حسين مجيد العميدي

نزلة للمشاية ( من كربله ) من كربله صوت كل الهلا ........ بزوار الحسين ############################## هلا من كربله بزوار ابو اليمه يوفاية ابد لا تبرد الهمه على طول الدرب تلكونه بالخدمه اذا قصرنه ولله إبرونه  الذمه شما نبذل نصيح يبن النبي .... كلنه مُقَصرين من كربله صوت كل الهلا ....... بزوار الحسين ############################### مثل سيل النهر متعنيه وفايه عدنه المعتقد والجواهر وغاية تسد عين الشمس لحسين مشاية وترفرف للسمه ما توكع الراية خدام للموت ما همنه شي ....... عهد الموالين من كربله صوت كل الهلا  ....... بزوار الحسين ############################## شحلاة بهل مشي من نتعب شوية صرخة كل كلب غالي ابو رقية ونبي يكود بني ويقرون لطمية اويلي إعله المشت للشام مسبية ول الطمه عل راس طول الدرب ....... جينه مُعزين من كربله صوت كل الهلا ........... بزوار الحسين ############################### من اقصى البحر للنحر مكصدنه بس مذبوح واحد غيره ما عدنه لو لا حسين جا محد يمجدنه قائدنه ويظل بس هو قائدنه لآخر نفس كون فدوه إله ......... عدلين ميتين من كربله صوت كل الهلا ......... بزوار الحسين ############################### يكوكب من وفة يانجمة بسمانه مو موسم ابد كل لحظه تلكانه لا علة وظرف خل تسمع اعدانه نجيلك ما نهم للموت مولانه يا رحمة الله  كلشي فده ..... رجلين وايدين من كربله صوت كل الهلا........ بزوار الحسين ############################### صرخة بكل درب من كل مشاعرنه ثورة تعيش يحسين بظمايرنه وشعايرنه إلك محلة شعايرنه وبس انته فقط تسوه مدامعنه وماتغمض العين يابو علي ........ ماتغمض العين  من كربله صوت كل الهلا .......... بزوار الحسين حسين مجيد العميدي

نزلة ولائية عقائدية عهداً يبو اليمة طول العمر ذمة ما تخلص الخدمة  ..... ما تخلص الخدمة __ لا يوم وشهر طول العمر عهدي بالموكب اكف يم حضرتك جندي اوزع ماي واخدم باليجي زاير يلحبك ورث من جدي ول ولدي للموت هال كلمة طول عمر ذمة ما تخلص الخدمة  ..... ماتخلص الخدمة ___ يبو اليمة نذر اني وهلي وربعي يمن يسوه على مصابك اهل دمعي انه بمجلسك ياسيدي تربيت  خليني إعله بابك خادمك إدعي وياك بفرد همه طول العمر ذمة ماتخلص الخدمة..... ماتخلص الخدمة ___ ما همني العمر من صغري ولشيبي الك وحدك ففط احجيلك بعيبي يمن ساتر عليه بعطفك ولطفك أدبني ألك يا محله تأديبي احجيها بس يمه طول العمر ذمه ماتخلص الخدمة....... ماتخلص الخدمة ___ يالنورك سماوي الماترك دربي خدمتك بالكلب مشدود ياكلبي اذا قَصْرت اديه اكطعها واعيونك كل مجلس حلاتها سيدي بتعبي الخلاني بالقمة طول العمر ذمة ماتخلص الخدمة ...... ماتخلص الخدمة ____ اسمي بدفترك ياريتك اتسجله وبيد الزهرة لو تكتبني يامحله كلمة بكلبي ظلت لازم احجيها الما عنده حسين بدنيته شله المايخدمك اعمه طول العمر ذمة ماتخلص الخدمة .......ماتخلص الخدمة حسين مجيد العميدي

للمشاية المباركة يا سيد الحب الصدك عن خدمتك ما نفترك يا اجمل نحر ...... وانسطر صور بالاربعين بالاربعين ___ مسلم مسيحي صابئي توحدنه ولكربله كلب بكلب مكصدنه غيرك ابد ياسيدي ما عدنه جسد واحد عراقك صار بالخدمة أهل غيرة واهل موقف يبو اليمة تصيح الثار ..... يبو الأحرار ....يالغالي ماكو فرق بالطائفة تجمعنه دمعة وعاطفة حيرنه البشر ...... وانسطر صور بالاربعين بالاربعين  ____ نيتنه وياك بصدق نحجيها تسوه العمر كل لحظة نخدم بيها ولأجلك أهلنه يا فخر نسبيها يلتسوة ل مصابك دمعتي تلالي ألك فدوة هلي وناسي واعز غالي صدى الخدام ....... عهد كل عام ..... يالغالي بكلوبنه حسين أشألك كلشي صعب يسهل إلك يم نحرك نهر ...... وانسطر صور بالاربعين بالاربعين _ كل موكب انحسبه حساب الحضرة غيرة علي مزروعة بينه بفطرة طول السنة حزنك شرارة وجمرة محرم بالكلب خيمة عشك تسعر يقران الوفة و عشنه الحزن بالذر بغرامك صوت ...... ولا هم موت .... يالغالي جم عابس بحبك وكع وإباله من الطف طبع من طاح الكمر ....... وانسطر صور بالاربعين بالاربعين ____ ثالث نهر ينبع وفاء وغيرة طلسم ابد محد فهم تفسيره خادم الو اليمة يعادل ديرة كفو ربات المجالس واللطم والنوح بأخلاص وصدق نية ونقاء الروح نصيح الله ........المشي محلاها .... يالغالي للخدمة نوكف نستعد ميهمنه يحسين الجهد لو نصبح وذر ...... وانسطر صور بالاربعين بالاربعين __ في خدمتك روس الخدم مرفوعة وصوت الضماير يعتلي موضوعة بدرب المشي عيشنه هظمة ولوعة ما دام العقيلة تمشي مسبية نظل نمشي نواسيها ببو رقية جنونً بيك ....... زحف نأتيك..... يالغالي عون وسند عبر الزمن متهمنه مولاي الفتن يحزام الظهر........وانسطر صور بالاربعين بالاربعين حسين مجيد العميدي

