82!ً

وهو الذي تصفو القلوب بحُبه ‏صلّوا عليه وسلّموا تسليما ﷺ " اللهم صلِّ وسلّم على نبينا محمد"

نور مابين الجمعتين

‏وش الومك عليه ؟ و خاطري دون الملامة طاب ‏ياوجهٍ يوم أشوفه كنت أشوفه وجهي الثاني ‏كذا أستكثرت الراحة على قلبي بدون أسباب ‏كذا ترضى لي عصف الشتات بعز خذلاني ؟ ‏مثل ما كنت أشوفك حقيقة فـ زمن مرتاب ‏لقيتك زيفٍ يشكك عدوي كل ما جاني ‏ذخرتك طلقةٍ ترمى بصدر الصاحب الكذاب ‏لعل سلاحي موجه على صدري و شرياني ! ‏وقفت وقفةٍ صلبه ، بعد ما صفوا الأغراب ‏و جابوا لك حطب صدري و ولعت موقد أحزاني ‏و أنا ورب الفلق والناس والأحقاف والأحزاب ‏ما كنت أحسب حساب لساعةٍ يربط فيها لساني ‏أعاتب من ؟ و الدنيا بخطاها ماعليها عتاب ‏مثل ما جابني درب الزعل , لهناك ودّاني ‏هناك لـ وين ؟ مدري بس أعرف إن الطريق غياب ‏غيابٍ كل ما طال الطريق ، تخف نيراني ‏كسرت الباب أبو مزلاج حزن ولا بقى لي باب ‏و دانيت الجفا حتى لو إني كنت ما أداني ‏فمان الله ، و اللي بيننا يبقى لـ يوم حساب ‏أخاف أسامحك يوم الحساب و أنجرح ثاني

أنطفى نور الأمَان و ما غدى للصّبح طاري ‏و أبتدأ ليل الشعر يرسل مع العتمة نذيره ‏مرَّ في بالي شريطٍ فيه من عمّري مواري ‏يشبه أحلام السنين و عثرة اليأس الأخيرة ‏ما هو غريب إن السكون يجول في سكَّة نهاري ‏الغريب إن الصخب في ليلي أحداثه كثيرة! ‏بين صدفه جابها العُمر و وداعٍ بإختياري! ‏ما عرف قلبي يطيع الواقع أو يرضي ضميّره ‏كنت أظن إن مرَّت الأيام بـ يجّف إنتظاري ‏ما هقيت إن الأمل يستمطر إليَا جفَّ بيره! ‏كيف صارت وحشة الغُربة تغنِّي في دياريٍ؟ ‏ذبلت أنوار الشوارع و أنطفت شِبه الجزيرة

سولفي للريح ، يمكن .. سالفة منك ، تركد جزيئات الغبار ! وتنجلي غيمة شحوبٍ حالفة ما تخلي للمسرة .. بأي دار وأرسلي للجوف أعتى عاصفة تجبر همومه : تولي بالفرار وأزرعي في جدب روحِ تالفه ضحكةٍ تشرق على الظلماً .. نهار وناظري ، والعين يمّك لاهفة يا ملاذ الدمع في جفن الحصار شمس حظي لو تغيبي : كاسفة ونور عمري .. لا وصلتيني : جهار يا بعد من هي بقلبي طارفه أنتِ الديرة ، وأنتِ لي عمار وأنتِ أوقاتي ، وأنتِ الخاطفه لكل شيءٍ من شمول وأختصار ليه ما أحبك ، وكلي عاطفة تنفجر لاحركت قلبي ، وغار؟ وأصلاً أنتِ قبل هذا : عارفه إنك : اللي يملك الجنب اليسار وإنك : اللي في غرامك وارفه وإنك : الحاكم ولك حق القرار والولا لك .. والمحبة : واقفه عندك بابك ما تبي رد إعتبار

‏إستعذت من الدروب اللي نهايتها حسافة ‏قبل ترميني ملذات الزمن في جوف غبه ‏شيمة الانسان ميزان اعتداله وانحرافه ‏تنذره لا شافت الاوضاع ماهي مستتبه ‏إن عجزت إنك ترد النَفس عن شيٍ تعافه ‏ماقدرت تحط نفسك فالمكان اللي تحبه

