مصطفى طالب الزيداوي

طريـــت الجثث والخيل يحسين واجيت اعليـــك ادور وين ماوين تعبـــني العطش والأيد عـ العيـن من كونك تسمع حاچيني اجيتك وامشي گـوه وگلبي محتام اجيت وجدمي مچوي بنار الخيام حـــــرت بين اعتنيلك بين الايتام وايتامك ركضت بالهيمه طـريت العــــساكر والمچـــاتيل اجيتك گــوه امشي ابضلمة الليل والمچــتول اخوها امنيلها الحيل اعـــثر والخـــوه اتچيلي اجيتك گــوه امشي وحايره شلون خـــاف اعداك تنظر دمع العيـون اجــت زينب اجت گامو يصيحون ماعدها اخوان ايردوها تــــــعبانه او لفيتك حايره ابهاي نفسه الحـرگ داري وذاك الافياي گــــدام العطاشى ايبدي بـ الماي والرادت مـاي ايطگوها اجيت امن الخيم ومحمله اهموم صحـت وخواني منهم محد ايگوم چــم يوم المضى وماشايفه النـوم يالطايح حرگوها اخيامي اجيت انــشد عليكم واشبح العين بگيت ابلا چــفيل او مامش امعين لا عبــــــاس ضل يمي وله حسين والتــفت چاوين اخواني مهضـــــومه ولفيتك هلبت اتگوم ولگيت مــنسحگ وامسلب اهدوم وحــــــافر خيلهم بالصدر مرسوم مجبوره وگتلك حامينه من عندك مــشيت وصحت عباس تعنـــــيت الچفيل او لاطمه الراس عفتوني وحـــيده او صاحت الناس ماعدها اخوان ايحاموها رديت البـناتك لاچــــــن اشلـــون ردت فاجده او تلطم عـ العـــيون كلها اتصــــــيح جيبو ناگة ام عون يردون اخـلافك يسبونه لمـــيت البنات او للسبــي انــروح المن ضـــــــــاله او والينه مذبوح تـره او حـال اليتامى ايطلع الــروح عطشانه اتصبر عطشانه جابـــــو ناگه هزله او مامش افياي عــگب عباس يمشي الحـادي وياي و ثلث تيام هــــم ما ضايگه الماي چا وين اخواني ايصعدوني صــــعدني العليل او دمعته اتسيل مشينه او ينضر الحـــال المــداليل يمشي بصــــفي خايف ناگتي اتميل مهضومه مصعديني بناگه ناگه امكـــــشفه وحر الشمس نار چبـــيره او عطشتني اشحال الزغار كل ماصــــحت حويه الراس يندار والغربه اليحدون الناگه ليلى اتريده ابنــــها وصاحت اعليه والسجــــــاد يمــها امچتفه ايديه يـــــــنضر حالها او كل حيل مابيه شيسوي ومچتوفه اچفوفه بنـــــــــــاتك تعبن او أذاهن الگيد طحنـــه ابناس عگب موش اجاويد ازغـــــــار او منهن الجــلاد شيريد يوسف ماشاف المر بينه مشينه او يا هضيمه امكشفه النوگ رمــونه احـــجار من طبينه للسوگ ودونــــــه ابدرب مايوم مسحــوگ من ديره ايودنه الديره للكـــــــوفه وصلنه الوادم اتشوف ابن الچـــــان والي اعليها مچتوف گلي او يا جــــرح من عدهن اتروف مجروحه اجدامه وچفينه نصد احــــــجارهم وشلون العيون اصـــدهن عـ الضعن من اليشوفون طلعنه الكـــــوفه والوادم يصيحون بت حيدر للشام اخذوها چم ليله او وصــلنه الشام يـ حسين واجانه احـــــجارهم مانعرف امنين علــــــــينه التمت الشمات صوبين شحچيلك من يشتمونه فرحــــــــــــتهم ولا شفناها بالعيد طبينه القــــــــــــصر ويعاين ايزيد حـــــط راسك گباله او مدري شيريد وايگـــله اعيالك جبناها ودونه يعــــــــــــــز خدري ابخرابه ومن صاحـــــــــــت رقيه وينه بابه جـــــــــــابو راسك او يگطر خضابه ماتت من شافت واليها مصطفى طالب الزيـــداوي

يا ليل ماضــل النه خـــوان اگعـد واســولف كان ماكان اهل الــستر مافوگنه افياي والماي اخوي ومات عطشان والخيـل متعمده وعلي من تمشي يمه اتدوسه ================== جلاد يمــــــشي ويلفي جلاد من الشمس حــنى الجلد باد امتعبينه اخــــلافك يـ عباس لو كلنه هونك بالضــــرب زاد والناگه تعثر لو گلت مامش كفيل اويانه ================== كلفه وعلي يخــــــواني كلفه وسفه الشمر يحــدينه وسفه صـــــارو زلم من طاح عباس چف الله طـــــاح ابدون چفه من دون خوان الدرب شيخلصه ويا الوادم ================== هاي الثجيله التوجــــع الروح مذبوح طاح حسين مـــذبوح بگد ما خناجر شــــمرو اعليه حتى الرمــح ياناس مجـــروح والراس يفتر عالرمح مثل اليطوف ابيتنا ================== كل ماگلت هانــــت يـ عباس بذاك الدرب ما ترحـم الناس لو ظفله تسكـــت حتى ترتاح يتدنه يمها الـــــشايل الراس وتصيح يا مية هله بالشال راس الغالي ================== بادت عبينه و الوكـــــت حار وحفاي تمــشي وتبچي الزغار من نار طلعو بالخيـــــم ذيچ وبالصحره هم تچـويهم النار والگاع تلسع بالرجل مثل الجمر بالخيمه ================== مصطفى طالب الزيــــداوي

