هتافات ثورة ديسمبر

لم اركز طيلة حياتي في ان لدى كلمة ابشر ابشر التي يطلقها السودانيين في الاعراس غرضا بعيدا الا عندما كنت المح حامد اثناء مراسم زواجه المبارك . كنت احاول بها اخفاء عجزي وعجز اللغة والتعابير عن ايجاد ما يليق ويعبر عن مقدار الفرح الغامر الذي خالجني ولم استطع اظهاره . ان ينال انسان قدم لهذه البلاد كل شي في السلم والحرب قليلا من الفرح والسعادة بهذا الاحتفاء هو كأنما رد جميل من الوطن لفارسه الهمام . فحق للوطن ان يفرح برد بعض دين حامد عليه الحبيب والبطل حامد عريسا 🌹❤✨ تم بحمد الله ونعمته 31 يوليو 2026 م 🖋: باسل مرسي

نهاركم سعيد 🌹 لا تجعلوا مباراة ديربي القمة هلال ❌ مريخ تنسيكم ديربي المقبرة ثوار ❌ كجر غياب النجم مدثر المرابط في دفاعات كردفان 😅 لكن شيشاي واشول جايين 😎 وريناكم 👌

التأبين السنوي للشهداء في الثورة والحرب القائد مؤمن 🫡

📌يحدث الان تعزيزات من قوات الشرطة في شارع الوادي امدرمان 😅. بالمناسبة شيشاي 🔥 جاي والموضوع ده محتاج تعزيزات زيادة قلنا نوريكم 😎 #منقول

الساعة 4 عصر استوب المهداوي يعني في زول م عارف...🥷 #غاضبون بلا حدود

يوم جونا في ٦ و لقونا متماسكين كبسونا في ٧ و حلفففنا ما راجعين قدمنا ياخي شهيد راكز و عالي جبين إتصدى ليهم أسسد حامد أسد حامد أخو الراكزين دورو و رجعو غدرونا ياخ في النيل و صمدنا رغم الدم حالفين ترسنا يبين ود عيسى كان بهتف :- الترس دا ما بتشااال الترس وراهو رجاال ردد معاهو علي والله ماا بنسكت الا النظاام يسقط كيزان كتائب ظل غدرونا عز الليل يوم صبت المطره كل القياده دموع كل الوطن موجوع يتقاسمو السلطه و حق البلد مبيوع يلعن ابو العسكر الدمر المشروع في ليلة العيد كم سقط منا شهيد و كم من اخونا فقيد حالفين نجيب حقو و نبنيهو سودان جديد واجب علينا أكيد حل الجهاز العام وكل الجنجويد

🖋️حسن بكري.. ضاحكة كانت حالمة سور الخوف تهدو شاش بلف جُرح المدينة وكل زول في خاطروا بحلم انو لو كانت هي بتو هدية الله الشالها برهان في القلب مكتوبة ستو الف رحمة وياوجع فرش الملايات ياستاير ياحلاوة عيدنا حنضل يادموع في خد والديك حزن في خاطر رفاقك خوف في شفعنا وحزينة الواطة بعدك ياجميلة ياتو موت هيشيل ملامحك وانتي فينا في هتافنا وفي ثباتنا وفي زقاقات المدينة في عشمنا ببكرة بشبه ابتسامتك وفي هواجسنا الدفينة في الحلم والخوف بتسكني ماخدة ناصية حافية اقدام الكتابة بتمشي سطرك كنتي خيرنا اللسه فينا الف رحمة فرهدت بوراك نجمة نجمة قامت جوه قبرك وانتي نور الله وهنيئاً ليكِ سفرك سلمي عليهم وحاتك من لدن هزاع وسارة ونسيهم بي جمالك وقولي ليهم انو لسه الناس بتطلع وماهترجع غير معاهم ابتسامتك وضيق براحهم يبقى اوسع ي ستو ي نور الفريق الف رحمة و نور على روحك الطاهرة

