قصائد حسينية مكتوبة

ياصاحب الزمان ((الله يعظم اجر)) الـلـه يـعَـظـم اجـرك   **  هالـليـلـه لازم ظهـرك اتهل المدامع معذور   **  يالـدافـن بچفـك نـور *-------------------*--------------* مولاي يبن العسكري بمصابك الـلـه ايعينك مايخلص وياك الحزن والدمعه تترس عينك تحمل مأسي ألوَحَدك وبغربه كلهـه اسنينك انجمعن الـلـيلـه سوه جرحِ الأبـو وحسينك بالعَبره يخلص عمرك *------------------------*-----------------* بالدمعه دافـن وآلـدك صـعـبـه وغريب ابدارك خليني ويـاك انـفـجـع وخلـي الـحـزن نتشارك رحـلـت عـذابـاتـك بـدت مولاي احـس ابنارك يالعايش ابروحك جرح مگطوعه ليش اخبارك حيره اشأوصّف صبرك *-------------------*-----------------* اشـلـون اوصّـف حـالـتـك يلباقي دوم ابالي وآ سـاك يـاهـو ابدمعته لـمـن دفـنـت الغالي سكتـه بچيت الـوَحَـدك لوضل ونينـك عالي ماينگطـع نـوحـك ابـد وهذا الـحـزن للتالي ياهو اليّحس ابأمر *--------------------*----------------* ألـوادم تعظمّله الاجـر الـيـفـگـد عـزيـز ابيته مختلفه عنهم حـالتك الـغـربـه خـنـگـت ريته مـحـد اجـاك وگـابلـك واصعب وضـع حمليته العسكري اسنينه كضت وانته انكضت عافيته غير الدمع شيجِبرك *----------------------*-------------------* بعيونك اشـخـلـه الحزن تنزف دمـه معذوره وَجـه الـحـسـن يـاسيـدي الليلـه دافـن نوره امصابـه يمكن ذكـرّك سبـط النبي وعاشوره مولاي احَسّن دمعتك والعَبـره بيهه احروره كل الوجود ايعذرك *------------------------*-------------------* ✍خادم الحسين ع الشاعر رعد الجريخي

ياگلبي كافي وعوف المتانه أهلا نگله الموت لو جانه بعد الاحبهم ذوبلت روحي للملگه مو للماي عطشانه كف العتب   ياگلبي ورتاح وأيس بعد   مايرجع الراح زينب بقت  مكسورة جناح ........................ من الصفنه ما حركهن اعيوني صوره اعله حايط هيج عفتوني مثل الأسم فوگ الگبر حالي شما انترك تمحي الشمس لوني لا من اخو    لا واحد وياي بشام الغرب   ذبتني دنياي والله انقهر  من انضر الماي ......................... يخواني جا موهيج گلناها تعوفون اختگم محد وياها لاطارش ولا من خبر جاني وعيوني دمع الفرگه غطاها خلصت صدگ   عشرتنه يخوان ويه الدمع      دم گلبي خلصان موتي گرب    بس ماكو دفان ........................... تعبانه روحي اوين اوديها صارت بعد ماينطلع بيها اليگعد ابصفي توشل دموعه ويگلي بالله شلون تاليها ريشة ابهوى    عفتوني يحباب دمعي نشتل    يم عتبت الباب يكبر بقه       شيطيب الصواب ........................... الأرض المدينه الوكت رداني لا من علم لا هيبت اخواني شفت العليله وغمضت عيني منضرها والله هواي بجاني حيلي نهدم   ياوحشة الروح مو بس جرح   ترستني الجروح لاكف دمع     لا يخلص النوح ابوفايز الرافضي

