منابر مهدوية _ الشاعرة شمس الضحى الخالدي _

وصية للمشاية... جم تعبان اثناء المسيرة بسجل حسين ماتلكاه مصيرة شروط لهل الزيارة * يطبقها بمسارة بسجل حسين ماتلكاه مصيرة ..... شروط بهل مسيره لابد تكون تراعيها وتكون من اليفوزون مو بس تسمع الها وي اليسمعون اسعه وصير اول من يطبقون وفوز بهل تجاره .. يطبقها بمسارة ..... غض البصر واتحله بصفاته الي كصد للحومة بالإيمان متحلي علي الهاشمي البل شأن متعلي ماتيه فرض بالحرب ويصلي اخذ بيها الصدارة.. يطبقها بمسارة ... لا تتلفت وتغتاب من تمشي واستغفر طريقك واترك اليحجي عنك لو امامك يرتضي ترجي راقب نفسك وحذرها من كلشي لو تغفل خسارة * يطبقها بمسارة مغموم بمشيتك كون ماتضحك انصح والينصحك اقبل ينصحك ترى ايام الزيارة بالعمر ربحك تخيل لو امامك بالمشي يلمحك يشفعلك قرارة * يطبقها بمسارة .... اتعنه وزور واذكر لوعة المنحر وامشي ومشيتك معتدل لا تغتر اكصد كبر ابو اليمة اشعث واغبر وبهذي المسيرة اتذكر الخدر مشن حافي ويساره... يطبقها بمسارة ٠٠٠٠ الشاعرة ضحى سالم شمس الضحى الخالدي https://t.me/hussainmenber

جديد للاربعين بربعينه.. جايبه اهمومج اجيتي بربعينه.. شكثر يازينب بجيتي نزلن دموع المحنه * كلبج جروحه كضنه بربعينه.. بربعينه **' الجودر بكلبج مصابه اليوم يم كبره الضعن روحج وروحه بمحنه من بعد مده التقن حيل مشتاكه لشبكته لجان الج طوله وطن امنيه يرد لحياته ويرجع اردود الزمن دافنينه.. حيل يالروحج تحبه دافنينه.. الكلبج يدك ويه كلبه فركج يالموت عنه*كلبج جروحه كضنه بربعينه.. بربعينه ** فركج يالموت عنه وأنتي الج عباس في والاخو يوجع فراكه ومايعوضه بدنيا شي تموت روحه الفكد غالي يعيش ميت شكله حي شلون والعباس روحج جان لعيونج الضي وينه وينه.. الضمج بروحه ويحبج وينه وينه..فركته كلش تعذبج طولي يازينب الونه * كلبج جروحه كضنه بربعينه.. بربعينه *** طولي يازينب بونج شبعي بوداعه بعد من تخلص يربعينه فراك كبره للابد نكضت ايام المحنه والكفاله والوعد الاخو نايم بكبره كعدتي يمه وماكعد من بجيتي.. ماكعد ينشد شكو من بجيتي.. يوجع فراك الاخو كلبج مصايب اجنه * كلبج جروحه كضنه بربعينه.. بربعينه *** النوك من حملن ضعوضج وعينج تصد الكبر شكال كلبج كولي زينب بملكه كفال الخدر ملكه الاحباب بكبرهم مايكفيله الصبر من وصلتيله يزينب يمه ونيتي شكثر تشتكيله.. من تعب ذاك السبي تشتكيله.. دمومج منكعه العبي وين صرنه ووين جنه * كلبج جروحه كضنه بربعينه.. بربعينه *** وين صرنه ووين جنه سولفيتيله شجرى تشدكم احبال الشماته ودخلوكم بالسره ارجالكم على الغبرة ظلت والجثث متسطره وانتو لأرض الشام اسره مره مشدوده بمره احجيله عنج.. من خطبتج هزته احجيله عنج.. يزيد طاحت هيبته صعب صبرج نحجي عنه* كلبج جروحه كضنه بربعينه.. بربعينه *** شمس الضحى الخالدي https://t.me/hussainmenber

