🌙حسینیه 📖(قادر)

بوگون قرخ گوندی زینب سینه داغلار غریب قارداشینه چوللرده اغلار بوگون قرخ گوندی باد ظلم اسوبدی عدو هم باش کسوب هم ال کسوبدی بوگون قرخ گوندی باغ دین صولوبدی او قانلی گوزلره تپراق دولوبدی بوگون قرخ گوندی لیلا دربه دردی رباب اوز اصغرینن بی خبردی بوگون قرخ گوندی سرگرداندی زینب حسیندن ایرلوب نالاندی زینب بوگون قرخ گوندی اعدا کام الوبلار ابولفضلین قولون تندن سالوبلار بوگون قرخ گوندی زهرا ساخلیوب یاس کنار نهریده باشسیزدی عباس بوگون قرخ گوندی قان یرده قالوبدی حسینون باشی اللرده قالوبدی بوگون بیر گوندی گلمیش جان نوایه گلور زینب دوباره کربلایه بو گون بیر گوندی عالم تار اولوبدی باجی قارداشینه زوار اولوبدی گلور زینب الینده قانلی سوغات دیوردور یا حسین گی کوینگون یات گلور زینب وصال عشقی جاندا ولی نازلی رقیه یوخ یاننیندا گلور زینب قوناق شاه حجازه حسین اما دورانمور پیشوازه گلور زینب توکور دامانه قان یاش دیوردور گوزلرون قربانی قارداش گلور زینب ویرا تل اوسته پرچم اسه پرچم دوتا عباسه ماتم #اربعین

زبانحال خانم زینب علیه السلام در قتلگاه *،*،*،*،*،*،*،* یارالار سینونده قارداش گل گلستانه بنذر اغاروب منیمده زلفیم چمن خزانه بنذر *،*،*،*،* نجه شرح ایدوم برادر باشیمون مصیبتوندن که گوروندی بیر نمونه بشرون قیامتندن نچه ساعتون ایچینده غم و جور شدتندن باجووین رشیده قدی اگیلوب کمانه بنذر *،*،*،*،*،* نجه زینبون رضا دور سنی یاندیرا حرارت بیلوسن که سایه بانه یوخ الیمده استطاعت بو مکاندا دود اهیم ایلیور منه حمایت کسر ایستی نون قباقین سنه سایه بانه بنذر *،*،*،*،*،* بو جنازه لر کی باش سیز توکولوبدو ریگزاره نه جلالیلن سالوبلار سنی دوره دن حصاره اولارون باشی جداده دوزولوبدو چون ستاره وسطنده قانلو باشین مه اسمانه بنذر *،*،*،*،*،* سن اوشاقیدون اوپردی اورگون بابام پیمبر بو یره دییردی بیر گون دگه جک یارا مکرر گورورم دگوب کچوب اوخ سورا سانجیلوبدو خنجر بو یارا بابام پیمبر دئدیگی نشانه بنذر یا سیدالشهدا(ع) https://telegram.me/gaderelmi

آلدی قارداش سسینی قتلگهه گَلدی امام گوردی عبّاسی چالیخلور یوخودی حال قیام دیدی جان قارداشیوین قارداش ایشی اولدی تمام اکبری گیتمیشیدی اصغری دوشدی خطره زینبون باشدا قرا معجری دوشدی خطره برج محنتده که اولدوزلاریمون وای گونونه قورخولی چولده آدامسیزلاریمون وای گونونه سایه وه دالدالانان قیزلاریمون وای گونونه صف عشقه دوزولنلر سنه قربان یارالی الی الدن اوزولنلر سنه قربان یارالی مایلم نطقیوه گفتاریوه قارداش دی منه قلبیوین دردینی اظهار ایله قارداش دی منه دمبدم آدیمی تکرار ایله قارداش دی منه چرپنان قلبیمون آرام ایله چرپنماقینی بیلیمون بلکه یادیمدان چخادام سنماقینی من حسینم غم هجرونده یانان قارداشوام نوجوان اوغلی اُلن قدّی کمان قارداشوام یخه سی خیمه ده اللرده قالان قارداشوام گوزیوین قانینی حسرتله سیلن قارداشوام قوجا وقتینده علاجی کَسیلن قارداشوام نه قدر چوللری حیران دولانوم آه چکوم نه قدر اشک ملاله بویانوم آه چکوم نه قدر آتش هجرونده یانوم آه چکوم نه قدر قلبیمی پیکان مصیبتله یانوم نه قدر خیمیه بیر گونده جنازه آپاروم من نجه دشمن ایچینده سنه غم بزمی قوروم من نجه طعنه وورانلار قباقیندا اوتوروم من نجه سن یخلان یرده ایاق اوسته دوروم من نجه ایمدی بو قولسوز بدنین ترکین ایدوم من نجه خیمه سرایه الی بوینومدا گیدوم یاندورار حشره کیمی عالمی درد و محنون شاخه سیز سروه مثلدور کچیلیبدور بدنون قالسون اللرده او ال که الیوی کسدی سنون بِلی سنسون ستمیله بِلیمی سندیرانون گوزی چخسون آتام اوغلی گوزیوه اوخ آتانون

