نسَاي .

‏"مرّ في بالي شريطٍ فيه من عمري مواري ‏يشبه أحلام السنين وعثرة اليأس الأخيرة ‏بين صدفة جابها العمر ووداع بإختياري ‏ما عرف قلبي يطيع الواقع أو يرضي ضميره ‏كنت اظن إن مرّت الأيام بيجف انتظاري ‏ما هقيت إن الأمل يستمطر اليا جف بيره"

‎بعد زلّ ثلث الليل و انكفوا السمّار ‎تمادى الظلام وعقرب الساعة يحوبي ‎سمرت بظلامٍ يجرح الصمت بالأفكار ‎تخطّى حواجز ظلمته والتفت صوبي ‎رفعت الكفوف اللي تنافض من الأوزار ‎وحارت دموع الخوف من تحت عرقوبي ‎رجيتك وجيتك خاضعٍ لك مع الأسحار ‎إذا أظلم عليّ الليل وازدادت خطوبي ‎انا ويش انا لولاك يالواحد القهار؟ ‎غلبني هوى نفسي وتاهت بي دروبي ‎أنا المقترف وأنت اللطيف البصير البار ‎لجأت لجلالك تمحي الإثم وعيوبي ‎طلبتك بستر الحال والعفو يا ستّار ‎ترى دون سترك مستحيل أستر بثوبي ‎سجدت وتهادت عبرتي والدموع غزار ‎وجلا نور عفوك ظلمتي وانجلا حوبي ‎ الا يـ إلهي مالي الا انت يـالغفّار ‎ذنوبي كبار وعفوك اكبر من ذنوبي

‏أشوفك سحابٍ في مجيّه ‏حيا وأمطار ‏وأشوفك مجي القوم والحرب والسلّه ‏وأشوفك نهارٍ ماتوارى ‏عن الأنظار ‏ياعنّك إني أفضّل شموسه على ظلّه ‏تعال إن بدأ لك في دروبي ضحى وديار ‏هذا الصدر مرتع وأنت خابره وتْدلّه ‏وخذ أول شبابي عمر لاشحت الاعمار ‏وإذا كان مايكفي؟ ‏فداك العمر كلّه

زله وعدت ما حدتني عن النوم مرت سلام وبعد الله كدرها

‏كل يوم أعيش في هذه الحياة، أدرك المعنى الجوهري من حديث سعد علوش حينما كتب : ‏"الناس اذا خيّروك بين خيارين أصنع لنفسك خيار ثالث وأختاره"

‏عنك ما أخترت الوجيه اللي على طول الطريق ‏أنا جيت أطوي رحاب الأرض هذي قاصدك .

‏عيدك مبارك يا داري واغترابي ‏لا حياة إلَّا معك .. لو هي بدونك ‏كانك من إخطائي .. أجمل من صوابي ‏الخطأ محبتي ولا جنونك؟ ‏راضي أعيشك أمل واطرد سرابي ‏لو دياري مجدبة برقب مْزونك ‏زهرةٍ أرق ؛ من زهرة شبابي ‏ولا أرق من الزهور : إلّا جفونك

‏"عيد ‏والعيد باكر ‏يا ضوى العيد كلّه ‏يشبهك بهجة ‏وإبتسامة وتذكار ‏لله سلام ونظرة عيون لله ‏يا آسرة قلب ، ومشاعر ، وأنظار ‏على رغم إن المهنّين قلة ‏معاك.. أحسّ اللي يحبوني كثار"

‏كل الأشياء ممكنة إلّا أنتي، ‏أنتي "مستحيلة" ‏كل يوم أصحى ولا أسولف معك؛ ‏يوم اعتيادي ‏أنتي أوّل فكرة. ومن بعدك أفكاري دخيـلة ‏كنّك اللون الوحيد اللي محى عتمة سوادي ‏سامريني؛ لين أشوف الشمس في لمع الجديلة ‏وقولي أسهرتك وتعّبتك معي، وأقول: عااااادي ‏حتى باكر، لو درى وش صار فالبارح و ليله؟ ‏قال ليتك مافتحت الباب يوم إنّي أنادي ‏لو تكاثرتي شعوري.. ماوصلك إلّا قليله ‏الشعور اللي تكاثرتيه: قلته لا إرادي ‏كيف ينضب قلبي من الحُبّ وأظمأ كل ليلة؟ ‏وأنتي إليا شفت عينك "سـيّـل الله كلّ وادي"

