هاجس.

‏ابن جدلان قال: ‏"الملتزم بالصمت مايخطي ولا يخطى عليه ‏انشهد ان الصمت يحفظ للادمي شخصيته" ‏ثم قال بعدها: ‏"المجنّب من الاودام مايخلاّ ‏لا سلم من شر ذولا جوه ذولا" كل ماسبق يعلمك إنك غير ناجي في حياتك الواقعية أو الافتراضية من هالفئة، والحل الأنسب لذلك:تجاهله وعينه تشوف

‏على كثر ما بقلبي من جروح وندوب ‏يا كثر ما أضحك وكن الحزن مني بِري ‏لعل ربـي .. يعوضني بوجهٍ طروب ‏شخصٍ لعيني على صكات بقعا جِري ‏يخشى دموعي مثل خشية وقوع الذنوب ‏معاه ما يسبق الرغبة شعور الجري ‏يلبّي الحاجة بنفسي قبــل مــا تـذوب ‏من زود طيبه يستحي لا تقعد بخاطري

‏«فما ناصحاتُ المرءِ إلا تجاربُه»

‏ليلة البارح حزين ومبتعد عن كل صوت ‏بين تأنيب الضمير وبين ذكرى و أمنيات ‏مادريت إن الضجيج يزيد لاطال السكوت ‏ لين لجة صرخة اوهامي من الاربع جهات ‏ما جهلت إن الليالي بين حد وبين موت ‏ لوجهلت ب ليلةٍ فيها شبعة من الممات ‏عاد أنا اللي عادتي حسن التصرف والثبوت ‏صرت أدور في وجيه العابرين أدنى ثبات

‏أتساءل:ليه أحب الخلا وشوف الربيع ‏والمراد أن خلوة الذات غاية مقصدي ‏كل شيء في النهايات"متوقع"يضيع ‏علمتني كيف أودع؛ ومن حيث ابتدي! ‏ليه أجامل باهت العذر والجرح الفظيع؟ ‏والرجاء خايب مع كل قلب جرهدي ‏أكره الخذلان والفقد،والعقل الصديع ‏«كلفتني»راحتي والبساط الأحمدي

‏يا رب أنا قلبي عزيز وحياويّ ‏شيءٍ يهين النفس لا تقسمه لي ‏حتى لو إني له شفوق وشفاوي ‏تغسل فؤادي منه قبل اغسل يديّ

«لعنبو من لامني لا تجاهلت الوداع الموادع حط وسط الحشا جرحٍ شنيع الموادع حط قلبي من الفرقا رعاع والسبايب كيّتينٍ مضاربهن جميع كل ماتطري علي المظاليل الوساع اتزفر زفرتينٍ يشيبن الرضيع طامعٍ في مهرتن لاتسام ولاتباع مابي الا هي وربي رماني في شفيع»

‏«يارب ماني عبدٍ طماع، ‏بس أبي مثل هالأنشراح يكون في صدري»

‏أنت يا قبلة قصيدي ويا نسل الحرار ‏لا تراودك الطواري و تخلفك الشكوك ‏لك تقاد الروح قود العسيف من المهار ‏ماخذٍ على شعوري مواثيق و صكوك ‏يـارصيدٍ مايقارن بـ مال ولا عقار ‏قيمته في عيني أثمن من أرصدة البنوك ‏قلبي اللي قد خذيته جهارٍ من نهار ‏«عايفٍ غيرك لو انه من عيال الملوك»

الكذب والإستغفال يهدمون كل شيء بيني وبين أيّ شخص مهما كان عزيز علي يصير ولا شيء مجرد ما يسويها يخليني أحط كل ما سمعته بالماضي وكل اللي بيقوله بالمستقبل تحت التشكيك وأستثقل معه حتى الحرف الواحد

والله إني يا أحب الناس أحبك.. محبةٍ لو متّ منها؟ ما جنيت إلا ثمر❤️

‏كنتي / ‏ارق واحلى واجمل الحاضرين ‏فيك زين ‏ودلال وكبرياء . . وخجل ! ‏يوم شفتك ‏وقفتي والعرب جالسين ‏قلت ‏فديت كبد ام العيون النجـل ‏طالعيني ‏وشوفي العالم بنص عين ‏انتي أجمل بنات الارض ‏ وانا . . رجل ‏جابك الحظ ‏و احلوّت معاك السنين ‏جعل ما انتي على قلبي بضيفٍ عجل

‏لكنّك هواء.. تعبت ألمّك ولا يلمس صدري إلا الفراغ

🦌🤍

ياشناح الطول يا الظبي الجفول يامليح الزول ياصاف الجمال حار فكري فيك مدري ويش أقول ياجمال أهل الجنوب مع الشمال فيك من زود البهاء شي يهول لو يشوفه عاقل صابه هبال لو تبي تلبس من أسلابك سمول تقمر اللي يلبس أجمل دلال جيدك المنتول والردف التلول ولفته لك كنها لفتة غزال قبل تصدقني بنات الفكر حول وعقب شفتك لقحن عقب الحيال واجتمع في خاطري شوق وذهول ودرت شعري فيك يا صعب المنال ويوم دررت المشاعر يا خجول صورت فيك المحاسن والكمال

شفت اللي ما يسوي لك الممكن ؟ ماهو مسوي لك المستحيـل لذلك يا بني أدم لا تمشي خطوات لشخص ما مشى لك شبر — Just a reminder

‏الليالي يا وسيع المعرفة قد صوّبتني ‏لا تحط إيدينك الثنتين فزعة مع يديها ‏

أكبر تنازل ممكن تسويه بحياتك هو إنك تتأقلم على وضع انت كارهه وبرواية أُخرى . عيني على بكره وقلبي مع الأمس .. بمعنى لا عشت الآن ولا رجعت الامس ولا حتى ضمنت بكره ! وهذا اللي يسمونه « الشتات »

‏يالله ياقادر على بعث الاموات ‏يا جاعلٍ بين الاوادم تفاوت ‏وغير التفاوت بالهياكل والاصوات ‏ارزاقهم و عقولهم ما تساوت ‏يارب الارض ويابديع السماوات ‏فرج هواجيسٍ بقلبي تخاوت ‏و افرج لعينٍ ما تهنا بغفوات ‏دايم تشاوتها الطواري مشاوت ——بن عون