Jondor tuman DMTTlar faoliyatidagi yangiliklar (Rasmiy kanal)

#mustaqillik35   Jondor tumanida yangi xususiy bog‘cha o‘z faoliyatini boshladi   Jondor tumanida maktabgacha ta’lim qamrovini kengaytirish, yosh avlodga sifatli ta’lim va tarbiya berish uchun zamonaviy shart-sharoitlar yaratish borasidagi ishlar izchil davom etmoqda. Mamlakatimiz mustaqilligining 35 yilligi bayrami arafasida tumanda “Bilag‘on bolajon” nomli yangi xususiy maktabgacha ta’lim tashkiloti foydalanishga topshirildi va o‘z faoliyatini rasman boshladi. Ushbu zamonaviy maskanning ishga tushirilishi tuman ahliga, ayniqsa, kichkintoylarga eng ulug‘, eng aziz bayram oldidan munosib tuhfa bo‘ldi.   Ushbu ta’lim maskani 50 o‘ringa mo‘ljallangan bo‘lib, bu yerda bolalarning har tomonlama barkamol rivojlanishi, ularning xavfsiz va samimiy muhitda vaqt o‘tkazishlari uchun barcha qulayliklar yaratilgan.   👉batafsil   https://telegra.ph/mustaqillik35-08-12   https://t.me/jondortuman

Yana bir quvonchli xabar! Jondor tumanidagi "Shaxlobonu" maktabgacha ta'lim tashkiloti tarbiyalanuvchilari Toshkent shahrida bo'lib o'tgan, 7 davlat ishtirok etgan xalqaro badiiy gimnastika musobaqasida munosib ishtirok etishdi. Musobaqada yosh bilimdonlarimiz quyidagi natijalarni qo'lga kiritishdi: Ramazonova Afruza, Sharopova Salima, Sayfiddinova Sug'diyona — 1-o'rin, Hasanova Sabrina, Shoimova Shahrizoda 2-o'rinni egalladilar. Farzandlarining bu yutuqlari ota-onalar, ustozlar va butun Jondor ahli uchun faxr va g'ururdir. Shuningdek, trener Igamova Dilorom Xayitovnaga yosh iste'dodlarni tarbiyalash yo'lidagi fidokorona mehnati uchun alohida minnatdorlik bildiramiz. https://t.me/jondortuman