ورودبکربلا-زبانحال امام حسین من کلام منزوی اردبیلی بورا نینوادی زینب، بومکان نواسیز اوْلماز آدی کربلا اوْلان یر، بولورم بلاسیز اوْلماز بوزمین پاکه قانیم وئره‌ر آیری بیر اثرلر سوْرا قانلی تُربَتیمده‌ن گل آرزو در‌للر اؤپوب ال به ال جهاندا، اوْنی تُحفه گؤندرللر اوْلا هر مریضه قسمت، مرضی شفاسیز اوْلماز من اؤزوم خلیل عشقم، بورادور منای عشقیم اوْ فرات زَمزَمیمدیر، بومکان صفای عشقیم بوگل اوزلی اکبر اوْغلوم، اوْلاجاق فدای عشقیم کی خلیل اوْلان مناسیز، بومنا فداسیز اوْلماز بومکاندا سن قوْناقسان، منیم اصلی مسکنیمدیر بولور‌م ندور حدودی، هارا عین مدفنیمدیر باخ اوْ تلّ سند‌ن اؤتری، بوچوخور مکان منیمدیر هارا سالک طریقت، گیده رهنماسیز اوْلماز اوْ فراتی کی گؤرورسن، بیزه گؤرسه‌دیر سیاهه منی سسلییور یتیرسوْن، سؤزونی بوبی‌پناهه کی گلین بیرآزسویومدان، آپارون اوخیمه‌گاهه دوْلانار مباح اوْلان سو، ستم وْجفاسیز اوْلماز اوجالوب سسی فراتین، ولی چوخلی باکنایه سویونی تعارف ایستیر، ائده سود امربالایه کی گل ایچ نقدر ایچیرسن، سوْرا ائیلمه گلایه قدغن اوْلاندا گلسن، بوْغازون یاراسیز اوْلماز باجی من کی شش جهات وْدوجهانه پادشاهم گر‌ک آلتی گوشه بیر قبر، ائده‌لر منه فراهم اوره‌گیم چوْخ ایستیر اوْردا یاتاق اکبریله باهم ائله بیرمزاریم اوْلسا، بئله مه لقاسیز اوْلماز باجی مند‌ن اؤتری شمره سن اوجاتما دست حاجت منی خنجرآلتدا گؤرسوْن، اوْنا ائیله‌مه سماجت دم خنجره ال آتما، الون ائیلمه جراحت ائله نطفه‌ی زنانین الی چون خطاسیز اوْلماز #منزوی

ورود به کربلا مرحوم رحیم منزوی اردبیلی بو بلا چولی حسینه ابدی وطندی زینب آغاران ساچین بو چولده، منیچون کفندی زینب منیچون خبر وئریبدیر بو یِری بابام پیمبر دئییب آدلارین باشیمدا اولاجاق نئچه دلاور آنادان اولان گونومده منه آغلاییب او سرور بویوروب هایاندی قبریم، کفنیم ند‌ندی زینب بو چوله بابام علی‌نین او زمان دوشوب گُذاری گوتوروبدی توپراقیندان، ائدیب اشکِ چشمی جاری بویوروب حسین قانیلا، اولو بو یِر آبیاری اودی مو به مو قضیّه، منیچون عَیاَندی زینب ائله کی سو واردی قانیم اُولی کیمیا بو تُربت کَفنینده کیم گتیرسه، اونو قبره وقتِ رحلت مَلَکِ عذاب گورسه، قِییدیب گئد‌ر خجالت یوزی آغدی کیم بو عشقین، اولا پایبندی زینب چاغیراندا اکبریملَن منی بو منای اعظم باخیب آغلادی دالیمجا، باجی چشمِ آبِ زمزم دئدی گِتمه بی وفادن یوزی قاره نهرِ علقم ولی نیلییم بو امرِ حقِ ذوالمنندی زینب بورا کعبۀ ولادیر، واریدیر گوزل رَویه نه نمازِ دست بسته، نه دعای با تقیه بو چوخور یِره نظرگاه، اُولی تلِّ زینبیه باخان عرض ائد‌ر خدایا، نِجه شیرزن دی زینب کیمه قبرون اولسا گیزلین، ائد‌جک یقین سراغین سنی آختاران گر‌کدیر، ئوپه کربلا رواقین آلاجاق گولون اوز عطرین، اگر اییلَسه بوداغین بیلَجک سنینده روحون منه هموطن ‌دی زینب منی کیم زیارت اِئتسه، تاپاجاق رهِ اصولی ائله بیل ائدیب زیارت نِچه یول بابام رسولی وئره کیم قسم سنینده آدیوا آنام بتولی تاپاجاق شفا آدونلا، دلِ دردمندی زینب دئییسَن بابام ووراردی اوجا یِرده خیمه‌گاهی اونا بنزَ‌مَز حسینین پوزولا، جلال و جاهی نِیلسین او شه کی یَتمیش ایکی فرد دیر سپاهی هله بو آز عِدَّ‌نینده بیری سود اَمَندی زینب سنه ای بتولِ ثانی نه زماندی نوکرم من نَقَدَ‌ر اوجالسا شأنیم گینه « منزوی » ‌ترم من اولا کربلا نصیبیم رفقانی سَسلَرَ‌م من دییرم بو تلّین اوستون الی باشدا اَندی زینب #منزوی

سس گلوب قانلی عبادن او زمان ال ساخلا بیبیمه رحم ائله ای هرزه روان ال ساخلا قوناقی وار بابامون گئتمه دایان ال ساخلا یادووه مکه نی سال بیرده کی نفسون عملین ننه نون گوز قاباقیندا بالانون کسمه الین او قدر غالبیدی نفسینه عشق زر و سیم بی حیا ساخلامادی مقتل سلطانه حریم بی وضو داخل اولوب کعبیه ابلیس رجیم گوردی قرآن داغیلوب مقتله شیرازه سی یوخ او قدر داش وورولوب جسمینه اندازه سی یوخ قول وئرمیشدی گلوب جانینی قربان ائلیه اللریندن ئوپه بیر خدمت شایان ائلیه مکه ده ایلدیگی لطفینی جبران ائلیه چوخ یامان گونده گلوب لطفینی جبران ایلدی اللرین کسدی شهون قانینه غلطان ایلدی ائله کی خاتمه تاپدی او غم افزا عملی حضرتین گوردی اسور تپراقین اوستونده الی رمزی بیر سوز اونا آندیردی حسین بن علی یعنی غارت ائلیوب کوفه لیلر پیکریمی گور نیازون اگر اولسا آپار انگشتریمی ** حاج حسین غفاری اردبیلی