جديد هوسات للإمام الحسن (عليه السلام) لسان الخادم يخاطب مولاه مولاي الوجع ماخله بيه الحيل افز بالليل من اغفه شيخلص الليل اجيتك يالحسن والدهر بيه يعيل ياباب الكرم يالخلكه حيل طويل (الطلبه ببابك //تكضيها) مريض وتعباني الوكت ويه مرضي شلون العمر يا مولاي من اكضي وكل يوم بتعب واهموم من يمضي (روحي التعبت// هديها) ماادري الخلل بيه الدهر بيه افز لمصاب يامولاي يوميه ادري الدنيا تكضي وهي مكضيه لاجن عالوجع مولاي مابيه (الدنيا تشد //مدري شبيها) طالت والدهر مولاي اذاني ماظل الصبر للكلب ويتاني تنسه الناس حاشه بيوم تنساني ادكن باب عطفك ماادك ثاني (بس أنته اليمك //حاجيها) شمس الضحى الخالدي https://t.me/hussainmenber

حديث للامام الحسن (ع) قال المجلسي في البحار : سقي الحسن السم ست مرات وفي السادسه اشتد على الحسن المرض , ولما حضرته الوفاة قال لأخيه الحسين (ع) : أحضر لي يا أخي أولادي وأهلي فأحضرهم الحسين (ع) عنده فأدار عينيه فيهم وقال لهم : أيها الحاضرون اسمعوا وانصتوا ماأقول لكم هذا الحسين امام بعدي فلا امام غيره ألاه فليبلغ الحاضر الغائب والوالد الولد والحر العبد والذكر والأنثى وهو خليفتي عليكم لا أحد يخالفه منكم , ثم التفت الى الحسين (ع) والى أخوته وحرمه وأولاده وقال : حفظكم الله استودعكم الله الله خليفتي عليكم وكفى به خليفة , واني منصرف عنكم ولاحق بجدي وابي وأمي وأعمامي ثم قال : عليكم السلام ياملائكة ربي ورحمة الله وبركاته ثم وجه وجهه الى القبله وغمض عينيه ومد رجليه ويديه بنفسه مستلقياً مصرحاً بشهادة لا اله الا الله وحده لاشريك له وأن محمداً عبدة ورسوله وأن الخليفه من بعده بلا فصل علي بن أبي طالب , ثم قضى نحبه ولقى ربه وفاضت روحه المقدسه فقام الحسين وصاح عليه معولاً ونادى واأخاه واحسناه واقلة ناصراه من لي بعدك يا أخي نعي للامام الحسن (ع) تكله انهض يخويه وزيح التراب تروح بعيد عني وشنهو الاسباب بعد جرحي يون ولهسه ماطاب شجالك يادهر وي اهلي الاطياب ** يامحله الاخت لوعدهه خوان اجيبه منين اخوي الدهر لوخان وانه دنياي تغدر دوم الحنان بعد خواني شاخذ غير الاحزان ** عمت عينه الوكت فاركني وياك واظن تدري الكلب عايش بذكراك  دكوم انهض يخي وشنو ممشاك تبجي الدار خويه شلون بعداك ** يامحله الاخت لو يمهه اخوهه يعوضعهه الحنان بدال اخوهه وزينب والتحبهم فاركوهه بعد هيهات ماظنهم يجوهه شمس الضحى الخالدي https://t.me/hussainmenber

قصيدة للامام الحسن (ع) بلا اراده سكوتنه ويصعب نحمله والوضع مو بيدنه ومو رضا نقبله ** لاتظن بيدينه ورخصنه العمر والوضع مو هين اعلينه يمر والحزن شربنه كاسات الجمر واحنه واحدنه الدمع عالوجن هله ** يالحسن موهين اعلينه اليصير بلا ضريح نشوفك ويرضى الضمير عالدرب كل لحظه والناظر يدير ياوكت مهدينه والسيفه يسله ** نصيح يالثار ياصاحب الثار ظلمه دنيتنه صبحت وبلا نهار وين حملاتك وسيفك ذو الفقار هذا مهدينه اليعادينه نكله ** كوم شوف الحسن جدك ياغيور كوم بيدك علي يالمهدي القبور اليمته نرضا بظلم اذتنه الدهور والحزن مولاي مانكدر نحمله ** ليش هالظلام جارت عالحسن لو جبد مسموم لو حزن ومحن والكبر مهدوم اه من الزمن بالكلب ظلام خلوا بينه عله شمس الضحى الخالدي https://t.me/hussainmenber

