نُوْرَة

بحيث من أصفن بطاريك يهواي أسمع صوت طگ رموش العيون

أحلم تمرني حلم بس كون ما أصحى والليل أنحته صنم وأركعله كل العُمر بس لا يطل صبحه يـ المنخلق من لغز وبس أخرس اليعرفك وچفوفه متگطعه منهو الفهم شرحه؟ من گتلي أحبك گبل فرحه بدليلي أزرعت ميت إلي چم سنة وما ماتت الفرحه

مثل لون الصبح هيچ أني نيتي وياك

لو ليلي ليلك بالوصل ما شحيت لو گلبي گلبك چان حَن ومريت لا مر على عيونك حلم لا فزيت لا ذكرك بينا حنين وحنيت شيصير لو چفك يدگ باب البيت؟ تيه بدلالك يا ترف وأتهنى والسهر والآهات خليها إلنا معذور لا جاسك سهر لا ونيت لا مرة هزك شوگ تسأل عنا ضاعن مواعيد المحبة وضعنا ظل بس كلام اللايم يتابعنا شيصير لو بيك الوكت يجمعنا؟ شيصير لو نگعد سوة وتسمعنا؟

متأخر صحيت أني محد يشبه الثاني واحد نايم ومرتاح وواحد گاعد يعاني إذا رادوا يسألوني عليك تجاوب عيوني حرف من أسمك يذكرون لو رادوا يبچوني

وردة ماتت المن ترشلها ماي وهذا ياهو الگالك تحييّها صرت كتالي برگبتك دمي صار وذيج روحي بذمتك خليها

شلون ناس تنحط بالگلب🤍

ونده روحي النسيم وليك حنيت ومثل گطرة ندى بوردك تبديت تمنيتك تجي بگد ما تمنيت حتى أنشدك من عطشتك ليش ماجيت؟ وگصه بروحي الجفه وكل يوم إلك راي وأنه الماني وي صبري ولا أنتَ وياي

غلطتك الوحيدة أنك حنون على أشياء ما چانت حنونه عليك

أني البارحة هواي إلك مشتاگ طول الليل أبد ما نامت العين أرجع عاد مو موتني الفراگ عُمر واحد أعيشه وما هو عُمرين أگول تنام عيني شويه وأرتاح يجي طيفك ويگلبلي الموازين شريد أنسى ومكانك بين العيون إذا أغمض تشوفك وين ما تكون أحاول ما أفكر بيك .. وأنساك تجي مثل الحلم ما أدري من وين أريد أنساك .. گلي شلون أنساك؟ وأنا كلما نسيت بگلبي ألگاك كل دمعة أحسها تزيد طاريك من يوم الرحت ما نشفت العين

أنتَ واحد، بس خبصت الدنيا بيك

بغيابك ذبلنه ورگه ورگه والله أشعل الروح شموع لو أجيت تدري أنتَ شكثر تكتل الفرگه أحرگ عمري إلك لو يوم رديت واليابس والأخضر هم أحرگه محتاجك نفس مُر بيه خطار محتاجك بقت بالريه شهگه إذا گلبك حجر وتحب الفراگ أنه من الشيب شعري شلون أفرگه مرنه بطيف مرة وشوفنه شلون نتلگاك ملگه شلون ملگه؟ هلهوله تطگ بكل الأركان والچفوف تتعارك على الصفگه أحنه من نحب مثل المجانين وتدري النحبه نصير لزگه

أنه بحالة تناقض وأنقسامات وصراع وفوضوية وموجد وجد بحيث أنشطر شخصيتين وياك أكرهك واليحبك يمي يگعد أحط موعد لنسيانك وأجي ردود أحط للموعد البي ننسى موعد بأشد حالات زعلي أتصالح وياك سماي نجوم بيها وغيم يرعد وأجيك وبأعتقادك جابني الثار وأنه من أبعد عليك يجيبني الود

لو حظي عدل ولفي حويته إلي يومين أدور ما لگيته

ماتدري بيه أني فصلت العُمر كله إعله گدك وأنه عفت الدنيا كلها وما ردتها وردت ودّك وأنه حتى گلبي من أنام يغافل عيوني ويجيك ينام عندك يا ثمر .. شتلة صباي ويا ثمر الدنيا كلها بـ لون خدك شافتك روحي أمس بالطيف أجيت ومني خافت ليك أجت لاذت بسدّك