معجزه امام حسین (ع) در مکه و گریز به شام غریبان معجزه امام حسین (ع) در مکه و گریز به شام غریبان حافظ دین خدا منجی قرآندی حسین پاسدار شرف مکتب عرفاندی حسین آی علاجی کسیلن دردووه درماندی حسین هرکسین سایه ی غم سیخسا یارالی ئورگین گئتمسین آیری یئره دوتسون حسینون اتگین مهرباندی بئله فکر ائتمه مدارا ایلمز فاطمه اوغلیدی سرگشته ی صحرا ایلمز ال دوتار سائله اما اونی رسوا ایلمز قره کوینک لره ارباب دل آرادی حسین ساربانی الی بوش قویمیان آقادی حسین شاهدیم واردی بو عنوانیمه ای اهل عزا یثربی ترک ائلیوب طبق روایت گویا مکّیه گئتدی بیر ایل حضرت شاه شهدا یعنی هجرانی حَرَم قلبینه داغلار قویدی دالیسیجاق باجیسی زینبی آغلار قویدی ازدحامیدی او ایل کثرت حاجیلردن مؤمن و مؤمنه لر گلمیشیدی هر یئردن مکه دولمیشدی او ایل امت پیغمبردن قوشولوب مردم معمولیه شاه و ملکه لَکَ لبیک صداسی اوجالوردی فلکه از قضا بیر بَدَوی وحشی عرب ضمن طواف حرمِ امنِ خداده ایلدی هتک عفاف بیر خانم عورتین حقّینده ایدوبدور اجحاف گوستروب آینه تک نفسینون عکس العملین الین آتدی او حیالی خانمون دوتدی الین بَدَوینون گتیروب عرشه تکان بد عملی برق تک نازل اولوب خشم خدای ازلی یاپیشوبدور الینه گوردی همان عورت الی آیورا بیلمدی هر نه ایلدی سعی و تلاش مکه شهرینده اولوب معجزه حاجیلره فاش وئردیلر وضع اسفناکی اطبایه خبر یغیشوب بیر یئره شورا ایلدی اهل نظر حاصل مجلسی حاجیلره فاش ایلدیلر دئدیلر یوخدی گمان باد موافق اسیله بولارین اللری لازمدی بیلکدن کسیله ائله کی خاتمیه چاتدی اطبا سخنی اعتراض ایلدی بیر مرد شریف مدنی دیدی دوزدور بو عرب سهو ائلیوبدور علنی باخسا الله ولی بو حالت شرمنده سینه من بیلن اولسا اگر رحم ائلیر بنده سینه ایستسوز چاروزی استاد مسیحانی تاپون تشنه لبلر کیمی دریای خروشانی تاپون آختارون بند دل حضرت زهرانی تاپون مکّه زاد اوغلی سالوبدی ئوز ائوین یاده گلوب گورمیشم مکّیه ریحانه ی زهراده گلوب الغرض فاطمه نون اوغلی خبردار اولدی او گرفتارلری گورمگه ناچار اولدی کرمی جوشه گلوب مایل دیدار اولدی مکه ده آیری زیارت اولارا اولدی نصیب گوردیلر پای برهنه باش آچیق گلدی طبیب باخدی بیچاره لرون رنگینه سلطان وحید باغلانوب گوردی او مرد عربه راه امید گورسنور آغلاماقیندان کی پشیماندی شدید اگلشون یئرده دیدی حقه توکل ائلیون من دعا ایلیورم سیزده توسل ائلیون رو به قبله دایانوب فخر منا و عرفه دوزدی گوز یاشینی مژگانلارینون اوسته صفه دیدی وئرّم اوّل سنی شاه نجفه التماس ایلمورم جنت الاعلایه گوره منی سیندیرما ننه م حضرت زهرایه گوره میهمانه بویوروبسان کی گرک حرمت اولا رحم ایله ئوز قوناقوندی بو گرفتار بلا گوز تیکوبدی الووه سائلی بوش سالما یولا آند وئرّم سنی ئوز رحمووه امداد ایله بولارین آچ قنادین قوش کیمی آزاد ایله حضرتین گوز یاشی عرش اهلینه چوخ گلدی گران معجرین آچدی خانم فاطمه بانوی جنان دیدی آغلاتما حسینی آی حسینی یارادان طاقتیم یوخدی توکه گوز یاشی رخساره بالام قویما بیگانه ایچینده قالا آواره بالام ناگهان جوشه گلوب رحمت حیّ ازلی قویدی آلنین ائله کی تپراقا زهرا گوزلی او گرفتارلرین گوردیلر آیریلدی الی حاجیلر باخدی حسینون توکولن گوز یاشینا کعبه مثلی هره بیر دفعه دولاندی باشینا یخیلوب مقدم سلطانه او مرد بَدَوی گوزینون یاشی یوزینده ائلدی پیشروی دیدی ای فاطمه ریحانه سی سبط نبوی دئمورم قوی او کرامتلی دوداقوندن ئوپوم ویر اجازه دیورم مین یول ایاقوندن ئوپوم حیف اولا بوشدی الیم کیسه ی سیم و زردن ساربانم تاپورام رزقیمی صحرالردن ایستمزلر آقالار گر چه عوض نوکردن گوزلریم کور اولا گر لطفووی گوزدن ایتورم کاش بیر گون گله منده الووه ال یتورم آرزو ایلیورم ای حرمون سالاری کاش جبران ائلینده بو گوزل ایثاری حرموندن اولا بیر شاهد شیرین کاری اولا فرصت سنه بیر خدمت شایان ائلیم بالالارون باخا من لطفووی جبران ائلیم آغلاماق وقتیدی همت ایله ای اهل عزا مطلبیم قلبووی یاندیرسا ایله حقین ادا گون او گون اولدی دوشوب مقتله شاه شهدا گون باتوب دشت و بیابانه دوشوب سایه ی غم وئردیلر باش باشا بیر خیمه ده نسوان حرم شهدا قانلارینون عطری دولوب صحرایه یئل اسور اکبرین عطرین آپارور لیلایه آغلاشور گویده کی قوشلار یارالی سقایه زینبین قلبینی نیزاره اسن یل یارالار آغلاماقدان یورولوب یوخلادی جیران بالالار شهدانون باشینا حضرت زهرا دولانور اوغلی اللرده ئولوب باشینه حورا دولانور باشینه قاره سالوب چوللری تنها دولانور سو کنارینده ابوالفضله غمی ایلر اثر جسمی میدانیده قوللاری نیستاندا اَسر بیر قرالتی گورونور پنجه لری اوسته گئدور مال دنیایه اولوب واله و دلبسته گئدور گه قاچور قدّی خمیده گهی آهسته گئدور بند زر عشقی دوشوب باشینه میدانی گزور الینه خنجر آلوب شاه شهیدانی گزور

