هيـــاء.

‏إلين معها لو انه يابسٍ راسي ‏لو لين رأسي يخلي راسها يابس ‏—زبار الحربي

‏- « عزّة النفس ومنهج الاستغناء » ‏ جسّدها سعد علوش وقال/ ‏ "التشبث بالحياة وبالأوادم ‏ قل دين وقل عقل وقل هيبة"

‏- قالوا الأولين / ‏ماراح منك مهو صوبك واللي مقدّر لك يجيك لو تباطيته ‏ وقال عكاش الذيابي / ‏ " لا تحزن على الماضي ولا تقلق من الجاي ‏ يجيك المقدّر غصب لو كان ما جيته "

‏الوكاد/ ‏يغازلك ‏الصباح اليا ابتسمتي له ‏وانا كل ما ابتسمتي ينشرح صدري ‏ㅤㅤ ‏يادجلة قلبي الممحل ويانيله ‏اببحر فيك ‏لين الـ مادرى يدري .

«فداك من السنين أعزّها.. ومن الغلا ما جل عن التوصيف، وأبيات القصيد، وشرهة أوراقي» 💘💘

‏- المحبه والحنييّه لا خالطت الأدعية ‏ تأسرني على غرار / ‏ يا جعّل غيث العافية ينهمر مزنه ‏ ولا أشوف للحزن لمحه داخل أهدابك

‏أردد هاللحظة شطرٍ لـ سلطان بن بتلاء ‏ ياللي يقول فيِه / ‏«فاقد الرغبة يشوف الثمينة زهيده ‏لي سنه ما اخبر حاجة تشّد انتباهي»

‏خلصت من قلبي وعنفوانة ‏المرحلة هذي لعقلي ومافيه ‏يا عقلي الناضج أمنتك أمانة ‏ماكل شيء يهيض قلبي تسويه ‏—مي اللافي

‏- على الانسان ان يكون فطناً ‏ فبعض الرسائل لاتُقال بـ صراحة ‏ ويكفي ان نتذكر ان " اللبيب بالاشارة يفهم " ‏ وقال مطحس بن حمد على سياق ذلك/ ‏ "النشاما عن مقاصد بعضهم يعرفون ‏ والردي لو صبوا العلم ف اذنه ما عرف "

‏"يمكن اكذب ؛ بس مانيب في حبًك كذوب ‏كنت واضح والمحبّه عذاب الواضحين ‏و يوم في قلبي ضمنتي مكانك يا اللعوب ‏استويتي فوق عرشه وقمتي تلعبين ‏غطرسك عشقي و خلاك شرّابة هبوب ‏كنّك اخر بنت فوق البسيطة تدرجين ‏لين شفتك تلبسين المكابر لبس ثوب ‏والمكابر يخنق الشوق ويهين الحنين ‏يتبعك قلبي و قلبي عماوي مايتوب ‏يوم عقلي ينصحه عنك اشد الناصحين ‏وش يسوي فيه لا صار غادي و مغَلوب ‏الشجاع الي تجابن تحت غرة جبين ! ‏ذاب من جمرة شفاتك و لا احَسبه يذوب ‏ولان من رقة عويدك و لا احَسبه يلين ‏جل من صوّرك ما فيه في حسنك عيوب ‏كل شيٍ فيك اشوفه يسر الناظرين ‏في طرف شفرات رمشك مفاتيح القلوب ‏وفي كنف خدّك تربّع مغاتير السنين ‏يا صغيرة شايف حبّنا وجهه شحوب ‏اسمعيني ما بقى عندي الا كلمتين ‏كان حبك ذنب فرقاك تكفيرة ذنوب ‏ودي احفظ ما بقى لك من الود الدفين ‏وأدري إن فراقك اقسى من النار الشبوب ‏مير آبا اصبر لو اثرها على وجهي يبين ‏واحدٍ قد طاح ف الحب والا ف الحبوب ‏تتّضَح تاثيرها فيه لو هو شيخ دين"

‏الوكاد/ ‏تغلى ‏يا سيد الغنادير واغليك ‏واجيب لك عمر الهنا في كفوفك ‏يجوز لي ‏يا زين منَّك تغليك ‏وأعرف وأقدّر يا حبيبي ظروفك