‏مقطع صوتي من اللهم صل على محمد وال محم

شور شسويله گلبي الك گلبي مشتاگ العمري گاضي تدري وهدم حيلي الفراگ اجيت المجانك گلت بلكت الكاك يمهدي ذبحني الهجر والصدر ذاگ تون وعيونك عمن الك عمات انسبن الله ايعينك يامولاي اذا تسمع بالرمح يمهدي اشكد تنذبح حرمو جدك من الماي خلصت العمر كله بواجي واهلك ضلو ابلايه خواجي تتراكض رقيه ابين الخيول اتصيح امن اذني ملوخها التراجي يا صاحب الزمان اما آن الأوان ***** الف مره روحي تحن وكت الغروب تمنيت الاكيك تعبت امن الدروب لان عايش اوياي حبيبي احجي وياك احبك يمهدي وسط گلبي مكتوب ضعت يالبيك الأمل صحت يالمهدي العجل اسمك تدري يداوي جروح صرت كل جمعه انتظر الك مشتاگ اشكثر حيره الفاگد وين يروح ندبه اقرالك وعيني عله الباب ويم سردابك ابجي ودمعي سجاب غايب عن الأنظار القدر شاء امشيب حته رمشك يالجنت شاب يا صاحب الزمان اما آن الأوان ** بصلاة الفجر دوم اسبح وناجيك همت بنتظارك وريد التقي بيك احس دنيتي بخير اذا شفت بخير بدعاء الفرج ليش يجرني الگلب ليك شوكت يالمهدي تجي سمعت اشكال الحجي غيرك مالي بهذا الكون قريت اهواي ادعيه وذكرتك بالناحيه لا تعتقني اعليك ام عون بروضا ام طوى ساكن صحت وين لو ما نعمتك هسه احنه ميتين من كد ما حجيت الولدي عنك يدعولك بقو والدمعه بالعين يا صاحب الزمان اما آن الأوان ** يمهدي تعبنه ونريدك تجينه الظلم تدري والجور كثر يا ولينه ويبو صالح اتشوف بدت تجزع الناس ثمن حبنه ندفع اضن تدري بينه بدت يالمهدي الفتن ونريدك يبن الحسن تمسح روس المنتظرين يمهدي انشر رايتك تعال انصر شيعتك عن احبابك غايب وين مو جمره قلضنه بجفنه عالنار وملينه الظلم يا صاحب الثار وكلها يابو صالح وينك اتصيح ومنك سيدي ما وصلت اخبار يا صاحب الزمان اما آن الأوان ** تمت تحسين الخفاجي

مرن عليه هواي وهواي ليل وصبح ما يبطل إبچاي من الضلع للغاضريه والليله ابوي بهالمسيه يلعسكري يلعسكري ----------------------- شايف مصايب كل هلي سم وذبح بعيوني يا شيعة ملچوم الگلب يهل العزى واسوني انه الشفت ام الحسن محنيه بس حاچوني آه يا مصايب كربله اه يا هلي عينوني يا شيعه شفت حسين مذبوح وام الخدر علمنحر تنوح هاي الصدگ صعبت عليه والليله ابوي بهالمسيه يلعسكري يلعسكري ----------------------- گدامي شايف كربله وحتى العطش هم شفته من وجه عبد الله انخطف والموت گرب وكته من ظل وحيد الماله اهل وبظهره بس عايلته من حشم الماتو لچن سكته ولزم خاصرته محد فزع لن كلهم اموات الله يعينه بظهره خيمات ودع هله وما منه جيه والليله ابوي بهالمسيه يلعسكري يلعسكري ----------------------- ما ينحمل حرگ الخيم والشده زينب هايه الجاباهه عباس الكفل مامونه يم الرايه عماتي ركضن بالحرب وانتچن آيه بآيه والسوط لا يعرف فرض لا يعرف امصلايه ظل يستلذ بوجوه الزغار نار وتسير صوب جمار متخلي لا طفله وسبيه والليله ابوي بهالمسيه يلعسكري يلعسكري ----------------------- فگد الابو كلش صعب اه يلحسن يا چبده يلشاب يل ما طولت حزنك عمر مو مده واني بزغر عمري اليتم عيشني هاي الشده من تلتفت مامش ابو مات التعيش بسده مات الحنين وراحة البال شالت الطيبه بساعة الشال يل يمي بس مبعد عليه والليله ابوي بهالمسيه يلعسكري يلعسكري ----------------------- والشده بافعال البشر من تنعرض يوميه ما تنحمل لچمه بجرح هيچ التعب تاليه هو اليضحي بكل هله وبعيونه چم مسبيه چا غير ناسه تعاونه چا وين حسن النيه اسمك محب بس فعلك يگول جارح امامك وانته مسؤول هالفزعه رايد للقضيه والليله ابوي بهالمسيه يلعسكري يلعسكري كلمات الخادم / رعد الفريجي 30 /صفر / 1448 ثوابها الى روح والدتي

يا انيس النفوس ... ياغريباً بطوس يا ملاذ الحياره ... الحياره اكتبلي يمك زياره ... زياره ...... الك مديت الجفوف وادري متردهه خليه سخي معروف بعطائك مثل حماي الحمية عليك امشي حسينك وعباس والزهره الزجية اعلية تتكرم ازورك كبل ميعاد المنية يا كريم العطاء ... لا ترد الدعاء امنيتي اشوف المناره ... المناره ...... ارزقني مولاي الزياره منهه لا تحرمني فدوه كلشي بالدنية ميسوه ازيارتك بس هي تسوه الف هنياله الاجاك ومن عذب مايك ترَّوه ياملاذ الخائفين الشوفته الاملاك تهوه يا امير  الخلود ... انت سر الوجود بيدك الكون ومساره .. ومساره ..... سارح ابعالم جمالك  يا امامي عمري جبته اعليه كل يوم اليعدي اجري الك دمعاتي سكته انا ذاك الماله غيرك انت المترجمهه قصته كلبي حبيته اعله مودك جي يحب ذكرك عشكته انت معنى الجمال ... انت زين الرجال يا امير الغياره ... الغياره ..... على جنح الطير ابعث الك اشواكي وسلامي خادم ازغير اعله بابك ريت اصيراً يا امامي اليوزع الماي بسمك يروي كل انسان ضامي كلشي ما ريد ابحياتي بس رضاتك يا غرامي خادمك ريت اصير ... عبد عندك ياامير خدمتك اعظم تجاره ... تجاره ...... سامع الزارك يحصَّل كل طلب منك يطلبه وانه كل طلبات عندي تحضر الكبري وتطبه من يحفروهه حفرتي وعني يمشون الاحبه جيَّتك مولاي اتاني تدري هاي الساعه صعبه مالي غيرك ينور ... يحضر الكبري يزور وحشه كبري ابلا زياره ... زياره ...... كلمات موسى الخادم