نعي للامام الحسن (ع) بهيدة وياي يـــــوجعني الافراك مو تدري حنيـــــنه وحيل اشتاك دهري ويه الجروح وياي ســباك تمنيت اندفن والاجل لن عــــــاك ـــــــــــ يبو محمد دلالك باقية تفــــــــــور ويـــــــــوجعني اليناشد عنك يزور مو هين حســــــــــــــين بدالك يدور كلما مر عليه الـــــــــــــدمع منثور ــــــــــ يذكرني مجانه يكلي برســـــــــــوم واحن  واشتاك لجله وما يجي النوم بعدها مبللات بريحته هــــــــــــدوم هاي عمامته ولامته الجيـــــــــــدوم شمس الضحى الخالدي https://t.me/hussainmenber

لطمية للسيدة رقية (عليها السلام) شافت راس ابوها تحجيله بوجعها مخزن ظيم الأيام بحركه يهل دمعها شبكته وتحاجيه * جسمك وين مابيه تحجيلة بوجعها * تحجيله بوجعها *** شبكته وتحاجيه بوية شبيك مابيك عفتك عافية تكوم جسمك وين رجليك وجهك حيل ذبلان ماصديتلي شبيك بعدك ماشفت ماي فتح عينك انطيك ريجك هسه ارويه * جسمك وين مابيه تحجيلة بوجعها تحجيلة بوجعها *** ريجك هسه ارويه عينك فكها ليه صار هواي ماجيت اشتاقتلك رقيه جنت ترجعلي للبيت اسولفلك عليه تغير بيتنا الجان نكعد بيه سويه وكتنا تغير شبيه * جسمك وين مابيه تحجيلة بوجعها تحجيلة بوجعها *** وكتنا تغير شبيه أسأل واحجي وياي كلكم مارجعتوا هو يموت الماي؟! عبدالله مشى وين ليش وياك ماجاي صار هواي احاجيك وانته ساكت هواي احجي وكلبي داويه * جسمك وين مابيه تحجيلة بوجعها حجيلة بوجعها *** احجي وكلبي داويه لو ماتحجي اخذني كلشي البيه مجروح كلبي ووجع متني يوم الرحت ماجيت الدنيا مرمرتني نهد حيلي من الفراك كلشي نوخذ مني جدمي بكوه امشيه * جسمك وين مابيه تحجيلة بوجعها تحجيلة بوجعها *** جدمي بكوه امشيه حيلي وكلبي تعبان شيعدهن يالجروح ماحاملهن انسان اخذني وياك ارتاح مشتاكه للاحنان وجسمك بلكي الكيه راسك وحده ذبلان راسك يمه اخليه * جسمك وين مابيه تحجيلة بوجعها تحجيلة بوجعها *** شمس الضحى الخالدي https://t.me/hussainmenber