‏ثلاث شهور وآنا افضّل العزله عن الجلاس ‏ماغير أمشي على طاريك وأسولف على ظلّي ‏أقوم هناك كن الليل يبغيني بكلمة راس ‏بنفس الموعد اللي قلت فيه لدمعتي هلّي ‏کرهت الناس عقبك وإقتنعت إنّي عدو الناس ‏أشوف قلوبها تدعي عليّ، وقلبك يهلّي ‏أحبك وأعشقك وأموت فيك لـ آخر الأنفاس ‏ألا يابري حالي من غلاك وياوجود اللي ‏يجامل فالتعامل مع شعور الكائن الحسّاس ‏وهو من زحمة الأشواق وش ياخذ وش يخلّي ‏عساني فدوتك لا تاخذك مني يدين الياس ‏وأنا أدنى عارض يروح بْبعضك، يروح بي كلّي ‏تعوّد بالسلامه، يلعب بخصلاتك النسناس ‏وأشوف عيونك تقيم الصلاه ورمشك يصلّي

‏الليل حالك والمساري موحشة والدرب خوف ‏والذكريات أشياء يستعصي عليّ إتلافها ‏أثر الأماني وارفات ظْلال دانية القطوف ‏والأمنيات أكثر ما يخشى الحالمين ! إسرافها ‏على رصيف الصبر ملّ المنتظر طول الوقوف ‏وين الحياة ؟ اللي تخيّلت ! ولمحت أوصافها ‏ حسبي على من دمّر آمالي وأنا عيوني تشوف ‏كم بسمة ٍ كانت طمأنينة وصرت أخافها ‏رُحماك يا غفّار يا ملجأ عبادك يا رؤوف ‏يا مجري الأقدار هبني من لدنْك ألطافها ‏أنا رواية حلم منسيّة على غبار الرفوف ‏أنا قضيّة تطلب مْن أهل العقول إنصافها ‏أنا قصيدة عشق ما مرّت على قلب العيوف ‏أنا أراضي جِرد ما غاث السحاب أطرافها ‏لي روح تبحث عن سكينتها من إرهاق الشفوف ‏يا مِثقلين اللوم روحي فاقده ميلافها ‏لي قلب ما عادت تسلّيه إبتسامات الهنوف ‏ولا القدود المترفات المايسات أعطافها ‏ياللي تزعّلك المواعيد وتراضيك الصدوف ‏وش يرضي اللي جاته الحاجة بعد ما عافها ؟ ‏لا تبتئس لا خانك الواقع وعادتك الظروف ‏الناس من عاشر رماديها ظلم شفّافها ‏كم زلةٍ من صاحبٍ طافت !! لو إنها ما تطوف ‏وكم هقوةٍ كبّرتها راحت !! مراح أسلافها ‏شفت الحقيقة يوم حطّيت النقط فوق الحروف ‏بعض الحقايق ! ودّك إنْ المنصدم ؟ ما شافها ‏لحدٍ يعاتبني ويا معاتبني إنْ عاتبت ! روف ‏مشاعر الجافين ما أحب أكسب استعطافها

‏ما يلحق الواثق مشاريه وظنون ‏ولا به كبيرٍ يلتفت — للصغيرة

‏من تالي احس اني املك نفس الدافع الي خَلا ‏ صالح البلوي يقول / ‏ "أنا كبرت ومغرياتي كبرت ‏ ما عادة أدنى سالفة تغريني" ‏ واكّدها فهد المساعد وقال / ‏ " ماعاد يغيرني اللي كان يغريني ‏ الظاهر إني كبرت اكثر من اللازم"

‏عموماً/ ‏الجبل اللي مايهزه ريح ..يهزه سلهمة رمش

‏«يوم عانقته وكنت آخر ذنوبه ‏ماقدرت أستنطقه وأسمع سؤاله؟ ‏كان حضن وكان موت وكان توبه ‏آخر الأحضان وآخر رساله» ‏—خلف بن فنيس

‏الناس تقول : هلا ‏لكن مساعد يقول: ‏"هلا بك من قدمك لغرّتك ليا شعرك المنثور / هلا في كل شيٍّ فيك .. وانت احلى مساييري" 💘💘

‏تعال / ‏استوطن دیارك ‏بـ قلبي و ما عليك خلاف ‏و خذني الشمس ‏لـ أيامك و لـ عتمة حزنك القمره ‏ ‏خذني ‏مسند لـ قلبك و خذني لـ حملك الأكتاف ‏و خذني ‏قلب لك خيره و ما تشوف بـ يوم شره .

‏- أصبحنا و أصبح الملك لله أمّا بعد: ‏«الله يصبّح وجهي بصبحٍ دروبه ما تضيق ‏من وين ما وجّهت به .. جتني الدروب موسّعه» ‏ ــــ لي ولكم ياكريّم .