قناة جود كربلاء للقصائد الحسينية

لطميه للامام الرضا عليه السلام ( للرضا الليله العزيه ) للرضا الليله العزيه         ويه اخته الهاشميه شال لديار البعيده     واخته بت امه تريده عيونهه تهل وچريه          للرضا الليله العزيه 🏴🏴💔🏴🏴 عيونهه تهل عشره عشره          اتصيح يبن امي الحنين حيل علمك دولباني          وماگطع گلبي الونين بسمهم يسموك خويه            ليش گوم الضالمين انته معصوم وامام        من السم اعيونك تنام هاي ابد ماهي اشويه              للرضا الليله العزيه 🏴🏴💔🏴🏴 من السم اتغمض اعيونك          ليش يبن امي وتموت وانت ابن خير الخلايق            والسم بگلبك يفوت حگهه عيني تهل دمعهه     وحگهه روحي اتصيح صوت هاذه ابن امي الحنينه            ليش هيچ مسممينه نذال ماعدهم حميه         للرضا الليله العزيه 🏴🏴💔🏴🏴 هاذه ابن امي الحنينه          وهاذه اخوي وهيبتي انه معصومه يوادم           ومني طفو شمعتي عالرضا ذابت مهچتي          وتهل ضلت دمعتي دمعتي تهل وتسيل        فراگ ابن امي ثچيل يصعب فراگه عليه          للرضا الليله العزيه 🏴🏴💔🏴🏴 روحي ماتحمل افراگه            فراگه دولاب وقهر حيل غالي اعليه اخويه           وهوه اغلى من النضر اشتگي لربي مصابي              لوعوني بهالشهر لوعوني وعذبوني       وطفو السموه اعيوني يشيل صعبه من اديه           للوضا الليله العزيه 🏴🏴💔🏴🏴 من اديه يروح اخوي             شلون بلوه بلوتي هوه نور العين هوه        وهوه خيمه وعزوتي لاتلوموني يوادم        من اون لمصيبتي مصيبه الضامن چبيره            ميت وماله عشيره يمه بس گوم الدعيه          للرضا الليله العزيه 🏴🏴💔🏴🏴 ✍️لخادمة اهل البيت ع الشاعره ام عون الحلاويه غير مبري الذمه من يحذف اسم الشاعرة او ينسب الرثاء لشخص اخر

فزاعيه للأمام الرضا ؏ ( كل شيعته حزنانه ) بمصاب مولانه الرضا كل شيعته حزنانه ❥━──➸➽❥💔❥━──➸➽❥💔 آ يالرضا أو يمصيبته والحيل هدت قصته وچا وين عنه عيلته ومسموم يا مولانه ❥━──➸➽❥💔❥━──➸➽❥💔 آ يالرضا أو يعلومه روحه گضت مهمومه بالغرب وأصل يومه وما رحمته عدوانه ❥━──➸➽❥💔❥━──➸➽❥💔 المأمون سماه أبحقد وأيلوج صار أمن الچبد اليوم كل حيله يهد ويحن بگه الأوطانه ❥━──➸➽❥💔❥━──➸➽❥💔 وأبعيد عن أرض الوطن لحبابه هالليله يحن يا حيف بالسم ممتحن تحضر يريد أخوانه ❥━──➸➽❥💔❥━──➸➽❥💔 والرضا وحده بالغرب والدمع من عينه يصب وأخته الحزينه تنتحب هذا اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢٨ من شهر صفر الحرام الموافق / ٢٠٢٦/٨/١٢

