-

‏ذوقتني هجرها ثاني ضحيّه ‏و اصطلت روحي على حُر فرقاها ‏طيّرت من غصن الأشواق قمريّه ‏ورهنتني في هواها و لاماها ‏حايلٍ من دونها حول وشويّه ‏مير مالله حالٍ دون ذكراها ‏كل حاجه باقيه مثل ماهيّه ‏ماسرا معها على درب مسراها ‏غير عضوٍ (في جهتيّ الشماليّه) ‏فاع من عوج الحنايا وخاواها

-حبيبي والسّهر موحش بدونك والدروب اشباح دخيلك عَـدّني لين اول الصّبح وتعـدّاني سريتك مامعي غيرالظلام وحسّرة المصباح ضويت . . ولاهقيت انك تخيّب هقوة العاني! حبيبي لوعّتي قرّة عيوني سرّي الفضّاح كتمتك بالخفوق ولا كفاك وفاضت أعيَّاني!

‏يشدني الثقيل اللي محدٍ يطوله ‏وينعاف السبيل الي كلٍ يذوقه.

‏لك منزل بين الرجى والتمني ‏ولك دعوةٍ ما فارقت قلب ولسان ‏أدعي عساك تكون فيني ومني ‏عل وعسى ما يملكك غيري إنسان ‏لا ياخذك وجه الجفا غصب عني ‏ولا يردك عن دفى صدري أزمان ‏أنت الأماني والمُنى والتمني ‏وأنت الكمال وما يخالطك أي نقصان

‏"أحبك رغم تجريح الليالي لقلبي المقهور "

ياضحكة العمر ياني حيل مشتاقك لاشان وجه الزمن لاتقطع الجيّه إذا طروك أحترق وأشتاق لعناقك وأقول تكفون لاتجيبون طاريّه ياما تمنيت أشوفك والزمن عاقك اللي مثل حالتي ياصعب أمانيّه مادامها بالتمنّي بأطلب فراقك لن الأماني مع شرواي عكسيّه

‏أعاملك بلطف ومحبّة بس ما أذخرك لبكرة ‏وهذا أريح مبدأً مشيت عليه بحياتي. ‏ - أحذر العشم يا إنسَان - ‏ ❣️

‏اختلافي مع مبداك سر اختلافي ‏احسب أنك تحفظ السر واثرك تذيعه ‏دام باب الموادع حول باب التجافي ‏لحد يدري ان بيني وبينك قطيعه ‏خلها زلة من وافي عند وافي ‏واعتبرني رحلت الصبح ولا تبيعه ‏العرب لا تجافوا يضربون الفيافي ‏مايصير نتضايق وارض ربي وسيعه ‏ماتدوم الظنون . . ولا تدوم العوافي ‏خيبة الهقوه اكبر من مقام الفجيعه

‏ماكان عادي تجرح الروح وتروح ‏لو قلتلك من طيبة القلب عادي ‏وبابي على كثرة خطاياك مفتوح ‏لو شفتني عن عزة النفس غادي ‏فضفضت لك يوم إنك أقرب من الروح ‏وكني وأنا افضفض لقلبك معادي ‏أنا هذاك الي من الضيقة ينوح ‏ماني هذاك الي ليا ضاق هادي ‏علمتني إن الحب جارح ومجروح ‏وعلمتك إن الحب ود وتهادي

‏«من يوم أخذك القدر وأنا على هوني ‏ما أعرف الأسبوع غير بليلة الجمّعة»

وإن كِنت شي ثقيل عليك الله يبعّدني عَنك مهما أحتاجك

جادلٍ نسيانها بين لو وبين ليت ‏وإن تهقويت المواصيل يا قل جهدي ‏وكل ما كني دلهت وتساليت ونسيت ‏هب نسناس الشمال وتذكرت وعدي

معك من وين ماودّك بلا مرسى ولا ميقاف ‏معك لو مالت اوراق الشعور المنهك الذاوي ‏معك حتى لو سنين الحنين الماضيات عجّاف ‏معك حتى وانا مدري علينا الوقت وش ناوي !

مادامك بديت تشوفني مثل باقي الناس ‏ أنا لي كياني واحترامي وتقديري ‏تقهويت حبك يوم عاده يجيب الراس ‏بعد ما برد خليت .. باقيه لغيري

انفض غبار الهم عن قلبك ترى المهموم ميِتْ ‏انحش عن الضيقة وشرّف في الرجوم وذبّها ‏لا تنطوي نفسك على نفسك وتذبل ما دريت ‏خل المطر يمطر عليها والهبوب تهبّها

‏ماغير أداريها مداراة الأيتام ‏من حبهَا ، ولا ماهيب يتِيمه ‏لا أرضيتها كني محقق لي أحلام ‏ولا زعلتها كني مسوي جريمه . ‏- مبارك المَطرباني .

"علامة المُتَّهم كثر التصاريح ‏وعلامة المكتفي قِلّ إهتمامه ‏وعلامة إنّي ضعفت ويمكن أطيح ‏علامةٍ .. من علامات القيامه" ‏- صالح النشيرا يرفض الإستسلام في وجه الحياة، ‏ وأنا كذلك أرفض

‏كل يوم اوادع الشمس و تغيب ‏و تشرق علي .. و أنا محلّي محلّي

عزّ الله إني ذاخرك للزمن .. سور و ملجا لمن ضاقت عليه الملاجي .

انا يوم واجهتك عرفت ان قلبي حي تحسستي عروق الحياة ولمستيها وانا اللي قضى عمره ما يملا عيونه شي وجيتي بعد كبر الطموح ومليتيها