شام غریبان امام حسین (ع) زبانحال حضرت زهرا (س) در تنور خولی فاطمه گلوب عزایه آچ گوزون اویان حسینیم یوز گوزونده واردی گورّم لخته لخته قان حسینیم باشوین دالیجا زهرا گلدی کوفیه عزایه باشوین یاراسی چوخدی گللم آهله نوایه غم یاغبدی نینوایه اول زمین کربلایه یرلریله گویلر آغلار دشمن ایتدیگی جفایه کوللر اوسته یاتما اوغلوم سسلیرم اویان حسینیم دیدیوه گلیبدی زهرا ناز ایدیب کول اوسته یاتما گل دیله دانش منیله گوز یاشیمی قانه قاتما قیزلارین ملر قالیبلار قیزلاریوی گوزدن آتما انجم سِپهر عصمت ماهی آختاریلّا باتما آی کیمی جمال پاکی کوللره باتان حسینیم میهمان گلیبدی زهرا آچ گوزون یاماندی حالی سالدیلار سنی بو حاله اولموشام باشی قرالی ئولدوربله اکبر اوغلون سن عزالی من عزالی میزبان کول اوسته سالدی بستریوی ای یارالی هانسی میهمانه قاتل اولدی میزبان حسینیم دیزلریمین ای قواسی گوزلریمین ای ضیاسی قلبیمی گتیردی درده باشیوین اوغول یاراسی چوخ چتین تاپا اطبّا یوخدی یاره وین دواسی یومّا گوزلرین عزیزیم ای آنان گوزون فداسی حالیوه بهشتین اهلی ایلیر فغان حسینیم سالمسان بتولی اوغلوم چوللره قرا باشندا آغلیار مصیبتینده واردی قانی گوز یاشندا تشنه جان ویروب قوم اوسته اکبرینده قارداشندا بیر قیزون دییر بابام وای کربلاده دورت یاشندا زینبه اولوبدی دردی هر ندن گران حسینیم من سنون آناوام اوغلوم بیر دانش بو مادریله قدّیمی بوکوب فراقون مونسم بو غملریله باشوین دالیجا گلدیم مریمیله هاجریله پیکرین قالوب قوم اوسته کربلاده اکبریله قاسمیله قانه باتمیش اکبر جوان حسینیم ال باشندا من گزیردیم کربلا چولنده حیران گول جنازه لر داغلمیش صفحه صفحه مثل قرآن گول کیمی بدنلر اولموش ایستی قوملار اوسته خندان عطری گوللرین او دشتی ایلیوب حسین گلستان غنچه لقدا بیر گول اما تئز اولوب خزان حسینیم اصغرین آناسی آغلار باشدا وار اوغول قراسی گوینَدَر آناسین اوغلوم اوغلووین بوغاز یاراسی آلتی آی آنا گزیبدی سینه ده گوزل بالاسی اصغریندن آیری دوشموش یوخ ربابیچون صفاسی گر بهشت باصفایه ، دونسه بوجهان حسینیم مقتلین گزیردیم اوغلوم بو باشمدا قاره معجر نهرین اوسته دوشدی راهیم اولدی حالتیم مکدّر کاش او حالدا گورمییدی قارداشون بو غملی مادر پر آچوب وجودی اوخدان سربسر یارادی پیکر زخملرده توأم اولموش تپراقیله قان حسینیم دوغرانوب وجودی یکسر آیرلوب بدندن اللر باش جدا اولوبدی تندن گورمسین او حالی گوزلر تشنه جان ویریبدی سقّا تشنه ذبح اولوبدی حنجر بیلسه اوغلونون بو حالین بیلمیرم آناسی نیلر سسلنر او حاله قربان کاش اولا آنان حسینیم جمله ارتش وفانین افسر رشیدی عبّاس سرور سپاه اسلام قیزلارین امیدی عبّاس بیر یامان حالا دوشوبدی کربلا شهیدی عبّاس عضوی عضودن آرالی چولده پرپریدی عبّاس اوردا اولماسا آنا ، یوخ یاره باغلیان حسینیم دردیمین دواسینی ویر گلمیشم دوایه عبّاس سن بالان جانی ابوالفضل باخگیلان گدایه عبّاس ایسته ثامن الائمه هیأتین عزایه عبّاس (( رضویده )) هیأتیله گلسه کربلایه عبّاس دردینی سنون حضورَن ایلیر بیان حسینیم ** محمدرضا بیگی رضوی زنجانی