نويتُ أن أزور زيارة العارفِ حق الامام ----------------------- نويت زيارتك وبكلبي إلك جمرة من أقصى البحر كاصد إلى الحضرة زيارة عارف بحقك يبو العترة ومتاعي دمعتي وباسطلك العشرة يبو الجف السخية عادتك السجية احسبني إلك مواسي من زغري للمنية ما ظلت الدهور إلك يا سيدي مني سلام نويتُ أن أزور زيارة العارفِ حقَ الإمام ------------------------- شعوري مختلف يصعب عليه وصفه كل خطوة لضريحك أمشي باللهفة يماي الله الأبد ما فارك الشفه كلبي برحمتك من كل دنس نظفه إلك راهن عيوني والك أعلن جنوني مو جون أنه واجيتك يفشل حيل لوني يا ملجأ الصدور تطهر نيتي من اللآم نويت أن أزور زيارة العارفِ حقَ الإمام --------------------- كسير بحسرتي جن سيف المثلم رضاك ولطفك وحبك إلي مرهم وفقني اصيرن مثل ابن حذلم انعاك بغربتك أقصى ما احلم جوارحي وجروحي إلك بس يبقى نوحي يل ماكو أبد مثيلك من روحي أعز يروحي حرارةً تفور وقلبيَ المُتيمُ فيك غرام نويت أن أزور زيارة العارفِ حق الإمام _______ تعيش ويه الكلب يبن النبي طلبه مثل جابر اجيك ولحيتي مخضبة وبنية زهير وعابس وحبه اكصد كبرك ومتهمني أبد صعبه تقبلني برحمتك ووفقني لخدمتك فضلك اشكره حاير واجازيها لنعمتك وينعم الشكور بفضلك الجازيَ الكلام نويت أن أزور زيارة العارفِ حق الإمام ------------------------ كبالك اوكف وحاير فرد حيرة يسر الله الصعب لو ردنه تفسيره اعذر عبدك شما شفت تقصيره تره لو لا نعمتك خلته جبيرة يديني وامنياتي يعكشي ويا صلاتي وابربيعينك اوكف خادم وزاير يا حياتي الى يوم النشور جرحي ما عاش التئام نويت أن أزور زيارة العارفِ حق الامام حسين مجيد العميدي

الإمام الحسن المجتبى عليه وانه كأني بمولاي الحسين عليه السلام ينعى اخيه قائلا:_ راح اخوي وكل شي بيه شلون ادفننه ب أديه كلبي ما ينطيني      الحسن فرحة عيني شلون ادفننه ب اديه ___ يا حبيبي كلبي مثل الجمرة وحسرة تاخذني وتردني الحسرة الراح اخيه بيمن يشد ظهرة اخوي وساعدي بلمحة بصر شايل عن عيوني تمنيته حلم ويصير وبداله يشيعوني كل شي ولا يكلولي الحسن رايح ي لجموني كسرتي ما إلها جارة وراح اعيشن ب انكساره شمعتي ب اسنيني      الحسن فرحة عيني شلون ادفننه ب اديه ___ الجان مو واحد يعادل كلشي الجان لو يلمح دمعتي برمشي يمسح دموعي ويردني العشي جنه جن حمامه وعش  فلا نتفارك ب مدة   تاليه الدهر غدار خله كليبي ظل وحده بجبدي السم تمنيته اموت ولا يمر جبده بس قضاء الله وحكمته يالحسن كلبي لجمته كلش مأذيني        الحسن فرحة عيني شلون ادفننه ب اديه ____ راح اخوي وكلشي ماظل عندي راح اخوي الجان تجوة بسدي شلون ادفنه وابقى انه لوحدي بيا دمعة اصبر العين  ويا صبر اليفيد وياي تيتم كل حرف بالدين   ومحتار الكرم والرأي طايح بيرغ السادة    ابو الفقرة اليحبه هواي مو شخص طاحت عشيرة ويا نهيبتنه الجبيرة بنشائتي وتكويني       الحسن فرحة عيني شلون ادفننه ب اديه ____ دلته السوده كأنها صاحت خيمة الفقرة الجبيرة طاحت وكشخة الديوان بعده راحت هو العنده مثلك حيد   مالومه اليموت إعليه خوية يا بعد طولي       اخيك لو همس حاجيه ما احمل يبو محمد        فراكك لل كلب سابيه من بعد طولك يروحي ما رهم كلشي الجروحي بشوفته يداويني        الحسن فرحة عيني شلون ادفننه ب اديه _____ اخر احجاية وبعدها سافر باجر بلا خوة يوم العاشر ابقى من بعدك غريب وحاير يا منبع فروع الدين     ويا جلمة التلم الناس باجر لو رحت ياخوي    بالطف يوكع العباس باجر لو تغمض العين    زينب تنسبي من ارجاس لا تروح ادخيل جبدك هو بس حسين عندك كل مسه تبجيني      الحسن فرحة عيني شلون ادفننه ب اديه حسين مجيد العميدي