قصيده للرسول محمد ص تقرء على طور مله باسم هاليله حيدر دمعته تسيل المستهل اليوم الزچيه ايروعوها نلطم اوياها بفكد ابوها •───✧◐◐✧───• نواسي الزچيه بالنبي اليوم بمصاب ابوها الكلب مهضوم اليله علي عالنبي مالوم اليوم الجنازه ايشيعوها نلطم اوياها بفكد ابوها •───✧◐◐✧───• محنيه فاطم بالعزه تنوح تلطم لبوها بدمع مسفوح من الدار شايل ماخذالروح اليوم الزجيه يروعوها نلطم اوياها بفكدابوها •───✧◐◐✧───• وين اليصيح ابعالي الصوت شال الرسول ورحل للموت وام الحسن ونتها بسكوت موجوعه والكوم اضربوها نلطم اوياها بفكد ابوها •───✧◐◐✧───• اليوم اليتامه حالها شلون بالباب اجو للزهره يبجون عالنبي ناحو مايسكتون للدار لم حسين اجوها نلطم اوياها بفكد ابوها •───✧◐◐✧───• من اليوم يازهره تحضري بس الله يعلم شنهو يجري من الكوم شتسوي يدهري بنت النبي وسفه اسطروها نلطم اوياها بفكد ابوها •───✧◐◐✧───• اهدي ثواب القصيده الى روح النبي محمد ص بقلم المله والشاعره ام علي الأماره غير مبري الذمه اليحذف اسم الشاعره وينسب الكلام له

#حصريآ 🔥🔥 رباطات للرسول نهاية عزاااء #هوسه نصبوها الچوادر للنبي اليلـه حيدر عالنبي مهدود كل حيله لفراكه انحنه والمدمع يسيله يبچي عله فراكه  يبچي عله افراكه حيدر شييعـه ويبچي عله فراكه •───✧◐◐✧───• #رباطات حيدر حنه ظهره   حيدر حنه ظهره ومن شال النبي  حيدر حنه ظهره •───✧◐◐✧───• والدنيا مرجونه   والدنيا مرجونه بيوم المات طاها   الدنيا مرجونه •───✧◐◐✧───• حيدر يواسونه   حيدر يواسونه الشيعه اعله النبي   حيدر يواسونه •───✧◐◐✧───• واظلمة دنيانه   واظلمة ديوانه من طاح العميد  اظلمة دنيانه •───✧◐◐✧───• لطمة حماسيه   لطمه حماسيه نلطم للنبي لطمه حماسيه •───✧◐◐✧───• ومنچ يشيعيه   ومنچ يشيعيه لطمة معدله منچ يشيعيه •───✧◐◐✧───• والزهره ويانه   والزهره ويانه نون لمصاب ابوها الزهره ويانه •───✧◐◐✧───• بقلم المله والشاعره ام علي الأماره غير مبري الذمه اليحذف اسم الشاعره وينسب الكلام له العمل مهدات الى مولاي صاحب الزمان عج

شده للرسول ص *** نصبت فاتحه الزهره اعله والدهه وبدار الحزن تنعاه وحدهه * غريبه إخلاف أبوهه البين خلاهه ولاعدهه حنينه اتنوح وياهه اجينه لفاطمه نبجي اعله بلواهه عله مصاب النبي كلنه نساعدهه * نلطم عالصدر جينه نواسيهه الفكدت عزهه والعدوان توليهه هاي الدمعه يامولاتي شوفيهه ياهو الكال امنه أحباب ماعدهه * مجروحة كلب من دنيه غداره تدير العين ابوهه خاليه ادياره تدور عالمحنه فاطمه دواره راح اللي يشيل الدمعه من خدهه * تحن لأيامهه الحلوات يوميه وتذكر كعدته وياهه عصريه من راح الأبو وشحال البنيه والبويه بعد  يانوح اليردهه * من شال النبي وعيونهه متنام منعوهه البجي عدوانهه الظلام دار احزان يبنيهه علي الضرغام ليل إنهار تبجي والوكت ضدهه * أنيس الروح ابوهه وللكلب سلوه يكلهه أم ابوهه الروح إلج فدوه عافاهه بحزن وبنوح تتلوه سل منهه الجسم والشوك ماردهه ** مامتعوده ام حسين عالهجران دنينتهه جنت آ يالنبي العدنان طفوا شمعة شباب ابنيتك العدوان مكسورة ضلع بالموت شاهدهه * أم علي الكاظمي

