جُوطـــــــة🇸🇩

افضل القنوات السودانية تجدونها هنا🎊🎉 لحبيبي السابق💔 روايات شهد عبد الله 🌸 بنات الاحفاد🔥 لافضل قناة سودانية 🔥🧨🙊 https://t.me/joinchat/AAAAAEnRqPURS4o6_NcKHg 🔴للاشتراك_في_اللستة 🔴 اضغط هنا

افضل القنوات السودانية تجدونها هنا🎊🎉 لحبيبي السابق💔 روايات شهد عبد الله 🌸 بنات الاحفاد🔥 لافضل قناة سودانية 🔥🧨🙊 https://t.me/joinchat/AAAAAEnRqPURS4o6_NcKHg 🔴للاشتراك_في_اللستة 🔴 اضغط هنا

قررت أني أبعد نفسي عن أي علاقة شكلها وهمي علاقات بتبدا بي كلمة حلوة، ووعود سريعة و زول يقوليك "بحبك" وهو ما عارف عنك أبسط تفاصيلك ما بعرف شنو البتحبو، شنو البضايقك، شنو اهتماماتك، ولا حتى كيف يومك بمر زي ما بقولو "محاولة تعبئة فراغ بفراغ أكبر" العلاقات السريعة دي نهايتها معروفة بتقيف على أول سبب تافه "مالك ما رديت " "ليه ما سألت عني" "إنت اتغيرت " وكأنو العلاقة مبنية على الاتصال، ما على الارتباط مبنية على الإدمان، ما على الود مبنية على لحظة حماس، ما على أساس ثابت الناس اللي بتفتش عن حب جاهز في يوم وليلة، ديل ما دايرين علاقة ديل دايرين شعور مؤقت يملأ فراغهم داخلي  وده أخطر حاجة، لأنو بيبني توقعات ما عندها علاقة بالواقع و وقت الجد أول مطب صغير، العلاقة بتتجمد و بتنتهي الحب الحقيقي ما بجي كده ما بجي من أول "هاي" ولا من أول "صباح الخير يا جميلة" زي ما قال الدحيح " الحب بجي بعد الخصام، بعد الوقفة، بعد التجربة، بعد ما الزول يوريك نفسو وقت الشدة قبل الفرح  ❤" الحب الحقيقي بجي لمن الزول يثبت ليك إنو موجود ما بس لمن يكون عندو مزاج، ولا بس لمن يكون محتاج لاهتمام الحب الحقيقي بجي لمن الزول يقيف معاك، يسندك، يشيل معاك الوجع قبل الفرح ويعرف إنك بشر، تتعب، وتنشغل، وتغلط وما ينسحب من أول زعلة ولا أول سوء تفاهم ي اخونا نحنا محتاجين نرجع نؤمن بالعلاقات البتنمو ببطء ❤ زي الشجرة، ما بتكبر في يوم زي الثقة، ما بتتبني بكلمتين وزي المحبة، ما بتتشكل إلا بعد عشرة وصدق وتفاهم فخلونا نبعد من علاقات الفجأة، وعلاقات السوشيال ميديا، والعلاقات القائمة على "قلبي ارتاح ليك " القلب لو بيسمع كلامو ساي كان كلنا وقعنا في مصايب عند النهاية ❤ خلوكم مع الناس البتثبت  الما بتخاف من المشوار الطويل البتحبك في الزعل قبل الرضا  وفي الخصام قبل الضحكة والبتفهم إنو الحب فعل ما كلمة🫀😪...