كل عام وأنتم بخير 🌙✨ أسأل الله أن يجعل هذا العيد مليئًا بالفرح والطمأنينة، وأن يرزقكم سعادة تدوم، وقلبًا لا يعرف الحزن، وأيامًا أجمل مما تتمنون. عيدكم مبارك، وتقبل الله منكم صالح الأعمال 🤍

‏ماتشيلوا هم كم قالوا كم؟ جيلاً سجم زدتونا هم حلماً وهم بس الاهم ماتشيلوا هم واتذكروا وكت المواكب والجري هرونا بالتنظير هري قفيل شوارع ومسخرة وات كت قدام ما ورا هم بيقولوا عطالة ساي واحنا بنحب الجرجرة ‏يومي بتخزِّن ضحكتين شان تمشي بيها على الوجع جاري ووراك بوكس الجهاز لفيت شمال عمك وقع وضحنا ما همانا شي بنعد في بمبانو الرجع صاحبنا قال رجع تلاتة والتاني قال رجع تمنية شوف البنية دي واحلاتا زغرودة تشبه الف غنية يومي بنترس بس تلاتة ووطنا كان في القلب منيه ‏والقمع زاد وعددنا زاد واحلامنا يوماتي بتزيد تتذكروا يوم ستة ابريل المجيد؟ كل الشعب مارق معاك ما الليلة وقفة وبكرة عيد شايل مخدة وكيس دقيق ومعاي حلم سودان جديد وهتفت ما خليك هتاف وانا ماشي في كبري الحديد والناس بتهتف بي وراك والشعب يفعل ما يريد