٠٠٠٠٠٠ خُذ حتى ترضا إلهي صـــلينا فرضا إلهي كُلَ بنيني والحُـــسين فِـــداكَ رب العالمين خُذ حتى ترضا ============= لوجه الله تعالى ترخــــص الروح حـسين اول نذر من نحره مذبوح اليسوه اسيادهم عالگاع مــطروح والـ ما الها چـازه انعـــوفه وانروح يبقى وحيـــداً حبيبي نحراً ذبيــــحا حبيبي سِبــــط إمامَ المُتقين فِـــداكَ رب العالمين خُذ حتى ترضا ============= كلشي يروح فدوه الـ خالق الكون عــبدالله وبُرير او عابس وجــون انرفـــعو عالرمح چـي مايدنگون حتى ابمــــوتهم منهم يخـافون أنــصارُ بيتِِ طهورا افدو حسيناً نحورا حتى جموع العاشقين فِـــداكَ رب العالمين خُذ حتى ترضا ============= مو سهله الاخـــو بالخيل ينداس مو للـــــبتر أيده هاي تــــنباس بس فـــدوه إلك ياربـــي عباس يخبل عالــــرمح تتفــرج الناس حامي حِمانا صَرِيعُ كـفُ الكفيلِ قطِيعُ قد قطعو منه اليدين فِـــداكَ رب العالمين خُذ حتى ترضا ============= احلا امن الگــمـر بالليل جســام عمره اثلث طعِش بس حيدر وگام ما أخــــــر رگبته وشال صمصام فربان اعتنـــالك من الخـــــيام نحوا المنايا تقدم شبل الكريم فأكرم وافاكَ بعد السجدتين فِـــداكَ رب العالمين خُذ حتى ترضا ============= ما شُبـــــه لهُــم فوگ المهر كر يكبر عــمري لمن يمشــي الاكبر راح ابطوله يمشي وطاح منــــحر حتى السيفه بيده جاب خنــــجر تُرمى الخناجِر عليهِ والموتِ يأخُذ يديهِ حاطو عليهِ العسكرين فِـــداكَ رب العالمين خُذ حتى ترضا ============= كاروك الطـــــفل بالخيمه تابوت وين وليـدي رايح صاحت ابصوت من وسط المــهد شلناه للمـوت دم نحــــره النزل يگماطه ياقوت حتى الرضيـعُ فِداكَ نحراً ذبــيحـاً أتـاكَ يُبكيهِ فـــقد الولدين فِــداكَ رب العالمين خُذ حتى ترضا ============= محـــــــد جابنه جيــتنه بالكيف احنه اهل الكــرم وندلل الضــيف جدمنه الرگــــب من سير السيف حرگـــوها الخيم ماگلنه ياحــيف نارُ الخِـــــباءِ لضيا للشامِ نمضي سويا فـــوقَ النياقِ راحلين فِــداكَ رب العالمين خُذ حتى ترضا ============= مصطفى طالب الزيداوي

لا ياشمس عوفيـــنه وانريد افياي لا ياشمس وشلــتي بالروح الماي لا ياشمس بالصحره نمشي حفاي عوفيـــــــــــــــــــنه وانريد افياي ====================== تعبنه حيل الذباح لا يا شمس خل نرتاح ما بينه حيلج والله درب الســـبي مكفينه لايتعب الشايل راس خافن يطيح وينداس بالنوگ راس المذبوح ونركـــضله ويبچينه لا ياشمس غيــــــرتي لون العباس لا ياشمس غاب الگــمر عن الناس لا ياشمس وسفه وتشمتين اعداي عوفيـــــــــــــــــــنه وانريد افياي ====================== عمدن تعطشين النوگ تردينه يلتم السوگ من تعطش الناگه اتميل ماتسرع وتتأخــر جواج نوگف والايد كل مالها احروره تزيد منج وحق العـباس حتى الجلد يتفطر لا ياشمس متغطره حتى الكيعان لا ياشمس وشحال گلب النسوان لا ياشمس بالليل ماغبــتي هواي عوفيـــــــــــــــــــنه وانريد افياي ====================== وداعة اعيون العزاز عالگاع ماينحط چاز نار الرمل جا شتصير رجل الطفل من يمشي مايگدر يحط عالگاع ايده ويفز منها بساع مو بس رملها الصحراء محترگ منچ كلشي لا ياشمس حتى الطـــفل مايرتاح لا ياشمس ويگوم مچوي لو طاح لا يا شمس خلي شروقــج بهداي عوفيـــــــــــــــــــنه وانريد افياي ====================== باد الجلد جوه الثوب عطشتي بالحر اگلوب كلشي ذبل بس والله الحـــبل بعده ابحيله حتى الهوى يتعب صار مانگدر انشمه وحار جوه الصدر نار تصير موگد هوى ايهفيله لا ياشمس حتى النفس صاير نار لا ياشمس بيا گاغد نگعد نحتار لا ياشمس لجروحنه مامش داي عوفيـــــــــــــــــــنه وانريد افياي ====================== والخله ايده اعلى العين ينچوي منچ مرتين تچوين ايده او مگفاه يتعب او تنزل ايده راحت رقيه العباس تشكيله ويدير الراس من كالت انريد البيت هذا الدرب ماريده لا ياشمس تشكي رقيه العمها لا ياشمس طفله اشكبر ألمـها لا ياشمس ماحاچه بنته الرواي عوفيـــــــــــــــــــنه وانريد افياي ====================== مصطفى طالب الزيداوي