مرات التلفون يرن… وإنت تشوف الاسم وتسكت ما عشان بتكره الزول… لكن والله ما عندك نفس للكلام وأحياناً الرسائل تكتر قدامك، تقراها من برا وتقفل التلفون ساي وأحياناً زول يناديك وإنت سامع… لكن تعمل نفسك ما سمعت، لأنك تعبت من الشرح والتبرير في فترات كدا الزول بكون موجود بجسمو… لكن روحُه بعيدة شديد العقل والقلب ياخدوا ليهم إجازة من الناس، من الضغوط، من الوجع الكتير الحاصل لا غرور لا تجاهل… بس خذلان فوق خذلان خلاك تميل للعزلة أكتر من أي شي مرات بننسحب لأنو لو اتكلمنا ما حنلقى الزول البفهمنا صاح وبنسكت لأنو الحاصل جوانا أكبر من أي كلام ممكن يتقال في حاجات بتكسر الزول بي هدوء… لحدي ما يبقى بارد ساكت، وما عندو رغبة يشرح حتى شنو الوجعو فـ لما تلقو زول مختفي، ساكت، ما برد، ولا عندو نفس لأي حاجة… ما تفتكرو متكبر ولا متغير يمكن بس قاعد يحاول يلم روحُه ويرتاح شوية من الدنيا والناس احترموا انسحاب الناس… في ناس والله ساكته ، لكن جواها حـ ـرب كاملة

تعال أقول ليك كلام يمكن يهون عليك حاجات كتيرة جواك.. مرة سمعت جملة وقعدت معلقة في بالي شديد، بتقول: ( الزول الراضي، ربنا بيفتح ليهو أبواب الطمأنينة وين ما كان.. والزول السخطان، حتى لو الدنيا كلها قدامو بحسها ضيقة) والكلام دا حقيقي بصورة ما بتتخيلها.. لأنو الرضا ما معناه إنو حياتك كاملة وما فيها تعب، لا.. الرضا معناه إنك مؤمن إنو ربنا عارف الحاصل ليك أكتر منك، وإنو كل تأخير، وكل كسر، وكل فقد.. وراه حكمة وخير يمكن إنت هسي ما شايفو في ناس ظروفهم صعبة شديد، لكن عندهم راحة نفس غريبة.. وفي ناس عندهم كل حاجه، لكن قلوبهم تعبانة ومكتومة. الفرق الحقيقي مرات ما في الحياة ذاتها.. الفرق في الرضا أول ما ترضى، بتحس إنو قلبك خف.. الهم ذاتو ببقى أهون، والدعوة أقرب، والصبر ببقى عندك بطريقة ما كنت متوقعها. وربنا سبحانه وتعالى كريم شديد.. أي زول رضي وصبر، بعوضو بطريقة تخليهو ينسى كمية الوجع العدا بيها مرات ربنا يمنع عنك حاجه إنت دايرها عشان يحميك، ومرات يأخّر ليك حاجه عشان تجيك في الزمن الصح، ومرات يكسر خاطرك من جهة.. عشان يجبرك من ألف جهة تانية. فعلاً… الرضا ما بغيّر الظروف بس، الرضا بغيّر إحساسك بالحياة كلها 🤍.

بكل النرجسية الفي الدنيا ❤️🦋 كل يوم بتأكد إنو البخسر قلبي صعب يلاقي زيو تاني ، يمكن ما بقدم حاجات كتيره لكن كل البقدمه مهما كان بسيط فأنا بقدمه بمنتهي الصدق والعفويه وبكل الحب الفي الدنيا بجد ، يمكن اكون ما أحسن شخصيه ف المواساه لكن أكتر شخصية ممكن تسمعك وتفضل جنبك وتزعل على زعلك وتدعي ليك لما تبقى كويس .. قلبي ما بيعرف يأذي ولا يكره ولا يحس بحاجه مزيفة أو تطلع منو مشاعر ما حقيقية ، حأفضل طول عمري ممتنة لربنا انه رزقني بالقلب ده ....❤️🦋