نعي  للنبي ص .... بويه ثاري البيت ظلمه بغير وليان وياهو الي يسد وحشت الخلان ظلت بس صور تحظن الحيطان وين امشي واعاين الك نيشان انه بلياك اعيش شلون ماكان جنت خيمه وعلي بالشده صيوان ..... انه الزهره يبويه وفك العيون حاجيني اعيش بدونك شلون انه بياحال لونعشك يشيلون ورادوا جسمك الطاهر يدفنون خيعون اليموت وياك خيعون .... بويه وصيت بيه لوعفتني يريت بعينك خلافك شفتني تعت بيه المصايب جتفتني انه الزهره يبويه معرفتني .... تعالي هنا ييمه وخل احاجيج واريد انعه عله مصابي وبجيج هليله ابواجي انجيب طاريج مخنوكه ونخيت وعيني اعليج ....... بويه خلافك صفت ظلمه المدينه تجينه لوبعد ماظن تجينه شفت نعشك يبويه شايلينه صحت يمه خديجه شلون بينه من عدنه مشه غفله نبينه ابوي وجان هيبتنه اولينه ...... بويه عله ياباب اكعد حته اتانيك واتلكاك من تجبل واحييك واسولفلك عله جروحي واحاجيك يريت الموت بينه ولايمر بيك صفت بتك يبويه محسره عليك شفتك منطرح ومسبل ايديك اعاين ماتحرك شعجب رجليك اثاريك ميت بويه اثاريك ......... علي الحاج الصبيحاوي

قصيدة مربعة لشهادة النبي مجلسنه انعقد للهادي هالليلة حضرت فاطمة والمدمع تسيلة ــــــــــــــــــــــــــــــــــ ننصب فاتحة ونلطم على امصابة الزهرة حاضرة واتصيح يا يابة طويل افراگ ابوهه ايطول يغيابه نعازي حيدره وخطوات نمشييله ــــــــــــــــــــــــــــــــــ نعازي حيدره وانروح مشـاية ابكل مجلس عزاء انعلگ الراية تجينه ام الحسن من تسمع اقراية على الهادي تنوح الشيعة تبچيلة ــــــــــــــــــــــــــــــــــ على الهادي تنوح وتكسر الخاطر ما يدري النبي بالزاچية اشصاير اشيصير ابحالهه ابطلعت فجر باچر اعداه اهل السقيفه امدبرة الحيلة ــــــــــــــــــــــــــــــــــ اعداه اهل السقيفه تسطر الزهرة ابو ابراهيم حفرو ياوسف گبره يضربوهه اعله خدها وتوجع السطرة بيت احزان يبني حامي ادخيلة ــــــــــــــــــــــــــــــــــ بيت احزاان تبچي اعله الولي وتنعه شدنه اللطم وانعازي البضـــعه ويه فاطمة المختار خنودعة تسجل الحاضر والطلب تگضيله ــــــــــــــــــــــــــــــــــ تشوف الحاضرة الزهرة تسجلكم تسمع هالعزة تلطم الطمتكم مذخورة اعله ابوها هاي دمعتكم ترفع چف اديهه الحضر تدعيله ــــــــــــــــــــــــــــــــــ تمت بعون الله تعالى بقلم الخادمة ام وليـــ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي

لطميه  لنبي ص ومعانات  فاطمه ع وين  البجت  وياها      راح الابو  وخلاها ضلت تون بالديران  وتنحب ابيت الاحزان راح  الابو  وخلاها ........... من راح  ابوها وفكدته ضلت تجر بالونات لاعنت  ولاهودت ولانشف مجره الدمعات ايام مرت بأم حسن وساعات كلش صعبات من يوم ودعها النبي  والنعش خلاها وفات واندفن حدر التربان . وتنحب ابيت الاحزان راح الابو  وخلاها ............... من يوم منه ايست  وجثت  النبي دفنوها مابطلت  من البجه وحتى  الخلك  ملوها فرض عليها اهل الرده ومن البجه منعوها انعزلت ابيت الحزن وبعده العده هضموها وحيدر يون وحيران .. وتنحب ابيت الاحزان راح  الابو  وخلاها .......... حيدر تحير ياخلك  ودمعه  يصب  عليها من تاخذ حسين وحسن ودموعها  تجريها تبجي عله ابوها وفركته وحزن الكلب ماذيها وتصيح جدكم ماتجي ويشوف بته شبيها  اسوت  خلافه العدوان .. تنحب بيت الاحزان راح  الابو  وخلاها ........... ياريت  يحضرها النبي ويشوف حال الزهره من تمشي مشية منكسر وخاطر حسين تكسره يتكابلون  عله البجه  وحسره تجر   بحسره يصيحون يمه فاطمه  والعين  تهمل  عبره  جاوين جدنه العدنان.. تنحب بيت  الاحزان راح الابو  وخلاها ............. غمض ابوها ومادره  بالزهره غدرت كومه بالباب  عصرو فاطمه ومن الضلع  مالومه المن تروح وتشتكي ضيم الكلب  وهمومه خلص عمرها بالحزن بته ومشت  مضلومه للحزن خلت عنوان.. تنحب ابيت  الاحزان راح الابو  وخلاها ✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء الثاني عشر المآسي الزينبيه

