كسرات منوعة ❤️‍🩹💔

‏توادعوا مع مغيب الشمس ‏وتواعدوا باللقا بكره ‏لكن عادوا لعشق النفس ‏ماكنهم التقوا مره

هجرتني هجر ماينطاق ‏وأنا الذي تهت في ودك ‏بعد الموده يصير فراق ‏مااظني اصبر على بعدك

ياجرح الايام يكفيني ‏اللي حصلي كذا كافي ‏لاتزيدني فوق مافيني ‏مشيتني يازمن حافي

يالليلة العيد قوليله ‏اني بدونه ماعرف العيد ‏الناس تفرح بتهليله ‏وانا فعيني اثر تنكيد

لاموني الناس في حبّك ‏واسقوني المرّ في كاسي ‏ماشفت حتى هنا قربك ‏ياطيّب العرف والساسي

ياطير خذني ابي المرواح. ‏مادمت ناوي على اوطانك. ‏أما اعتبرني من .. السواح. ‏والا اعتبرني من .. اخوانك.

مع حيرتي وانتظاري ذاك ‏والليل والصمت وشموعي ‏لاجيت نفس المكان هناك ‏اذرف على فراقك دموعي

من سابع المستحيل اصلا ‏تنزع ودادك من اعماقي ‏إن رحت يامنيتي فضلا ‏رجع لي القلب و اشواقي

منهو يخبر حبايبنا ‏عن حالنا والذي نشكيه ‏العام حلوه ليالينا ‏واليوم نبكي على ماضيه

بالشهر جـاني يهنيني ‏وعتاب مابينـنا ينهـيه ‏وأثـرت جـيـتـه فـيـني ‏وقبلت عذره قبل يبديه

شوف القمر فوق و معدي ‏ساطع ونوره يضوّي الكل ‏يـشبهك لاجيت متعـدي ‏كـل الخلايـق عليك تطل

للود ما خصصوا دكتور ‏يصرف علاجات لسقامه ‏حتى الذي فالهوى مكسور ‏يلقى دواء يجبر الآاامه

تعال انظر سواد العين ‏ اصبح عليها البياض اكثر ‏ودموعي اللي على الخدين ‏ حتى على شوفها اثر

‏اللي شكى من جحود الود ‏واليوم يبكي من الحرقا ‏دموعي الفاضحه ع الخد ‏تصبح وتمسي على الفرقا

‏مرسوم صادر وقررته ‏ساري مع الدم باعلانه ‏تعميم للقلب وابلغته ‏ان الهوى صعب نسيانه

ماعاد ليه أمل باقي ‏مادام باع الذي يهواه ‏واللي ناوي على فراقي ‏اليوم ناوي على فرقاه

‏ليلة شتا بردها قاسي ‏عيت تطفي لهيب الشوق ‏مايدفي الجوف واحساسي ‏الا مقابل حسين الذوق

‏كل مابتعد قد مااقدر؟ ‏واتوب واقول ماارجع؟ ‏اعود هايم من الأكثر ‏والشوق يردني اسرع

مابين قلبي ودمع العين ‏الروح زاد الاسئ فيها ‏كيف اتحمل عذاب اسنين ‏واطوي عن النفس ماضيها

العين تبكي غصب ياناس وليت البكى يفيد حالتها ظالم بطبعه عديم أحساس زود على النفس أهتها