قال مولانه الرضا // ورواه ابنُ شبيبْ إنَّ جَديَ الحُسين // ماتَ عطشاناً غريبْ //////////////////// ١= هايه معناهه الرضا جان اعله جده بروحه ناصب فاتحه ودمعه اعله خده لحد يوم السمو الضلام جبده يشكي حال حسين  من خلوه وحده دامياً في كربلاء // عاريَ الجسمِ سليبْ إنَّ جديَ الحُسين // ماتَ عطشاناً غريبْ ///////////////////////////// ٢== عاش بالغربه لحد آخر حياته  مخاوي حزنه ولوعته وهضمه الوفاته جرع كاس المر على حسين وبناته وعلى زينب شيَّب وتشهد صلاته ولخدرِ زينبٍ // شيَّبهُ صارا كثيبْ إنَّ جديَ الحُسين // ماتَ عطشاناً غريبْ //////////////////////// ٣=== ذبحت العطشان يذكر كل مسيه بالهضم  والنوح و الونه الخفيه  وعمره ما بطل بواجيه الرقيه خلصاهه يصيح ويلي اعله السبيه يا عزيزةَ الحسين // يا ترى هل من مجيبْ إنَّ جديَ الحُسين // ماتَ عطشاناً غريبْ ///////////////////////////// ٤==== ليله ما شاف الفرح ثغره وتبسم وجابهه من الصغر هم ابكتر هم اسنينه مسبيه اعله عماته تكلم ومحترك كَـلبه مثل حرك المخيم يا أبا الجود الرضا //، قد قضى العمر نحيبْ إنَّ جديَ الحُسين // ماتَ عطشاناً غريبْ /////////////////////////// ٥===== وبنهاية صفر ودعهن سنينه وعاف ذكراه المجالس على حسينه كربله ما فاركَـت لحضات عينه والشهود بهاي يا سامع ونينه للشفاهِ الذابلات /// دمعهُ امسى خضيبْ إنَّ جديَ الحُسين // ماتَ عطشاناً غريبْ ////=====================//// ✍️🏻 كلمات #موسى_الخادم

على مر العصور .... صور متناقله الكصد بابه يزور ... كزاير كربله سلام الله ... على الضامن ... ابو محمد رضا ....... تشبه حضرته حضرت ابو سكينه اليدخلهه يحس جن زاير حسينه مثل جده الحسين ايحيي بالزاير وينطي امراد للكاصده ابجفينه كرم جوده يفور .... عظيم المنزله الكصد بابه يزور .... كزاير كربله سلام الله ... على الضامن ... ابو محمد رضا ....... كلمن عنده حاجات ويهم بيهه خل يكصد غريب الطوس يكضيهه ما واحد كصدله ومنه رد خالي موش انه الاحجيهه الناس تحجيهه ذكر اسمه يدور .... يحل كل مشكله ...... حاير ما يعوفه اليعتني البابه مفتاح الفرج دمعه على اعتابه من طبعه سخي مثل الحسن طبعه للغربه يعزب اشلون بحبابه عطاءاته بحور .... شهد كلشي اله ...... ابو محمد رضا شمحلاه محله اسمه شمس الله الجبيره التجلي كل ظلمه يمه الصعبه تسهل ما تظل صعبه وكل مهموم صدره ينشرح يمه على كل السطور ... ذكر اسمه حله ....... الضامن للغزاله ضامن الزاره يحضر دفنته ويصير خطاره يشفع لليزوره بعمره لو مره هاي اعظم ابشاره الكم يزواره كبر زواره نور .... امن اخيره الاوله ....... هنياله الصبح خادم لبو محمد باجر بالقيامه جاهه ما ينعد يجوز اعله الصراط ابصاية الخدمه ويدخله الجنه بيده المصطفى احمد الحواري والقصور ... ابهله تستقبله ....... كلمات موسى الخادم