فوگ الرمـــــح راسك يناغيني من ابچـــــي يندار ويحاچيني ================== رافگني راســـــك بالدرب كله يتچـــــــيلي لمن تعثر الهزله بس هو عــــالي شلون اوصله مالحـــــــته آني ولاحته النبله بعـــينك اجتك من عمت عيني فــــــوگ الرمح راسك يناغيني =================== مامـــــات گلبك عايش ابراسك وادري المدامع تجرح احساسك ينجرح گلبي بالهـــــوه الجاسك شدو احــــبالي وگطعو انفاسك بويه الحـبل بالأيــد ماذيـــــني فــــــوگ الرمح راسك يناغيني =================== يابـعد بنتك يا هــــــوه الـــريه بس نحـــــــر انته او فكرت بيه تدنيلي راســــــك واگعد ابفيه ثاني ذبح من رحـــــــت مسبيه من الشمس يابـــــويه تحميني فــــــوگ الرمح راسك يناغيني =================== هاي المســـافه او لا احس بيها والدنيا كلــــــــها وياك امشيها خل رجلي حر الرمل يچـــــويها بس شيــــــــــبتك يمي تدنيها من وجهك اشــبع شوف خليني فــــــوگ الرمح راسك يناغيني =================== آ يا محـــــــــــنة راسك البنتك عالي الرمــــح يابويه چا بستك ســــــــوده عليه هواي تعبتك طابت اجروحي كلها من شفتك شما انجـــــــرح راسك يداويني فــــــوگ الرمح راسك يناغيني =================== بكل كــــــتر تطلع بويه جدامي يـ الماعفتني حتى باحـــــــلامي جارح مهجـــــتي شيبك الدامي وشلون اشـــرب راسك الضامي عطـــــــــشان يابويه او ترويني فــــــوگ الرمح راسك يناغيني =================== رافگني راسك والدمـــــع سكته وشگد حنـــــين الراس ويـ بنته عنك ثواني الوجـــــــه ما درته باول سبينه انتــــــــــظر جيته ما خاب ضــــني او گلت يلفيني فــــــوگ الرمح راسك يناغيني =================== مصـــــــطفى طالب الزيداوي

يابناتي راحـــت ايام الدلال يابناتي والرمح عالناگه مال عافــــــونه كل اهــــــــلنه بس الحــــــــــــــبل يلمنه يابنــــــــــــــــــــــــــاتي ======================== يالله ماضـــل وكت گـومن يابنات من يجــــــينه الليل ينطش الشمل هذا امـــــر الله نســـوي شما يريد وادري مايرضــــاها نصعد عالهـزل يالله گــومن والسفر كلش طــويل احنــــــه مانرتـــــــاح ترتاح الابل راحه ماكو والدرب كلش طويل راحه ماكو وللسبي مابينه حيل فگد الاهـــــــــــــــــل جرحنه بس الحــــــــــــــــــبل يلمنه يابنـــــــــــــــــــــــــــــــاتي ======================== الگعـده ما انسان عنده بديره بيت واحنه ليش انضل خدرنه ومشتعل واليسافر ينـــتظر صــــــيحة عزيز والعــزيز اگبالچـــن هل منــــچتل يالله گــومن لا يوازيــنه الضــــلام وخـاف وحـده امن الظعن لا تنعزل يالله گومن جابو النــاگه التميل يالله گومن منين اجيبلچن كفيل عمچــــــــــــن بعد فارگنه بس الحــــــــــــــبل يلمنه يابنــــــــــــــــــــــــــاتي ======================== بالنهار انشــــوف درب الله ونـروح حيل ماضل عدنه بس لچــمة رجـل والچـفوف الچانت يحبـها الحسين هسه سواهـــن زرگ شـــد الحبــل احنه بس نسوان واليـحدينه جيش گبالنه التمــو مثل مشــــي النـمـل لا تعثـرن من يجــرونه الحبل لا تعثـرن ينسحگ بيچن طفل بين الحـــــــــــــــرم خلنه بس الحــــــــــــــبل يلمنه يابنــــــــــــــــــــــــــاتي ======================== يالله گـومن والركـــــض مو للبنات الركض مال ارجـال شيالت حمــــل ليش اضــل والمـــوت ما خله عزيز اكبــار ماضلت ولا ضــــل الطـفــل لا تركـضن من تشوفن جسم اخوي تصيـــرن ابعــيدات ويلـــوح النبل لا تركضن من تشوفنه الرمح لا تركضن حيل ماضل للذبح من الضـــــــــعن شـــوفنه بس الحــــــــــــــبل يلمنه يابنــــــــــــــــــــــــــاتي ======================== بالسـبي القانون مامش رحمه دوم خــاف تشـــرد وحـــده لازم تنكتل بعد مـــو مالـت نضــل لازم نــروح تظــيعن ابليل الله خافـن من يچـل ليش اضــل وخواني كلهم عالتراب والله ما امشــي اذا واحـــد عـــدل وين اخوتي هاي ناگه ابلا كفيل وين اخوتي وياها لو مالت أميل حادي الضــــــعن ينشدنه بس الحــــــــــــــبل يلمنه يابنــــــــــــــــــــــــــاتي ======================== والله مـــحد منــذبح مثل الحسين ياهــو دم راسه حــدر ظهره بـــزل يالله گومن والحچي يودي ويجـيب والمصايب جــاي تكــــثر ماتقـــل انه اگـــولـن لو نضل لليل اشـــوف بلكـي مـنا للعــصر يرخــه الحــبل بلكي بلكي واحـد من اخواني جاي بلكي بلكي تندي غيمه اعلينه ماي بلكت يـــــــــــجي الكافلنه بس الحــــــــــــــبل يلمنه يابنــــــــــــــــــــــــــاتي ======================== مصطفى طالب الزيداوي