.      واويـلاه     داره خـلــيـــه        واويـلاه     سـيد الـبــريـه        واويـلاه     هــاي الـرزيّــه                                      *---------------*---------------* اللـيلـه الـكـون مـظـلـم كـلـه بـغـيـابـه نـبـي الرحمه الـوكـف جبريل بـعـتـابـه دمــوع العين لـجـلـه بحسره سـجـابـه بـوداعـه الـحـزن لـيـنـه انـفــتـح بـابـه         لـلـمـخـتـار     نـنـصـب عـزيـه                                      *---------------*---------------* خـلـه بـكـل گـلـب نـيـرانـه والجـمـره الـلـه ايعين گـلـبـچ فـاطـمـه الـزهـره كـسـر المصطفى يصعب بـعـد جـبـره تـرك بـيـنه الـدمـوع الجاريـه وعَـبـره        مـانـنـسـاه     حـد الـمـنـيـه                                      *---------------*---------------* الـهـادي الـچـان نوره مـنـوّر الـسـبـعـه رحـل والـدار ضـلـت تـلـطــم وتـنـعــه انفجعت كلهه بـمـصابـه وتـهـل دمـعـه ونـظـام الـكون هاليله اختلف وضـعـه       يـامـعـبـود       صـبـر الـزچـيـه                                      *---------------*---------------* على الـعـتـره الصحابـه اتـأمـروا بعـده ركـضـوا لـلـسـقـيـفـه ومـاوفـوا وعـده بس حـيـدر عـلينـه الـوسـّده بـالـحـده وتسيل ادموعه حسره وحفـرت بخده      بـالـدمـعـات      حامـي الـحـمـيه                                      *---------------*---------------* عـافـوا نـور ربـنـه وعـاشـوا بـظـلـمـه الگالـوا صـحـابـه اهـل الـجـهـل هُـمـه بجـهلهـم مـارعـوا عـتـرت نـبـي الأمـه حـيـدر ينچتف هظمـه وشـنـو جـرمـه      يـالأصـحـاب     ويـن الـوصـيـه                                      *---------------*---------------* مـنـهـم راح يـشـكـي المصطفى الـربـه كظم غيضه وأذيتـه بمضامره وگـلـبـه أنـحرفـو عـن طريـقـه وخـالـفـو دربـه ذولـه أعـداء كـلـهـم ما اظـن صـحـبـه       مـايـدرون     عـدنـه قـضـيـه                                      *---------------*---------------* ✍خادم الرسول الأكرم الشاعر رعـد الجـريـخـي

لطميه للرسول ﷺ ( تبچي اليوم حزنانه ) وأم حسين تبچي اليوم حزنانه خالي يالرسول المصطفى أمچانه ❥━──➸➽❥💔❥━──➸➽❥💔 خالي يالرسول أمچانه بدياره وحشه وأنطفن من حمّل أنواره وعگبه الدين ويلي طاحن أسواره فرغ برض المدينه الوالي ديوانه ❥━──➸➽❥💔❥━──➸➽❥💔 فارغ من گعدته وكشخته الليله وبدياره تنوح أو تنحب العيله حبيب الله مشه وحيدر أنهد حيله طلع بيه الوصي أملثم أو دفانه ❥━──➸➽❥💔❥━──➸➽❥💔 صاحت فاطمه لا تمشي يا يابه وأتعوف الدموع أبعيني سچابه وجهك يالحنين أيعذب أغيابه وبالگعده أنفگد يا شخصك أويانه ❥━──➸➽❥💔❥━──➸➽❥💔 مشه عن المدينه وحيدر أدموعه يجرن وأنحنت من فرگته أضلوعه والزهره أبمصابه أتنوح مفجوعه أنسد يالأسس الأسلام ديوانه ❥━──➸➽❥💔❥━──➸➽❥💔 شايل للگبر والزهره مهضومه وحيل أثگيل وأيهد يالأبو يومه وبتراب اللحد غطوهن أرسومه والزهره الزچيه اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢١ من شهر صفر الحرام الموافق / ٢٠٢٦/٨/٥