https://youtu.be/gXo79dTb1O8?feature=shared غربة - الرادود محمد الكنج هيئة انصار المهدي (عج)

Channel photo updated

حسين مجيد العميدي pinned «#محرم_الحرام يقولُ المولى صاحب الزمان (عجلَ اللهُ فرجَه الشريف) "فَلَأَنْدُبَنَّكَ صَبَاحًا وَمَسَاءً، وَلَأَبْكِيَنَّ عَلَيْكَ بَدَلَ الدُّمُوعِ دَمًا، حَسْرَةً عَلَيْكَ وَتَأَسُّفًا عَلَى مَا دَهَاكَ وَتَلَهُّفًا" أقبلَ ... فانكَسَرَتِ الأرواحُ قبلَ القلوب،…»

#محرم_الحرام ليلة علي الأكبر عليه السلام مو للحافر إلي صدرك يا كل هلي يوليدي ياعلي............. يوليدي ياعلي $$$$$$$$$$$$$$$$$$$$$$$$$$ يبو الكلب لماكو مثلة يا بعد عزي ودلالي موش حصة للحوافر صدرك الطاهر حلالي ليش هيجي تهون يبني امشي مكسوره بخيالي ردت طولك ذخر ليه يا عطر اغله الغوالي يبن الغالي شبعد يا عون وياسند ما قد حان الوعد ...... يوليدي ياعلي ########################## يا عزيز امك يالاكبر ياثمر روحي وحنيني تدري حالي من عفتني بين دمعاتي و انيني ما تمرني ولو لحظة يمه مشتاكه يعيني غير العاشر جمالك وادري تخجل ما تجيني بيا حالة بيا وضع لا صدر ولا ظلع بس راس ومنكطع ........ يوليدي ياعلي ########################### بلهفة الفاكدله غالي كلبي يلهف كل مسية عازتك يوليدي عازة تلفي ليه بالمنية بيدك توسدني لحدي ودمعتك من دم عليه بس عكس وياي دهري ذهب باكك من أديه يا درة فاطمة يانجمات السمة حالي الله يعلمه ....... يوليدي ياعلي ############################### مثل جدك في صفاتك هيبة ومروة وشجاعة ياكمرنه بليل هندس ياحزن كلبي وضياعه تره المضيعله غالي يشوغ كل لحظة بوداعة خبر موتك حيل يكلف أذني ما تحمل سماعه اوداع الغالي جمر كسرة وما تنجبر روحين إبفد كبر ...... يوليدي ياعلي ############################## شمعة اسنيني طفوها وشاب راسي بزغر سني اتغيرت من طاح ذخري ياعلي الاكبر يحزني شكثر سهارت إعله طولك واعلمودك ذبل جفني ليش هيجي مجازة تعبي يا وجع عمري ويوني بين الدمعة وعسى يجوز وليدي نسه اتنطر كل مسة ......... يوليدي ياعلي حسين مجيد العميدي

# محرم_الحرام ليلة علي الاكبر عليه السلام يبعد امك يعافيتي يشمعة بيتي وامنيتي اناطر طيفك يمرني علي الأكبر اناطر طيفك يمرني علي الأكبر ################## يبعد اعيوني يعيوني ..... يعافيتي ذبل لوني مشتاكه شبعد يبني تمرني بطيفي لو نسمة مثل شمعة طفه حيلي ..... ونار بكلبي ياويلي إلاكيك وانسه احزاني وهجرك انسه يايمه رايدتك ذخر يوليدي لسنيني يبو الطول الحلو يايمه حاجيني معقولة الجفه كل هذا تجفيني على فراكك يبس عودي يذخر امك إيا عودي اناطر طيفك يمرني علي الأكبر اناطر طيفك يمرني علي الأكبر ######################### علي يبني يلب الروح ......كلب امك تره مجروح يعنبر ريتي شوغات كل ليلي كظى حسرة ترد سالم دعيت هواي ....... عطشانه واريدك ماي العطش تالي اخذ روحي يعنبر بس ذبل عطره إفراكك يبني ما خله ابد بيه على طولك يروحي روحي مسبية ارحم حالي يالاكبر منو ليه منو بموتي يشيعني تجازيني التعب يبني اناطر طيفك يمرني علي الأكبر اناطر طيفك يمرني علي الاكبر ########################### يبن اشرف نبي بالكون ..... ياعوني تره بلا عون يتربات الهواشم هيج تاليها وتفاركني وتخليني على الاهات ...... وبين الدمعة واللحظات على درب الهجر انطر صور منك تريحني يمفخرة الزلم حزنك بالكلب تذكار جمرة تاكل بصبري واظل احتار لو مرني  على بالي هذاك الصار اشوفك مكطع مطشر بكل صوب الجرح اخضر اناطر طيفك يمرني علي الأكبر اناطر طيفك يمرني علي الأكبر ######################### مصيبة كربلة إبالي ...... وداع الغالي والغالي حبيب الزهرة والأكبر سباح الكلب بالعين اشوف حسين بدموعه ...... يحضنك يمه واللوعة تشرح حالي بغيابك ياجرحي الأبد ميلين منظر يالولد منظر يبجي الكون حبيبي كليبي ووليدي اشوف شلون وداع الموت يعيوني يتودعون وانه اعرف طعم فركاك لذلك صحتك الله وياك اناطر طيفك يمرني علي الأكبر اناطر طيفك يمرني علي الأكبر حسين مجيد العميدي