هونها يالعباس برد دليلي حيل نوخذ مولاي رجعلي حيلي شمس الضحى الخالدي

قصيدة لشهادة الإمام السجاد (عليه السلام) خلي ابوي براحته يلفظ انفاسه حسين يمه بدمعته على الوجن باسه *** يابو حمزة ياثمالي نحي عنه شيعته ماتشوف الي اشوفه والدي تحز لوعته مشابك المظلوم والسجاد طول ونته والده مهشمه ظلوعه كل كتر جاسه *** هاجن بكلبه المواجع شاف الحسين وبجه استعبر وغمض عيونه تمتم ومدري شحجه التفت الحسين ليه بدمع عينه الناشجه تذكر الباقر طفل شاف بس راسه *** تذكر وذكرنا كلنه ودمعة العصمة بهضم ياجرح النشده بينه جرح ثاني ينلجم يلوج ابوي بوجع جبده الكلها سم يريد ماي ودمه غير لونها الطاسه *** نفسه طشت الحسن طشته والهدف ومثل ابوه هم مات موجوع ونزف كابل العطشان عطشان ورجف حيل ماظل واليشوفه يجرح حساسه *** تلاكوا الروح ويه روح وحيلي مات وابو الباقر روحه فاركها الحياة يابو حمزة نقيم خلينا الصلاة آخر وداع العليل تودعه ناسه *** شمس الضحى الخالدي https://t.me/hussainmenber

جديد للدفنة لسان حال الإمام زين العابدين (عليه السلام) عمي ياعباس جسمك بيش اجمعه وجسمك مكطع يعمي قطعه قطعه شلون ادفنك * شباقي منك وجسمك مكطع يعمي قطعه قطعه *** حقه لو مات اليشوفك من وجع حسين ظهره منكسر حقه رجع شصاير بجسمك مقطع جم قطع ثاري والي شاف مو مثل السمع يا مصابي* يا عذابي حقي من ابجيك دمعه باثر دمعه *** وين يمناك ويسارك ما اشوف عيوني غركَت بالدمع وين الجفوف تعبت كلبي مصايب هالطفوف بين طعنات الرمح بين السيوف موذرينك * طاعنينك من شفت جسمك علي ضاكت الوسعه *** طولك الي جان مو كده الفرس حيل متغير بعد كطع النفس حكه هذا الكون لمصابك عبس بجم رمح طعنوك جم سيف نغرس شلون المك * خاف الجمك وكبرك مكدر ولا يحتاج اوسعه *** جسمك المرضوض باقي بلا ادين حرت ياعم وين انطي الوجه وين شلون اشوفك وانته كل جانب طعين حقه مكسور الظهر رد الحسين بلا جفوفك * شلون اعوفك مختنك بيه النفس ماكمت اطلعه *** شلون اهيل عليك ياعمي الترب خاف يلجم جرحك وجرحك صعب يا غريب وكاضي بديار الغرب ودفنتك بسكوت تربانك نذب يا هظيمه * شكد عظيمة المثلك يشيعونه ناسه وتنعى ربعه *** شمس الضحى الخالدي https://t.me/hussainmenber

#ديوان_نافذ_البصيرة قصيدة للأمام العباس(ع) يا ليلي طــــــــول صبر ارد اكضي ليلة سهر ويه الصلاة افترك اكبـــــــــــــالي موتي ظهر **** وي ربي حد الفجر واخرهــــــــــا ختم الشفع اجفوفي مــــــــــــــن الصله اعليها أثر ينطبع واخرها اعرف شنو بــــــــسيف البغه تنكطع كل عمري لله نـــــــــــــذر والجنه تطلب مهر **** مـــو جنة عندي المهم جي راضي ربي علي تشهد صلاتي الي واعمالي حـــــــــامل بيدي ابوجه ابيض مــــــــــن التقي والجنة تقبل الي بيه تزيد الشرف والعـــــــــــــــــادة نار وقهر **** لله ارد اســـــــولف واقر حد ما يبين الصبح اشكيله ظيم العلي وهــــــــو اليداوي الجرح يدري الذي بالكلب وبــــــــس اليريده يصح انته الاله الاحد كلبي ولســـــــــــــــــاني جهر **** با ربي حـــــــاجة الي بجاهك اذا تنكضي اقسم عليك بعلي لو حــــــالي بيه ترتضي زينب ابالي تضل مســـــــــــبية لا تقتضي يصعب عليه الوضع تكضيهـــــا ظيم وقهر **** لو ترضي فدوة بــسبي انته المهم مو اهي لاجن عزيزة علي يلجمها مــــــــا ينسهي منك اريد الصبر ينهيهـــــــــا دهري نهي لمن تروح بســــــــــــبي وكافلها يم النهر **** عبدك اللهي اسالك وصاني ابوي باخـــت ولمــن انام بكبر تصبــــح سبية عرفــــت صبرهــــا ربي بعلـي وكفلها لو غمضت لو كطعــــوا يمنتي سيف الوكت لو شهـر **** شمس الضحى الخالدي https://t.me/hussainmenber