🏴🚩🚩🚩🚩🚩🚩🚩🚩🚩🚩🚩🚩🏴 ‍ گل یا حسین که جنت و رضوان سنونکیدور  الان جوار رحمت منان سنونکیدور ای نفس مطمئنه که مرزوق عند رب  سنسن که صدر محفل یاران سنونکیدور   الله یولیندا قان ویرن الله یانندادور  قرب جلال حضرت جانان سنونکیدور   مندن جدادی کیم سنی مندن جدا گوره  چون سر جان منیمدی سر و جان سنونکیدور ذکر خفی دئ اینجیمسون تشنه لبلرون  ذکر جلی ثوابیده الان سنونکیدور   ربیم دیوب دوداقلاریوی ورما بیر بیره  اسماده هر بیری اولا آسان سنونکیدور منان دیمه تلفظی مشکلدی لبلره  یا حافظیله ناصر و حنان سنونکیدور اینجور سنان وران یارا قالخزما عرشه باش دوندر بو عرشی فرشه که هر آن سنونکیدور سن باخما عرشه من باخورام فرش ده سنه قان ایچره بو شمایل لرزان سنونکیدور ارنی دیینلره ئوزوی یاخشی ویر نشان موسی یخان او پرتو تابان سنونکیدور   قاتل النده خنجره باخ گور جمالوی  ارنی دیمه که صورت خوبان سنونکیدور ارنی دیمز جمال خدا ئوز جمالنه  وجه اللهی که پرده چکوب قان سنونکیدور ویر هر کیمه ویرورسن ئوزون قول جنتی  حکم ایله اهل محشره دیوان سنونکیدور سئچ بیر بیر آغلیانلاری گوندر بهشته سن دیوان معدلت گونی فرمان سنونکیدور بیر قطره آغلیان سنه مهماندی حشریده  مهمان سنوندی سفره احسان سنونکیدور هر کیم قاچوب باشوندان ئولنلر اولاردیلار  سن زنده سن تمام شهیدان سنونکیدور سن بیر اشاره مه که بو گون کچدون هر نه دن من نیلیوم دیسونله که رجحان سنونکیدور؟ منده گرک قویام باشیوا تاج قدرتی  عالم گوره که قدرت یزدان سنونکیدور زهرانی یولادیم آلا آغوشینه سنی درد اهلینون گوزینده کی درمان سنونکیدور زهرایه خوش صفا ایله چوخ دوشمه سجدیه  دیندیر گیلیلی گیتمیه مهمان سنونکیدور زهرا آنون باخاندا یوزون قویما تپراقا  چک زلفوه دینن آنا بو قان سنونکیدور قوی باغلاسون آنون ئوز الیلن او گوزلری  نه شمری گور نه زینبی هجران سنونکیدور گر بو یولون مسافری سن باخما خیمیه فکر ایتمه هئچ او غم زده طفلان سنونکیدور حفظ ایلرم بو قورخلی اهل و عیالوی  هر یرده فضل و رحمت رحمان سنونکیدور بیرده قزون رقییه سینونده ویرمه یر  آندیر اونی که منزل ویران سنونکیدور خوشدور اوغول آتانون اولا قز آناسنون بو قز ربابون اصغر عطشان سنونکیدور زینبله سن السته بولوشدوز مصائبی  ویرانه زینبون بو بیابان سنونکیدور   من زینبی ئوزوم سنیلن شرکت ایلدیم فخر ایله بو عقیله دوران سنونکیدور   زینب کیمی یاراتمامشام مهربان باجی خوش حالوه که زینب نالان سنونکیدور عباسون اولمیان گجه نین فکرین ایتمشم  نصفی یانان چادردا نگهبان سنونکیدور تجلیل خاصیلن دوتارام بزم تعزیون  نوحه دیین او نوح خوش الحان سنونکیدور حورانی قاره پوش ایلیوب یاسه یوللارام  خوار اولمیا که شام غريبان سنونکیدور الان منیم یانیمدا سنون وار چوخ ارزشون  اجر و ثواب و فیض فراوان سنونکیدور چون گوردی انبیاء هامی بو عهد نامه ده  امضایه شور و شوق فراوان سنونکیدور ویردون ال اوسته صود امرون اوخ قباقینه  دنیانی یاندران قوزی قربان سنونکیدور قرآنه قانون علت مبقیه دور حسین  سندن محال آیریلا قرآن سنونکیدور   قلبوندن اوخ چک آخ دیمه قانین دوت اوجوا  پیمانه نی بوشات که بو پیمان سنونکیدور پیکان دگل چوخ اینجیمه بو پیک یاریدور  پیوند عشقه ناوک پران سنونکیدور من ایستورم خلوصوه باخسون فرشته لر  مصداق انی اعلمه عنوان سنونکیدور رد ایتمرم یانقلی اورکلر دعا سینی  ایله دعا که سینه سوزان سنونکیدور   سعی ایله باری وقت دعا فوته گیتمسین  هر نه دیسون سوز ایندی کماکان سنونکیدور بو دورد آغاجدا سعی ایله هر گل اکورسن اک  هر نه گویرسه سرو و گلستان سنونکیدور توفیق ایسته  (منزوی) سن بعضی شاعره  بیلسون اوزون یازاندا بو دیوان سنونکیدور https://t.me/hoseyniyeg

ای شرافت گویونه مهر قمر طلعت حسین سنه قربان اولوم ای شاه قدرقدرت حسین سائیله لطف ائلیین، ای قاپوسی باب امید منه احسان ائه ای احسانی بی منت حسین منه ده ائیله نظر قویما فراقینده یانیم یاز اوزون کرب و بلایه بو گئجه دعوت حسین بحر غم دن چکرم ساحله بو خسته جانی اولسا بیرده او گوزل قبرین اگر قسمت حسین نوکرم من سنه هر قدر که واردی نفسیم درگهونده ایکی عالمده ده وار عزت حسین شاهلارا فخر ائده رم چون که سنین نوکریوم اورگدیب سن بیزه دنیا بویی حریت حسین نیلروک جنتی سنسیز سنه وابسته دی جان عشق پاکین دی سنین عاشیقوه جنت حسین عالمین عزتی سن سن بو جهانین گوزلی حق وئریب زایریوه، عاشیقوه ، قیمت حسین اولسا عمریم نقدر ساخلا منی بو قاپودا ائیلییم شوقیله تا درگهیوه خدمت حسین جان وئرنده نه اولار باشیمن اوسته گله سن درد و غمدن او چتین لحظه اولام راحت حسین https://t.me/hoseyniyeg