ياناگـه اعــله هونج لا تنوديـن ===================== ====================== انه ادري بحـنان النــــوگ لنـــوگ شجاچ الحـال زينب گمــتي تبچين مامعــقوله وصــلت هل مواصيـل تمريـن اعله اخـــوتي وماتعــبرين …ياناگـه اعــله هونج لا تنوديـن ===================== تعرفيــــــني مشــيت بدون توديـع من ضــهــرچ اودعــــهم تريــدين تعرفيني نحــــيله وحـــــيل ماضال ماردتيني اتعــــــب هل تدنگيــــين …ياناگـه اعــله هونج لا تنوديـن ======================= ماردتيني انـــــزل واركـــض بساع لذالــــك گبلــي للعباس ترحـــين مشيتي وچنــج اتعرفـــينه مذبوح شجاچ اتعثريتي ابصـــف الحسين …ياناگـه اعــله هونج لا تنوديـن ====================== نزلتينــــي عنــه شـــــــويه ليغاد لأن چــــانــت تراب او ما تشوفيـن تعرفينه انسـحگ وتگـــطع اوصال ماردتـي الجــســد ينداس مرتــين …ياناگـه اعــله هونج لا تنوديـن ====================== هسه حسين اخوي وراسه مگطوع انتي اشـمالج ابصــــــفي وتونيــن من شفــتيني اشمـه وگلبي مشلوع تدنــــيتي عليه وگمتـــي تبــــچين …ياناگـه اعــله هونج لا تنوديـن ======================= جـــوز امـفـارگه وماعندچ اخــوان لذالــك لو نعيــــيت اوياي تنعـين چــا لو ريد اســـــــــولف عن العزاز يمــــــكــن بس اسولفلچ تمـــوتين …ياناگـه اعــله هونج لا تنوديـن ======================= مـــدري شلـــون عدله وضاله وياج اعيـــش شـلون واني اخوانـي ميتين خنلــــم البنــــات التارســـه الگاع مـوادع خلـــصن جـــوز النساويــن …ياناگـه اعــله هونج لا تنوديـن ======================= بس شويه هـــــودي اگـبال عباس الحطني ابــطن عينه يشوفني بعين اضــم ايدي بعباتي وروحــي ليغاد خـاف انحرجه مو ماعنده چفيــــن …ياناگـه اعــله هونج لا تنوديـن ======================= ياناگـــه الــ.ــدرب يرادله اخـــوان مو مالت مـــــره وتدخل دواويــن بس هوه الحــچي الينگال شيفيـد ياهــو الشافنــي وخــواني عـدلين …ياناگـه اعــله هونج لا تنوديـن ======================= مصطفى طالب الزيداوي

عندما وصلت السيدة رقية ( ع ) الى الرمح الذي يحمل رأس أبيها على ضل راسه گعدت حتى ترتاح ضل راس الحسين النازل ابگدها تخظن بالرمــــح مالاحت الراس واهتز الرمح من شــــوگ والدها يدفعها وضـــربها الشايل الراس الراس وراس ابوها شماله يبعدها

جر غطة الحومه وعلى التصهل نزل علي خلف وين ابو الغــــيره الفحل ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ يوم الاگشر من لزم سيــــفه او نـوه صال صوب المشرعه او ضاگ الهوه ملعب الفرســـــــــان صارت نينوه فوت يـ ابن الحـــي على خير العمل جر غطة الحومه وعلى التصهل نزل ((والعسكر شارد جدامه )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ سرفن اردانه او لزم سيفه او خطب فات بالحومه شبـــــل سيد العرب ارتعشــت الوادم مثل راس الگصب الموت لافــــــيهم بعد مامش امل جر غطة الحومه وعلى التصهل نزل (( مايرحم يبتر صمصامه )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ ركضت الفرســـــــان نحو ابن سعد نهض بس من شـــاف شردتهم گعد هذا شبل الحـــــــــسن شيرده بعد اشبال هاشم بالحـرب تطوي الزعل جر غطة الحومه وعلى التصهل نزل (( من يزعل يرضه ابـ بتاره )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ عاد خيبرها او شــــطر مرحب شطُر مايهاب الجـــــيش ابو ازنود السمر والزلم من صـــــــوبه كامت ما تمر واليفوت اكباله بالســــــيف انچتل جر غطة الحومه وعلى التصهل نزل (( مايرجع كل من يدناله )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ كسر ضهر المــــهره من شد العزم والزلم بالخــــــــــيل كامت تنردم مايشوف اگبــــــاله لا جيش و زلم فحل طالع من ضــــهر ليث وفحل جر غطة الحومه وعلى التصهل نزل (( من حيدر ماخذها الغيره )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ اصلا ابهالعــــــــــسكر او لا مقتنع شد شسع نعله ابوسط ذاك الجمع ومن يشيل السيف يگطـعهم گطع فوت بيهم ياشـــــــبل سيد النحَل جر غطة الحومه وعلى التصهل نزل (( يمشيم عباس ابزودك )) ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠ مصطفى طالب الزيداوي