يبن شبيب .. ان كُنت باكياً لشي … فبكِ الحسين ////1 قال مولانا الرضا … والدمع عالخد يسيل خل بجيكم كل وكت… على داست فوكه خيل ماكو مثل امصيبته … اولا يصح الهه مثيل جسمه ظل اعله الترب … ما لكه وادم تشيل يبن شبيب … أتلث ليالي ابلا دفن … ظل الحسين ///2 مثل ما يذبح لكبش … حسين ياناس اذبحوه وبالعطش فوك الثره … اكبال اهل بيته اتركوه وبالحوافر يا وسف … مره مرتين ا سحكوه وحتى ثوبه البي عطر … امن الزجيه سلبوه يبن شبيب حتى اعله ثوبه ما سلم … يا مسلمين ////3 ابكربله يبن شبيب … حركو اعله اهلي الخيام وعمت عيني ام الخدر …. ظلت اتلم باليتام ما رعو حرمت نبي … ولا رعو حرمت امام منحره انحز من كفه … وكابلو صدره ابسهام يبن شبيب الف وتسعمية جرح … فوك الانين //4 جان كل وكته بجي … يخلص ونوح ونحيب وشاهد لهذا الامر … صحبته وابن شبيب اه يا جد صيحته … من الصبح حد المغيب ياهو مثلك بالشمس…عاري ظل جسمه وسليب يبن شبيب اتغيرت رسومه امن الشمس … جدي الحنين //5 لاخر ايام العمر … ناصب ابكلبه العزاء مره ينعى اعله السبي … اومره ينعى الكربلاء وثوب الاسود ما نزع … اولا نزع حزنه البكاء ايد رافع للطم …. وايد رافع للدعاء يبن شبيب الرايد اذنوبه تنغفر … يبجيله عين ///6 موتاه كثر القهر … على جده الظل وحيد موتاه حال الاخو …. من بقى ابلا عضيد موتاه ذاك النحر …. المنكطع من الوريد موتاه درب السبي … اوطبت الحره اليزيد يبن شبيب ميت امامك من قهر … هاي السنين ….. كلمات #موسى_الخادم

خدامك … يالرضا … خدامك أيامك … ما نست … أيامك 📝1 كل وكت خدام الك يبن الزجيه واللطم واجب يضل حد المنيه اوداعت الدمّه نزف بالغاضريه ماكو تعب ابخدمتك راحتنه هيه نحجي واقع مو وهم يمك احسبنه خدم خدامك … يالرضا … خدامك 📝📝2 ساعه ساعه ننتظر هاي الليالي حتى نبجيلك بواچي بصوت عالي كل مجالسنه ابخدمتك انت غالي ما يهمنه اليعترض بي ما نبالي خل يرامينه ابسهم يمك احسبنه خدم خدامك … يالرضا … خدامك 📝📝📝 3 يالجبت عمرك تحث اعله الشعائر نحِي يوم امصابك ابدمع النواظر ماكو بينه الما يعيش احزان عاشر خدم نبقالك نردد عالمنابر يا شفيع اهل الشيم يمك احسبنه خدم خدامك … يالرضا … خدامك 📝📝📝📝 4 ما كو بينه المايحب عيشه ابكرامه والكرامه شفنه احنه ابهل خدامه سيدي اوداعت علي نصبح يتامه ابغير خدمه الحضرتك يابو الشهامه خدمتك تشفي الألم يمك احسبنه خدم خدامك … يالرضا … خدامك 📝📝📝📝📝 5 يا أنيس الروح يل كل حجيه دافي إلك لو نكسر عظم هم ما نوافي انريد كلنه انصير بشر الركض حافي الوالدك واعلن التوبه ابكَـلب صافي المهم أنته نعم يمك احسبنه خدم خدامك … يالرضا … خدامك 📝📝📝📝📝📝 6 تنتظر كل الخدم جيَّت المهدي اهواي ثارات اصبحت يا لطمه اشهدي ماكو خادم ما يحب ايكون جندي ابدولة العدل الإلهي الراح تبدي بثارك ايرف العلم يمك احسبنه خدم خدامك … يالرضا … خدامك _______________________ ✍️🏻 كلمات #موسى_الخادم

كسر الضلع حاله عجيبه لااله دوره ولاصحله طيبه ياويلي مكسوره الحبيبه وحيدر علي بحاله غريبه مكسور والدمعه سجيبه بحزنه بقه ينوح المصيبه ياويلي قالع خيبره ... مهدوم حيله اليله عكب النبي ماراعو الدار هجمة عليه الانذال بلنار حيهم يمن مذخور للثأر حيهم يأبن حيدر الكرار كف الغياب وأعلن انذار وحركه التماده اكبال الانضار ياحيد يبن المايرد .... رد التعده عليكم حيهم يمن للثار طلاب انهض وذب عن عيونك انكاب امهندك جرده أمن الكراب واطلب الحركو عتبت الباب ماعدنه غيرك يأبن الاطياب يرد التماده وداس العتاب يبن العكر بيها الجمل .... اعكر صنمها وشيخها حيهم يأبن شيخ النوايب يا آخر اشموس الاطايب زادت تره علينه المصايب من البعد كافي يغايب اندبك يمهدي بكلب ذايب اضهر أهلها الحنه الحرايب شيعتك تنتضرك ترد...... ثار الزجيه نجيبه محمد تقى الزاملي