ﻓﻴـــﺎﺍﺍﺍ ﻭﻳﻠﻚ ﻓﻰ ﻳﻮﻡ ﺍﻟﻮﻳﻞ ﺗﻘﻮﻡ ﺗﺤﺘﻚ ﻗﻴﺎﻣﺔ ﺍﻟﻨﺎﺱ ﺃﻓﻮﺍﺝ ﺍﻟﻀﺤﺎﻳﺎ ﻳﺠﻮﻙ ﺳﺘﺎﺕ ﺍﻟﻜﺠﻴﻚ ﻭﺍﻟﺸﺎﻯ ﻭﺍﻟﻨﺎﺱ ﺍﻟﺒﻌﺮﻓﻮ ﺷﻠﻴﻞ ﺣﺸﻮﺩ ﺍﻟﻄﻠﺒﺔ ﻭﺍﻟﻌﻤﺎﻝ ﻭﺑﻨﻮﺕ ﺍﻟﻐﻴﺎﺏ ﻭﺍﻟﻠﻴﻞ ﻃﻔﻮﻟﻪ ﻣﺸﺮﺩﺓ ﻭﻧﺎﺯﺣﻴﻦ ﻭﻛﻢ ﺣﺠﺎﺝ ﻳﺠﻴﻚ ﻣﻦ ﺩﻳﻞ ﻭﺩﻳﻞ ﺍﻭﻻﺩ ﺷﻮﺍﺭﻉ ﻋﻮﻭﻭﻭﻭﻙ ﺍﻟﻤﻌﺪَّﻣﺔ ﻭﻣﻌﺪﻭﻣﻪ ﻣﻦ ﻛﻞ ﻓﺠﻪ ﻳﺠﻮﻙ ﻳﻮﻣﻬﺎ ﺍﻟﺘﺴﻮِّﺩ ﻳﻮﻣﻬﺎ ﻗﻄﺎﻣﺔ ﻭﻗﺮﺿﻤﺔ ﻭﺭﺍﻧﺪﻭﻙ ﻟﻤﺎﺿﺔ ﻭﻃﺮّﻗﺖ ﺣﻠﻘﻮﻣﺔ ﻧﺎﺳﺎﺕ ﺣﻜﻮﻣﺔ ﺍﻟﺠﻦ ﻧﺎﺱ ﺟﻨﻬﺎ ﺍﻟﺤﻴﻜﻮﻣﺔ ﻣﺎﻃﺎﻝ ﺍﻟﺸﻮﺍﺭﻉ ﻓِﻲ ﻓﻰ ﻭﻻﺩ ﺑﻌﺮﻓﻮ ﺍﻟﻘﻮﻣﺔ ﺍﻭﻻﺩ ﺍﻟﺤﻼﻝ ﺭﺍﻗﺪﻳﻴﻦ ﺍﻭﻻﺩ ﺍﺳﻤﻬﺎ ﺍﻟﻤﺎﻳﻘﻮﻣﺎ ﺩﻳﻞ ﺍﻭﻻﺩ ﺷﺮﻳﻌﺔ ﻗﻮﺵ ﺍﻟﻤﺴﺘﻀﻌﻔﻴﻦ ﻓﻰ ﺍﻻﺭﺽ ﻳﺒﻨﻮ ﻭﻳﻬﺪﻭ ﻋﺮﻭﺵ ﻻ ﺍﻟﻜﻞ ﺑﺨﻮﻥ ﺍﻟﺒﻌﺾ ﻻﺑﺘﺸﺘﺮﻳﻬﺎ ﻗﺮﻭﺵ ﻓﻰ ﻛﻞ ﺣﺘﺔ ﻭﺭﺍﻙ ﺗﻤﺮﻕ ﺗﻼﻗﻰ ﺟﻴﻮﺵ ﺍﺻﺪﻕ ﻟﺴﺎﻥ ﺍﻟﺤﺎﻝ ﻣﻦ ﻧﻀﻤﻚ ﺍﻟﻤﻬﺒﻮﺵ ﻧﻔﺲ ﺍﻟﻮﻻﺩ ﺟﺎﻳﻴﻦ ﻣﻦ ﻃﻴﻦ ﺣﻀﺎﺭﻩ ﻛﻮﺵ ﺣﺎﻓﻈﻴﻦ ﺷﻌﺮ ﺣﻤﻴﺪ ﻓﺎﻫﻤﻴﻦ ﻗﺼﺎﻳﺪ ﺍﻟﺪﻭﺵ ﻣﺎﺗﻤﺸﻰ ﻳﺎﻣﺤﺠﻮﺏ ﻋﺎﻭﺯﻳﻦ ﻧﻈﺒﻂ ﺑﻮﺵ ﻳﺎﺩﺍﺍﺍﺏ ﻋﺮﻓﻨﺎ ﺍﻟﺼﺎﺡ ﺩﺧﻞ ﺍﻟﻜﻼﻡ ﺍﻟﺤﻮﺵ ﻭﺷﻜﺮﺍ ﺳﻴﺪﻯ ﺍﻟﺤﺠﺎﺝ ﺃﺯﻫﺮﻯ ﻣﺤﻤﺪ ﻋﻠﻰ . .

جينا من رحم الشوارع كم مصاب وكم شهيد لحرية شعب نصارع ونقاوم الجنجويد اصابة ورا اصابة اعتقال نصر شهادة سايرين الدرب بكل ارادة

