اُمنيه .

الك جَانت يحَلو الطُول جِيات شعجب تبخل عليه بجِية العيد .

مِثَل شَمعة حرگت أيامِي لِعيُونك ..

عيد ميلادي إجة شو ما اجيت كُلها فرحت و اني مِنتظرك بقيت شَعلوا الشَمعات مِن نار الضلوع و نِفخوا و طَفوا سنيني ويا الشموع و همه غَنوا و اني بدموعي إلتهيت.

لا تبوس إلمَن بستني گلبي عمرك ما تطوله بوستك ما تطفي ناري و ما ترجعلي إعتباري نفترگ هذا قراري و هذا آخر ما أگول .

ليش أَجيك ؟ انت دَليت الحزن عنوان وجهي وانت دَليت البواچي دروب خَدي الله شاهَد تعبتني وهسه جاي أتعاتب بـ ماتجين؟

عايفني وتگلي ماتجين؟ تارس الدرب الغام وسچاچين أذيت گلبي بأيدك وتكلي ماتجين؟ لاوحق كلمن تعزه ماأجيك .

ما أجيك وشتريد اعددلك ؟ چـِم مَره شابع بچي ولو شوفك اضحكلك ! الحراس تغفه قبل وأني أسهر إكتبلك تحلفني واني الـجنت بعيونك احلفلك .

ضيعِتني وهَسه تتمناني اجّيك ؟ زحمة اجيك وراح اجَاوب بأختِصار عنِي لتدوُر بعَد ماتلكَه شي اني نجمة وضاعت بعِز النهَار .

مـا اجيك ! وليش أجيك؟ لا وحق ساتر حربكم ما أجيك إنتَ,خايف من رصاصة؟ آنه ميتة من السنين! چنت أدور وجهك بنص العواصف وإنتَ لاهي ، وما سألت بحالي وين؟ هسة من شبت نارها وضاگت عليك جاي تتذكر وعِدنا؟ وتسأل بدمعة "تجين؟"

ما أجيك اخاف من فكرة رجعتي خاف ما الگة بگلبك حنين ناسي من گتلك احبك وانتَ گلت تچذبين!! وجاي هسه تعاتب بـ ماتجين عفتك اني وبيدي هديت الادين .

ما أجيـك بعد ولا تجيني تـريدني أرجع بـعد ما خِلص حَـنيني ؟ بعـد ما غَـيرت سِـنيني ؟ بعـد ما طاحت عـيونـي من الـسهر ؟ گليبي أسود صار بـس مِن القــهر ! بعـد كُـل هذا تريـد أرجـع ؟ وما أرجع بعد ولا تجينـي ..

وليش أجيك؟ لا وحق كل دمعه نزلت ماأجيك اني تعبان بغيابك وانتَ بالك مدري وين نزلت دمعتي گدام الغريب وهَسة جايني هَا تجين؟؟

صَعبه احِب غيرك جَربت صعبهَ عِيونك عرف وعَيونهم غَربهَ .

و بيدي مِن أبتسم كَلما حِچو عنك بس أنتَ ضحكة طفل ما ينشبع مِنك والرُوح لمن تمُر يَابه شكُبر حِظها وعيّوني إذا شافتك جيب الي يغمضهَا مَرتاح يمك وأحَس كُل الخَساير قبل بيك اللّه عوضها .

شكثر وَصيتَك وگتلك مالي غِيرك .

ابد ماتلگه مِثلي يحِبَك بهَالكون وَاذا تلگه انتَ مِثلي گومِني وَسبني .

يمَاي العَين يادَمعة بطَرف جفني امُوت لخاطُر اعرف بَعدك تحِبني .

أريدَك وَ أدري كُـل شيء بيك يَنراد يا أعَز نجمَة شِفتها بلون بَغداد .

اذا ضَنيت ارُدلك انتَ غلطان يا دمعَة الرضت ترجع للعيُون ،؟