2 ربيع رجوع الضعن للشريف الى المدينه السيدة زينب ص تخاطب ام البنين ع . .. اه يام البْنيِن ردو هلج اه يام البْنيِن هنا يلتنشدين ماضل ولي هنا يلتنشدين عگب الصواوين نمنه بترب عگب الصواوين من طاح الحسين ناسه انسبت من طاح الحسين شفنه المصايب وي السبونه تقدم ضعنّه ياراس ابونه وابجي من احطن عيني بعيونه يام ابو فاضل فر وكتي بيه نادوني باسمي وضافو سبيه طاحو زلمنه وجابو لديه ؟ جابو هالحبل جابو ولليسر گالو. درب السبايه وانه وحيرت ايتامي وجم طفل ضامي نربي اعله رايه **** ضهر الهزيله ناگع دمع ضهر الهزيله ماعندي حيله غير البجي ماعندي حيله ياهو اشتكيله شابگ رمح ياهو اشتكيله انه العقيله مو للگطع انه العقيله ضهر الهزيله من حزني حدب بثگل المصاب الحاملته زينب غادي التشوْفينه بزغره شيب ام العفاف الحرمه الجليله اابلا هوادج فوگ الهزيله حر الشمس ذب اعليهه حيله عادي بهالحر عادي الكاسر افّادي احسين وضيمه اموذر يمه اموذر ونايم بهالحر وسط الهيمه *** لو سولف الصار موتج يحن لو سولف الصار من شبت النار گلبي انجوه من شبت النار واتجوت ازغار من الجمر اتجوة ازغار ماعدنه نغار لبيت النبي ماعدنه نغار حرگو خيمنه وفرينه بلبر وصحنه بدمعنه ادرکنه يحيدر ناح الحجر للبينه وتفطر شي راح ابنهه ولولت بواچي وشي من اذنهه انسلبت تراچي يلشفتي موت بهاي المحاچي .. تگلهه انه ؟ بعيني شفت بعيني ايگوملي حسيني وخيل اتوكعه اعله التل حيلي كله انحل شال ايده اليه ومگصوص اصبعه *** ياغربة الشام تحني العمر ياغربة الشام واتخاف الايتام من الخرابه اتخاف الايتام واتفزفز اتنام تغفه بدمع واتفزفز تنام تاذينه الاحلام مانمنه ابد تاذينه الاحلام طيف القصر.. وايزيد ابقواته يضرب ثنايا ابن امي بعصاته وبدمعي افز او مدمع بناته ؟ يجري اويه دمعي اعله الصار اشوفه ومن ارجع اغفه اتلاگيني كوفه وانخه بهضم عباس وجفوفه خويه شامهم خويه كتلت ال بويه بذيج الخرابه الناحت عالولي وصاحت ومن حضر ماتت وي اليا بابا مصطفى خالد الجبوري #اللهم_عجل_لوليك_الفرج

للامام الحسن العسكري عليه السلام يادمعتي.  من دمه صبي اعله خدي يادمعتي.  بالبجي نواسي المهدي عظم الله اجرك يغايب يعين كلبك ع مصايب يابو صالح.   يابو صالح ....... يعين كلبك يابو صالح من دمه دموعك تصب ولو من ليلة العاشر سيدي شظل بالكلب تشوف ابوك كبال عينك موقفك كلش صعب تبجي وانه اعرف عليمن راح اسولفهن واطب تبجي لحسين ..... محد ينوح  اعله جثته مرمي ع الكاع .. تنطك شما ناحت اخته ابالك الشام ونوايب يعين كلبك ع مصايب *** فاتحه ابيتك واشوفك بيك لوعه  الكربله شماتجي تعازيك وادم تذكر حسين وهله شلون ظل اعله الترايب دامي محد غسله ولا رضو زينب تنوحه ولا تنوحه العايله انت سويت  ....  فاتحه ودمعه ومصيبه وتبجي للشيخ  .. الجثته ظلت سليبه وفوكه مالطمن حبايب يعين كلبك ع مصايب *** والدك غسلته بيدك وانت لفيت الچفن كبل لا تعگد أزاره صحت  وعيونك بچن حسين ليش اعله الوطيه ماتغسل وندفن وليش تغسيله الحوافر سحگته وصدره انطحن والدك مات .... بس الحسين اعله بالك كربله وياك ...  سيدي حتى ابخيالك لن شفت بيهه العجايب يعين كلبك ع مصايب ** والدك شيعته بيدك وانت نزلته بگبر واللحد بيدك حفرته وجبت كافور وسدر كمت بس من البواجي صارت عيونك حمر تبجي لحسين وذكرته النايم بحر الظهر من دمه تنوح ... للبقه بحر الظهاري بلا گبر نام  ...  بلا فياي حسين عاري ولا شريف الظل يطالب يعين كلبك ع مصايب *** الخادم موسى البطلي

