BH

‏نجنِي فأنا منهكٌ تمامًا ‏ووحدك تعلم الأسباب.

مَايحِجي الورَد بس ينعرف ذبَلان.

ما اكلكم اني مثاليه وجايه انصح بس هاي اشياء غلطت بيها وتعلمت وجاي احجيها وبس راح ابقيهن هنا 🌻

ما اكلكم اني مثاليه وجايه انصح بس هاي اشياء غلطت بيها وتعلمت وجاي احجيها وبس راح ابقيهن هنا 🌻

يخوان وعلي اختمها الكم ابتعدو عن شكو بشر بجامعه بس خلو علاقتكم سطحيه على كد السلام وهاهيَ لا تتعمقون وتثقون بيهم لا تحجون اسراركم ومشاكلكم ، لان ما راح تستفادون شي وبعد بكيفكم ابتعدو ابتعدو اعزلو نفسكم اختارو راحة بالكم وبس والله يوفقكم بحياتكم الجامعية

احس سولفت هواي 🤣🤣🤣

راح تراسلكم حسابات وهميه تغلط وتفشر وكلشي يسون وهمه ناس غيرانه وحاقده بلوك (ولا تصيرون فضوليين نفسي) كبل بدون سابق انذار اي حساب يراسل اكو بيهم يعترفون كبل بلوك بدون ما تفكرون اليريد وما يخاف يجي بالحساب الاساسي المهم هاي نڤايات الحسابات الوهميه بلكوهم بلكوهم بدون رد اصلاً بس تشوف حساب وهمي بلوك (لان بعدين تتمنى ما راد راح ينطيك شي قوي يخليك صافن)

ها اكو انسان راح يمر بحياتكم الجامعيه يجذب جذب مو طبيعي ويخلق من العدم قصه (يعني تخيل يكلك هاي البنيه تحبني وتموت عليَ وتتوسل بيه واعترفتلي وراسلتني بهذه الحساب ويطلع سكرينات ومدري شنو ويراوي وعنده دليل وعنده شهود )اتخيلو شكد فارغ هذه الانسان وها يبين نفسه مثالي وخوش انسان واني واني واني هيج ويطلع نفسه ابن نبي استغفرك ربي وهوا كله انسان فارغ وتلكونه داحس نفسه بأي شله يشوفها المهم يكعد يجذب عليهم ويشوه بصورة العالم المشكله جذباته قويه والله ملينه من جذب ياخي ارتقو الدنيا فانيه احسنو اثركم بعد يومين تموتون ( هذا اخطر انسان بلجامعه)

اول نصيحه (اختارو القسم اليعجبكم والجامعه التعجبكم لان بعدين راح تعضون اصابعكم ندم كلشي اختارو انتم علمود تعيشون حياتكم ولحظاتكم براحتكم ) لا تختارون قسم والله علمود الفلوس او قسم علمود صديقتي بي او قسم بي اعداد قليل كلشي اله وقته وكلها تتعين سواء مجموعه طبيه او غيرها لابد يجي وقتها

اكثر نصيحه الجن بنات راح تجيجن وحده تكول هذه فلان معجب بيج وعود هيَ جايه بامر خير وكذا كضيها واركعيها بنعال استغفرك ربي بس نصيحه اذا اجتكم هيج نماذج بدون سابق انذار ارفضي المهم هاي البنيه ابتعدن عنها هي والدازها فارغين

حاولو تكعدون اول 3 مقاعد حتى تفتهمون وتوصل الفكره من الدكتور ومن ما تفهمون اسألو وحتى اذا جان سؤال غبي اكبر غلط سويته اني (جنت اجي دائماً متاخره واكعد بالمقاعد الاخير) ولا تستحون اسألو عن ايشي ما فاهمي علمود الدكتور يحفظ شكلكم واسمكم وهيج تتعودون حتى تشاركون وما تستحون

والله خوش موضوع فتحتو

اول شي طالبات الدفعة اول شهر راح تتعرفين على اغلب البنات وصور ونسه وبعد شهر المواقف والايام تحدد منو راح تكمل وياج وتصير صديقتج ، الي تتفيك زايد والي تجذب وتخلق قصص على الفراغ والي تحجي على ولد واي طالب راسلها او سألها على شي وتكول للبنات ، ابتعدي عنها والي اغلب كلامها فلان تحرش بفلان وسوالف مالها داعي وتنقل كلام وجيب كلام ابتعدي عنها لازم تبتعددييييين عنها

حياتكم الخاصه حياتكم الخاصه حياتكم الخاصه لا تثقون وتسولفون كلشي لا تسولفون عن اي شيء خاص بيكم (سولفت اشياء ما جان اسولفها وتندمت) يعني حتى اذا جنت اشوف هذه الشخص قريب عليك وتحسه ثقه لا تسولف لان بداية جامعه وما تعرف الناس على حقيقتها بعدين تنكشف الوجوه على حقيقتها ويمكن السولفتي الها سرج صاير محور جلسه يغيرون بيها جو 🤣 المهم اسراركم لا تسولفون بيها

والله خوش تخصص ملوكه اما عن الجامعه يراد جرايد اكتبلج 🤣؟

2026/7/30