نَجمة .

مؤخرًا بديت نعامل في نفسي بقسوة لمصلحتها مثلاً لما تقولي: «شفتي الموقف هذا؟ وتتذكري الموقف هداكا؟ وتتذكري الشعور اللي حسيتي بيه وكيف بكيتي هديكا الليلة؟» فـ نرد عليها بـ : «خلاص عاد، مافيش حد عاش حاجات سيئة في هالدنيا غيرك ولا شنو ؟» وهكي نقمع فيها، ونحاول نسكّت صوتها ونمنعها من إنها تتنكد أو ترجع تعيش نفس المشاعر من جديد. مرات نحس إني مضطرة نقسى على نفسي باش نقدر نكمل، وباش ما نخليش كل موقف قديم يرجعني لنفس المكان اللي تعبت باش نطلع منه

ياالله الصبر

المركز الأول في البلوكات و التجاهل و اللامبالاة و التخلي والستين داهية .

الحمدلله 🤍.

يا رب فرّحني بنجاح سوجي حَبيبة قلبي

حرفياً مش قادرة نقيم راسي من ثقله وصدري أثقل منه كنت عارفة إن هدوء ليلة أمس مش ح يفوت عادي ماخاطريش نطلع حتى خطوة من داري لكن عندنا ناس لازم نوقفوا معاهم في هاليوم ويا رب كلهم ينجحوا ويفرحوا ويتفكروا هاليوم طول عمرهم صَباح الخِير: و الذي هَونها على يونس يهونها علينا حتى إحني

الحمدلله ياربي نحبك شكرا لأنك درتلنا الدموع وسيلة للتخفيف

أي حد يقولك ماتبكيش (اطرقيه كَف)

.🌟🌟🌟🌟🌟🌟

نكره الموقف اللي يجبرني نقول كلام مؤذي بجد نكره إن هالروح الحُلوة الحنينة اللي مافيش زيها في جبر الخواطر يطلع منها هالشيء .

❤️.

هالفترة رجعت مرّة تانية ، نتمنى إنها الاخيرة.

☹️

والله أني إنسانة كيوت حتى مسّاكة شعري معبية ورد وفراشات علاش يصير معاي هكي ):

طبعاً كُل نومة تكون مع بكج كامل من الكوابيس من بداية نومي حتى نهايته

علماً بأن الفترة الأخيرة بديت نرقد في وضعيات مختلفة مثلاً نرقد على اللابتوب ولا نلقاني راقدة على دفتر اليوميات ولا راقدة مقعمزة و راسي على الطاولة ولا راقدة وفي يدي المق والسبب هو إني نتأمل فترة طويلة وبعدها ما نحسش إلا بماما تفيق فيا

بعد مَقّين قهوة و توقعي بالسهر الطويل نلقاني نعسانة وجدًا! وين مشي الكافيين المُضاعف فيه