مصطفى طالب الزيداوي pinned «ردينه بس مو كلنه ردينــه ياوالدنــه شو محد استقبلنه يـ اهـلنه يـ اهلنه ================ من ضــــــيم اليسر ردينه يـ حسين من ذيـــچ الخــــــرايب والـدواوين چم يـوم المضه او ما غافيه الـعيـن شلون اعيـــــوني تغفه ونتو ميـتين ردينــه…»

وينها شيـــــــوخ الهِواشم وينها خلي تجي وتشوف حال احسينها ▫️▫️▫️▫️▫️ عــــن كـــربله يـــــدرون لو لاله يـــدرون عنه اشــــــصاير ابحاله مال المُضــــيف او طاحت ادلاله طاح العــــــــزيز او يمشي جتاله وزينب ابفـــــگد الاخو امتعبينها وينها شيـــــــوخ الهِواشم وينها ▫️▫️▫️▫️▫️ وين العشــــــيره او وين ملفاهم محـــــــد تعـنه الـ كربله اوياهم يـــدرون صـــوب الموت منواهم من الذبــح ادعــــــو الله يرعاهم والحــــــرم عالضـيم الله يعينها وينها شيـــــــوخ الهِواشم وينها ▫️▫️▫️▫️▫️ راح الــــــــــدلال او راحت ايامه شيــصـــــير گلبه الشاف گـدامه مـــــــــذبوح ابنه وذب العِمامه العـــــريس دمه امغطي هندامه خانت الكــــوفة ابأهلها او دينها وينها شيـــــــوخ الهِواشم وينها ▫️▫️▫️▫️▫️ ســـــــــدو طريج المـاي يا وادم اصـــــغر طــفل يا ناس ما سالم من العِــــــطش چم ليله ما نايم چــلچــل علــيهم ضيم يا هاشم من العِـطش ما تغفه زينب عينها وينها شيـــــــوخ الهِواشم وينها ▫️▫️▫️▫️▫️ مــعروفه هاي اللچــمه مــعروفه صــعبه العزيز اگـــــبالك اتشوفه مطــفيه عيــنه وطاحــت اچفوفه هـــذا الجــــــرح يا ناس شيروفه الخــيل عالطايح تجي امعلمينها وينها شيـــــــوخ الهِواشم وينها ▫️▫️▫️▫️▫️ طاح الحُـــسين او طاحت الخيمه وطلـــــــعن بنات حسين للهيمه وحــــــر الشمس ماغطته الغيمه كلـمـــن ركض ضل ملتهي بضيمه وســفه تركض زينب ابخمسينها وينها شيـــــــوخ الهِواشم وينها ▫️▫️▫️▫️▫️ ذبحـــور وريده او عايش احساسه الذباح شايـــل بالرمــح راســـــه يـــهز الرمـــــــــح گدام كل ناسه وتلاگــــــــــه راسه بـ راس عباسه وعـالهـــــزل زينب ترا امرچبينها وينها شيـــــــوخ الهِواشم وينها ▫️▫️▫️▫️▫️ خــلص دربهن بالسبي امـــــعاين عـ الروس لـــــو بـ الممشه يتلاگن شما بعـــــــدن امن بعيد ينشافن من اليـــــواچي اعلى الضعن مالن هاي زينـــــب بت علي امگيدينها وينها شيـــــــوخ الهِواشم وينها ▫️▫️▫️▫️▫️ مصــطـفى طالب الزيـــــــداوي ▫️▫️▫️▫️▫️

رايحه للسبي اني وبناتك خويه يحسين رايحه عالهزل لاچن تصد اعليكم العين رايحه بدمع المصيبه هاي تاليها غريبه خويه يحسين خويه يحسين ********* والله ماصارت گبل حته احتملها شلون تطلع زينب ومن دون اهلها هاي ماشايف بشر بالكون ضلها هسه عن اخوانها الشامت سئلها حايره شلون اودعكم وانه مچتوفه بحبال حايره تنسبي زينب ولا چانت عله البال والضعن تسمع نحيبه هاي تاليها غريبه خويه يحسين خويه يحسين +++++++++++++ اني زينب مو چنت عدكم اميره هاي تاليها رحت عنكم أسيره چنت بين اخواني مالاحتني حيره هسه طحت ابناس ابد ماعدها غيره ماشيه والتفت يمنه ويسار وبالي مشدوه ماشيه اني زينب والحبل بچفوفي شدوه منين ابو فاضل اجيبه هاي تاليها غريبه خويه يحسين خويه يحسين ++++++++++++ غير من تمشي مره وياها اخوها كون وياها زلم چا ما ولوها ولا عله اضهور الهزيله ايرچبوها والهضيمه من مشت ماودعوها وينكم آل هاشم يامره مسبيه للشام وينكم والبنات مچتفه وعالهزل تنام كلمن مفارگ حبيبه هاي تاليها غريبه خويه يحسين خويه يحسين +++++++++++++++++ ياهو سامع صوت زينب بالمدينه هسه يسمع صوتها حادي الضعينه الچان ماشايفها حته بطرف عينه وكت خله الوادم اتباوع علينه زينب بياوكت مسبيه تمشي بلايه خوان زينب هاي عمتنه مشت ماعدها وليان وبعبايتها التريبه هاي تاليها غريبه خويه يحسين خويه يحسين +++++++++++++ ليش وحده تضل تندب وليها شلون دنيه وزينب مگيدين اديها والمصيبه ايتامها التركض عليها يبچي حته النوگ من يسمع بچيها رايحه امشي وگبالي رمح بي راس الحسين رايحه وابوفاضل راسه شفته وسهم بلعين وادري موتتنه قريبه هاي تاليها غريبه خويه يحسين خويه يحسين ++++++++++++