هفتم شهدای کربلا یدّی گوندور گزورم چوللری آواره حسین قولی باغلی گئدورم کوچه و بازاره حسین یدّی گوندور که باشون نِی ده تجلا ائلیور گاه قرآن اوخیوب، دشمنی رسوا ائلیور یدّی گوندور سنه من نوحه دیوب آغلیورام یدّی گوندور بو یانان سینه می من داغلیورام یدّی گوندور آتاسیز قیزلاریوون رهبریم غملرین جانه آلوب، درد و غمه مشتریم یدّی گوندور بویووا حسرتم ای روح و روان آغلیا بیلمه میشم قیزلارا خاطر اوجادان یدّی گوندور که گونوز زینبه قارداش گجه دی سویله زینب سنه قربان یارالارون نجه دی یدّی گوندور که شماتت اوخی بو قلبی دلیب غم الیندن نجه گور غملی باجون جانه گلیب یدّی گوندور که منیم یار و هواداریم ئولوب قاسم و اکبر و غیرتلی علمداریم ئولوب یدّی گوندورسنه چوللرده عزا ساخلامیشام اوخیوب نوحه رقیه، من اؤرک داغلامیشام دئمورم تیر مصیبتله دلی بولمه میشم قیزلاروندان نگران اولما حسین ئولمه میشم یدّی گونده نقدر قمچی دگوب قیزلارووا یانه قدری ویریلوب داش آدامسیزلارووا هامیسین اوّل ئوزوم نوش ائلیوب جان دئمیشم یورولان جانیمی قیزلارووه قربان دئمیشم یدّی گونلوک غمیمی حشره کیمی یازسالا گر قوتارار واژه، یانار لوح، قلم جانه گلر یازدی "ناعم" بو غمی، زینت دفتر ائلدی یدی گوندن صورا، عاشورغمین، تازه لدی

🌹السلام علیک یا اباعبدالله(ع)🌹 _________ سلام اولا اوجا دربارینه حسین آقامون صفالی گلشن و گلزارینه حسین آقامون 🌹🌹 سلام اولا شهدا قانینی آلان خانما سفیر دولت بیدارینه حسین آقامون 🌹🌹 سلا اولا متعهد وزیر خوش سیره کشیده قامت علمدارینه حسین آقامون 🌹🌹 سلام اولا او مؤذن شهید تشنه لبه شبیه احمد مختارینه حسین آقامون 🌹🌹 سلام اولا ئولومی حق یولوندا بال بیلنه اون اوچ یاشیندا هوادارینه حسین آقامون 🌹🌹 سلام اولا او مریضه که دینه جان ویردی امام ساجد بیمارینه حسین آقامون 🌹🌹 سلام اولا او کیچیک شیر خواره سربازه دیل آچمیان گل بی خارینه حسین آقامون 🌹🌹 سلام اولا قوجا سربازیده جوان ئوره گه مظاهر اوغلی فداکارینه حسین آقامون 🌹🌹 سلام او باشلارا که ووردولار جدا باشینا جداده سیر ایدن انصارینه حسین آقامون 🌹🌹 سلام او تربته که سرمه دور ملک گوزونه دوای دردیدی زوارینه حسین آقامون 🌹🌹 سلام اولا آقامون خالص آغلیانلارینا لباسی قاره هوادارینه حسین آقامون 🌹🌹 سلام او پرچمه که اوندا یاحسین یازیلوب متاع رونق بازارینه حسین آقامون 🌹🌹 🌹مرتضی اسکندری ( ساعد )🌹

قانه باتان دوداقلارون اولدی دعاسی مستجاب ساحت حقیدن یتوب روح الامینه بو خطاب تنگه سالوب حبیبیمون اوغلونی سوز آفتاب ایله نزول چتر تک جسمینه آچ قنادوی خدمت ائله حسینیمه دفتره یازدیر آدوی . . عرشیدن اندی جبرئیل کرب و بلا مناسینه شهپرین آچدی چتر تک قتلگهون فضاسینه سایه سالوب او سرورون سینه سینون یاراسینه کولگه صفاسینی حسین گوردی او تنگ مرحله بیلدی که جبرئیلیدور شهپر آچوبدی مقتله . . یار قدیمسن دئدی واردی ثبات خدمتون لازم امتناندور حرمتون حسن نیتون دردیمه ایلمز دوا ذره بو یرده نصرتون کولگه ده حل اولان دگل مشکل ابتلای عشق عشق طبیبی حقیدور اوندادی تک دوای عشق . . گون نقدر حرارتین آرتورا حدّت ایلیه ذره لریندن اود توکه سوزشی شدت ایلیه قان قوریا سزیلدیا یاره م اذیت ایلیه سوز دئمیشم من عاشقم عهدیمون اوسته من وارام یاریمی ترک ائدوب سنون سایوه دالدالانمارام . . صبح ازل نسیمیم سایه رحمتم ئوزوم محفل عشقدور بو یر یاری گورور منیم گوزوم عشق ائوی سایه ایستمز ایستیه من گرک دوزوم سیر ائله ئوز مقاموه شأنیله افتخاریله مجلسی خلوت ائتمیشم قوم دانیشوم نیگاریله . .

قلبیم گلیب دی درده دوا ایسترم اقا بیر سایلم قاپوندا  عطا ایستیرم اقا چوخدان دی وار گوزوم کرمونده عنایت ائت بیر عارفانه   کرب و بلا ایستیرم اقا بیمار عشقم ایری طبیبه نه حاجتیم احسان ائله که خاک شفا ایستیرم اقا یوخدور دلیم اورک سوزونی عرض ائدم سنه آغلار  گوزیله  حال دعا ایستیرم اقا آتشفشان مثالی جوشور دیلده حسرتیم نی تک گلیب نوایه، نوا ایستیرم آقا عالم بیلیر که کعبه عشقیم دی کربلا کوی وفاده، سعی و صفا ایستیرم آقا عشقیم بو دور همیشه سیزه نوحه خوان اولام داغلی دیلیله بزم عزا ایستیرم اقا قوما منی قاپوندان اقا ، سن کریم سن حاجاتیمی قاپوزدا   روا  ایستیرم آقا پای حساب لطفووه محشرده محتاجام بو شدور الیم  مقام رضا ایستیرم آقا عاصی ده اولسام عشقیزه هر لحظه شایقم دئینیم  قالیب باشیمدا، ادا ایستیرم آقا عالم فدا جلالتیوه اعتباریوه کویونده منده جانی  فدا ایستیرم آقا بیر اربعین زیارتینه  دعوت ائت منی پای پیاده کرب وبلا   ایستیرم اقا

