قناة حسين موشن

. . 🎯 إزاي تنظم مشروعك في After Effects قبل ما تبدأ؟ أكبر غلط بيعمله أي مبتدئ؟ يفتح AE، يبدأ يحط صور وفيديوهات وخطوط في أي مكان… ولما المشروع يكبر، يتوه، أو المشروع يضرب. الحل؟ ابدأ دايمًا بمجلد مرتب، وتحط فيه كل حاجة في مكانها من الأول. --- 🗂️ ترتيب الفولدرات المقترح: اعمل فولدر رئيسي باسم المشروع، وجواه: 1. 00_Project File 👉 فيه ملف After Effects نفسه. 2. 01_Footage 👉 الصور، الفيديوهات، أو أي عناصر مستوردة. 3. 02_Audio 👉 المزيكا أو التعليق الصوتي. 4. 03_Assets 👉 لوجوهات، أيقونات، عناصر ثابتة بتستخدمها في كل المشاريع. 5. 04_Fonts 👉 لو هتبعت المشروع لحد تاني. 6. 05_Exports 👉 تحط فيه الفيديوهات اللي هتصدرها. 7. 06_References 👉 سكريبت، ستوري بورد، سكرين شوت من فكرة، أي مرجع بصري أو كتابي. --- 🎁 تقدر تجهز المجلدات دي مرة واحدة، وتنسخها كل مرة تبدأ مشروع جديد. لو عملت كده .. بنسبة كبيرة بإذن الله مش هتقابلك 👇 المشكلة اللي اتكلمت عنها في البوست 👌 . .

. . 🎯 ليه لما تفتح مشروع After Effects تلاقي الفيديوهات ضربت وظهر مكانها شريط ألوان غريب؟ ببساطة... علشان غيرت مكان الملفات أو غيرت اسم الفولدر اللي كنت حاطط فيه المشروع. أفترافكت مش بيخزن الفيديو جواه، هو بيربطه بمكانه على جهازك. فلما تحرك الفيديو أو تغير اسمه أو تنقل الفولدر... البرنامج "بيتلخبط". 🔧 الحل: كليك يمين على الملف اللي ضرب اختار Replace Footage → File ورّي للبرنامج مكان الفيديو من جديد نصيحة: خلي كل حاجة في فولدر واحد من أول يوم، ومتغيرش مكانه طول ما الشغل شغال.

تدريب بسيط على بلندر استخدمت فيه Modifier اسمه Simple Deform، ودمجته مع Bevel لتنعيم الحواف. وكان هدفي أخرج بشكل منتج بسيط جدًا أطبق فيه اللي اتعلمته: ✅ موديفايرز ✅ إضاءة ✅ تكوين مشهد لقيت ريفرنس لقلم على Pinterest، وقررت أنفذه. إيه رأيكم فيه؟ ‎#blender3d ‎#تعلم_بلندر ‎#3Ddesign #blender #بلندر

شباب الموشن .. صديقنا أدهم من بين دمار الحرب في غزة جهز لكم الهدية القيمة دي واللي تقدروا تحملوها من جمرود من الرابط 👇 adhammotion.gumroad.com/l/Character?_g…‎ ادخل الرابط وحملها بشكل مجاني 👏

في رحلتي لتعلم بلندر أنجزت اليوم تدريب بسيط في كيفية توزيع الإضاءة على مجسم من زوايا مختلفة بحيث يرسم ظلال بشكل أقدر أتحكم فيها وفعلاً مستشعر قيمة إن كل ما الواحد يعمل تمارين أكتر بإيده..كل ما يتمكن أكتر من البرنامج☺️

تجربة جديدة في بلندر لعمل مودلينج لصندوق بريد يبدوا من برا سهل لكن التحكم في الـ subdivision مرهق شوية وخصوصا في محاولة التغلب على التشوهات اللي بتظهر معاه نصيحة للمبتدئين زي حالاتي: لازم تجرب بايدك كتير علشان تظهر لك مشاكل وتحاول تحلها وتفهم الأدوات أكتر بعيد عن قوقعة الدروس والتطبيق معاها خطوة بخطوة

للمبتدئين فقط المشاكل اللي بتواجهك في طريق تعلمك لأي مجال انتا بتحبه .. لو مكتبتهاش على مجتمعات المصممين، إحنا مش هنقدر نساعدك في حلها وهتفضل تكررها، علشان كده خلينا نساعد بعض، ولو حد عنده مشكلة في التصميم أو الموشن أو ال 3D اكتبها في تعليق وإن شاء الله أنا والشباب نساعدك في حلها بإذن الله

أنواع ال shoot المختلفة هيكونوا مفيدين ليك في حاجتين 1- وانتا بتصميم مشاهد الموشن وعاوز تبحث عن بيئة للشخصية من فري بك .. فضيف اسم الشوت مع الكلمات المفتاحية للبحث 2- مع ال prompt وانتا بتولد صور من AI

بخصوص الجروب الخاص بالتفاعل https://t.me/husseinmotion_telegroup فبعد كثرة الرسائل الغير متعلقة بالموشن أو التصميم أغلقت الإنضمام للجروب إلا بموافقة من أدمن القناة ودا علشان نراجع ونقبل العرب المهتمين بتصميم الموشن فقط قبول الإنضمام بيتم خلال يوم باذن الله وشكرا لتفهمكم.