((جمرات الخدم)) جمرات الخدم بيدك دخيلك سيدي السلطان حزن ودموع ترزقني وانت مهيج الاحزان . يمولاي الرؤوف بحالي تدري بلايه ادموع مااسوه إنه عمري التسجنه دمعته اهواي محضوض إنه رايد أسر محلاته اسري . ينضره صد عليه عبدك عنده مُنيه وانت الماترد خادم للحسين . جمره خلي بيه للراحت سبيه اذا ماابجي المن ضاله العين . عيني . كون تطفه من الدمع عيني . زحمه غالبني الشمع عيني . افجعني وانت المنفجع (( يمولاي الرؤوف إنه دخيلك)) """"""""""""""""""""""""""""""""""""""""" الحب دون الدمع جذبه المايبجي لحبيبه ضاع اليمك ما نذر روحه ابخس ياسيدي ينباع . يلضامن غزاله عبدك اني اريدن شوفتك ماريد اتاني إنه احنين اعرفك يابو الاجروح ليليه الدمع شوكك سباني . اشوفنها المناره وترزقني الزياره اجروح اهواي عندي وانت ابو جروح . جروحي شلون تهده وعمري كله مده ثمن لزيارتك انطيها لو روح . روحي . اهواي تعبها البعد روحي . العمر فتره مايرد روحي . نار شوكك والفكد ( يمولاي الرؤوف إنه دخيلك) """"""""""""""""""""""""""""""""""""""""""""""" يلمشتاك إنه مشتاك وصبحي لايح انجومه تكتل فركتك مولاي وكفت كلب معصومه . مذنب وعتنه لا تترك ايده موسوعه حصرتي مو قصيده صرخات الدمع توجع يمولاي امشي عليك شوغه من حميده . تنساني محاله يضامنها الغزاله وأنه دموعي تسولف عشك وفراك . دمعك دومه يسال عل صعدوها هزل وكلب عمتك تعرفه وهوه مشتاك . راحت . وراح ويااها الخدر راحت . وهيه مشتاكه شكثر راحت . وضل دمعها عل النهر (يمولاي الرؤوف إنه دخيلك) """"""""""""""""""""""""""""""'''''"''''""'""'"""""""""" اذا ما اوكف ابابك حرام عليه اطب الشام اريدن حركه من عندك اريدن صرخه اريد الام . اريدن لوعه للماتت اسيره للماضل ابن عدها وعشيره للتتلفت وبلكت اخو جاي والحيره بدمعها تكفي ديره . تتلف عجيبه صاحوها الغريبه اخت حسين هايه زينب ام عون . دمعها موتاها جي محد اجاها ماتت والدمع بطراف العيون . ماتت . ومات وياها الحلم ماتت . لهاشم ولا رف علم ماتت . وحيل سادتنه انهدم . (يمولاي الرؤوف إنه دخيلك) من رأفت الجواد .ع. سيد علي الهندي

فاطمه ونورج طغه علل وادم انتي سر الله العظيم العاصم فاطمه واسمج فطمنه من لعذاب انبياء الباري تدعي بفاطم هذا الكون من ايدج وصافه وسبحتج للفضا صارت وصافه انتي الاول وغيرج وصافه هذا الكون اصله من الزجيه من اعيونج . الله سوه الجنه يسمونج . انتي سره وحصنه ياكوثر . والجنان ابايدج يدرونج . صرنه منج احنه ....يافاطمه مدد مدد...... __ المصطفى مخلوق نوره بنورج كل ملائكة العرش ضم سورج طاهره وباب الرجاء للعالمين جنه تنعد نار البتنورج . علينه بنورج الزاهر من الله يلمعلمه الخلك كلها من الله حبج منخلط بينه من الله صنع ايد البتول الجعفرية . بت طه. . وانتي أمه ودينه بمرضاها. الله يرضه علينه اقبلينه. نركع عله ترابج بمسراها. الله المشينه ....يافاطمه مدد مدد...... __ بوصفج الله يحير اكبر عاقل دون مرضاتج فعلهم باطل حجه اسمج عله حجج ولولياء كل دعاء بلايه اسمج نازل . دمعج بلدعه عليهم يهل كون وي دمعج امر الله يهل كون كون ارفعتي جفينج يهلكون اثر مايبقه الهم عل وطيه . يارحمه . وانتي باب الرحمه يانعمه . عطفج أعظم نعمه بيافاطم . الله ميرد طالب ياكلمه . أحله من هل كلمه ....يافاطمه مدد مدد...... _ الصبح يستاذنج ويفك عينه يقره بيج المصحف التقرينه بأجر الرحمن من عرشه يصيح غضو الأبصار وتجين اعلينه . صبر من فاطمه واصبح لهاجر حزنج لو نبي صابه لهاجر لا مريم علت يمج لهاجر خدم عندج يبت خير البريه . بلمحشر. بأجر امرج صارم ياكوثر.. يلوذ باسمج ادم يتمنه . اتراب لمعاديكم يتحسر. جنه بأجر فاطم ....يافاطمه مدد مدد...... من رأفت الجواد .ع. سيد علي الهندي