ای عزیز حضرت زهرا سلام اولسون سنه وی شهید یوم عاشورا سلام اولسون سنه ای حسین ای حوض کوثر لبلرون آلتدا نهان عالم حیراندور بوقدرتلن که وئردون تشنه جان شربتون زهرابۀ شمشیر غسلون اولدی قان هم سوسوز هم صاحب دریا سلام اولسون سنه اصغر ای نوباوۀ باغ علی المرتضی غنچۀ تازه شکفت گلشن آل عبا مرغ خون آلوده و مجروح دشت نینوا عندلیب شاخۀ طوبا سلام اولسون سنه ای علی اکبررسول هاشیمی‌نون مظهری وی شهادت کاروانی‌نون چراغ انوری قرمزی قانیله الوان تل به تل گیسولری آهوی خوش منظر لیلا سلام اولسون سنه ای ابوالفضل ای رئیس زمرۀ اهل وفا عبد صالح منصبین الله سنه ائتمیش عطا نهری آلدون ایچمدون سو نفسیوه عالم فدا سو کنارینده سوسوز سقا سلام اولسون سنه ای ابوالقاسم نشانی قاسم ابن مجتبی طوی اتاقوندن علامت حجلۀ ماتم‌سرا مدفنون کنج حرمده گوشۀ پایین پا قطعه قطعه دفن اولان اعضا سلام اولسون سنه ای خانم زهرای ثانی نون ایکی نوزاده سی جعفر طیّار عمران اوغلینون نوّاده سی حکمفرمای حجازون محترم شهزاده سی نور واحد گوهر یکتا سلام اولسون سنه ای رشیده دختر صدّیقه وی شاه زنان رتبه ده فخرالائمّه نطقی اعجازالبیان مستجاب الدّعوه خاتون عمّۀ صاحب زمان ماه عصمت زینب کبری سلام اولسون سنه ای گل نوباوه ای شهزادۀ والاتبار ای ائدن خوردا قولون بی کس عموسینه نثار ای دگن حلقومینه اوچ شعبه تیر زهردار بلبل نورُسته و زیبا سلام اولسون سنه یا علی ابن حسین طاعتده فخرالسّاجدین منبر پاتخت سفیاندا ائدن احیای دین گاه دیر و گاه ویرانه گهی صحرانشین بستۀ زنجیر اولان مولا سلام اولسون سنه بین راه شامده ای راهب مهمان نواز احترام ائتدون حسین باشینه تاپدون امتیاز قیلدون عیسانی حضور مصطفادن سرفراز آخری خوشبخت اولان ترسا سلام اولسون سنه ای کشیش باهنر مسلکده نصرانی مآب سن یزیده وئردون اوز بزمینده جرأتله جواب ساغر شهد شهادتدن سن اولدون کامیاب جاثلیق ای پیرو عیسی سلام اولسون سنه یحیوی هر صبحدم بعد از تحیّات نماز یوز دوتار کرب و بلایه قلبیده سوز و گداز عرض ائدر یا قُرّه العین علی شاه حجاز ای حسین ریحانۀ طاها سلام اولسون سنه #مرحوم_تاج_الشعرا_یحیوی_اردبیلی

تقایی اردبیلی کربلا آچ سینووی لب تشنه قربانلارگلور یثربی ترك ایلیوبدورغملی مهمانلارگلور آز قالور تیره ترابون کیمیا اولسون سنون آز قالور عطر گُل یاسیله دولسون گلشنون لاله لر آز قالدی گل لنسونله، سولسون سوسنون چون سنه مهمان اولا سرو گلستانلارگلور شه سنی ایلر مکان یتمیش ایکی قربانیله تپراقونداگُل بیتر سیراب اولارسان قانیله عالمه مشهور اولارسان سن قزیل ایوانیله اول پذیرا بانیان طاق وایوانلارگلور چارسوق مصر عشق ایلر سنی سلطان دین بو مکاندا گل ساتار شاه گلستان آفرین مشتری دور گللره البته رب العالمین ظاهراًجانلار ولی باطنده جانانلارگلور سنده بر پا ایلیور پیر مغان بیر میکده بادة عشقی ایچوب مستان اولارلار می زده مست اولاربیرآندا گل ده باغباندا غنچه ده پیر اولا حتّی سنه طفل دبستانلارگلور آز قالور سنده قیامت باشلانا قانلارداشا آز قالور تأثیر ائده بوردا نوالر داغ داشا هر آنااوغلیلا، هر باجی قوشولموش قارداشا مو پریشان دیده گریانلار، پریشانلارگلور آز قالور گون سنده تاپسون بیرجه حال اغتراب آز قالور محنت لروندن ثبت اولونسون مین کتاب شمره آز قالدی اسیر اولسون حریم بو تراب دام غمده ال ایاق چالماقه جیرانلارگلور سن منای عاشقان بی ریا سن کربلا یعنی قربانگاه ائدرتپراقووی میر هدی واردور علّت شیعه لر قاره گیوب ایلر نوا جوشه عاشورا گونی رگلرده کی قانلارگلور سنده نوحه نوح ائدریاندیم بالا طاهادیر باش آچار یعنی (حسینیم وای) خانم زهرا دیر تلّون اوسته قارداشیم وای زینب علیا دیر نینواایلر نوا عرش اوستن افغانلارگلور سنده لیلانون جوانی قانینه غلطان اولار سنده بیر نو کدخدا ئوز دینینه قربان اولار سنده باشسیزدینه قربان شاه مظلومان اولار سنده باشه ظهر عاشورا ده پیمانلارگلور کربلا بیر گون اولار بو تپراقون خاك شفا دردینه هر چاره سیز شیعه آلارسندن دوا هی دیرعاشقلرون آی کربلا آی کربلا تا سنی قیلسون زیارت دیده گریانلار گلور