يامـــاي نشرب من دونك عطشان ليـش ايذبحونك يامـــــاي اليــروي الـــروح وانتــه امســلب مـذبـــوح يامـــاي نشرب من دونك ================= عطشانه اجيت امن الخــيَم متعــنيه ماي اعيـــونك ياخـــــــويه چا ماي النهــر ما يـنـــشرُب من دونك فـوگ العَطَش حَــــر الضهُر شمــسوي ويذبحــونك وشلـــــــون اشيلك للخيَـم أهــل الخيَـــم يردونك ويـــــاي گــوم ارجع سالِم والمــاي خَــــلي للـــوادِم شـــلون أگــطع هذا النـــوح وانتــه امســـــلب مـذبـــوح يامـــاي نشرب من دونك ================== مو مســألة مــاي او عطَــش لا هـايه كلش سَــهـــله الصعبه خـــويه امن الصـدر أشــلون اطلــع النبــله متروس صــــدرك بس نَبــل چا وين تغــفـه الطفله وشـلـــــون اردك للخــيــم مسـحـوگ جسمك كله مسحوگ جسمك يالغـالي والــراس مـذبوح أگبالــي ماضَــل شي ما مـــــــــجروح وانتــــــه امســلب مـذبـــوح يامـــاي نشرب من دونك =================== مو بَـس نَــحيــله امن الحــزن صح امشي بس مكسـوره سامحني اجيـــــت ابدون اخو خـــويه اطلعت مجـبوره شفتك طـــــحت من مهــرتك والشمُــر ماخـــــذ دوره مستعـــــــجلين اعله الذبــح شـفـت العِـده مســروره يحسين من رَد ميــمــــونك حَسيت راح ايـــــذبحـــونك دونــــك لا ويــــــــن انـــــروح وانتــه امـــــــســلب مـذبـــوح يامـــاي نشرب من دونك ==================== كل مَــيت اكرامـــه الدَفـــــــن واخــــوانه اليشيعــونه بس انـــــــته ماعنــدك اخـــو ولا وادم ايـــدفــــنونـه بحر الضـــهُر جسمك هـــــوى مذبــــــوح ويسلبــونه ماكـــفـى كل هــذا الذَبــــــح هَــم رجـعو ايسحگونه بالخـيـل مطــــحونه اعظامك والنـاس ركضــــت لخيامـــك ابحــافر صــــــــــدرك مفـــتوح وانتــه امســــــــــلب مـذبـــوح يامـــاي نشرب من دونك ===================== رديـــــت مــــــنك للخيــــم وادمــوعـي تچوي اعيوني محــتاره شاحچــي العيــلنَك لـو عَـنك اينشــدونـــــي گتلـــــــهن احسين انذبـــح ومـذبوح حامي اظـعوني وياهــــم اجيت الـ كــــربله ومـو هــمه اليــــردونـي للشــام باچــــــــر يسبــونه وحسين غمــــضـها اعيــونه عـ الــگـــاع ايضـــــل مطــــروح وانتــه امســــــــــلب مـذبـــوح يامـــاي نشرب من دونك ===================== مصطفى طالب الزيداوي

ردينه بس مو كلنه ردينــه ياوالدنــه شو محد استقبلنه يـ اهـلنه يـ اهلنه ================ من ضــــــيم اليسر ردينه يـ حسين من ذيـــچ الخــــــرايب والـدواوين چم يـوم المضه او ما غافيه الـعيـن شلون اعيـــــوني تغفه ونتو ميـتين ردينــه يا عازتـنـه ردينــه يا خـوتنه ماتنوصف رجعتنه يـ اهـلنه يـ اهلنه ================ أجيـــنه وياتعـــب ذيچ المسافات نطــــلع من مديــنه ابغيرها انبات نعــثر بـ الهـــوا او مامش سلامات والتهــضمني صاحـونه الغـريـبات ردينه من سفرتنه بس ماگضت غربتنه فوگ الهـزل ردتنه يـ اهـــــلنه يـ اهلنه ================ اجيت ابناگه هزله او مامش افياي ومن گـد ما اذكـــرك ناسيه الماي ومو كلنه اجــــينه او حايره ابهاي بنـــاتك ماتـــــن او مـاردن اوياي عافنــك او عافنه حتى الضهر كسرنه ردينه من مأتمنه يـ اهـــلنه يـ اهلنه ================ ردينه او بقـت طفله النه بـ الشام ماتت من حــــزنها او ضيم الايام محــتاره واجيـــــتك جايبه ايتام لا عـــدهن أبو ولا عــدهن اخيام نَفس الهزِل جابتنه نشبع تعَب خَلتنه دور الغـــرب أذتنه يـ اهـلنه يـ اهلنه ================ آنه ادري اليرد من غـربه مهضوم وذا تعـــبان جاي او گلبه ملچوم يتلگونه اخـــــوته اتهلي واتگـوم شو محـــــد گعد للردت الـيـوم من اليـسُر ردينـه بهذا الحچي اتعنينه لاهل الوفه شتاگينه اهـــلنه يـ اهلنه ================ مصطفى طالب الزيداوي