أنا ما بقيت قوية فجأة، أنا بس تعبت من كل مرة أوقع وألقى نفسي براي. تعبت من إني أشرح وجعي للناس وهم ما فاهمين، ومن إني أدي مشاعري لناس ما بتعرف قيمتها. عشان كدا اتغيرت… بقيت أختار راحتي قبل أي زول، وأسكت بدل ما أبرر، وأمشي بدل ما أترجى البقاء. أنا الليالي البكتني علمتني كيف أضحك بدون ما أحتاج حد، والمواقف القاسية علمتني إنو الثقة بالنفس أهم من ألف حضن مزيف. بقيت بعرف قيمتي كويس، وعارفه إنو أي مكان ما يضيف لي سلام، ما بستحقني. ما أي زعل بيكسرني، وما أي غياب بهزني، لأنو في مرحلة معينة الإنسان بفهم إنو القوة ما في القسوة… القوة في إنك تقدر تكمل رغم كل التعب الجواك. أنا ما كاملة، لكني نجوت من حاجات كانت كفاية تهد أي شخص. وكل مرة الحياة حاولت تطفيني، كنت برجع أقوى، أهدى، وأوعى. عشان كدا الليلة ما بخاف من الخسارة، ولا من التغيير، ولا من الناس البتمشي. البخاف فعلاً إنو أرجع النسخة الضعيفة البترضى بالقليل وتسكت على الوجع. أنا استحق نفسي، واستحق السلام، واستحق الناس البتعرف قيمتي بدون ما أطلب منهم. وأي حاجة حاولت تكسرني؟ شكراً ليها… لأنها صنعت النسخة دي مني.

ما أتغيرت، بس لو أنت رخيت أنا بفكك..!" =إنك تتعامل معاي ببواقي مشاعر، وكأني " شاحداك".. أو بتحايل عليك.. فهنا أنت ما مجبور تتعامل معاي، ولا أنا مجبوره إتعامل مع إنسان بخيل ..! = بالنسبة لي.. طول ما أنت كويس معاي، طول ما انا حافضل شايلاك فوق رأسي.. بس أول ما أحس إني ما مرحب بي أو بتتعامل معاي " بالسيسي" وكأنك مجبور على.. فهنا حامشي ومن غير سلام..! " ما أنا البشيل بواقي مشاعر يا بطل..!" = طالما أنا شايفاك " فاضي" لغيري، وبتضحك والدنيا حلوه معاك... يبقى " إنك مشغول" مجرد شماعه بتعلق عليها "خيبتك "..! " إتعلمو أمشو وسيبو أي إنسان رافض وجودكم.." #وفي_النهاية.. = خليك عارف.. أنا ما من النوع البيدس ويخترع أسباب للغياب... أنا ببعد بطريقة واضحة "بمعنى.. " أنا هنا.. وفاضية وبقرأ رسائلك وبشوف مكالمتك، بس أنا ما عايزاك ..!" " خلونا متفقين الإنسان البالو طويل، لما يقرر يمشي ما بيرجع تاني..❤️‍🩹

التمسك بي زول معين مرات ما بكون عشان هو احسن زول في الدنيا لاكن عشان هو لمس حتة جواك ما قدر زول يصلها بتلقى نفسك متعلق بيهو حتى لو التعب منو اكثر من الفرح وحتى لو الغياب بيوجع اكثر من الحضور وبتفضل ماسك فيهو كأنو لو سبتو حتفقد جزء منك ما ح يرجع تاني المشكلة ما في الزول زاتو المشكله في الشعور لانو هو الوحيد القلبك رادو عشان كدا بتلقى روحك بتدافع عنو حتى ضد نفسك بتلقى قلبك بيسامحو قبل عقلك ما يقتنع وفي النهايه بتكتشف انو التمسك ما حب ساي مرات خوف من الفراق ومن انك تبدأ مع زول جديد مع زول ما بيعرف وجعك القديم لاكن الحقيقة المرة انو اي زول بيخليك تتعب من ترتاح ما مفروض تتمسك بيهو للدرجة دي لانو الحب الحقيقي ما مفروض يكون حرب بين قلبك وعقلك

