رياضيات السادس العلمي الاستاذ حسنين العبدلي

طلاب الحسابات ياخذون رسم تسجيل ٥٠٠٠ الهم اني معطيها مجاني

طلابي الأعزاء منصه خطوه متاحه لكل طالب حضوري مسجل عندي و مجانا تروح للحسابات ينطيك الكارت

طالبات وطلابي أبنائي الأعزاء لا تقصرون بدراستكم واي خطوه توكف بيها اشرها ودزها بدون تردد واني بالخدمه

السلام عليكم طالباتي وطلابي الأعزاء ❤️❤️ كلي فخر بيكم💪 واني جاي اشوف طلاب وطالبات جاي يدرسون بجد واجتهاد وجاي يراسلوني ويسألوني عن بعض الخطوات🫶 الظاهر هواي طلاب تريد تحصل ال ١٠٠ 💪والهديتين الي وعدتكم بيها بارك الله بجهودكم 🤲كلي فخر بيكم ❤️

ب النسبة للغياب كذلك ينزل بيه فصل مباشرة

السلام عليكم بعد العطله مال الزياره يومي الجمعة والسبت سوف يكون عدكم امتحان شهري بكل المادة إلي اخذناه الاسئلة إلي اخذناه والواجبات وكلشي اخذناه سوف يكون امتحان مكون من (10اسئلة) والوقت ساعتين كاملتين وكل من حسب مجموعته تعرفون النجاح 80وما فوق هذا الامتحان ح تكون بيه جائزة وعقوبة الجائزة ح تكون للي يأخذ ١٠٠او ٩٩او ٩٨ أو ٩٧ الجائزة أنو شنو جان عدكم امتحان راسبين او درجته موزينه او مفصول أو منزلين بيكم إنذار أو تبليغ أو تعهد كله راح احذفه واسويلك الدرجة مال الامتحان إلي مو زين بيه درجه كامله أما العقوبه الطالب إلي راح يأخذ أقل ال 80 قبل ينزل بيه فصل لا إنذار ولا اعادة اكو أقروا زين (((قَدْ أَعْذَرَ مَنْ أَنْذَر)))

سلام عليكم طلاب الأعزاء كل طالب لازم يسوي دفتر يحل بيه كل الاسئله الي نحلها داخل الصف اخر محاضره اخذنا موضوع مبرهنه ديموفر حليت ثلاث اسئله كتاب صفحه ٢٦ و ٢٧ وسؤالين وزاريه صفحه ٥٧ و ٥٨ الدرس القادم الطالب الي ما حال الاسئله بالدفتر لا يدخل درس اضافه الى سؤالين واجب بملزمه الواجبات

اي طالب او طالبه ما حال واجب او ما دارس للامتحان اليومي وبدون عذر لا يحضر محاضره احسن اله لان هم راح اطلعه وهم استدعي ولي امره ولكل الايام كذالك الغياب بدون اجازه راح انزل اسماء الطلاب المفصولين بسبب الغياب وعدم التزامهم بالامتحانات اليوميه الي جاي يعلب مكانه موووووو يمنه

ابنائي حبايبي وضحت اكثر من مره دراسه الرياضيات حتا تكون بطل 🏆 لازم لازم لازم أول تقره شفهي مجموعه اسئله مع الملاحضات ثم ثم ترجع على اول سؤال الي نسيت تفاصيله تحله ورقه وقلم هيج فقط بالامتحان تاخذ درجات كامله أتمنى اطبقون وتشوفون الفرق ويارب التوفيق للجميع

سلام عليكم حبايبي اي طالب يرجع للبيت يقره سؤال عنده تسائل او خطوه غير واضحه على السريع اشر عليها ودزها على الواتساب او التلي على هذا الرقم ٠٧٨٠٢٤٤٠٠٥٩ واني اوضحه الك وهيج تكون دراستك كامله واني بخدمتكم

دخلو بقناه المساعد

مجاميع البنين