Dr.alijassim

حالياً جاي اقره ال contemporary oral and maxillofacial surgery وعدد صفحاته 708 صفحه والكل يعرف أن هذا الكتاب هو من المصادر الرئيسيه للجراحه من أبسط معلومه إلى أكبرها اي معلومه غريبه او جديده اقراها راح احاول انزلها هنا ونسولف بيها ..

المريضه رجعت بعد 5 ايام الورم والخدر تقريبا نفسه بالضبط ويجوز اقوى وكذلك عدها ألم قوي بس شوي احسن من قبل بس اكو شي جديد انضاف عدها وهو أن تحس أن أكو شي ينكد بالمنطقه نبضي مثل وخزه الابره بس تكول كلشش كلشش مضايقيني وما يخليني انام .. تقريبا كلها يأشرن على أن المشكله أكبر مما تصورنا بالبدايه والضرر أكبر لكن وصفها الاخير للمشكله الجديده الصارت عدها هاي علامه جيده النا لأن هاي الوغزه الجاي تصير عدها وكلش متعبتها معناها أن ما صاير عدنا قطع او ضرر كلش هواي قوي بالعكس هاي محاوله من الاعصاب حتى تعيد وترجع لوضعها بس حاليا عاجزه لكن تحتاج وقت وهذا مؤشر جيد تقريبا العلاجات هنا نفسها ننطيها ما نغير شي وبلغناها أن نتابع الحاله بس للفرق المره الجايه اذا ما شفنا تحسن ولو بسيط راح نطلب CBCT ونشوف مدى قرب العصب للمنطقه ونحول الحاله كذلك لأخصائي ماكزلو فيشيل لكن شخصياً اني شبه متأكد أن نعم الضرر الصاير جبير بس يحتاج وقت ممكن نعم يتأخر وممكن راح تعيش بهذا الخدر لمده ٣ اشهر او 4 او حتى 6 بس الوضع راح يرجع تمام فقط يحتاج وقت .. د.علي جاسم الفيروزي

المريضه اجتني تقريبا بعد القلع ب4 أيام وعدها هاي المشكله قبل كلشي سوينا اشعه حتى نتأكد من وضع مكان القلع خاف باقي شي او اكو dry socket او بقايا اكل فلكينا الوضع تمام يعني هنا اتأكدنا ان المشكله مو بالقلع ولا مكانه المشكله بالضرر الصار للعصب بس .. هنا أنوب نحول للعلاجات ونشوف مدى تحسن الحاله وعلى اساسها نحكم .. اول شي كتبته وأهم شي Neurorubine ampule هاي الابره اذا شايفينها الحمره وهاي الابره بيها فيتامين b1 و b2 و b6 زين ليش هاي وذني بالتحديد ؟ الجواب لأن فيتامينات b مسؤوله على ترميم الضرر والخلل بالاعصاب بجسم الانسان وتحاول تسرعلنا من شفائه بس هاي الابره يتم حقنها كل 3 ايام يعني كل 3 ايام تضرب وحده .. وكتبنا الها decadron ampul وهاي راح تساعدنا بأن نحاول شوي نخفض من مناعه الجسم لمنع الورم المتكرر عدها بسبب حدوث الالتهاب وكذلك كتبنا profen 400 mg حب وكلنا للمريضه ترجع بعد 5 ايام نشوف مدى التحسن .. الجزء الثاني د.علي جاسم الفيروزي