#ديوان_نافذ_البصيرة فزاعي (عباس طب للمشرعة) عباس طب للمشـــرعة واطشـــــرت الخيالـــه *** الكـــــاع عجـــت بـــالزلــــــم والخيـــــــــــــل تتــــرادم ردم وحــــــده وشجــــــاع ومايهم والمــــــاي بيـــــــده شالــــــه *** مـــن بينهــم طــــب عالنهــــر ونطــــاهم الكَـــــــوم الظهــــر جــــر سيفه واعليهــــم شهـــــر يــــازلمـــــــه يتدنـــالـــــــــــه *** منهــــو التدنــــــه واقتـــــــرب يفنيه ابــــن سيـــــد العــــــرب عطشــــــان مايه ما شــــــــرب ويريـــــد يـــــروي اطفالــــــــه *** يريـــــد يــــروي عيلتـــــــــــه وبمــــــاي حرمــــة تنختــــــه ام البنيــــــن الجابتـــــــــــــــه فــــارس يــــــرد عيالــــــــــه *** فـــــارس ولاهــــاب العــــــدد ويريد يوفـــــي بالـــــوعــــــــد والينظـــــر عيـــــونه شـــــــرد لــــــــو سيــــف بيده شالـــــــه *** شمس الضحى الخالدي https://t.me/hussainmenber

#ديوان_نافذ_البصيرة فزاعي (شايل وين ابو الغيرة) شايل وين ابو الغيـــــره عايف وين جــــا زينب *** رايـــح ويــن جــــــــا عبــــــاس ظــــلت بين نـــــاس ارجــــــاس مـــن بعـــــدك يبــــو النومــاس مسبيـــــه وابـــــوها نســــــــب *** وينــــــك يا ابــــــو الغيــــــــرة زينــــب ظلـــــت بحيـــــــــــرة والمحمــــــل منـــــو يديــــــــرة بعــــــدك ترضــــى تتعـــــــذب *** ماصـــــدك يراعـــــي الجـــــود مـــاتنهــــض تـــــــــــرد اردود كًبــــــالك تنضــــرب بالعــــــود ومـــاظــــل الكَلــــــب يلهـــــب *** انتــــه الــــي جبتهــــا ويـــــاك عايفهـــــــا شعجــــب لعـــــداك يضربوهــــا وتظــــل تنخـــــاك تذكـــــرك تظــــل تنحــــــــــب *** ماتنهـــــض تشيـــــل لــــــواك واكلبهــــا غضــــب دنيــــــــاك زينــــب ظالــــه اتانـــــــــــــاك ماظـــــن الامـــــر يصعـــــــب *** شمس الضحى الخالدي https://t.me/hussainmenber

#ديوان_نافذ_البصيرة نعي للأمام العباس (ع) نكســـر ظهـــر الحسين وفكــد خيه ومثل فـــــي الاخــــو ماتصــــح فيه يامــــه ايــــام عشنــــاهــــا سويــــه *** يامــــه ايـــام عشناهـــــا بمحنــــــــه وربينــــه بدار وحــــده عـــــد اهلنـه شلنـــه وشــــال مـــن عدنه حملنـــــه *** ونذكــــر كعدته وعبــــاس هيبــــــــه ويمــــر الاخــــو وابنــــه يجيبــــــــه ونلتــــم العصــــر تجمعنــــه طيبــــه *** آه ياطيــــب اخــــوي وماكــــــو مثله تــرى العبــــاس مـــو هين علــى هله حكَـــــه حسيــــن وفراكــــه يكتلــــــه *** حكَـــــه حسيــــن لمــــن لزم ظهـــره مـــو ماهانت عليه يانـــــاس عشــــره افــــراك الاخــــو ظهــــره يكســـــره *** افـــراك الاخــــو يانــــاس يكتـــــــــل ومــــو واحــــد جــــرح والكلب يحمل والمفــــارك بعمـــره مــايطـــــــــول *** المفــــارك بعمــــره يموت كـــل يــوم ولا يغمـــض جفـــن لو يهنه بالنــــــوم تظل صــــورة الفـــــارك ليها تحـــــوم *** شمس الضحى الخالدي https://t.me/hussainmenber

