رُكن

مو كل خسارة تكون بشي نكدر نشوفه ونحجي عنه، أكو خسارات تبقى ساكتة بداخلنه لأن الشي اللي خسرناه محد يعرف شكد كان يعني إلنه مرات الإنسان يوصل لباب ظل سنين يحلم يفتحه وبالأخير يكتشف إن المفتاح مو بإيده.ط مو لانه ما حاول ولا لانه ما كان يستحق، بس لأن رقم صغير قرر…

مو كل خسارة تكون بشي نكدر نشوفه ونحجي عنه، أكو خسارات تبقى ساكتة بداخلنه لأن الشي اللي خسرناه محد يعرف شكد كان يعني إلنه مرات الإنسان يوصل لباب ظل سنين يحلم يفتحه وبالأخير يكتشف إن المفتاح مو بإيده.ط مو لانه ما حاول ولا لانه ما كان يستحق، بس لأن رقم صغير قرر يغير شكل الطريق كله أصعب شي مو إن الحلم ما تحقق الأصعب إنك تبقى تشوفه قريب منك، تعرف انك كنت تريد توصله، وبنفس الوقت تعرف إن المسافة بينك وبينه صارت أكبر من قدرتك يمكن الناس تشوفهه مجرد نتيجة مجرد رقم مجرد مرحلة وعدت بس بالنسبة إلي جانت أكثر من هذا بهواي جانت أشياء رتبتهه بعقلي وأيام تخيلتهه قبل لا تجي وفرحة جنت مأجلهه لوقت معين والغريب إنك بالنهاية تضطر تتصرف وعبالك لموضوع عادي تبتسم تكمل وتكول (خيرهه بغيرها) بينما بداخلك صوت صغير بعده يسأل: شلون لو كان الرقم غير؟ يمكن بعض الأحلام ما تموت بس تتغير أسماؤها ويمكن أكو أشياء نتركهه مو لأننا بطلنا نريدهه وإنما لأن الحياة قررت تختار عنا. وأنا هسه مو زعلان من الطريق، بس حزين على النسخة مني الي كانت متأكدة إنها راح توصل🤍.

✨لو يرجع زماني بتمنى ما اشوفك✨

✨لو يرجع زماني بتمنى ما اشوفك✨

ليش من نحب شخص نخاف نحجيله عن ماضينا وتجاربنا الفاشلة؟ نخاف يحكم علينا أو يشوفنا فاشلين أو تتغير نظرته إلنا ، شنو المغزى من العلاقة إذا الشخص اللي مقابيلك ما يشوفك بأضعف حالاتك؟ إذا ما يعرف عن أخطائك فشلك ندمك والأشياء اللي كسرتك ويبقى واكف وياك رغم كل هذا…

ليش من نحب شخص نخاف نحجيله عن ماضينا وتجاربنا الفاشلة؟ نخاف يحكم علينا أو يشوفنا فاشلين أو تتغير نظرته إلنا ، شنو المغزى من العلاقة إذا الشخص اللي مقابيلك ما يشوفك بأضعف حالاتك؟ إذا ما يعرف عن أخطائك فشلك ندمك والأشياء اللي كسرتك ويبقى واكف وياك رغم كل هذا ؟ العلاقة الحقيقية مو أن يشوفك الشخص بأفضل نسخة منك وبس وإنما يشوفك وأنت ضعيف متردد مخطئ وفاشل ببعض تجاربك ومع ذلك ما يستخدم هالأشياء ضدك الماضي المفروض يكون شيء نفهمه ونتعلم منه مو سلاح نستخدمه حتى نجرح الشخص اللي نحبه يمكن لهذا السبب نحتاج الشخص الصح شخص يعرف أسوأ أجزاء قصتك بس ما يختصرك بيها يعرف أخطاءك بس ما يعايرك بيها يشوف ضعفك بس ما يستغله لأن بالنهاية شنو قيمة العلاقة إذا ما چنت تكدر تكون على حقيقتك حتى بأكثر لحظاتك ضعفاً وأنت مطمئن إن الشخص اللي تحبه راح يفهمك مو يحكم عليك 🤍

بكل مره احاجيه يجيلي شعور الامتنان، شعور الرضا ... ان أخيراً شخص بحياتي يتفهمني ويتفهم شخصياتي وتقلبات مزاجي يتفهم زعلي وعتابي وحتى بصمتي يفهمني شعور الامتنان انو أكو شخص الجأ اله من تضيق بيه الحياة واول شخص يجي على بالي بكل شيء حلو اشوفه انسان يشغل تفكيري ويحتويني ويحبني ويفضلني على الكل اني حرفياً انتصرت بأعظم شخص وأحلى مشاعر حلوه ممكن يعيشهه الأنسان 🤍💋✨

العائلة من تحجيلي أسرار:

ادمع من اقراهم🥲