مساء الخير يا جميل🫂💗!!حبيت أقول ليك أوعى تخت نفسك خيار في حياة زول🫂💗.. عُمرك ما ترضى بالإحتمالات.. إنسان يخليك تسال نفسك إنت وين في حياتو إتجاوزو عادي مهما كان غالي عندك💗😴!! إنسان ما عرف يختك في المكان البتستاهلو يبقى هو زاتو ما يستاهل المكانة الخاتيهو فيها💗😴.!! ما ترضو بالمُنتصف.. ما ترضو بأشباه العلاقات والعلاقات المن غير مسمى💗😴.!! زي ما في شخص شايف إنك ما بتستاهل مكانة واضحة في حياتو في غيرو شايف إنك تستاهل تكون محور كونو💗🫂..!! التجاوز صعب بس علامات الإستفهام الما بتلقى ليها إجابة أصعب😴!! لمن تغير وما تعرف تتكلم بصفتك شنو حتفهم إنو دا ما مكانك😴!! لمن تزعل على عدم الإهتمام وما تعرف تطلبو حتعرف إنك لازم تمشي😴.!! لمن تلقى إنو نفس الشخص الوجودو بيفرق معاك ووجودك إنت ما بيفرق معاه وبيعدي يومو عادي من غيرك ، في حين إنو ممكن ما يعرف يعديهو من غير مسلسلو المفضل، لازم تفوتو وتمشي😴💗📌!! ما تدخلو روحكم في متاهات مع ناس ما عارفة ماهيتكم شنو ولا عارفة نفسها هي عايزة شنو بالضبط📌.!! إنتو حلويين شديييد.. تستاهلو تكونو أولوية قصوى ويتعمل عشانكم المستحيل🫂💗💗..!! تستاهلو تعيشو تفاصيل حلوة من غير شك وخوف انو الحاجة دي حقيقة أو لا🫂💗..!! إختارو صح وعيشو صح وإتجاوزو أي محطة إنتو ما مُقيمين فيها.. التجاوز عمرو ما كان ضعف💗😴!! وفي النهاية القصة قصة معركة مع نفسك ، فـ أعرف مكانك صح وحارب في الحتة البجد تستاهل إنك تحارب عشانها🫂💗 ..!! "عندما تكتشف بأنك لست الأولوية، لا تُحارب💗🫶."

ما تبالغ في العشم، عشان ما توجعك النهايات.💚❕ عشان القلوب الما لقت ليك عِذر وأنت في عزّضيقك، ما بتستحق منك تضحية وأنت في عزّعافيتك. خلي بالك دايمًا الناس البتقدّرك ما بتخلّيك في النُص، لا بين إحتمالين ولا بين شعورين. يا تكون واضح عندها، يا ما تكون من البداية. إنسحب بالراحة، ومن غير شوشرة. الما عرف قدرك وأنت قدام عُينه،ُبُكرة بعرفه لما يلقى مكانك فاضي.💚❕ إتعود إنك تكون كفاية لنفسك لما تكتفي بـذاتك. البجي ببقى إضافة، و البمشي ما ببقى نُقصان. أبقى عزيز نفس، والما بناديك في الضُلمة، ما تفتش ليهُفي النور..💚❕

الحنية ما كلام كتير ولا وعود، هي إحساس بسيط جدًا بوصلك و بطمنك قبل ما الحروف تتكون. تلقاها في طريقة سؤال خفيفة : أنت كويس..! في نبرة صوت ما فيها إستعجال، و في نظرة كأنها بتقول: أنا معاك، حتى لو ما قلت حاجة.. للأسف في ناس بتفتكر الحُب هو الكلام الكتير، أو الإهتمام الظاهر قدّام الكُل.. لكن حرفيًا إنو أعمق أنواع الحُب هو المُنظم. البخليك تحس إنك مًفهوم من غير شرح طويل، و إنك مقبول حتى في لحظات ضعفك البتخجل منها.. الحنيّة ما بتحتاج مناسبة، و ما بتستنى عيد ولا موقف كبير، بتظهر في التفاصيل الصغيرة: في إنك تتطبطب و إنت مرهق تعبان.. و في إنك تتفهم وإنت ساكت. وفي إنك تلقى قلب ما بضغط عليك كون مثالي عشان يستمر معاك. أجمل العلاقات ما مبنية على الإبهار.. مبنية على الرحمة.على إنو الزول ما يستهين بمشاعرك، ولا يقلل من وجعك، و لا يخليك تحس إنك لازم تستحق الاهتمام كُل يوم.في علاقات بتعيش لأن فيها حنيّة بتتجدد، و في علاقات بتنتهي رغم الحُب.لإنو الحنيّة إختفت، وبقى التعامل بارد، كأنها القلوب ما عادت تفهم بعضها.والغريب إنو الإنسان ما بفتش على الكمال، هو بس بدوّر على قلب يرفق بيه، ما يزيد وجعو، ما يضغط عليه.بس يخفف عنه الحياة بدل ما يعقّدها.ةما كُل مرة الحُب كفاية، لكن كُل حنيّة صادقة بتخلّي الحُب يستمر..❤️

