♡

‏« جعلني لا مرّت ظنونك و جاء فالأمر خله ‏أقف بـ وجه الليالي موقفٍ ما هو حيادي ‏مالحقني في رجاك من السنين العوج ذله ‏أنت من يلمحك في ديرة و لا يتبعك غادي »

‏وغيّرت وجهات نظري في كل شي، أمّا غلاك؟ ‏ وجهة نظر « باعيش واموت » ما غيّرتها

‏أنا المرهـف اللي فيه كتلـه من الأحساس ‏عساني ماضيّع بعض الأحساس من بدري ‏أدوّر عــلى شـيءٍ يوسّــع صـــدور الناس ‏ولو النـاس فيها خيـر ؟ ماضيّقت صدري

‏مشيـت الـدروب اللي تـودّي على لقياه ‏وعسى الله يستـر من نهايـات مشواري ‏أعيـف العـرب والـدرب ، لامرني طرياه ‏وهو عاش في داره وأنا عشت في داري

كيف لا مرّ السهر من دونك أستعذب نعاسي ؟ وأنت تدري ما لـ عيني من بعـد عينـك مسرّه ‏ㅤ كل ما طال السكوت بسور صدري طال باسي كـنّي اللي راضـي التعذيـب مـن قـوّ المضرّه ‏ㅤ والله إني ما تحلويـت الجفـا لـو كنـت قاسي « مير قلبي من كثـر حبـه عجـز منك يتشرّه »

‏"عن اغلا الرسايل والمشاوير والساعي ‏تغاضى وخـلّ جروحـك الباقيـه يقسَن ‏انا اللي رجعـت ورجعتي .. مالهـا داعي ‏لو اني مكمل خطوة الهجر كان احسن"

‏- احيانًا التبرير يعتبر نوع من انواع الضعف ‏ لا تبرر دائماً خلّ الناس تفهم على كيفها ‏ وانت خلك مثل بيت ‏ صالح النشيرا الي يقول/ ‏ "واقفيت وانا اكبر من التبرير والعذر السمين ‏ حتى لو ان خاطري ما كل شي يصبره"

‏" اللي خلق في مشاعرنا من البعد خوف ‏خلــق لنـا نعمــة النسيـان .. في غيرها ‏تمـوت الأحـلام دايـم في يدين الظروف ‏وتعيــش الآمـــال وتواصــل مشاويرها ‏في ليلةٍ تاهـت الخطـوه وطـال الوقوف ‏هـي نفسهـا الليلــه اللي شـرهـا خيرها ‏جيت ومعي قلبٍ يحـب ويحـنّ ويروف ‏ورحت ومعي قلبٍ أقسى من معاذيرها "

‏ أشدّ اليأس أن يعجز الإنسان عن الهرب من نفسه ‏ً ‏ ويقول عبد العزيز خلف / ‏ " قدرت اتحاشى زحمة الناس بين الناس ‏ وعجزت اتحاشى زحمة الناس في راسي"

‏اتركوني لا انتثر دمع موقي من العيّون ‏الحزن خيّم بقلبي من عجـاف السنين ‏اجبر النفـس العزيّزه ولو هـو مايهون ‏والحقيقه والله اني من الفـرقى حزين

‏اتركوني على مركاي اهوجس واغيّب ‏لين تعتقني الضيقة واغيّر مكاني ‏يا سرّت بي هواجيسي لو إني قريّب ‏لو تنادون بـ اسمي ما اسمع اللي دعاني ‏لي حوالي شهر و شويّ ماني بـ طيّب ‏ضقت ياللي تخبروني وسيعٍ بطاني ‏صار يأثر علي حتى نسيم الهبيّب ‏كل ما هب نسناس الهوا قمت أعاني

‏كل ماحدتني الدنيا على الجو المعكر ‏وإمتلى صدري من انواع التوتر والكآبه ‏وصد عني من صد وتنكر من تنكر ‏شمت للي كل ما اذنبت اتروع من عذابه ‏واتأمل في عجايب قدرة الله واتفكر ‏واحقر بيبان كل الناس واقف عند بابه ‏ماسمعت الفيلسوف ولا تنصيت المفكر ‏ولا قريت الا الكلام المنزل في كتابه

‏اصد و اقفي من الزحمات و الاجتماع ‏واقول نفسي عيوف و طابت و قانعه ‏و اثرني اعيش مع عقلي و قلبي صراع ‏قلبي يبي شي من عقلي و هو مانعه ‏اخاف من طاري الفرقى و اخاف الوداع ‏حسبي على صوت ابو نوره و ابن مانعه

‏ليه أنا دونـك أحـس إني فقـدت الاتجاه ‏الأوادم حـولي وكنّي في وسـط المقطعه ‏وليه كل درب ٍ يودي لك يشد الانتباااااه ‏وليه أشوفك في عيوني الجهات الأربعه ؟

يمر الوقت واشوف الصور و الاحظ التغيير تغيرت وتغير مظهري ، و اقفت مظاهيري اقول العمر توّه فـ اوله، واكبر واقول صغير عمري راح ثلثينه ضحيه مع مقاديري تمل النفس ، ويزود القلق واحاول التفسير ينرفزني شعور انك بعيد وتضحك لـ غيري تذكر ؟ يوم كنّا طايرين و نكره التأخير وبعض احيان من باب اشتياقك ، عمد تأخيري ذكرتك بين زفرات الحنين وشهقة التفكير انا مانيب ناسي مامضى يـ اعذب مشاويري انا اذكر أول احبك ، تسابق مع صباح الخير ما خفت اقولها كثر ما خفت يخون تعبيري يردك كل ماطال الغياب فـ بالي التذكير سعيت القاك لكن ماقدرت اسعى لتغييري

‏أنت غالي وعذّال الوصـال رخاص ‏لجل عينك عليهم كلهم ساحـب ‏لك مكان ورا عوج الحنايا خاص ‏مَ صخابـه لغيّرك صدري أراحب ‏فيه بيت كتبه أنسان فيه إخلاص ‏وأذكره يوم تقفي والزمن شاحب ‏قنبله أدت لمقتل ثلاث أشخاص ‏قد يعادل خطرها صدة أصحا ا ا ب .

‏عليه يجرّني سلك الغلا ، مَا جرّني له عرق ‏شمخ فـ القلب لو مَا بـه نسب بيني وبينه .

تخيلتـك تشـابهني على طيـب الأصـل والراس وأثر أسباب خيبـات العشـم ، ، من زود تقديره فـلا يلحقـك فيني عطـف ولا يحتلك الوسواس أنا « دوله » وقلبك كان مواطن خاين الديييره .

‏ما كـني أعرفه .. ولا كـني أبغيه ‏وأنا عليه من أمه أحبّ و أجرى ‏إن حلّ طاريه تـجاهلت طاريـه ‏ما كـني أدري عنه و أنا بّه أدرى ‏بسكات يغليني و أنا حيل مغلّيه ‏لا تلفون ولا مواعــيد غدرى :)

‏سيّد البال .. تاخذني عليك الطواري ‏أثر مالي لو يطول الجفا عنك صَدّة ‏أنت ليلٍ . . تخاطفني عليه المساري ‏وأنا ما جابني لك غير صدق المودّة ‏ودي آخذ من عيونك ومبسمك ثاري ‏شي يوخذ بـ لين وشي يوخذ بـ شدّة ‏عاد وإن بان بين الساعدين إنكساري ‏من يلوم القوي لا بيّح الشوق سدّه ؟