#محرم_الحرام ليلة علي الأكبر عليه السلام يا جرح الشالع كلبي وشاغل بالي فرحة عيني وعافيتي وكل أمالي يل وجهك جن قران ذابل مثل الاغصان ...... يبني يبني ___ يالتارس عين الوادم طولك عالي وبس رب العزة ينولك  كلب امك مثل الجمرة ماكلولك يالشاغل نجوم السمه    يا نور واصله فاطمة  ........ بعيونك شاب ولجن بعدال ألف ياموت ولله بيا وصف ...... يسمونك يا اسم اليوصل ذرة من اوصافك يمك كلشي بهل كوكب حج وطافك طالع من ظهر إيمان وذابل مثل الاغصان ...... يبني يبني ____ كلشي بهل كون يخرلك ساجد غير انته العابد وابن العابد جا عن امك شو يولدي الزاهد امك تراني بلا نظر كل ليلة انه ويه السهر ..... وهمومك عنبر غرامك عل كلب لو مرني لحظة اندل درب ...... لرسومك يلشايل رحمة حيدر هيجي اشوالي لو ميته ولا ما اسمع راح الغالي كل حيلي إعله التربان ذابل مثل الاغصان........ يبني يبني ____ يا اخر نسمة بكلب حسينك من عطر الغالي واشهك وينك جا هيجي إعله التربان معذبينك يا الفرة عيونك نهر ما باقي من رسمك صور ... وتمرني مثل الفراشة شكد ترف ذباحك بذبحك صلف ..... عذبني بلا رحمة مجازة اسنيني باكوا لونك انته ابن الشبعهم ماعونه يذبحونك يا كمرة بنص عميان ذابل مثل الاغصان   .... يبني يبني __ يا سلطان وبس دمك عرشك ملجأ كلشي بهلكوكب رمشك والمجموعة الشمسية نعشك يالماكو إعله كد طولك نعش جيه جسمه بخيل نفرش ..... ما صارت اعظم مصيبة بكل دهر شلون النعش شايل كمر......... ولا دارت يا غيمة بكلشي افضالك نزلت رحمه بس العاشك لو فارك شيصبر امه يا كلب امك خجلان ذابل مثل الاغصان...... يبني يبني __ ماكو بحنيتك واحد يالغالي سهم فراكك آ يبني  جتالي لو ميته ولا هل عيشه اشوالي يابعد كلبي وكل هلي يالخزرتك خزرة علي .... ما ترجع يلبيدك تفرر الشمس ويلشوفتك راحة نفس ..... ما اقنع يا رب الرجع يوسف بعد اغيابه رد سالم ابني الهيبة لكلب احبابه بوجهك ظل نيشان ذابل مثل الاغصان....... يبني يبني حسين مجيد العميدي

# محرم_الحرام ليلة القاسم عليه السلام يا تعب السنين          وجروح الوداع يوليدي الحنين          ما ظلي متاع   _____ يبني جسام ........ عرسك مادام يا راحة كلبي الراحت شكد امك يبني ناحت شكد روحي بهجرك صاحت   .......... واحسب ايام هيجي تسافر تاليتك وعريس انه تمنيتك شكد اسهرت بتربيتك  ..........   وابني الاحلام تالي الطف باكك مني متغيرة امك مو جني خلاني بدمعي وحزني ........ واجروح الشام لتشد للرحيل         وسد عين الشراع يوليدي الحنين       ما ظلي متاع ___ يا روح حسين  ....... رايح جا وين بحروف الحب ناغيتك ارجع يا شمعة بيتك محتاجه انه الحنيتك  ...... فركاك البين حكي من اطلب يغالي ترجع يل شاغل بالي  ما ترحم يبني بحالي .......  مترد الدين انسى همومي وآلامي لو اشوفنك كدامي تالي مذبوح وظامي  ....... يا فص العين حكم الله الحكيم      وامر الله مطاع يوليدي الحنين        ما ظلي متعاع __ اركضلك شوك       وكلبي محروك لو اسمك مر يم كلبي اندل يوليدي بدربي وانسى الدنيا وكل تعبي  ...... وانساها النوك يا ربح ايامي وعيني رايح عني وسابيني وحيل هواي مأذيني ......... وبحزنك طوك جنه جن طير وبالعش طوكني افراكك كلش مادري بجسمي اليرعش ....... بالموت يبوك ترباتي تروح  .......... بسيوف ضباع يوليدي الحنين ......... ما ظلي متاع ____ عرسك بدماك         بالحومه هناك من دمك اشعل شمعك يا شذرة وباكوا لمعك ما تهجر اعرف طبعك      ردلي  اترجاك كلب امك ما يتحمل وادريبك لا ماتعدل  وحزنك لعيوني اتفصل   جا خذني وياك اخر لحظة من اسنيني ارجع يبني الجافيني جا كول امي اتانيني     يا ظيم رباك اقريت السلام         كلب امك يُلاع يولي الحنين            ما ظلي متعاع حسين مجيد العميدي