يوجعني الولد" اتنفس استــوه الصبح ونكسرت النومة رغد والبلبل ابفيهم كعد اريوكهم حب وشهد وانا اعله ناري تمددت فزيت يوجعني الولد باكو ضحكتي من الحلك وتغير بعيني البلد الحيل مامش وانتجي والتجوه طاحت والعمد هي السياسة شوكلت كل يوم تنطينة وعد حسبالهم يبني كبرت انسى ويعوضلي شبعد موش اهي يبني الودتك بحجة لكيعانك سند كل يوم ودتنه بحرب نفس الحكم والمعتقد ضنها الشباب تكاثرت وتريد تقليص العدد شمس الضحى الخالدي https://t.me/hussainmenber

#ديوان_نافذ_البصيرة قصيدة للأمام العباس عليه السلام العباس يخاطب أخيه الإمام الحسين عليه السلام ساوموني اعلى حبك وانا كتلهم محال واعتنيت لخدمتكم يالذي كتلي تعــــال وانته بس فيك يلمني * لحظة ماقصرت عني يالذي كتلـــي تعــــــال **** قصتك جـــداً عجيبــــه بهل الزمـــــــان اليوكــــف اكبالك يحس بــس بالامــــان كلــــي الله انطــــاك يا رفعــــه ومكـــان ياحسيــــن وهالكـــــثر شايـــــل حنــــان يالذي عطفك شملني * لحظة ماقصرت عني يالذي كتلـــي تعــــــال **** الله واضــــع كـــل رحمتـــــه لينــه بيك ضايـــع المهمــــوم يتعنـــه عليــــــــك وبكلب خلصــــان تعبــــان ويجيــــــك روحــــه ترتـــاح اليعرفــــك يعتنيـــــك فكري بوصافك الهمني * لحظة ماقصرت عني يالذي كتلـــي تعــــــال *** الروح بعـــــد الدنيـــــا للبرزخ تروح وهيه روح الوحده ماكـــو ثانـــي روح اشفنه من الدنيا بس غيــــر الجــــروح عندي الك هــــاي الوصية وبيها ابــوح سيدي وارجو تسمعني * لحظة ماقصرت عني يالذي كتلـــي تعــــــال *** انــا ابـــــو فاضل كفيـــــل الماتـــــذل بالمصيبة الصبــــر بـــس سيفه تســــل مااريد يشــــوف ظل اختـــــي نـــذل وصـــي جبرائيل خيصيرلها ظـــــــل دهري بس بيها هضمني * لحظة ماقصرت عني يالذي كتلـــي تعــــــال **** توجـــــع الوكفــــات للعاشت ستــــــر الجــــان كلمــــة لشوفهـــــا ماتنذكــــر يـــاحسيــــــن بصايتـــــك ام الخـــــدر لا بعـــــد عبـــاس ينظـــرها الشمـــــر جرحي باختك مو لجمني * لحظة ماقصرت عني يالذي كتلـــي تعــــــال *** شمس الضحى الخالدي https://t.me/hussainmenber

