عَـ

على صاحبٍ لو قلت أبا أنساه كيف أنساه؟ قضى العمر في حبّه وانا صابرٍ لـ أجله — شقير الجذع

من الملامح ، مالحق صوتي اجحاف المدح فيك ، اوّل فصول السكينه ياللي تقولين البدر كامل اوصاف البدر ناقص ، وانتي تكملينه — محمد بن ماجد

يافارق الجيد عن كل الغيد في كل حال مشاعري في خفوقي ولعت نارها ترا الغلا لك لحالك ، مال غيرك مجال وضلوع صدري " عليك مقفل اسوارها " الشوق مايرحم الخفاق والصبر طال يا " نجد " خلي هبوبك تنقل اخبارها معاد فيني على سهر الليال احتمال اللّٰه ولا الغيبه ، اللي طال مشوارها يا بهجة الروح يا حلو النباء والقبال يا درة ، ماعشقها غير بحارها يا آخر مطاف الدلع وآخر حدود الجمال يافرصة في زمنها صعب تكرارها — سفير سالم

أنا من صواديف الدهر ماعلي قصور من العام وظروف الليالي تحدّاني علي السنه دارت والأخرى علي بتدور وأنا في نزاعٍ بين ربعي وخلاني

مثل ما يخاف الذيب من ريحه البارود انا اخاف من طاري المفارق ومن وقته يا من تخطف قلوب البشر ، بـ العيون السود ما خفت الله بـ قلبً ، مع الحب وهقته؟ طواري وحزن وضيقهً مالها مردود هذي كلها فـ القلب ، من يوم فارقته — فهد بن خشمان

ما اعيش السنين سنين ، اعيش السنين اعمار بتوقيت قلبي؟ لا بتوقيت منطقتي يا اعز امنية ما معي قدرة على الاقدار وما زلت متمسك فيك لو ما تحققتي اذا مرّ طاري للقاء ، شفت زولك مار تعلقت بك؟ ولا بـ عيني تعلقتي؟ — عبدالرحمن القوس

ياحبيبي علامك رحت والشوق فـ القلبين رايب حسبي الله على من حدّك لغير شفّك يا حبيبي يا شبيه الخشوف اللي تصوعه نسانيس الهبايب والله أنك بحثت السدّ فك الطليب من الطليبي

وحدة قياس الحب دمع عين اللي بكى أكثر ، يحب أكثر — جمال بندر

الحب صعب تشوف قصة نجاحه ما غير حربٍ تاكل ، اللي يجيها — فهد قطنان

ماجيتك أعلمك كيف المشاعر تدار جيتك بقلبٍ سليم ونيَّةٍ صافيه أنا شعفني هواك وجنّة الحب نار وعيني من النوم مطروفه ومتجافيه شعاف بدوً هواهم من هوى أمّ الحوار لاباردو قد ليالي القيظ متقافيه أقبل إليا شفتني على وشك الانهيار وأقوم مثل المريض اللي أونس العافيه

الشوق في صدري محاصيله وبا ‏الله يستر — لا تزيد الجايحه ‏ليت المحبه مستحبه بالربا ‏تعطي وتاخذ زود حسب اللايحه ‏قفى الحبيب وصارت الارض شهبا ‏مشتاقله ، ومحلله ، ومبايحه ‏فرصة وصاله ؟ تشبه انسام الصبا ‏مهما سعيت اطرد وراها رايحه — ناصر بن شايع

" على البال " ياللي تحسب اني من السالين وانا في جميع حبال الأمال ، متجود على كثر مابيني وبينك ، من الغالين وشهب السنين ، مدلهة كل متعود آوقف على باب الرجاء فيك ، لاذالحين مثل وقفة اللي ، لاتقدم ولا عود — مبارك بن رادعه

يا دار الاحباب كلن له من اسمه نصيب وانا نصيبي من البيبان مقفولها غربت نفسي بنفسي لين صرت الغريب اللي عجز ياصل الديره وهو حولها احتاج لـ اطيب خوي واحتاج لأفضل حبيب لين الغلا والهموم يقل مفعولها

اشهد اني ما نويت المفارق مير صار ‏لا يغرك دمع عيني ليا منه انسكب ‏كم شجيعً ينطح الموت لا ثار الغبار ‏وان دعاه الي يحبه تجيه ام الركب — نواف العصيمي

من الشوق ما باقي لي إلا خفوق وعرق وضلعٍ هزيل ، ودمع ، واوراق محترقه إذا شوفتك لازم من الوقت تسرق سرق ترى ما اجمل من الشوفه اللي تجي سرقه — ياسر التويجري

ولا تزعل ولا يطري عليك تحس بالتقصير " ولا لك ذنب هذي سنةٍ لـ البدو سنوها " قسم بالله مفرحني شعور انك هناك بخير مثل فرحة فقيرٍ " حاجته منه استغلوها "

ليش أميل لضحكتك وأكْسِر لطارفك اِعتدالي؟ ‏وأتمنّى خنجرك ! وأبدأ نهارَك ، وأنتهي له ‏لا تحاول تشرح أسباب الرحيل ولا تبالي ‏صدّة العشّاق ، مثل الفارس اللي زلّ خيْله والسّنين إن غرّبت صوتي، وخلَّتني لحالي أدري إنها ما تكون بـ حضرتك إلَّا جميله — محمد السلطان

انا احبك قد حبات الرمال ماني مدور من ورا حبك بدل وانا الثقيل اللي يحب الاعتدال لكن معك لايمكن اصبح مُعتدل — مفرج سعد المسيلم