علي يبني. .. الدهر ذبني ماي وذبته الغيمه عمود وطيح الخيمه ضاكت بامك الهيمه تشوفك وين حلم يمكن. ترد وتحن وحضنك حضنة الاعمه يجلب باليمر يمه يعرف اوصافه من اسمه بهوه الماشين  يمه تعبي اريده بس احضنك لو ارد بديه ذكره منك علي روحي بيدي احطها يمه بيدك حته لو تجيني طيف اريدك علي ** نفذ صبري ونقص عمري يراحة بالي يمعدل خلاف عيونك اتبهذل جبيره الحومه ما اندل اجيك شلون ردت منك. اشوف ابنك وكحل عيني بوليدي وكمط اوليدك ابأيدي وترفع راسي ياحيدي بزوايه الكون ما حسبت اشوفه جثه ابني ولا حُسَين اشوفه ظهره محني علي ولا شبابه ردلي كلشي منه ولا عجنه لابني بيده حنه علي ** الهوه المرني. العلي يردني واحسن كاعد بصفي وبلكت عالخيم يلفي وامسح كطرته بجفي واشربه ايام بدن يعمن. . ولا يغفن عيوني وتنتظر جيتك تگر عيوني كبرتك يطفن لو شفت جثتك يشيب الهام ياحسافه عمري ما اخذته للمناحه يمه عمري عفته علي انه اربي واكضي عمري اسهر بلحضه مني يمشي ليش الاكبر علي ** بعد شلي. بعمر يهلي بعد ماتنفع ايامي ابني ومرمي كدامي وشوفه امكطع اودامي بلايه اوداع شلم منه. علي جنه ورد عالغبره وطشر ع ايام الصبه اتحسر معقوله علي الاكبر تحضنه الكاع يمه حضني خالي ياحبيبي الليله جنه حضنه مو نصيبي علي ياهو يمشي بيه ارد اشمه وبالعبايه منهم ارد اضمه عل * سهر ليلي. وهدم حيلي ييمه بروحتك كلشي حته اجدامي ماتمشي طحت بجفاك اهم واعثر. كمت اكبر كل ما خطوه اتقدم كتلني منظرك بالدم بجسمك كلشي مايسلم اخذني وياك يمه ادعي موتي ويه موتك يعني ما اسمعه تالي صوتك علي هذا عمري يمه ما اريده لو رحت واضل انه وحيده علي *** خادم الحسين. مصطفى طالب الزيداوي

دلــوني يوادم ويـنه دلـوني =================== دلــوني يوادم وينه دلــوني بعـيوني ماضل دمع بعيوني حاچوني وين حسين حاچوني وين اخوي احسين يا وادم وين گالو عـ الرمـــل نايـم وين ماباقـــي عظم سالم صحت حاچيني يحسين ويـنك يا ضـــوه العـين ما اندل طحــــت ويـن لو اندل اجـــــيتك بين اهـمومي والخــيل ماضَل بالجــدم حيــل اجيــــت ابضلمة الليل ياخـويه وجزيتــك ودونـي يَـم الغـالـي ودوني دلــوني يوادم ويـنه دلـوني =================== ياروحي مات حسين ياروحي وبنوحي ادورك جيت وبنوحي مذبوحي بين الخيل مذبوحي ليش يسحگ ضلعك الحافر ليش خويه ابجسمك شصاير ليش والضـــهرك سهــم عابر سـهمك بالصــدر فات شـتـفـيـد السلامـــات جسمك شبـــع طبرات ومكشـــف لگيتك سلبـو مـــنك الثـــوب وجـــهك ليش مگلوب ومن الخيـل متعــوب وتقطر دَم لحيتك خلونـي احضن صدره خلوني دلــوني يوادم ويـنه دلـوني =================== گدامي جسمك صار گدامي وجدامي تعثر بالهوا اجدامي لخيامي شلون اتعود لخيامي گوم يـ الماتـدري بخــيامك گوم بـ البـر طـشت ايتامك گوم وانظر حـالي گــدامك اجـــيتك والـرمل حــار تسحگ فوگه الازغــــار شردو من لهــــب نــار ركضو للبـراري گـالو نشرد الـ ويـــــن العـسكر جاي صوبيـن صاحــو وين الحـسين من حرگولي داري بعيوني طب دخان بعيوني دلــوني يوادم ويـنه دلـوني =================== ماغافي جفني اجفاك ماغافي مو كافي عفتنه هواي مو كافي وخلافي شلون اتنام بخلافي نام نــوم الــعـافيه ريته نام جسمك عاري خليته نام مامش غطه وغطيته غافي ومامــش افياي يـ الماشـــارب المـاي ريتك ترجــــــع اوياي تنظر حالي دونك اجيتك والحچي هواي تلهب ناري بحــــشاي نسحــــگ جمر حفاي ماضل شي يجونك رادوني سبيه اشلون رادوني دلــوني يوادم ويـنه دلـوني =================== هل جيتك كوم اوياي هل جيتك حاچيتك ساكت ليش حاچيتك لاگيـتك ملگه اجروح لاگيتك راح ذاك الخـدر يـخــواني راح والحــادي تــلـگانـــي راح دون حسين صيــوانـي امشـي ابدون خــوان حتـى اخيالي عطشان هــــا يا آل عـــــدنان زينبكم سبوها شـدو بيدي الـحبــال و ما رحموها الاطفال ضـــــعنه ايريد كفال وطفله اتريد ابوها مشـوني دون اخوان مشوني دلــوني يوادم ويـنه دلـوني =================== مصطفى طالب الزيداوي