#ديوان_نافذ_البصيرة قصيدة للأمام العباس (فات بيهم كالرعد) فات بيهم كالرعــــد *والسمع صوته شـــرد هــــذا ابو فاضـــــل* وينـــــه الينـــــازل **** سيفه يمطــر بيهم السجيل شردوا بالجمــــع داس بيهــم دوسه وحده وكسر بيهم جم ظلع كربلـــــه طفحت بدمهـــم والعدد ماينجمـــع صــاح ملك المـــوت هونك ماتت الكل ياسبع لمـــن تقاتــــل * وينـــــه الينازل **** مهـــره يتخطــه بجثثهم والوضع جداً مخيف خيل تردم خيل كامت دنيا صارت جن خريف حمل بيهم حمله وحده الكوم تصرخ يا لطيف شــــال بيده النهــــر كله رايد لزينب يضيف اسمع الحاصــل * وينـــه الينـازل **** لا يظل بالج يزينب صاح من فوك المهر انا ابن البطل حيدر خله بالج يستقـــــــر لا تضوجين وغلاتج اكلب الدنيا عســـــر كون بس مرتاحه انتي كلشي هين لو يمر غيـــرة انا شايل * وينــــه الينازل **** من انازلهم بروحي اكلب الدنيا غضـــــب ضاكت الوسعه عليه والوضع جدا صعب الكوم وصلت كافي حدها والصبر بيهه تعب من اطب لازم اكضيها الشافني بس نرعب اي انا الكافـــل * وينــــه الينازل **** تسكت احفاد السقيفة صوت اسمع مااريد لا نفس منكم اريده ولا تكولون المزيـــد وصل حده الصبر بيكم هيه كلمة مااعيد انا عندي حسين عندي وخله ينفعكم يزيد سيفي ميجامـــل * وينــــه الينازل *** شمس الضحى الخالدي https://t.me/hussainmenber

#ديوان_نافذ_البصيرة قصيدة للأمام العباس (ع) بصـــــــــــلاة الليل اختـــم هـــــذا ليلي اسافـــر مــــــــوت وانته البس خليلــــي انا العـــــابد يربــــــي * اعله عطفك عيني تربي وانتــــــه البس خليلــــي *** فرشـــــت سجادتــــي رايـــــــــد لقائك يمن حــــد الفضــــل واصـــــل عطائك الهـــــي ابجــــــــاه عـــــــزة اوليائـــك تسامــــح عبــــــدك الفـــــاني بولائـــك بسبيلك ماضــي دربي * اعله عطفك عيني تربي وانتــــــه البس خليلــــي *** بمنــاجاتــــــي تهـــز المهـــد امــــــــي عشكتـــك بالـــــــــزغر وتعيش دمــــي رضـائك بـــــس رضائك جـــان همـــــي رؤوف بكـــل وكـــت الكــــاك يمــــــي اليسخطك هذا حــربي * اعله عطفك عيني تربي وانتــــــه البس خليلــــي *** عواطف مـــو محبـــــة حــــــسين حبيت شفـــت نعــــم الولــــي وبحـبه جــــلبيت وفـــه حقـــــــك يـــــــــربي بيه باهــيت الف حـــــمد وشكـــــر عنـــــــده تربيت ونعـــــم مـن المربي * اعله عطفك عيني تربي وانتــــــه البس خليلــــي *** انــــــا العبــــد المقصـــر يــــا الهـــــي طلــــب منـك اريــد وبيــــــه اباهــــــي بسبيلك والشــــــــهادة يزيــــد جاهـــــي خــــــطايا تحل دليلـــي بعمري ماهــــي الك بـــس جان قربــي * اعله عطفك عيني تربي وانتــــــه البس خليلــــي *** الهــــي بجـــــاه امــــــــي أم البنيـــــن اجعل مــــن نصيبــــي نصـــرة حسين اهو دلانــي قدرك عنــــدي الـــه ديــــن جعـــل عبدك مطيع بهــــــــاي السنيـــن نبســـط بالنور دربـــي * اعله عطفك عيني تربي وانتــــــه البس خليلــــي *** شمس الضحى الخالدي https://t.me/hussainmenber