( اشتياق لزيارة علي بن موسى الرضا .ع. ) تدري بكلبي هام .. يا ثامن امام _ _ _ _ _ ١ يمولاي شوكت تتحقق احلامي واجي شايل جروح الحضره كدامي وحده امنيتي اصد بابك يباب الله واذا ما جيتك المن ماشية اجدامي يمولاي حلم عمري بعتابك ينكضي كلة طبيب جروحي لاكن يمتى اقصدلة وشوفت كبتة صارت بلكلب علة يا رؤف .. روحي انسة يم مناره يا رؤف .. وشوكت هاي البشاره رزقي انتظره عام .. يا ثامن امام _ _ _ _ _ ٢ يمولاي البعد كاسر كلب مني وريتي بحلمي لو كبتك يشوفني يكبر شوكي ويه كل دمعه من اطيح لمولاي الرضا شوكي شيوصلني يمولاي امنيت الصغر جا يمتى ازورنك رايد هل سنه اوصل رزق منك افرجها السنه وخليني اشوفنك يا انيس .. گلبي سائل رد جوابه يا انيس .. والبُعد يكتل عذابه بدمعي اكعد وانام .. يا ثامن امام _ _ _ _ _ ٣ ملهوف اعله اجيتك لهفة العطشان اذا شفتك بحر خل يوصل الضمئان صحره بروحي واشواكي جبيره اهواي انا بعازه هوا من صحنك و ذبلان يمولاي تحيا روحي بس اوصل لعد بابك يكبر عمري بس اشتم هوى ترابك تروي الشوگ بيه بوصلة اعتابك يا معين .. يومي گرَّب ما اجيتك يا معين .. كلشي بيه من لكيتك عشت آني بظلام .. يا ثامن امام _ _ _ _ _ ٤ دخيلك سيدي ما احمل آنه أفراگ الك رايد اجي ما توصف الاشواك رزق جيتك يبو محمد على بابك جمر بعدك يشب كل ما الك اشتاك يمولاي يصاحب دمعتي التبچيك يوميه اذا گلبي يرف عطشان الك مَيه وأحس چم نار ظلت تشتعل بيه يا غريب شوكي ليك من البداية يا غريب ويـسـتـمر حد النهاية ولگلبك سلام .. يا ثامن إمام حسن هادي المرياني