لطميه للرسول ﷺ ( تبچي اليوم حزنانه ) وأم حسين تبچي اليوم حزنانه خالي يالرسول المصطفى أمچانه ❥━──➸➽❥💔❥━──➸➽❥💔 خالي يالرسول أمچانه بدياره وحشه وأنطفن من حمّل أنواره وعگبه الدين ويلي طاحن أسواره فرغ برض المدينه الوالي ديوانه ❥━──➸➽❥💔❥━──➸➽❥💔 فارغ من گعدته وكشخته الليله وبدياره تنوح أو تنحب العيله حبيب الله مشه وحيدر أنهد حيله طلع بيه الوصي أملثم أو دفانه ❥━──➸➽❥💔❥━──➸➽❥💔 صاحت فاطمه لا تمشي يا يابه وأتعوف الدموع أبعيني سچابه وجهك يالحنين أيعذب أغيابه وبالگعده أنفگد يا شخصك أويانه ❥━──➸➽❥💔❥━──➸➽❥💔 مشه عن المدينه وحيدر أدموعه يجرن وأنحنت من فرگته أضلوعه والزهره أبمصابه أتنوح مفجوعه أنسد يالأسس الأسلام ديوانه ❥━──➸➽❥💔❥━──➸➽❥💔 شايل للگبر والزهره مهضومه وحيل أثگيل وأيهد يالأبو يومه وبتراب اللحد غطوهن أرسومه والزهره الزچيه اليوم نحلانه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الأربعاء / ٢١ من شهر صفر الحرام الموافق / ٢٠٢٦/٨/٥

لطميه للرسول ﷺ ( يا وسفه أو هضيمه ) أبوي أشلون عافاني يتيمه                        يا وسفه أو هضيمه چان أعليه أبو أبراهيم خيمه                        يا وسفه أو هضيمه ضمه أتراب الأگبور ••• هذا الچان الي سور يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 وينه والدي خلوني أشوفه وياه أرد أبات أو ما أعوفه كعبة شوك چان أو لليطوفه جرح گلبي بعد عينه أشيروفه حيف اليوم مفگود ••• خله الحيل مهدود يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 يوميه أذكر الحلوه ضحكته وأذكر ذيچ أيامه أو گعدته أصدن خاليه أو ضلمه حجرته حمل للگبر نام أبحفرته يا جد بزري وينك ••• بعد ما شوف عينك يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 ريت الموت ياخذني أو يخليك ولا شوف الرمل بويه يغطيك ساكت ليش ما تحچي أمن أحاچيك يعميني الدمع من أبچي أعليك يالبلروح أنه أهواك ••• خلصت عشرتي أوياك يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 ضماك الگبر بويه يالأحنين وأفراگك كلف وأيعذب حسين يا شيخ الهواشم يا ضوه العين سهمي أخلاف عينك نوح وأونين شيردك عليه ••• يا راعي الحميه يا وسفه أو هضيمه يا وسفه أو هضيمه ❥━──➸➽❥💔❥━──➸➽❥💔 أنه الزهره لن أنته أصبحت ماي أريد أوياك أموت وهاي رجواي بشرني قبل لا ترحل وهاي بيهه الفرحه ما توصلهه دنياي بعدك روحي تطفه ••• لا تضن عيني تغفه يا وسفه وهضميه يا وسفه وهضيمه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* كُتبت الثلاثاء / ٩ من شهر صفر الحرام الموافق / ٢٠٢٢/٩/٦