#ديوان_نافذ_البصيرة لحن باسم الكربلائي (نار ودخان ودماء) للإمام العباس عليه السلام مــــاذا لو مــــات الاحســــــــاس كيـــف الحــــــــــالُ ياعبــــــاس آلامٌ وجــــــــــــراحٌ تبقـــــــــــى ومــــــــن الدهــــــرِ ماذا القــــى مــــاذا لو مــــات الاحســــــــاس **** اجــــر بيــــه النفـــــــس كـــــــوة نزيف جـــــــــــروحي مايوكـــف بلــــهيــب النـــــــــــار اتجـــــوة يصير اكبـــــــــــالي طف بطـــف منايا المـــوت مــــــــــــــــــاتروة تخاطـــــــــف والدمـــــه ينشــــف علـــى الشـــــــــاطي الكمـر يهوة وظــــلام الليـــل بـــــس خلــــــف عبـــــــــاس أيا راعـــــي الجــــود عـــــاهــــدت وانـــــت المعهـــــود آلامٌ وجــــــــــــــراحٌ تبقـــــــــــى ومــــــــن الدهــــــرِ ماذا القــــى مــــاذا لو مــــات الاحســــــــاس **** عليه الليل مـــــــــــــــن جلجــــل واشــــوف الدنيـــــــــا تتلثــــــــم شفــت غيرك فــلا ظل حـــــــــــل تمــــوت وروحــــــي تتألــــــــــم اخـــذ عمــــــري وبدالــــي ظـــل تعـــــــــــال الــــــروح تتنـــــــدم تهــــت وينــــــك فــــــلا انــــــدل اريـــــــد ويــــــــــاك اتكلـــــــــم أيـــــن العبـــــــــــــاس ولهفـــــــاه حاشـــــــــى زينـــب أن تنـــــــساه آلامٌ وجــــــــــــراحٌ تبقـــــــــــــى ومــــــــن الدهــــــرِ مــاذا القــــى مــــــاذا لو مــــات الاحســــــــاس **** شواطـــــي المـــــوت تتقـــــــرب واشــــــوف العالـــــم اليغـــــــرك مــــن الفركـــــة فـــــلا مهــــرب تمـــــوت وغربـــــة نتفــــــــــرك اليظــــل كـــاس الصبر يشــــرب يلـــــوج وروحـــــه تتحـــــــــرك الـــــــي ثكــــــل الحمــــــل ينذب واحــــس بكلبــــــي يتشكــــــــــك قـــد ضـــــاق العالم في الـــــروح والقلـــــب كسيــــرٌ مجــــــــــروح آلامٌ وجــــــــــــراحٌ تبقــــــــــــى ومــــــــن الدهــــــرِ ماذا القـــــى مــــاذا لو مـــــات الاحســــــــاس **** يمـــــوت الضـــــاكت انفاســــــه طبع عمــــر الـــــورد حـــــساس يضيـــــــع العالــــــــــم بـــــناسه اذا ميــــت صفــــة الاحســــــاس انكطع عمـــــــر التـــرف راســه علـــــى الشاطي وكـــــــع عباس شفــــت حلك النهـــــر بــاســـــه العـــذر كلـــــــة يبو النومــــــاس عـــــــــذراك وهـــذا المعهـــــود شـــــاء الأمــــــر يمــــوت الجود آلامٌ وجــــــــــــراحٌ تبقـــــــــــــى ومــــــــن الدهــــــرِ ماذا القــــى مــــاذا لو مــــات الاحســــــــاس **** ذبـــــح بينة الهــــوى المـــــــــرنه نـــــفس نتنفـــــــــس الملكـــــــــــة علــى الراحوا جـــــمر صـــــرنه وحلـــــم نتحلــــــم الشبكـــــــــــة صــــفت قصـــــــــة بمناحرنـــــه ذكـــــر طاريهــــــــم تخنكــــــــه نــــــدور عالصبــــــــــر صـــرنه النـــار الفـــــــــارك تحركــــــــــة نيــــــــــران وجـــروح عتــــــاب فينا قــــــد أبقــــــــــى الأحبـــــاب آلامٌ وجــــــــــــراحٌ تبقـــــــــــى ومــــــــن الدهــــــرِ ماذا القــــى مــــاذا لو مــــات الاحســــــــاس **** شمس الضحى الخالدي https://t.me/hussainmenber