#محرم_الحرام ليلة القاسم عليه السلام جسام ...... ضي عيني ......  ويافرحة شبابك جسام ..... تدريني .......... ما احمل غيابك ####################### يا شمعتي      و تعب ليلي و العنا من جمرتي     قد أُشعلت نار الدُنى في مهجتي     انتَ القتيلُ أم انا يوليدي يوليدي انته يا أكبر جرح بسنيني يبني مو تدري يفرحة عيني بلا عيونك كل ضوة يعميني  ..... جروح جسام ...... يوليدي .......... ياجمرة مصابك جسام ....... تدريني ......... ما احمل غيابك ########################## ضاق الفضا      و كل جسمي يرتعش حلمي قضى      بُني قد صُرت نعش و للقضا            بفقدك فيه نقِش يوليدي يوليدي يا حبيب امك يكلشي غالي على ال بلكت عشت بآمالي يرجع وليدي ويباوع حالي ..... جروح جسام ...... بآحزاني ...... عشت بكل عذابك جسام ......تدريني........... ما احمل غيابك ######################## المجتبى     فيك أرى مجتمعا و للإبا       قد صرت نجماً ساطعا مِن الأبا     علماً و حسناً نابعا يوليدي يوليدي الحسن شفت يطب للحومه بطولك الهيبة وتسيل ادمومه إمصيبة عظمى واظل ملجومة ....جروح جسام ...... ياويلي ....... من دمك خضابك جسام ......تدريني ........ ما احمل غيابك ####################### هذه الرُزا        حملتُها بدمعتي هو العزا         بعد ليالي شدتي صار الجزا      تعلو دماك جبهتي يوليدي يوليدي هيجي كالوها يعافية امك تردلي سابح يويلي بدمك لجن صوتي فداء العمك  .... جروح جسام ......بس جلمة......... صوبوني بصوابك جسام ...... تدريني ......... ما احمل غيابك ###################### لي غايتي       بددتُها بالاجلِ و مُنيتي         أرى حناكَ املي وآ غربتي        عرسك كان قاتلي يوليدي يوليدي حلم عمري ازفك بيدي لجن حايل واخذ كل عيدي الموت يايمه قلادة بجيدي ....جروح جسام ...... عافيتي ....... كل لحظة بعتابك جسام ...... تدريني ........ ما احمل غيابك حسين مجيد العميدي حسين الأمين

#محرم_الحرام ليلة القاسم عليه السلام يا اجمل انسان ...... شو طولك ذبلان يا فرحتي ويا دمعتي....... يا اجمل انسان ########################### يا مهجة كلبي ...... ويا حبي .....  وفرحة عيني يا اعذب نسمة ...... يا نجمة ..... تضوي اسنيني شو طولك ذابل ..... يا باسل ..... يا اية ديني بين الخيول اتحسسك ......  كوكب حنينك نازل يا كمرة بعيون السمة ....... بيك السماء تغازل مثل الصفات بطلتك ........ هيبة وجمال الكافل يا نور الأكوان........ شو طولك ذبلان يافرحتي ويادمعتي ...... يا اجمل انسان ####$##################### يا مصحف روحي .... ياروحي ...... وكمرة ليلي يا كنز العصمة ......... بس جلمة..... هدت حيلي ما شوفك لحظة ..... لو ومضة ..... أيا ويلي شفتك عطر بين الخيم ....... عنبر غرامك فايح يل ما يوصفك اي وصف ...... بدمك جمالك سابح يوليدي يا هرش الكلب ........ شوكي العيونك فاضح مصحف عد عميان ....... شو طولك ذبلان يافرحتي ويادمعتي....... يا اجمل انسان ############################# ياحرز الضايع ....... والجايع ...... من شوفك يشبع ياماي بصحرة ...... عالغبرة ...... طايح ومكطع من وحي العاشر ..... والحافر....... ما خذلي مسنع اكلف مقاتل والحرب ....... من سيفه كله اتحاذر لو ضهضب وشد مهرته ...... ما يبقى واحد الفاجر موجة غضب من كصته ...... تذبح الطير الطاير ما ظلت اغصان ....... شو طولك ذبلان يافرحتي ويادمعتي....... يا اجمل انسان ############################### عايش بانفاسي..... بإحساسي....... نسمة من الرحمة من لون عيونه ...... يسمونه .....  الزلمة ابن الزلمة لو رف اجفونه ...... يدرونه ....... ما يخلف كلمة وجه الفجر من كلبه اخذ ...... لون الجمال العنده لو ميت ب أسمه سمع ....... روح ترد بسده كوثر غرامه ويه الهوه ...... بشباح روحي شده يا كوثر عطشان........ شو طولك ذبلان يافرحتي ويادمعتي...... ياسر الأكوان $$$$$$$$$$$$$$$$$$$$$$$$$$$ يا تعبي شظنتك....... مو حنتك........ جفينك تنطر اتنطر طيفك ....... وبكيفك  ........ انه امك واصبر يازرع إيامي ........ إحلامي ........ ما ظنه تخضر ياذخري يا هيبة علي ...... ياذكرياتي الحلوة فرة عيونك جن شمس ...... لو هيج لو ماتسوة ذبلت شفاك من العطش ....... والنهر منها تروه يا كوكب احزان........ شو طولك ذبلان يافرحتي ويادمعتي ...... يا سر الأكوان حسين مجيد العميدي