فزاعيه للرسول ﷺ ( ناصب عزيه الليله ) حيدر على طه النبي    ناصب عزيه الليله ❥━──➸➽❥💔❥━──➸➽❥💔 هالليله حيدر ينتحب يفراگ أبو الزهره صعب من شافه غطاه الترب ذب الأعمامه أو دمعه ضل أيسيله ❥━──➸➽❥💔❥━──➸➽❥💔 ذب الأعمامه أبو الحسن وأعلى النبي طه يون شخصه بالأتراب أندفن والبسمه راحت عگبه من العيله ❥━──➸➽❥💔❥━──➸➽❥💔 صوت العزيه أبكل كتر والكون أضلم وأنفطر فگده كسر وسفه الضهر والزهره بالدار أبحزن تبچيله ❥━──➸➽❥💔❥━──➸➽❥💔 يا شيعه هذا أول جرح بي مات يا وسفه الصبح فگد النبي يذبح ذبح أمن أفراگ جده حسين منهد حيله ❥━──➸➽❥💔❥━──➸➽❥💔 وسدو جسمه باللحد ما ضن على أعياله يرد والزهره لمچانه تصد خالي والفرگه أشگد عليهه أثگيله ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الخميس / ٢٢ من شهر صفر الحرام الموافق / ٢٠٢٦/٨/٦

فزاعيه للرسول ﷺ ( والزهره گطع بيهه ) يا شيخ الهواشم شال والزهره گطع بيهه ❥━──➸➽❥💔❥━──➸➽❥💔 شال المصطفى ياسين والزهره تجر أونين ما غمضت منهه العين أبوهه أفراگه ماذيهه ❥━──➸➽❥💔❥━──➸➽❥💔 شال الچان ساندهه وعاف أدموعهه أبخدهه وحيدر ينتحب عدهه أتواسيه ويواسيهه ❥━──➸➽❥💔❥━──➸➽❥💔 ماذيهه الحزن والنوح وأمترّس گلبهه أجروح أفراگ الأبو أيهد الروح وياهو العگبه يحميهه ❥━──➸➽❥💔❥━──➸➽❥💔 شال الهاشمي الهيبه وتسعر نار الأمصيبه تبچي الزاچيه أبريبه ويا دمعتهه تچويهه ❥━──➸➽❥💔❥━──➸➽❥💔 وين الأسس الأسلام شال وعاف عنده أيتام الزهره الليل لا متنام بس تبچي أعلى واليهه ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الجمعة / ٢٣ من شهر صفر الحرام الموافق / ٢٠٢٦/٨/٧

لطميه للرسول ﷺ ( جد أبني الحنين ) جد أبني الحنين   اليوم ضيعته ولأرض المگبره شايل وودعته ❥━──➸➽❥💔❥━──➸➽❥💔 جد أبني الحنين اليوم يتمني شال الچان يوميه يجي أيمرني ودولاب الوكت بفراگه دولبني 《 فارگناه العشنه أبجاله 》 ❥━──➸➽❥💔❥━──➸➽❥💔 وسفه الدار فاگد صوت راعيه جد حسين هذا الروح والريه يحييني صدگ لو مرني طاريه 《 بغيابه أمخربط وضعي 》 ❥━──➸➽❥💔❥━──➸➽❥💔 حزنان الحسن وأيده على خده وما ينلام حگه لو بچه الجده أشوفه أيجر ونين وگاعد الوحده 《 لمچانه أيصد أو يبچي 》 ❥━──➸➽❥💔❥━──➸➽❥💔 الجد أبني أبدليلي النار ما تطفه وبيه أجروح اله وسط الگلب كلفه ضلعي ينكسر وأيضل يجر نزفه 《 ياذوني أخلاف أعيونه 》 ❥━──➸➽❥💔❥━──➸➽❥💔 أبوي الما أمعودني على أوداعه حسبت أحساب يرجعلي بعد ساعه خلاني أبحزن والروح مرتاعه 《 هد حيلي أفراگ الحمل 》 ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الجمعة / ٢٣ من شهر صفر الحرام الموافق / ٢٠٢٦/٨/٧