حليل الثورة وهتافات الثورة

قائـد البـدروم """"""" يا قائد البدروم يا حاكم الخرطـوم اطلع سريع برة شوف الخراب بالكـوم اطلع كفاك نحيـب شُغلك شُغل حَــرّوم فوق نصرك الزائف قوم ارقص المـردوم نكّست راس الجيش الكان قوي ومعصـوم وتبعت لي الكيزان ادوك ظرف ملغــوم ضيعت شعبك ليه يا قائـد البـدروم غشـوك ياقائد اكلوكَ زي لكـوم بعت القضية خلاص سافرت جاك (ناحـوم) حتي الكويز(كرتـي) قرشك قرش بعشــوم غشّوك بديسمبـر الكوز دوام مخـروم ضيعت ثورتنـا جهلول غبي وموهـوم شكلك غراب البين يا كُـج نذل مهـزوم ومعاكا كضباشي جابر .. عطا اب قدّوم كرتي اللئيم غشّاك واسامة والمذمـوم كضباً كتير قلتو وفي راسنا طائرة تحـوم تقصف نساء واطفال دخّانا فوقنا غيـوم و قيامة فوق راسنا كتمة ومعاها سمـوم رصّاص يلعلع فـوق ماليهو أي لـزوم في ام در حبيبتنـا وبحـري عـز القـوم لا كهربا ومـويـة والعيش صبح معـدوم والادويـة انعدمت والامن يا مشـؤوم والموت يقالد المـوت الموت صبح مهمـوم كيزان حرامية راجيكم المعلـوم قسما يجيكـم يـوم والزردة لي الحلقـوم """""" ود الريـــف

٢٢/١١/٢٠٢٢ (( وطن ردناهو و ما رادنا زادهم وصل و نحن وين زادنا ..... أسياد ، ربنا و ربكم و رب العباد أدانا أرض حدادي مدادي أكلتو اسيادكم و جوعتونا ..... أم الشهيد تبكي ام الشهيد تبكي و بكتني معاها ، يا أمي ما تبكي كلنا معاكي بناتك و أولادك...... 'انتو منو' ؟ و جيتو من وين ؟ عشان تبكونا...... كنّا زمان بنغني أغاني كنّا زمان بنغني أغاني و نعزف الأنغام ملت السما طرب و ألحان شجية ..... سرقتونا و مرقنا من كل حي مرقنا من كل مدينة ، و بعد مرقنا قتلتونا ....... بعد قتلتونا ما متنا ياهو نحن زاتنا ما متنا ماتت الجثة و الروح لسا في السما بتغني أغاني بي ألحان شجية لسا نحن ما متنا ...... )) نسر/ين 🦅🦅 لسا ما متنا 😎…….

في دبابة في دبابة .. مساويكك في دبابة .. أباريقـــك في دبابة .. ومشاويرك في دبابة .. تنوم و تحس في دبابة .. و عاد لي متين في دبابة ؟؟ تظل معزول عن الـــدنيا و مَقطِّع بينـــــك أسبابه .. ولا تاخـــــــد خَبار أهلك ولا أخبارك في زول جابه.. رويــــــدك لا يغُرنّك نعيم الفيها و أطيابه .. إثارك حصاركــ كلما طـول موايدك جفت أكوابه .. ونهارك و إنت ماك فلاح سموم و هجير وتَّــابة .. ومن النسمة التهِب بالليل بقت عينيك هـــــوابة .. في دبابة .. مصاقِر حالك التَبدِي وتَرائي عليهو جلابة .. ممارض وضعِ ينساقط فروع ضبلاني من غابة .. تعوِّم مُركب التاريخ تعصلج دفتو وتابه .. صلاحو الطَيبي ما هبت بلا حِبّانا و أحبابه .. يا عايق الشعب يا قافل ضياء عمرك في دبابة .. بلاك يا سيدي الغافل عن الأيام ودُولابه .. منو الفي الدِنيا ما فاكر شوارع الثورة جيّابه .. وشنو البِيَتِش شمش باكر تظاهر ناسا و إضرابه .. مجرد فرضِ يا قاصر و إرادة الشعبِ غلاّبة .. إذا سديت دروب الأرض وإنطامَن علي أبوابه . فكيف تضمن سما الخُرطوم سماها الماها كضابه