‏صباح الخير، أما بعد.. يقول محمد الرويبخ: ‏"جريك ورا أحلام عمرك لو ثلاثين عام ‏أعز من مشيتك شبرين بالمصلحه"

‏بعدك أنت . . ماخليت لذّه من اللذات ‏ولا أعتضت بك يا أشهى الملذات وأمتعها ‏فداك القلوب اللي هواها على فترات ‏ما جاها الشعور اللي يليّن طبايعها ‏أحبك ! ماهي كلمه بسيطه من الكلمات ‏على شان أرددها على أذنك وتسمعها ‏أحبك ! وأنا أستحضر معاك أجمل اللحظات ‏لو انها قليله ؟ يكفي اللي مضى معها

‏أعذريني لا طلبت العذر وارضي يا مليحه ‏واستغلي فرصة أحلامي قبل يمكن صوابي ‏كيف قلبك يخفي المشروه وعيونك صريحه؟ ‏المعاتب بالعيون أقسى من طعون الجنابي ‏أقلطي بأسلوبك الطاغي على صدر القريحه ‏واستقري لين تجنين العذوبة من عذابي

‏"كل عيدٍ قبل ما اعرْفك يجيب الغبون ‏اجعلي عيد الفطر عيد ردّ الاعتبار ‏طلةٍ ماهيب منّك تساورها الظنون ‏اكثر اللي ناسب العيد؟ وجهك بإختصار" ‏- حشان بن مصلح

‏« يَـاربّ . . تمطر عـلى صـدريّ كأنه مطر مـقـرّي ‏ و يروى هالقلبّ بـ صبّ غـيـم السماء بَـالخيـر🤍 ».

عادي تمرّك لحظةٍ تبغى الظهور ‏وبـ وقت ودّك بـ إنعزالك تختفي ‏ لا ترتبك لو ينطفي وهج الشعور ‏حتّى السماء تضوي شوي وتنطفي ‏ما فيه من قلبك ولا قلبي قصور ‏ أحيان في عزّ إحتياجك تكتفي ‏ريّح شغفك إن لحّف إحساسك فتور ‏حتّى الشغف يحتاج يهدأ ويغفي

صبيت لك من قهوة سنيني عسى عمرك يزيد ‏وأوعدك فنجالك إلى آخر حياتي ما امتلا ‏في ليلةٍ سوادها موحش عبرتي صبح عيد ‏سلّم على أطراف الظلام وشال عمره و انجلى ‏العمر لحظة والطريق أعمى وبنيانه جريد ‏والخوف فكرة وأعقل العشاق سكرى وجهلا هو فيه مثلك من يموت بنظرتك يبقى شهيد ‏إما : يقلدك بقصيدة غالية .. وإلا فلا ‏إما أحبك وأعتبرك أقرب من حبال الوريد ‏و إلا ترا سمّي تبي تقلب من الشرهة هلا

"‏انا المايل عن وعودي إذا حسيت بالتهميش وانا الثابت على الكلمه إذا شفتك تقدّرني - انا تحت هالبيت ."

عشان تعيش ‏تعلّم حِرفة التهميش ‏تعلّم كيف إحساسك ‏يجي بارد .. ‏ولا تسأل إذا غابوا ‏ولا تعاتب بـ كلمة ليش !

‏«تدري إني شخص ماني سريع إعجابّ ‏ولا كل حاجه عابره تكسب إعجابي ‏غلبت الهوى فتره لكن الهَوى غلاب ‏تمادى ووقف في طريقي وانا مابي ‏دخلتي في حياتي عرض من أوسع الابواب ‏وأنا للحبايب ماني مشرع ابوابي ‏عطاك الله من الود والحب والإعجاب ‏ما يجعلك سيّدة قلبي وسيّدة احبابي»

١٨/٥