نعي للرسول ﷺ دگ بابنه الموت المسيه مني طلب لگعد أبفيه والحزن طب چودر عليه ❥━──➸➽❥💔❥━──➸➽❥💔 شفت الأبو بفراش موته وأنهدم كل حيلي أبسكوته أتغير يلونه وضاع صوته ❥━──➸➽❥💔❥━──➸➽❥💔 يا بويه عني وين رايح وأبدارنه تعله النوايح والدمع عالوجنات سايح ❥━──➸➽❥💔❥━──➸➽❥💔 غمض أعيونه وراح للموت والجسمه حيدر جاب تابوت وللمگبره بجنازته أيفوت ❥━──➸➽❥💔❥━──➸➽❥💔 شايل الچان بداره هيبه وأبچي بقيت أعليه أبريبه وضليت من عگبه غريبه ❥━──➸➽❥💔❥━──➸➽❥💔 راح الينور الدار ضيه أو ضلت يتيمه الهاشميه وشيعود يا طبته عليه ❥━──➸➽❥💔❥━──➸➽❥💔 بعده طفت يا شمعة الدار وچودر علينه الهم والأكدار صبي الدمع يا عين مدرار ❥━──➸➽❥💔❥━──➸➽❥💔 مهضومه بالدار أو حزينه والينه غاب وگطع بينه وسفه الحزن خيم علينه ❥━──➸➽❥💔❥━──➸➽❥💔 جبريل أينوح اليوم بالكون وكل الملك وياه ينوحون والحسن وي حسين يبچون ❥━──➸➽❥💔❥━──➸➽❥💔 حمل أضعونه الوالد وشال وأمصابه ويلي أيهد الأجبال ودمعي على خديني همال ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* الجمعة / ٢٣ من شهر صفر الحرام الموافق / ٢٠٢٦/٨/٧ أ

لطميه للرسول ﷺ ( يا بيت الرساله ) يا بيت الرساله مضلم الليله أنهد ركنه عگب حاميهه للعيله ❥━──➸➽❥💔❥━──➸➽❥💔 راعي البيت نام ونومته أبلحده وأضلم يخمش الدلال منبعده حيدر بعد أبو الزهره بگه الوحده جالس منحني وأدموم يبچيله ❥━──➸➽❥💔❥━──➸➽❥💔 لا ما ينسمع بعد النبي حسه ومن دار المدينه غربت شمسه والزهره عليه ثوب أسود أتلبسه أمفارگ يا رسول الله مداليله ❥━──➸➽❥💔❥━──➸➽❥💔 يا بيت الرساله والوحي جبريل خالي منبعد طه ويهد الحيل ومحد بي بعد يگدر ينام الليل جد حسين صعب أغيابه شيشيله ❥━──➸➽❥💔❥━──➸➽❥💔 جد حسين شال ويتم الزهره وحيدر وأبمصابه منكسر ضهره ويلي مختنگ هاليوم بالعبره وناصب فاتحه للفرگته أثگيله ❥━──➸➽❥💔❥━──➸➽❥💔 ناصب فاتحه والكل يعازونه فگد المصطفى منه عمه أعيونه وأديار الوطن موحشه ومحزونه والجده الحسن منهدم يا حيله ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* السبت / ٢٤ من شهر صفر الحرام الموافق / ٢٠٢٦/٨/٨

*قصيده للرسول (شيردك اليه)* #من_ديوان_مسير الفواطم_ج٤ ❥━──➸➽❥❂❥━──➸➽❥❂ الله وياك يالرحت من اديه شيردك اليه صارت شوفتك حسره علية شيردك اليه يالماكو بحنانك ... ظل خالي مكانك من بعدك يغالي اشلون بيه شيردك اليه ❥━──➸➽❥❂❥━──➸➽❥❂ توادعنه ورحت عني وعفتني بويه الموت اخذاك تابوتك نظرته وافجعتني گمت اصرخ وانعاك اصيح ابصوت وانت مسمعتني بويه خذني وياك اصيح وزاد وني شلون تروح عني شلون اتنام بويه عالوطيه  شيردك اليه ❥━──➸➽❥❂❥━──➸➽❥❂ تابوتك يبو الروح الحنينه گبال عيوني شالوه ادگ عالراس ظليت وحزينه عني لمن اخذوه عشرتنة گضت واتفارگينة وشخصك بويه دفنوه وسفة ايضمك اتراب ... وشخصك يالابو غاب اطب دارك واهل دمعه جرية شيردك الية ❥━──➸➽❥❂❥━──➸➽❥❂ دارك مظلمه واتهدم الحيل من طبيت الهه تنشدني عليك وذاب الدليل ماادري شگلهه راح الوالي او خلاني بالويل والدمعه اهلهه الدللني مشه وراح وخله اخلافه الجراح بعد متعود گعدتنه سوية شيردك اليه ❥━──➸➽❥❂❥━──➸➽❥❂ ريت اتعودلي واترد الايام ترجعلي يغالي شبسرعة عفتني ابحسره والام والمدمع يلالي انوح اعليك حتى الليل مانام توحشني الليالي مني شيب الراس ايتيمه اصيحلي الناس اسمعهم واون ونه خفيه شيردك اليه ❥━──➸➽❥❂❥━──➸➽❥❂ تدري ابغيبتك شصيحلي الناس سموني يتيمه يتيمه وياحچيهم يجرح احساس شگد صعبه واليمه يالغالي ادگ ظليت عالراس يابويه هظيمه بتك لوعوهه ... ياطاهه وولوهة ريت وياك اخذتني المنيه شيردك اليه ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