عمري م حبيت اكون حمل تقيل على زول ولا يوم فكرت افرض نفسي على قلب م عايزني ولا على مكان م بيفرح بي وجودي اتعلمت من بدري انو الانسان لو م كان مرحب بي وجوده مهما كان طيب ممكن يتحول لثقل عشان كدا كنت دائماً احاول اكون خفيفه في حياة اي شخص حضوري م يكون مضايق وكلامي م يكون جارح وقربي م يضغط على شخص انا م من الناس البتتعلق وتتمسك زياده لدرجه انو تضايق غيرها لو حسيت في يوم وجودي بقي تقيل او انو في انسان بقى يتعامل معي من باب المجامله بس بهدوء بعرف طريقي وح ابعد م عشان ضعيفه لكن عشان عندي كرامه كافيه تخليني م اكون عبء على زول الناس احيانا م بتفهم الصمت دا ولا البعد الهادي لكن الحقيقه انو في ناس لمن تحب او تحترم نفسها م بتختار الصراع ولا العتاب الكتير بتختار تمشي بخفه وتسيب المكان زي م دخلتو: بهدوء، من غير م تعمل ضجيج انا مؤمنه انو العلاقات الجميله م فيها ثقل م فيها احساس انو مجبور تتحمل زول العلاقه الصح هي البتخليك مرتاح البتخلى وجود الشخص اضافه لحياتك م عبئء عليك عشان كدا م سعيت اكون حمل ثقيل على احد لو يوم حسيت انو مكاني بقى تقيل ح اختار امشي بكرامتي قبل م ابقى ذكره مزعجه في قلب زول لانو النفس العزيرة م بترضي تكون عبء ولا بتقبل تبقى موجودة في مكان م يقدرها 🤎

استقبل أيامك بالرضا والتسليم، عش معنى التوكّل ولا تفتش بالماضي لأنه فات ولا تقلق من المستقبل لأنه بيد الله، واعلم أن الله إذا شاء بدّل حالك بلحظة، وجعل من المستحيل ممكناً ويسّر الأسباب حتى تنال الذي ظننت أنه مستحيل!🤍

"‏بعض الناس سوف يؤذونك، ثم سيتصرفون وكأنك آذيتهم."🖤

"لا يوجد لقاءات عبثية في الحياة، كل أنسان تصادفه هو إما اختبار أو عقوبة أو هدية من السماء."

"لم أعُد أتفاجئُ، أصبحتُ أتوقَّعُ أيِّ شيءٍ من أيِّ أحدٍ في أيِّ وقتٍ ولَا أُبالِي."

افضل القنوات السودانية تجدونها هنا🎊🎉 لحبيبي السابق💔 روايات شهد عبد الله 🌸 بنات الاحفاد🔥 لافضل قناة سودانية 🔥🧨🙊 https://t.me/joinchat/AAAAAEnRqPURS4o6_NcKHg 🔴للاشتراك_في_اللستة 🔴 اضغط هنا

ما باقي زول ما الزول نزح ساق وليداتو وسرح وشقاها اميال البلد لا خرطه لا وجهة سفر لا شفنا بعد الفات صباح لا بقينا نحنا ولا الوطن..

اللهُم لا تدع لنا في يوم عرفة ذنبًا إلا غفرته ، و لا مريضًا إلا شفيته ، ولا ميتًا إلا رحمته ، ولا دُعاء إلا إستجبته ، ولا مؤمنًا إلا ثبته ولا عاصيًا إلا هديته ، ولا مظلومًا إلا نصرته ، ولا حاجة من حوائج الدنيا والآخره هي لك فيها رضا ولنا فيها صلاح إلا قضيتها و يسرتها برحمتك يا أرحم الراحمين ♥️.