Termiz tumani Janub gavhari

#yangiruhiyat #ZiyolilarOvozi #Surxondaryo 🇺🇿 “Ziyolilar ovozi”: yoshlar tarbiyasida ma’naviy-ma’rifiy muhitning o‘rni Joriy yilning 14-avgust kuni Termiz shahridagi Termiz muhandislik va agrotexnologiyalar universitetining kichik majlislar zalida Respublika Ma’naviyat va ma’rifat markazi Surxondaryo viloyat bo‘limi tomonidan “Ziyolilar ovozi” loyihasi doirasida navbatdagi seminar-trening tashkil etildi. Unda “Muloqot” nodavlat notijorat tashkiloti ijrochi direktori Dilshod Ibrohimov, “Muloqot” jamoat birlashmasi eksperti, xalqaro toifadagi trener Dadaxon Xushmurodov, shuningdek, nuroniylar, ziyolilar, “Buvijonlar maktabi” a’zolari hamda keng jamoatchilik vakillari ishtirok etdi. Seminar-treningda bugungi globallashuv va axborot oqimi kuchayib borayotgan sharoitda yosh avlodni vatanparvarlik, milliy qadriyatlarga hurmat, yurtga sadoqat, faol fuqarolik pozitsiyasi va yuksak ma’naviyat ruhida tarbiyalash masalalariga alohida e’tibor qaratildi. Tadbir davomida yoshlar bilan samarali muloqot o‘rnatish, ularning dunyoqarashini kengaytirish, hayotiy maqsadlarini to‘g‘ri shakllantirish, turli yot g‘oyalarga qarshi mafkuraviy immunitetini mustahkamlash hamda jamiyatda faol ishtirokini ta’minlash borasida fikr va tajribalar almashildi. Ayniqsa, ziyolilar, nuroniylar va jamoatchilik vakillarining yoshlar tarbiyasidagi mas’uliyati xususida amaliy tavsiyalar bildirildi. Zero, yosh avlodning ma’naviy kamoloti, avvalo, oilada, mahallada va jamiyatdagi sog‘lom ma’naviy muhit bilan chambarchas bog‘liq. “Ziyolilar ovozi” loyihasi doirasidagi bunday uchrashuvlar ezgu maqsadlar atrofida birlashtirish, yoshlar bilan ochiq va samimiy muloqotni kuchaytirish hamda ularni Vatanga muhabbat va daxldorlik ruhida tarbiyalashda muhim ahamiyat kasb etadi. 📌 Ma’naviyatli yosh — Vatan kelajagining mustahkam poydevoridir!  ✅Bizni kuzatishda davom eting! https://t.me/Janub_javohiri

#yangiruhiyat Termiz qadim zamonlardan beri Sharq va G‘arbni bog‘lab kelgan muhim shahar sifatida tanilgan. U O‘rta Osiyo hududidagi eng qadimgi manzilgohlardan biri bo‘lib, Buyuk Ipak yo‘li orqali turli xalqlar va madaniyatlarning uchrashuv nuqtasiga aylangan. Kushonlar saltanati davrida shahar siyosiy va madaniy hayotda muhim o‘rin egallab, yirik markaz darajasiga ko‘tarildi. Aynan shu davrda buddaviylik madaniyati keng tarqalib, Fayoztepa va Qoratepa kabi tarixiy obidalar bunyod etildi. Keyingi asrlarda islom madaniyatining rivoji bilan Termiz ilm-ma’rifat markaziga aylandi va Imom Termiziy singari buyuk allomalar shu zamin bag‘ridan yetishib chiqdi. ✅Bizni kuzatishda davom eting! https://t.me/Janub_javohiri

Prezident Shavkat Mirziyoyev Markaziy Osiyo davlatlari bilan hamkorlikni kuchaytirmoqda. #yakdilmintaqa #yangiruhiyat

#Jarayon PQ-49 36.2-band ijrosi yuzasidan Termiz tumani mahallalarida Respublika Ma’naviyat va ma’rifat markazi Termiz tumani bo‘linmasi tomonidan Ijtimoiy reyestrga kiritilgan oilalar a’zolari ishtirokida “Faol mahalla – farovon hayot” mavzusida ma’naviy-ma’rifiy tadbirlar tashkil etildi. Shuningdek, fuqarolarda mehnatsevarlik, tashabbuskorlik va faol fuqarolik pozitsiyasini shakllantirish, boqimandalik kayfiyatidan voz kechishga undash maqsadida “Boqimandalikdan voz kechganlar hikoyasi” mavzusida davra suhbatlari o‘tkazildi. Tadbirlar davomida ishtirokchilarga o‘z imkoniyatlaridan samarali foydalanish, mehnat orqali oilaviy farovonlikka erishish hamda jamiyat hayotida faol ishtirok etishning ahamiyati tushuntirildi. ✅️Bizni kuzatishda davom eting! t.me/Janubgavhari

#Mustaqillik35 #Uzb35 #Surxondaryo #Biz_OAV_nigohi “Mustaqillik to‘yi” festivallari o‘tkazilmoqda. Surxondaryodan reportaj. ✅Bizni kuzatishda davom eting! https://t.me/Janub_javohiri

#Jarayon #Respublika_Maʼnaviyat_va_ maʼrifat_markazi #Surxondaryo_viloyat_boʻlimi #Muzrabot_tuman_boʻlinmasi Yurtimiz bo‘ylab Mustaqilligimizning 35 yilligi keng nishonlanayotgan shu kunlarda Muzrabot tumanida ham bayramona kayfiyat, ko‘tarinki ruh va bunyodkorlik nafasi hukm surmoqda. ✨ Ko‘chalarimizdagi bayramona bezaklar, fayz-u tarovat va xalqimizning quvonchli chehralari — mustaqil yurtimizning bugungi obod va farovon hayotidan dalolat! 🇺🇿 Mustaqillik — xalqimizning eng ulug‘ ne’mati, erkin va farovon kelajagimizning mustahkam poydevoridir. Bizni kuzatishda davom eting👇 ✅https://t.me/RMMMMUZRABOT