QO'QON DU sport klubi

Joriy yilning 12-avgust kuni Pedagogika va psixologiya fakultetida yoshlar bilan ishlash bo‘yicha dekan o‘rinbosari Y. Alimova tashabbusi bilan “Sport Challenge — sog‘lom hayot sari birgalikda” shiori ostida sport musobaqalari tashkil etildi. Mazkur tadbir yozgi ta’til davrida talaba-yoshlarning bo‘sh vaqtini mazmunli tashkil etish, ular o‘rtasida sog‘lom turmush tarzini keng targ‘ib qilish hamda jismoniy faollikni oshirish maqsadida o‘tkazildi. Musobaqalarda ko‘ngilli talaba-yoshlar sportning voleybol, stol tennisi, shaxmat, shashka va arqon tortish turlari bo‘yicha o‘zaro bellashib, mahorat va jamoaviy hamjihatliklarini namoyish etdilar. Biz bilan qoling: SPORT KLUBI

“DOLZARB 90 KUN” DOIRASIDA KURASH TO‘GARAGI FAOL DAVOM ETMOQDA “Dolzarb 90 kun” loyihasi doirasida Qo‘qon davlat universitetining Tabiiy fanlar va iqtisodiyot fakulteti sport zalida talaba-yoshlar, maktab o‘quvchilari hamda mahallalardagi uyushmagan yoshlarning bo‘sh vaqtini mazmunli tashkil etish, ularni sport va sog‘lom turmush tarziga keng jalb etish maqsadida kurash to‘garagi mashg‘ulotlari muntazam ravishda o‘tkazilmoqda. 🤼 Mashg‘ulotlar davomida ishtirokchilar kurash usullarini o‘rganib, jismoniy tayyorgarligi va sport mahoratini oshirmoqda. Shuningdek, yoshlarda mardlik, jasorat, intizom, qat’iyat va sog‘lom raqobat kabi fazilatlar shakllanmoqda. 💪 Mazkur kurash to‘garagi yoshlar o‘rtasida sog‘lom turmush tarzini keng targ‘ib etish, ularning bo‘sh vaqtini mazmunli tashkil etish hamda milliy sportimiz — kurashga bo‘lgan qiziqishini yanada oshirishga xizmat qilmoqda. Biz bilan qoling: SPORT KLUBI