بمناسبت فرا رسیدن ماه محرم... ✍مرحوم منزوی اردبیلی صحرا حسینه قربان دریا حسینه قربان مخلوق عرش و خلق دنیا حسینه قربان آدم حسینه قربان خاتم حسینه قربان آغلار گوزوم یانقلی سینم حسینه قربان مظلوم حسینیم ایوای مظلوم حسینیم ایوای قرآندا کاف و ها و عین و صاد یکسر هر سوره ماوّل هر آیه مفسّر هر جمله مدلّل هر کلمه مستّر فجرو ضحی و نجم و زیتون و تین و کوثر احقاف و هود رعدو اَسرا حسینه قربان مظلوم حسینیم ایوای مظلوم حسینیم ایوای سالسون نظر سراپا والعصرو مرسلاته منظور هل اَتایه مفهوم واقعاته هم یونس و مزّمل هم شان و ذاریاته معروف اولان حسیندور تفسیر نازعاته توراة حقّ النده موسی حسینه قربان مظلوم حسینیم ایوای مظلوم حسینیم ایوای تَنسیم و حوض و کوثر جنات و عدن و حورا قدوسیان اقصی سبّوحیان اعلا سکّو دیر و اَقنوم قِسیس و خاچ و ترسا بیت و صفا و زمزم رکن و حطیم و بطحا موعودگاه عید اضحی حسینه قربان مظلوم حسینیم ایوای مظلوم حسینیم ایوای جبریل با صداقت میکال با لیاقت زُهّاد با حقیقت عباد با کفایت شرقیله غرب آراسی مظلوم ئولن جماعت بدر و احدده ایچدی کیم شربت شهادت طشت طلا ده راس یحیا حسینه قربان مظلوم حسینیم ایوای مظلوم حسینیم ایوای بیر گون یاتئب پیمبر ایتمشدی استراحت گلدی عزیز زهرا جدّین ایده زیارت پیغمبرون عیالی مانع اولوب او ساعت آلجاق سسین حسینون دوردی او کان رحمت فرمایش ایتدی جدی طاها حسینه قربان مظلوم حسینیم ایوای مظلوم حسینیم ایوای تاپشوردی آفتاب ارشاددور حسینیم هم علت و بفای ایجاددور حسینیم اینجتمه افتخار اجداددور حسینیم هر وقت دیده گلسه آزاددور حسینیم ملک و عیال و جانیم یکجا حسینه قربان مظلوم حسینیم ایوای مظلوم حسینیم ایوای

السّلام ای جان‌ویرن کرب و بلاده تشنه‌کام ایلـرم قبـرون مجسم زار و رنجور آغلارام السّلام ای حق یولوندا جاه و عزّتدن گیچن السّلام ای سو یرینه لخته لخته قان ایچن السّلام ای اوز الیلـه اوغلونا خلعت بیچن وصل اکبردن ایدن لیلانی مهجور آغلارام السّلام ای سو ویرن قانی ‌بلا صحراسینه السّلام ای آدی زینت هـر بلا طغراسنیه السّلام ای غرق اولان کشتیسی قان دریاسینه سالدی ساحلدن مخالفلر سنی دور آغلارام السّلام ای ذات پاک کردگارین مظهری السّلام ای لفظ ثاراللهین عالی مصدری السّلام ای «وِتر مَوتورون» مترجم مضمری قان ایدوب گوزیاشیمی بیر «وِتر مَوتور» آغلارام السّلام ای سو کنارینده لب عطشان جان‌ویرن السّلام ای قوملار اوسته جسمی بی‌غسل و کفن السّلام ای نیزه‌ده گون تک‌ باشی شامه گیدن یاد ایدوب احوالووی ای نَحْری منحور آغلارام السّلام ای مَصْرعی قانیله دریا تک دولان السّلام ای غسلی قانی توپراقی کافور اولان السّلام ای نعشی اوسته زینبی زلفون یولان زینب آدی آرتورور باشیمده مین شور آغلارام مُلتجی دور بو «حسینی» یا حسین آگاهسن بیر گدای رو سیه دورسن سَخی بیرشاهسن ای «قَتیل العَبْره» اشگ چشمه خاطرخواهسن ایستورم سنلن اولام محشرده محشور آغلارام شاعر:حسینی.سعدی رمان

بورا کربلادی زینب بورادی سرای عشقیم بو بلالی چولده بر پا اولاجاق عزای عشقیم قره ساچلاری آغاردار بو یرون غم وبلاسی منه دلربادی زینب بو دیار غم نماسی بورا کعبۀ وفادی بورادی حسین مناسی قانیلان اولار مزیّن باجی جان منای عشقیم من الستیدن بو دشت محنیلن آشنایم بویوروب بابام پیمبر کی قتیل اشقیایم یازیلوبدی عرش حقّه من امیر کربلایم ئوله جک حسین،زنده قالاجاق ولای عشقیم گوز اچان زمانیدن من گزورم بو غم سرانی بگنوب خدای داور بو دیار بی ریانی بو مکان آلار قوجاقه بو حسین لامکانی بو ترابیدن سمایه چاتاجاق ثنای عشقیم بو سرای پر محنده باتاجاق قانا قوناقلار پارا تخته نون مثالی قوریار عطش دوداقلار باخار حسرتیله زینب او آخان سووا اوشاقلار ملکوتی ایلیر مات بلی ماجرای عشقیم بو چولون دیسم بلاسین باش آچوب ملکلر آغلار سو سوزون دیسم پیمبر یوزه اشک چشمی باغلار سوسوز اهولر ملالی باجی قلب عرشی داغلار یاری گونده ایلیر پیر سنیده بلای عشقیم باتاجاق قانا ستملن علی اکبریم مناده دگه جک قلیج باشیندان چاتاجاق بالام مراده اونی خیمیه جوانلار گتیرلّه بیر عباده او أولن زمان الیمدن دوشه جک عصای عشقیم ایدر عزم جنگ سورا حسنون گوزل بالاسی باشینون قانی او ماهون الینون اولار حناسی منه اکبریمدن آرتیق گله جک اونون بلاسی باشی اوسته اولماز افسوس باجی مجتبای عشقیم