لطميه للرسول ﷺ ( يا شمس الحزن ) يا شمس الحزن عالزهره مشراگه ويه المصطفى ما بعد تتلاگه ❥━──➸➽❥💔❥━──➸➽❥💔 أمغرب يالنبي والزهره عافاهه أتنوح وما تنام الليل عيناهه بعد ما ضن يعود أو يگعد أوياهه 《 واليهه الزهره أمغرب 》 ❥━──➸➽❥💔❥━──➸➽❥💔 غاب المصطفى وغابت لياليه وعاف أم الحسن بغيابه محنيه داره موحشه صارت العصريه 《 گعداته أنفگدت بيهه 》 ❥━──➸➽❥💔❥━──➸➽❥💔 نواعيچ يزهره الحيل هدمته والصبر بدمع عيناچ كسرته أبوچ المگبره من عندچ أخذته 《 يفراگه صعبه أو يهدم 》 ❥━──➸➽❥💔❥━──➸➽❥💔 دخلتي الدار شفتي الدار حزنانه ومن طه النبي وگعداته خلوانه أشلون أيموت وأيشيلونه دفانه 《 أيغطونه بتراب الحفره 》 ❥━──➸➽❥💔❥━──➸➽❥💔 أتغطت بالحزن يا دار أبو الزهره وأبگلب الزچيه النار مستعره والدنيه حزينه أو حيل متكدره 《 حزنانه وضلمه الدنيه 》 ❥━──➸➽❥💔❥━──➸➽❥💔 *لخادمة الأمام الحسين 《ع》* *الشاعرة ✍ نشوان الكناني* *غير مبرء الذمة كل من يتلاعب بلقصيدة* السبت / ٢٤ من شهر صفر الحرام الموافق / ٢٠٢٦/٨/٨

فزاعيه للرسول محمد ص من ديوان #العبرة_الفاطمية_جزء_الثامن { مستهل القصيدة } يبو الزهره صعب فركاك لتروح اوتخلينــه ✫───⊹⊰⊹───✫ نعشك شايل ابهليل عليه اتنوح المداليل اصيحن بويه رد ادخيل افراكك ما احملنه ✫───⊹⊰⊹───✫ لتغيب  اوتخليني عليك اتروح يعيوني اخاف اتروح تنساني تره بلياك محزونه ✫───⊹⊰⊹───✫ امحزنه والهضم بيه رايح ماترد ليه اشلون اتعوف البنيه افراكك حيل يجوينه ✫───⊹⊰⊹───✫ يابويه النهار اظلم كلبي اعليك متالم وسفه رايح العالم بعد ياهو اليسالونه ✫───⊹⊰⊹───✫ محد يوصل العلمك انته بلعرش رسمك كبل الكون خط اسمك انته العلم والزينه ✫───⊹⊰⊹───✫ انته امنور الدارين ونته جدحسن وحسين ولزهره تهل العين جي رايح امخلينه ✫───⊹⊰⊹───✫ بقلم الشاعرة ام تحسين بصرة غير مبري الذمة اليحذف اسمها وينسب الكلام له