"يالله الغفران بالعشر التوالي ‏يا عظيمٍ نرتجي عفوه و خيره ‏ظلّنا في يوم نحتاج الظلالي ‏يوم ظلّك .. مالنا مزبان غيره" ‏- مساعد الرشيدي

‏فدا وجهك صواريخ النساء و مسيّرات إيران ‏و فداك اللي يحسب إن الحروب أخطر من فتونك ‏و لولا إن بـ أرض الجوف صقور و جنُد أبو سلمان ‏لـ أقول الطايرة طاحت بعد ما شافت عيونك

‏ما عاد للضحك طعم وللفرح خانه ‏الظاهر ان الشقى مكتوب لي حصري ‏ولا كسر قلبي .. ولا زعزع آمانه ‏الا حنيني على عصرٍ ماهو عصري ‏والظالم ان زاد في ظلمه وبهتانه ‏ما نزّل من الطويل المعتلي قصري ‏ينصرني اللي نصر يوسف على اخوانه ‏فـ الساعه اللي محد متوقعٍ نصري

لله درك ياعابر

عسى ما فات يشمله عفو وغفرانٍ وعسى الجاي خير وأحلامي تتحقق وأرفع دعاي للي بيده كلّ الأكوان وأدري عطاء الكريم ما يخيب رفعت الرجى للي بيده كلّ الأكوان وما لي سواه بدرب عمري أتعلق

‏لا تردّى وأنت عندي مقدّر ومحشوم ‏لجل ما أعدّك من أهل المقابر وأنت حي

لقيتك أمل من ضاع عمره ورى الحرمان ‏وبديتك وأنا اشوفك عوض ماضيّ أيامي ‏جمعني معاك اليسرّ عقب العسرّ سبحان ‏من يضحكّ الخافق بعد جرحه الدامي ‏تحضنت وصلك كنّي الضامي الهلكان ‏يالين ارتوى فـ مواصلك قلبي الضامي ‏عليك الغلا منساق والشوق شانه شان ‏وعليك الرِّضا يا واهِس الشعرّ وإلهامي

‏وأنا كيف بنسى واحدٍ مد لي .. يمناه ‏على العهد والميثاق والمرّ والحالي ؟

أنتِ يا روح القصايد ويا ملح النشيد ‏يوم جا للشعر طاري وطاريّك طرى ‏ما قدرت أوصفك في طواري القصيد ‏أنتِ ما يلحق وصوفك دواوين اشعرى ‏الوكاد إن كان تبغين الصراحة والأكيد؟ ‏إنك أجمل من عرفته على وجه الثرى

سمّي وش اللي بس تبينه و ألبيه لا رحم أبو من لا يسعى في دلالك من بحة حروفك الين أخر التيه ضاعت علومي بين رجفة حبالك أنتي القصيد العذب و أنا مغنيه و أنتي القبول اللي تخيّر جمالك ودي ألم الوقت حولي و أهنّيه و أكايد الحظ الرّدي في سؤالك

احبني و أكره تقّلب فصولي ‏وفي كل حالاتي ابادلني اعجاب ‏احياناً أحساسي ينادي ذهولي ‏اصغر من الدمعات و أكبر مْن عتاب ‏أحترت فيني قبّل احيّر عذولي ‏ولا حسبت لهرجةّ الحاسد حساب ‏ما ثار من همز الحناجر فضولي ‏على كثر ما تلفت أخباري ألباب ‏أسمع صدى هَذول يوصّل لذولي ‏وتطيح من قلبي بعد عيني أحباب ‏ تمشي على جرة ظنوني رجولي ‏احب دون اسباب واصد لأسباب ‏مهما يمر العمر قلبي طفولي ‏و ظني بعيني ينقرى مثل الكتاب ‏لا احد بمثلي لا و لا احدً بحولي ‏لو يشبهوني عمداً ، الاصل غلاب

أنا بليّا شوفتك شخص أعمى إلى متى و أنا عليك أتحايل ما يكفي إني لاغي كل الأسماء و مشطب الأرقام و أغلى الرسايل أوقّف لطاريك و أشوش و أحمى حمية تضرب عليها المثايل تراني أعتبرك مثل شربة الماء ماهي تعوّضها جميع السوايل مجرد غيابك عن عيوني أظما أظما ظما اللي لتّهته القوايل