قصٌيد | 🪶.

‏أنت في ضحكة شفاياك ميلاد الشروق ‏اضحك وسود الليالي تموت بغلّها .

‏كن ورا صدري من الضيق جمهورٍ غفير ‏لو سكت شوي . . يمكن تبين أصواتها

لو رضيتي قبل لا يجرح الصبح الأديم ‏ما زعل لليل الثلاثاء على صبح الربوع

‏عفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه

‏قهوني من خاثر حكاك يالذرب اللّعوب ‏والله إن راسي على طعم نجواك يّخرم

‏ Sorry على بعض التطفّّل Sorry ‏ماهيب لحية يا فديت ولبّى ‏وجهك ماهوب اللي يِحَط ستوري ‏وجهك يِحَنّ من العرب ويخبّى

‏على كل كسرة خاطر وكل جرح شعور ‏ " تمونين " وقلوب المحبين دمّاحه

‏مدهالها القلب وعيوني مراتعها ‏أموت فيها وهي للريح تزرعني ‏ريحانتي والغلا بالقلب زارعها ‏تشرب عروقي وترواني وتشبعني

في ضميري لك بيوت ولك عماير ‏والحشا لاغبت صلف الشوق هزه ‏ٓ ‏ما يرد العين من هل العباير ‏كون شوفة صورتك في كل حزه !

الله من حاجةٍ راحت وانا ما انتهيت ‏منها وعيّا الزمان الشين ياتي بها ‏َ' ‏لو الليالي على كيفي متى مابغيت ‏ماكان راحت وانا اللي عاد ودي بها ‏َ' ‏كان احسب ان الليال تجود باللي نويت ‏واثر الليالي ماندري وش . . ورى غيبها ‏َ' ‏منين ماقلت سجيت ودلهت ونسيت ‏ذعذع نسيمٍ من الغربي . . وجاني بها !

البارحة يوم الاودام خواشيع ‏في نومها وانا على الكوع واعي ‏همً يمزّع سترة الجوف تمزيع ‏اتقول ينهش ثومة القلب افاعي ‏خذت القلم من بين روس الاصابيع ‏وحبيت اميز سيرتي وانطباعي

لا ذكرت الماضي اللي مضى لي في هواه ‏ودي أستاذن من العقل وأضم الهبوب

كيف يلحقني من الوقت و الأيام روع ‏ و أنتِ مداتك سحابة و فزعاتك وبل

أدوج لو كان مارجلي .. بدوّاجه ‏أدلّـه النفس لين الله يفرّجها

أحبه لو سلا مع خاطره وأقفى مع المقفّين ‏محبة شايبٍ مرخص حياته عند أطيب أبله .

طيفه وهو طيفه لا زارني … يلهي ‏اعيش في واقع يصعب علي شرحه

ودي أكلمك كل . شوي وأسكر ‏أبغى أتطمن مثل لو إنك اوزاني ‏من أمس واليوم والليله وأنا أفكر ‏تكفى تحرص على روحك على شاني ‏إرب عادك الى ذلحين متذكر ‏إن أنت وأنا مانستغني عن الثاني ‏إن كان به فرصه للمواصلي بكر ‏ولانيب قايل على الميعاد مامداني

مدخلك بالله لا تفتح بابٍ مسكر ‏مثل ما الارض متحملتك تحملني ‏انا من الحزن مثل الي معه سكر ‏لا جاني الجرح يبطي مابرى مني

عقب اتساعة خاطري صرت حساس ‏ حتي الرفيق الكفو ما اقبل منه شي ‏أخفقت واجد فالتعامل مَع الناس ‏ مدري البلا فالناس ولا البلا في

لا يليّن خاطرك صادق عذابٍ جاني ‏لو تشوف أنّي من الحزن الرقيق أحنّك ‏أنت تجبرك الظروف الراهنة تجفاني ‏وأنا تفرحني الحزون اللي تجيني منّك