محرم الحرام ليلة العباس عليه السلام راح اخوي  ...... زينب يناديني راح اخوي ....... كومي وتلكيني يا كسرة الخوة جبيرة مو واحد الطايح عشيرة  ...... راح اخوي ______ اشوف حسين من بعيد   ايده إعله الظهر ويصيح يزينب كومي لحكيني     يمشي بكسرته ويطيح اني اول مره اشوفه بهل وضع دمعة عيونه تصب مثل النبع الفاجع الكون بمصابه منفجع جن خيول ...... تسحك بنص صدري جن خيول ...... راح اخوي وعمري حيرتي بهل حيرة حيرة مو واحد الطايح عشيرة ...... راح اخوي ______ لجمني كلبي من الخوف  وكلت لا ما مشه الكافل لاجن مظهر الرد بيه        الحُسين يسولف الحاصل تكرب إعليه ويكلي بحسرته خوية زينب كافلج يا كسرته ضرب راسه ونزل دم من كصته بيا كلام ........ مدري اصبر روحي بيا كلام  ....... وملح فوك جروحي وطحت بالخيمة كسيرة مو واحد الطايح عشيرة ..... راح اخوي ________ تكابلنه بحزن يعقوب   وتراب الخيمة ظل ينحب ويانه إعله ابو فاضل    وحجاب الخدر شيب كلشي بالطف لآن من صوت الحزن والحجر ويه العلاوي شكد يون هو يمنه وكلب كل سا يحن بالعيون  ........ تقره حزن الخوة بالعيون  ......... جمرة بيها اتجوة ذكرياتي اني و زغيرة مو واحد الطايح عشيرة....... راح اخوي ______ سَكينه تكلي يا عمه      ابو فاضل بعد يرجع طفلة والطفل طبعه      علة افراكك فلا يقنع كعدت اباب المخيم تنتظر وصاحت وياه يربات الخدر هسه يرجع سالم يرد عل مهر مو محال  ....... كلشي يكدر يصنع مو محال  .......  بموته ماريد اسمع يا عظم ذيج الظهيرة مو واحد الطايح عشيرة...... راح اخوي ________ العدها مثل ابو فاضل        عليمن تصبر تكابر ؟ كل كلمة عشت بيها          غصة تشبه الحافر شكثر يم الخيمة يا خوية صحت مدري ولله شلون بيها ما متت ردت خوتنا ذخر انه ردت   يا مصاب ....... كلبي ما يتحمل يا مصاب ....... منهو بيه تكفل وانته كلك وفه وغيرة مو واحد الطايح عشيرة   .... راح اخوي حسين مجيد العميدي

محرم الحرام ليلة الامام العباس عليه السلام زينب انشدك والهظم طر الكلب تقبلها اخيتك تنسبي ويه الغرب يا كفيلي          عندي جلمة ويالشماته       امشي زحمه ____ يكافل خدري ماتنهض يبو الغيرة الاميرة تنسبي من ديرة والديرة مو قصدي إلجمك لاجن بحيرة سكوتك ياوفي  جا شنهو تفسيرة موقف اكلك يا اخي كلش صعب اخت الكمر ازرك متنه من الضرب خوية صعبه      وانه حرمه ويالشماته       امشي زحمه ____ اخيتك  واشتكي من ظيمي يالغالي بعد طولك انه متغيره إحوالي وسط سوك دخلت تجرحلي دلالي وصرت فرجه الى الما شافوا خيالي خمسين عمري ومالمح طولي بشر تالي يركبوني الهزل تكتل قهر بروحي ظلت خوية لجمة ويالشماته       امشي زحمه ____ كلي بلايه طولك بالعمر شلي على الهزلة وصحت وينك يبعد اهلي تقبلها إعله قصر يزيد تطب كلي وعيون الشماته من الحقد تغلي وبيا وكت بت حيدرة اطر الزلم بكل ما جره هل يا ترى عندك علم وينه راسك   ارد اكلمه ويالشماته       امشي زحمه ____ دير براسك إعليه ودحاجيني مثل جفوفك الكلفة اطشرن اسنيني اشدن يا جرح وجروحي تاذيتي بعد عزي الدهر يا خوية سابيني عل خوه من بعدك قريت الفاتحة يا بعد عين اختك يكلبي الجارحة دخيل بَختك     يبو الرحمة ويالشماته       امشي زحمه ____ اخيراً يابو فاضل يا عزيز الروح امسح بيدك الترفه كلب مجروح كلشي بغيبتك مايسوه لا لتروح وكل ليلة إعله طولك اسهر ويه النوح ارد اشبكك واشكي إلك من البله لاجن قضى الله نفترك في كربله كل مصيبة   وبيه حكمه ويالشماته     امشي زحمه حسين مجيد العميدي