رجوع الضعن الى المدينة بعد الطف واحزانه رديت وخجـلانــه اشلون ايرد للبيت الماكو .. اخوانه رديت ومحنيه يامكلفها الجيه ارد اخلص بس من جلمه .. مسبيه بعد طف الحزن والشام اجيت وكلشي ماعندي .. وقبل خوان الي كثره اجيت بضعني بس ايتام ودمعتي اتسولف بخدي .. بكل خطوه الف عثره المدينة جدنه جبت اللآم ودرت عيني الگبر جدي ..وصحت وينك يبو الزهره ياجد هاي زينب اجت بس متغيره من الركاض الباصحره .. ياجد هاي ماضل راي ولا ضل اخو ايردني البيتي ومحد نشد بيمن جيتي .. ماضل راي ................ لا لاتتلگينه ياديره اشردينه ابلا خوان ولا في رايه .. اعلينه اتذكر طلعتنه منج وبهيبتنه ردينه اوجووه اتسولف .. ضيعتنه طلعت امن المدينه اوياي اخوان وتمشي گدامي .. ورديت بكسر خاطر بين اللي الوگع عالماي وبين اللي انذبح ضامي .. وضل ابدرب الاحوافر وتاليها ارجع ابلا راي و لا واحد من ازلامي ..اخذ كل اخوتي العاشر المن جيت لو ميته يمهم احسلي ولا ارجع وما الگه اهلي .. المن جيت وين البيت ارد احجي يمه اعل الصاير اهواي انشفت يوم العاشر .. وين البيت .................... رديت ومجروحه مو انه البروحه وسفه العالي اشلون الناصي ..ايلوحه من يوم الشافوني اتغير شكلي ولوني زين وضلن بيهن شوف .. اعيوني بعد المن ارد وانگال اسمي وشافو اخيالي ..وماشاني اللي مايسوه اجيت وبيدي بس احبال هنه ايسولفن حالي .. انهظمنه يهل المروه هاي ابيوتنه بس شال منهن كافل اعيالي ..وماتت بالگلب شكوه محد صاح جلمة هله الضعن الساده هذا الجرح گلبي ازياده .. محد صاح اشلون ارتاح ورديت احن وانعه الوحدي لامن اخو اليمشي ابسدي .. اشلون ارتاح ..................... هاي ابيوتي اگبالي بس مابيهن والي شيفيد الدار ابلا ملگه .. الغالي ابابه اوگفت ابحسره اه يابيت الزهره الماطالعتك تالي اتضيع .. ابصحره صحت مو تدري يا هالبيت انه مامره طالعتك ..الا اخواني بالممشه وهسه امن اليسر رديت خيمه امحرگه شفتك ..وحشه شوفتك وحشه يوم العاشر احتاجيت فيك والظهر ردتك .. صرنه افيايك انعطشه جيتك شوف ابلا هودج ولاكو ابيارغ وانت امن الهواشم فارغ .. جيتك شوف عندي اجفوف مجروحه من حبل امصابي ماتگدر اتدگ اببابي .. عندي اجفوف .................. ها يادار اخواني يالهيجت احزاني گلبي لهسه لملگه احباب .. ايتاني خاف ادخل ما الگه لا صوت ولا ملگه والمايعرف شكلي اهنا .. من حگه جيتك ها يـدار اهلي وكلها امضيعه ارسومي .. ولاجني الامس زينب هظمني الحادي من گلي يله بت علي گومي .. ومن عدها الگلب شيب اريد ام الگمر عباس يمها ارد احجي بهمومي .. اگابلها واضل انحب وين ام عون تنشد اجت ام الكافل لاگتني والمدمع هامل .. وين ام عون ماضل لون گلتلها من حجي الغربه محد علينه ايحن گلبه .. و ماضل لون ابو حميدة الشويلي اللهم عجل لوليك المنتقم الفرج

لحن قصيدة (لو گعدنه) بصوت خادم الامام الحسين ملا فاضل عواد السماوي سماوه

((لو گعدنه)) لو گعـــدنه ونحچي بيك وخدمتك نشم عطورك چنها گعده بحضرتك رحــــمه تشملنه ســـوالف دمعتــك يطـول بالحب الكلام وينفرش جنح الحمام ونــــدخل بجو الخيام .. بالكلام ونرسم اطـفالك شموس تضوي كل هـاي النفوس وطوس ماي وكلها طوس .. بالشموس مانســـولف بالعطش ولا على ليل اهدعش الدمعه بالحب تبتدي ومــــــا نشيعها بنعش ياحبيبي ياحسين ... """"""""""""""""""""""""""""""""""""""""""""""""'' الدمعه مثــل الطفله اربيها بهيام كون تنزل مـن يمر طاري الخيام ويحترگ بيت الدمع مو بس كلام وبالغـــــرام انمد ادين ونطلـب من ام البنين مدرسه بحب الحسين .. ياحسين ونطرق الباب اليجيب شيخ كل ناصـر حبيب يمك وانـــــته الطبيب .. ياحبيب لليحــــب لازم وطــــن للســـــهر لازم وســــــن انطيني من حبك حرف سيـــدي وعـــــبر الزمن ياحبيبي ياحسين ... """""""""""""""""""""""""""""""""""'''''' لا غوانه الحاجـب وعين وكحل أحنه مشدوهين بالركبــت هزل ليل وبحضن الترب يغفه الطفل خــايف ويغفه اليتيم وماتفض بـ الله كريم وماكــــو للعيله رحيم .. ولليتيم واليحب لازم سـكوت كون عالهزله ويمـوت ساكت ومايعله صوت .. بالسكوت طفله ســـوتها وبچت وصرخةّ بليـــل ونعت وجابو الـراس بطشت براس ابوها وفرفحت ياحبيبي ياحسين ... """""""""""""""""""""""""""""""""""'''''' مــــايهيد الينتمي الحـــبك دمع وزينب بليل الغرب ترســم شمع تحچي بشواگك حچي ماينسمع طارش اتودي النجوم ابد مـــو زينب تلــــوم واليحب بالحب يحوم .. بالنجوم وتحسب ايـــام وجراح وضلمه ياخويه الصباح وبغـــيابك عمــري راح .. بالجراح فراگك شلون احمله وگلبي يصــرخ كربله راح اروحــلك هــجر وگضت نص العــائله ياحبيبي ياحسين ... عبد زينب محمد الابراهيمي