد يقدر يخليني اخليك لو يضيع عمري في رجاك العمر ملحوق.

على ماتشتهي خذني معك ياشوقي المعتاد الا ياروح روحي وين ماودك انا راضي.

‏أحبك لو ورى قلبي عذاب وهم وجروح ‏وأحبك لو يكون الحب ذنبٍ ما تركته.