محرم الحرام ليلة العباس عليه السلام موشح خوية يا سباح كلبي وهيبتي من طحت طاحت عليه خيمتي _____ اركض وملهوفه واصرخ يا وفي جرحي لو يسمع بأسمك ينشفي يا كمر عدنان هونك تنطفي وانه كل ليلة اشوفك عادتي من طحت طاحت عليه خيمتي ____ خوية يا عباس يا بعد النظر فركت الخوان كسرتلي ظهر لا تروح ارجوك ميته من القهر كوم يا عباس و ارحم دمعتي من طحت طاحت عليه خيمتي _____ مالي قوة ولا لي حيل ولا دمع شلون اشوفك وانته مرمي منصرع وبحوافر خيل ما سالم ظلع سابح بدمك يكافل عيلتي من طحت طاحت عليه خيمتي ________ تدري يا عباس من طاح العلم ضجت صارت رجت ارجاء الخيم كلها صاحت بعدك الدنيا عدم يا عجيد الكوم فتت جبدتي من طحت طاحت عليه خيمتي _______ يا كفيل ام عون ما ظلي بعد دهري يا وفاي ما يرحم ابد للشدايد احنه طحنه بالشدد وأصعب الشدات صارت شدتي من طحت طاحت عليه خيمتي _______ اصعب الشدات من صاح الشمر كوم يا زينب تحظري لليسر هنا قريت الفاتحة بدمع الصبر من بعد عزي هذاك الغربتي من طحت طاحت عليه خيمتي حسين مجيد العميدي

محرم الحرام ليلة العباس عليه السلام يدستور الاخوة                      ترست الدنيا نخوة تجر شاربها بيدك                       الغاضرية عنها كوة ياقانون المراجل حبيبي يابو فاضل .... يدستور الاخوة ######################## يسلطان السلام ...... يشيخ بكل كلام كمر هاشم نعم منك نعم يبو الجف الثكيل ...... يلمعدل التميل يوسف يم جمالك شك هدم ابو فاضل جمالك      خذت منه السمه كمرة جبير بكل صفاتك      البحر يم جربتك كطرة البشر كلمن مجالة                        وإلك تحله الكفالة الكواكب ليه تعنت                     والكمر رايد وصالة يقرأن البواسل حبيبي يابو فاضل...... يدستور الاخوة ########################## يمحبرة العلوم ....... العلم يمك يحوم زاهد عالم ويا ابو العلم علم  حيدر ابوك ...... البشر كلهم يجوك الصعب عدهم اخذ منك فهم يلغز الله الكواكب       بسحر عينك تفز رقة تصيح الله سحرني    واعذروني الكمر حقة ينوماس الليالي                     يغالي وكلشي غالي وحكك يا بو فاضل                     سحر عينك حِلالي وحي وبكلبي نازل حبيبي يابو فاضل..... يدستور الاخوة ######################### يراية كربلاء  ...... بدمه تخطه الولاء يتاريخ الوفاء بكل زمن كريم بلا حدود ...... بسهم عيني وزنود اخو زينب وفه ويه الضعن يعنوان المواقف     ابو الغيرة يسمونك يجورية محمد     الورد لونه اخذ لونك يكشخات المضايف                   عسل بيك السوالف يجلمة حك نعرفك                    ابو مروة وكلايف شجاع وما تجامل حبيبي يابو فاضل ....... يدستور الاخوة ######################### يفكرة للعصور ....... يمعشوك الطيور بلغة اهل العشك احجي عشك ينسمات الغرام ....... انه وي حبك وئام بهيامك جن عشت نار بعثك يبو الخير العماني    الترس أيدي بفضل خيره الله يعميها عيوني     اذا حبت شخص غيره الفقير بجفه يغنى                      النار من عده جنه حبيب العترة جفه                     سخي ولا ماكو منه بغرامك عشكي قائل حبيبي يابو فاضل....... يدستور الاخوة ############################## ينوماس القتال ....... يمدرسة الرجال مثل حيدر يضرغام الزلم يقران الطفوف ...... يثورة إعله السيوف يبو الطول الخجل منه النجم ينور الظلمة رسمك        رسم لوحة خلود النور ياسيف الله وغلاتك       إلك حب الكلب معذور اذا الله بعظمته                    زرع منك نعمته يحبك جيه محمد                    حبيبه وكل رحمته محمد فيك قائل حبيبي يا بو فاضل ....... يدستور الاخوة حسين مجيد العميدي