مبدئياً الصار وياها كالاتي كلنا نعرف أن أكو عصب عدنا اسمه ال mental nerve وهذا العصب هو أحد فروع ال IAN ومثل ما تشوفو بالصوره النقطه البرتقاليه الجاي تتفرع هو هذا وهذا العصب تقريبا مكانه يكون بالغالب بين ال4 وال5 وهذا العصب يغذي اللثه والأسنان والشفه بهاي المنطقه ، تمام ؟ خوش هاي انتهينا منها هذا العصب نعم يكون قريب من جذور ال4 وال5 بس بالغالب ما يكون ملاصق الهن بس بهاي الحاله ممكن يا أما كان قريب او اصلا الجذور مال الاسنان جانت طويله فالطبيب أثناء القلع سواء الخلل يمه او لا سوه ضغط على الجذور وبالتالي الجذور ضغطت على هذا العصب وسوتلنا هاي المشكله، ممكن واحد يجي يسأل ويكول زين شلون نعرف حجم الضرر يعني بس ضغطت العصب شي بسيط لو قطعته فدنوب لو شنو بالضبط.. بشكل سريري ما نكدر نحدد حجم الضرر بس بشكل عام بما أن الخدر قوي جدا فغالبا الضرر مو بسيط لأن اغلب المنطقه شبه مشلوله هذا الجزء الأول د.علي جاسم الفيروزي

أمراءه تقريبا عمرها 55 سنه قالعه ال lower 4 وبعد القلع ب 4 ايام اجتني وصاير عدها الأمور التالية: اولا الخدر ما رايح وتقريبا شفتها كلها خدرانه ولو تكصها بسجينه ما تحس بيها ووبنفس الوقت ألم قوي بالمنطقه خصوصاً من تسجد بالصلاه ويصير عدها انتفاخ قوي بالشفه وبعدين ترجع لوضعها الطبيعي برأيكم شنو الصار خل أسمع منكم وبعدها أحجي شسوينا وشنو راح نسوي اذا ما شفنا تحسن ؟ د.علي جاسم الفيروزي

أكو حاله اجت للعياده وشوي قليله الحدوث لكن ممكن تصير وي الكل فتعالو نسولف بيها !

مشاكل الاندو والبريو والاوبرتف وغيرها قابله للتأجيل اذا انكسر عندك فايل وانت سترست ممكن بهدوء تنهي الجلسه وتخلي المريض يجيك بغير يوم انت بيه مرتاح او اذا ما تكدر تحوله لطبيب غيرك اما الجراحه فأذا بديت لازم تنهي ولازم تعرف تتعامل وي الكومبليكشن فوراً وبنفس الوقت راح تجيك ايام بالجراحه تحس بيها هاي نهايه الحياة وممكن تكره المهنه بسببها لكن بعد أيام وأشهر تكتشف ان هاي المواقف هيه السوتك لذلك الجراحه وطن والوطن لا يخان.

اني مؤمن وعندي أيمان مطلق أن شخصيه طبيب الأسنان تتكون من خلال الجراحه..ماكلك حب الجراحه ولا صير جراح لكن الجراحه هيه التسويك وهيه التخلي عندك شخصيه للتعامل وي المواقف لذلك أوصيكم بتقوى الله والجراحه لأن باقي مشاكل طب الأسنان لا شيء كدام الجراحه.

جاي أفكر أحول محتوى القناه جراحه فقط..؟!

شايفين من يجيكم مريض قلع عنده periodontitis وعنده أحد الاسنان خصوصا ال molar بيه mobility اصلاً ..أنت هنا راح تتونس لأن تعرف هيج أسنان قلعها ما يطول ثواني ..أحب اكلك كلامك صح هيج أسنان قلعها ما يتأخر بس يا صديقي هيج نوع من الاسنان جداً جدا خداعه بحيث تطلع وياك بسهوله لكن تتفاجئ بقسم منها أن السن أنقلع بس صار عندك root fracture ..لأن يا صديقي هيج نوع من الاسنان الجذور بيها اولا تكون ضعيفه بسبب ال periodontitis واصلا توزيع قوه المضغ مسبقاً تكون غير متساويه لذلك اكو جذر يكون أضعف من الاخر فأي ضغط زايد عليه من العظم يطك. أني هنا ماريد أخوفك من هيج نوعيه من الأسنان بالعكس لكن أحب اكلك لا تستهزئ بهيج نوع من الاسنان وعاملها بحذر أيضاً. د.علي جاسم الفيروزي

السبب

لا تستخدم الchisel (الجزل ايدج) ابد ولا تتعلم تستخدمه هذا مو رائيي علمي بقدر ما هو وجهه نظر. د.علي جاسم الفيروزي