دي مشكلة واجهة مصمم زميل لينا فرديت عليه .. وحبيت أشارك الرد معاكم لعله يكون مفيد ........ مش كل العملاء بتعمل كده ممكن يكون اللي اتكلم معاك بالشكل ده يكون مر بتجربة سيئة مع مصمم سابق لك فيكون بيتكلم معاك بطريقة مندفعه للسبب ده لو قدرت تفهم خلفية الموضوع .. ممكن تطمنه وتكسبه عميل دائم معاك باذن الله ..... وكتير من العملاء يجولي بتخوفات كتيرة والسبب تعاملات سابقة خسروا فيها فلوس أو تم النصب عليهم أو مأخدوش اللي كانوا متوقعينه من المصمم، فمهم جدا تحاول تفهم تخوفات العميل وتشتغل على حلها بصدق وأمانه

الإجابة هحلل معاكي المشكلة بشكل بسيط أصل الموضوع إن الفيديو أو التصميم الثابت حتى بيكون مكون من مربعات صغيرة جدا اسمها بيكسل وكل ما زاد عددها في التصميم أو الفيديو .. هيكون نتيجة لده إن جودة الحاجة المعروضة هتكون كويسة ومريحة للعين.. علشان كده بنعتمد مقاسات للشاشات زي 1920*1080 لان الفيديو هنا كل فريم فيه واخد القدر الكافي من البيكسلات اللي يساعده يتعرض بجودة كويسة على معظم الشاشات المستخدمة في حياتنا اليومية اللهم إلا لو شاشة مؤتمر أو حاجة كبيرة جدا .. فلو نقدر نزود عن الرقم اللي فوق ونخليه 2k او 4k هيكون أفضل .......... فطبيعي ان فيديو أو صورة بمقاس 385*128 يكون فيها عدد بيكسلات صغير جدا وبيكون شكله مش حلو لا كتصميم ولا كفيديو ...... الحل الأول اتأكدي ان حجم التصميم كطول وعرض لا يقل عن 1080 ولو مقاس التصميم معاكي كويس غيري مقاس ال comp جوا أفترافكت وهيحل معاكي المشكلة باذن الله

نتيجة طلعتها من المحاضرة الثانية بكورس Comfy UI كتطبيق على موديل SDXL وعمل UPSCALE بموديل FLUX

دي أدوات مجانية لازم تستخدمها 1- ChatGPT ليك حد معين من الرسائل يوميا.. بس الحد ده مخلصتهوش قبل كده الا في يوم واحد بس لأنه كبير وبيغطي احتياجاتك .. البرنامج دا عبقري وأجمل ما فيه بالنسبالي انه بيحتفظ بالكلام اللي بتدخله ليه وبيقدر يربط المعلومات ببعضها .. يعني لو من شهر كتبتله انك اشتريت كورس معين وعاوزه يرتب لك جدول مذاكرة .. وجيت بعد سنة تقوله انا حاسس ان ضايع لأني مش بحقق انجازات.. فهتلاقيه بيقولك تعالا نرتب الأولويات بتاعتك ويسألك خلصت الكورس ولا لأة ويديك نصايح فعلا عملية تمشي معاك انتا مش مجرد كلام عام وقيس على كده كتير .. دا غير الاستخدامات التانية اللي كل الناس بتتكلم عنها 2- Image FX موقع مجاني من جوجل لتوليد الصور.. عالمي فعلا وبستخدمه في شغلي حاليا وأخد منه صور مش بلاقيها على مواقع تانية 3- image to video جرب أي موقع مجاني تسمع عنه بيحول الصور لفيديو.. اكتب البرومبنت بشات جي بي تي وادخل استخدم الحد المجاني المسموح على المواقع دي وهما كتير الهدف من كل ده ان ايدك تاخد على الأدوات ومتكونش غريبة عنك .. علشان وقت ما يبدأ السوق يطلبها بشكل كبير .. تكون جاهز انك تستثمر فيها وقت وفلوس ومجهود وتبدأ بسهولة

طبعا ملاحظين زي حالاتي إن الموشن جرافيك قل الطلب عليه بشكل ملحوظ وبدأ الطلب يتزايد على حاجات تانية زي مونتاج الريلز وال 3D سواء CGI أو VFX فمهم جدا اليومين دول تبدأ تستخدم الأدوات بتاعت ال AI بشكل دوري حسب وقت ما يسمح سواء يومياً أو أسبوعياً

في كورس مجاني على قناة مهندس محمد على بيشرح فيه برنامج Comfyui وهو مجاني بتقدر تسطبه على الويندوز وتولد بيه صور وصوت وفيديوهات على جهازك الشخصي وبدون الحاجة لمواقع مدفوعة أنصحكم تشوفوه من الرابط لأنه قوي جدا https://youtube.com/playlist?list=PL3u1QOo0h2a45TX3YIBsSpxvDAqqFWXB6&si=rDC0OUDRQlAzix7C

الخريطة الذهنية اللي صممتها خصيصا للشرح وشرحتها بالتفصيل في الفيديو

بعد ما رفعت أخر شغل ليا في الانفوجرافيك للسوشيال ميديا, جالي أكتر من استفسار عن إزاي أتعلم المجال والبرامج المستخدمة, فجمعت تجربتي في المجال في فيديو بسيط مدته أقل من 5 دقائق, شرحت فيه 8️⃣ خطوات علشان تقدر تخرج انفوجرافيك للسوشيال ميديا يكون شكله حلو ☺️ إن شاء الله يكون مفيد ليكم وتقدروا تشوفوه من هنا 👇 رابط المشاهدة ⬇️ كمان تقدروا تحملو الخريطة الذهنية اللي كنت بشرحها في الفيديو من هنا 👇 رابط التحميل . . .

بعض من أعمالي الأخيرة في مجال الإنفوجرافيك الإقتصادي على حسابي بتيك توك 😎👇 https://vt.tiktok.com/ZSMNoRcxS/ . .