يامن فرگتـــك تكتل امودع الله ونار المـدامع تهمل امودع الله ==================== يايمه هاي الساعه الك مضمومه أرچب مهرتك زمجر اعله الحومه بيك المــراجل من علي مرسومه لمن ايشــــوفك يفرح ابجيدومه احرگ جمعهم واشعل امودع الله ونار المــــدامع تهمل امودع الله ==================== تنــــــــصر عمامك ياشبل ربيتك من المهد ياضنـــوتني او وصيتك تكبر واشـــــوفك بالحرب تانيتك بطـــــــاهر حِلِيبي ياشبل غذيتك خلي العساكر تحفل امودع الله ونار المـدامع تهمل امودع الله ==================== ومــــودع الله لو رحت من ايدي مرفوع راسي ابروحـــتك يوليدي متعوده اشوفك يبني فرحة عيدي وفدوه العــمامك يالولد تعويدي خليها حدرك تصهل امودع الله ونار المـدامع تهمل امودع الله ==================== تكشف رگبهم من تذب الثامك خلي العســــاكر تنحدر گدامك وبيا علي يايــــمه شده احزامك چنك عَلي من ترهب ابصمصامك لا تتعب او لا تنحِل امودع الله ونار المـدامع تهمل امودع الله ==================== يوليدي من تسمع اصيحن هونك لا تنطي ضهـرك للعده ايغدرونك صيح العمامك لو طحت يلفونك والحظني يايمه ابدمـــه يجيبونك عمك اچفوفك يسبل امودع الله ونار المـدامع تهمل امودع الله ==================== مصطــــــــــفى طالب الزيداوي ====================

ابني راح كومي ياليلى ابحزن ندعيله هدمي شلته ونتي شدي الشيله كلشي من الجيش ضل يوميله ابني راح وانه ادري ايروحته ايأذيني ياهو اليكض الدمع من عيني الموت مايسمعني ويتانيني ابني راح يعني شلون راح يرد العطشان من سيوف الجيمان ياهاشم ياعدنان ابني راح يعني شلون اصبر من دونه شلون هاي الوادم يدرون ماتغفه بدونه عيون ابني راح ابني رايح من عيني ابني لحظه تانيني ابني ليش اتبچيني ايني ياتعب اسنيني ———————————————————— أبني راح والدنع كسرته بين اعيوني خايف ابچي والعده يشوفوني انكسر بين الضعن يردوني أبني راح اخ ياروحة حَبيبي الغالي ياجرح گلبي ايتمشه اگبالي الله يدري شلونه عگبك حالي يعني شلون رايح ياروح الروح وانظر نحرك مذبوح كلشي بجسمك مجروح ابني راح يعني شلون دونك يابويه ارتاح وانته الگاصد ذباح كمت اندب ابني راح ابني راح ابني احلا امن الكمره ايني من فدوه العمره ابني الوادم تنتـــظره ابني مايســـلم نحره ———————————————————— أبني راح اليفگد ابنه شلون ليله ينامه وروحه تبگه الشوفته محتامه وبنواعي الليل يگضي ايامه ابني راح الغالي يتعب من يفارگ غالي فوگه ملتمه العده اتراوالي الموت يم ابني علي يحلالي يعني شلون گدامي وليدي يطيح عُذراً يابويه يصيح ويجيب الصوت الريح ابني راح يعني شلون واحد وهواي الناس لا اني ولا عباس ويوگع مذبوح الراس ابني واح ابني چا ياهو يعنيه ابني حيل امتعبينه ابني يازينب وينه ابني شو غمض عينه ============================== ابني راح منشلع گلبي وغريجه عيوني و اعلى كسران الضهر عينوني وين مايوگع اله اتودوني ابني راح راح الاكبر يابوفاضل وينك گتله عمك من تطيح ايعينك شوف ياعباس حال حسينك يعني شلون لو فوگاه يلتمون وبحز نحره ايبلشون ويغطي الدم عيون ابني راح يعني شلون لو شافت امه السيف عالرگبه بعز الصيف ومايرجع ابني بطيف ابني راح ابني ياشالع گلبي ابني ايعينك ربي ابني ماشوفن دربي ابني ياسَعدي وتعبي ============================== مصطفى طالب الزيداوي