وانا قلبي مليون ميل النص ملان هيبة والتاني فيهو أزهار فيهو الشمس تشرق تغازل المحبوب فيو من طرب وردي في الشعر فيو محجوب فيهو عزت الشهداء فيهو بسمة المحبوب زي نخلة في بستان دفيقا شال يدوب والبسمة ضواية ضوت علينا دروب فيو السلك بنجر صفقت تدخل تب درعت سريع توبها كرم الضيافة وجب ماهم ياخ هو منو يا ربي بس في حطب فيو في الغرب دارفور العالي دوم كعبا ديل أرضهم من نور ديل الكسوة الكعبة فيو المعليق وام روابة في في الجنوب اخوان و غابة حلفا الأبيض والقضارف فيهو الضعين الخيرها وارف في شندي تلقى المعجزات ديل علمو الجبل الثبات فيو الحردلو وود البنا ديل البي قولهم عاقل جن فيو ليلي وامدرمان وناسا ديل منبع الأخلاق وساسا السمحة جات السمحة وين قالت لي ياخ انا من بدين يلاك نمشي على الشرق اصلو المحبة هناك عرق ادروب دبايوا كيتوا اوجات كيها وبعد التحية والسلام شرينا قهوة بزنجبيل وبقينا بين حسنين تاجوج وعين توتيل وسرحت في تلك العيون اريتني اقدر اوصفها هي جمال فات حد الجمال وحروفي جت ما منصفه انا لا أتذكر أني قابلت إمرأة عيناها تغسيل احزاني والهدب سهام صوبها والعشق الغاشم فرماني فاتيت القاضي اشكيها والقاضي قال انا الجاني عيناها خلقت كي تأسر فلماذا النظر بامعاني فابتسمت بسمة منتصر والبسمة زادت نيراني والتفتت ومضت في ترف ولهيب المقلة يصلاني يا طعم النار يا طعم الثلج يا قطعة سكر انا لا أتذكر شايقية كواهلة وبقارة الأرض الهلت انوارا ميدوب وزعاوة وشكرية مع دينكا وزاندي وجعلية فيو نوبي ونوبة ودقت نوبة هديك محبوبة مشينا دوربا ودربنا طال السكة تروس السكة عساكر سكتنا نضال انت سوداني وسوداني انا ضمنا الوادي فمن يفصلنا منقو قول لا عاش من يفصلنا ح تقولها كيف فصلونا يا منقو ولمن نقول الحق بقولو ناس بنقو المشكلة فينا اللي بشبه أرضنا فينا اللي غير فينا اللي شارين الوطن فينا اللي بايعين الضمير ومرقتا شان ابني الوطن ما كنا عارفين المصير ومرقتا شايل لي كتاب ورجعت شايليني في سرير أو عنقريب ما بنتختلف الحب شنو الحب ولف والموت هو موت ان كان وليد أو كان الف الحل شنو اها كيف وكيف قالو البلد حالها بقيف لو نحن واصلنا الخراب نحن كفار مجرمين هم الصحاب هم اللي حافظين الكتاب ونحن السجم شن جاب لي جاب واصل واصل نضالك يا سجم فالأرض تبني من عدم خضناها نيران الدروب وسكبنا فوق السكة دم اطلق سراح هذا الجناح فالقول مباح والحب مباح أرضا سلاح الفجر لاح والصبح لا

غني معانا غُنانا هويتو غني العالم غني حياتو لا ساومنا عليها قضيتو ولا فكينا من إيدنا وصاتو ألف شليل يـانورة يفوتو شان ما يجيكي شليلك ذاتو #مليونية6ابريل

انحن و الشهداء الكرام حزمة حاول فرقها ! #مليونية6ابريل #تسقط_بس

وطني البموت وبخلي حي وطني العريض الحاني زي صدر الرسول وطني اليفيض إنساني زي حضن البتول وطني النقيض لي بعض انظمة الافول وطني الخجول بالعافيي في الزمن المريض كل النقاط سودا ونواي النخل بيض كل العروق خدرا وحبال الود وريد (ماهيتو ) مو حمرا وسماحة الزول شهيد وطني وكفى وبلا المعادي الحر ولا شاطر على قيد انكفى وطني البغني علن بحبو بلا خفا وطني العديل الفجري والعامر وفا #حميد