عندما جاء الحسين منكسراً من مصرعه العباس كأني به يكلم مولاتي زينب عن ما جارى فتروي مولاتي زينب هذا الموقف فتقول :- (راح العباس ) راجع محني ويصرخ بإحساس راح الغالي يا زينب راح العباس ما ظل بيدي طاح عظيدي يصرخ بإحساس .... راح العباس ############################### من بعيد حسين اشوفه راجع وأيده إعله ظهره يمشي مره  يطيح مره بعينه حسرة بكلبه جمره شلون اصبره ...... انكسر ظهره هاي اول مره اشوف حسين حاير بس شلون حيرة منه مايكدر يكابر هنا عرفت الموقف الكاسرله خاطر طحيت العباس جنه بصدره حافر الله يعينه بحسرات يشوف مهجة روحه مكطعيله جفوف بشوغة روحه بكل جروحه ....... يصرخ بإحساس... راح العباس ############################### كرب من يم المخيم وكربت من عنده سكنه حجت وياه بفرد ونه  بوية عمي أستبطى عنه هنا بحزنه ......انذبح جنه السكوت هنا مثل غركان و ابير موته يتمنى ولا هالموقف يصير كله حاشا عنده عمج بوية تقصير هسه يرجع ادعي سالم لينه وبخير شيصبرمن جم عطشان بعطشان والساقي الكافل فوك التربان بدمعه المن دم سيد العالم  ........ يصرخ بإحساس .....راح العباس ############################### ركضت الأطفال لهفة شلون موقف ولله شدة عن ابو فاضل تنشده والحرم ظلت تفكده إله رده ...... ماله رده والبجي جان هناك موقف لليتامة بإنكسار يسولف وحسرة بكلامه ابو فاضل يرجع بجوده بسلامه عن قريب ان شاء الله يضوي بخيامه كمرة هاشم مايتوصف معروف بماي إعليكم كل خيمة يطوف بجوده وخيره الماكو غيره .......يصرخ بإحساس..... راح العباس ############################### اجه من عندي وتكرب كلي خوية اعظم اجرج تحزمي بعزمج وصبرج عل سبي الله يكدرج ادري كسرج ..... مثل كبرج ادري مو هينة المصيبة لجن شكدر خوية زينب اخذ حيلي الله واكبر كسر كلبي برحيله  المالحظة تعذر العنده اخو مثل ابو فاضل جرحه اخضر بعينه الدمعة وجن جبل ومال كلي بحسرة راح الكفال خيج طايح بدمه سابح ........ يصرخ بإحساس .....راح العباس ############################### كلي اوصيج بوصيه كتله خوية هاك روحي  لا تظل محتار بيه الكاتبه الله يصير ليه وادري راح امشي سبيه هاشمية ...... والابية ما اطخ للغيم راسي لا تهملي حيف ماينشاف زينب انه ظلي انه مثل امي الزجية بكلشي كلي ادعيلي ياخوية يكدرني إعله حملي اخر كلمة بشوغة مجروح حلم اعيوني وياكم مذبوح وكلي بحسرة انتي الحرة ........ يصرخ بإحساس ...... راح العباس حسين مجيد العميدي

ليلة ٧ محرم الحرام ياراية بني هاشم / دخيلك مدد مدد _______ اجه شهر احزان زينب ياهلا خذ ضميري وخله يعرف كربله حتى من تنزل دمعتي مشجلة مو عواطف عارفه بكل مسئلة يا صلاتي وديني             برايتك غطيني ما اريدن غيرك              بمجلسك خليني ياراية بني هاشم / دخيلك مدد مدد ________ يا بو راس الحار رايد طلبه كلبي لو زل بخدمتك ادبه وجدمي يم حضرة جنابك تعبه عبدك بكلشي يكلك انته اجمل حبه يا دموع العاشك         جدمي كبلي سابك يعرف باسياده         وغيرهم ميفارك ياراية بني هاشم / دخيلك مدد مدد ________ ابو فاضل يا عزيز الزهرة دخيل بختك يبو غترة الخضرة كصد دمعي يم جمالك يقره أخذ روحي وسحر كلبي سحره ياعلي وامجاده         الكرم عندك عاده كلشي منك يسوه       يا جبير السادة ياراية بني هاشم / دخيلك مدد مدد ________ يا بو فاضل مالي غيرك ياسند ياحكيم الدنيا وانته لكل شدد اطلب العون وحزن منك مدد شدني بالخدمة دخيلك للابد ما أعوفك ساعه          كلبي حبك ذاعه وطلب منك رحمه       يواضب إعله الطاعه ياراية بني هاشم / دخيلك مدد مدد ________ يا بو خير العترة منك والنعم انته للخدام مصنع للزلم انطيني من عندك ولو كطرة فهم حتى اعلم جرحي بس يمك يلم بالسريرة تدري     الك يرخص عمري لو سمعت بأسمك   دمع عيني يجري ياراية بني هاشم / دخيلك مدد مدد حسين مجيد العميدي