احنه كأطباء أسنان المسكن الوحيد الأمن لنصرفه للحامل هو الباراسيتامول اكو حالياً دراسات جديده تربط الباراسيتامول وي التوحد ليصير عند الأطفال ، اوك ماكو شي مؤكد لحد الأن وهاي الأمور قيد الدراسه بس مجرد معرفتنا بهذا الشي يخلينا على الاقل حتى الباراسيتامول ما نوصفه للحامل اذا ما جنه محتاجينه. د.علي جاسم الفيروزي

ليحدد هل أن الجذر المكسور لازم نطلعه أو لا مو طول الجذر ؛ ليحدد هل السن vital او non vital يعني ممكن تترك جذر طوله 3 ملم والسن vital وما تكدر تترك جذر طول 1.5 ملم والسن non vital د.علي جاسم الفيروزي

اذا انكسر عندك root والسن جان vital والجذر صغير وصعب وحسيت نفسك أن انت اذا كملت راح تضر المريض ما راح تفيده فلا تتردد وأتركه بدون ما تطولها على نفسك وعلى المريض ولا تنضغط لأن الشغله جدا طبيعيه وتصرفك صحيح لكن أكد عليه أكثر من مره يلتزم بتعليمات ما بعد القلع لأن ممكن يصير عنده dry socket وبعد يومين يكلك صار عندي األم قوي وانت هنا تتوهم وحسبالك أن سبب الالم الجذر الباقي لكن بالحقيقه أن سبب الألم هو dry socket. د.علي جاسم الفيروزي

صراحه ما أحب انزل اي شي بالقناة غير الماده العلمية وما اريد اي تبادل وغيره لأن همي الأول والأخير مراجعه المعلومه الي والكم لكن كون أن صاحب هذا المكتب أعرفه شخصياً واعرف الفرق بأسعاره مقابل الجوده ومستعد اني شخصياً اتحمل اي شي من هذا المكتب خصوصاً فحبيت انزللكم معرف القناة تنضمون الها واكو عرض للطلاب تلكوه أيضاً والتوصيل موجود لأي محافظه وكل التوفيق ان شاء الله. https://t.me/IshtarDent

معاجين الأعشاب أو المسواك وغيرها أيضاً لا ينصح بأستخدماها..نعم الها تأثير جيد على صحه اللثه لكن اغلبها ما تحتوي على الفلواريد وبالتالي نسبه حدوث التسوس مع أستخدام مثل هيج معاجين مرتفعه. د.علي جاسم الفيروزي

أسوء شي ممكن توصفه لمريضك هي معاجين التبيض أو المعاجين المكتوب عليها كلمه white ومعاجين الفحم واذا وصفتهن لازم تنصح المريض يستخدمها لفتره جداً قليله لأن اليه عملهن مو تبيض بقدر ما تكشط او تسوي abrasive للميناء وتخلي ال dentin شبه مكشوف وبالتالي صليل وألم كلشش قوي. د.علي جاسم الفيروزي

مريض الغده الدرقيه اذا اجاك وكلك اني شايل الغده الدرقيه أو كالك اني عندي خمول بالغده الدرقيه أشتغل طبيعي مع بعض الاحتياطات بس اذا كلك اني عندي فرط نشاط بالغده الدرقيه لا هنا أضرب برررريك وبرررريك قوي. د.علي جاسم الفيروزي

لذلك هيج نوع من المرضى اذا تريد تخلصهم من الالم خصوصاً اذا جنت مستعجل مو شرط تسويلهم سحب عصب مجرد تسوي شي اسمه اكسبوجر يعني مجرد ما حفرت وفتحت جزء بسسيط من pulp champer وشفت قطرات دم طلعت فأنت هنا ضمنت أن ضغط الدم هذا طلع للخارج وبعد ما يسبب ضغط على الأعصاب وبعدها تكمل باقي جلساتك براحتك بعدين د.علي جاسم الفيروزي