𝚁

من لا يقدر هيبه السن والشيب يطيح من عين الرجال احترامه اصغر عيال الذيب يكبر وهوذيب وفرخ النعامه طول عمره نعامه

لاعاد تسألني ولاعاد بسألك ولا عاد تلقاني ولا عاد بلقاك وش فادني قربك ووش فاد مطلبك ووش فادني ماضيك وأيامك وذكراك ياعسا دربك سكاكين تطعنك ويا عساها من قرايبك وحماك غلطتك ما رف لي جفن من يوم . يا حسافت عمري الضايع معاك ..

عز الله إني بري منك ياخلي لك عدة أيام ما تطري على بالي والله ما هو كره لكن أحسن لي أتوب الله وأعدل على حالي مدام ذي اخرتها ليه ترسلي لاعاد ترسل ولا يوصلك مرسالي ثوب الدنس يا عشيري ما يفصلي ما هو مقاس علي ولا على أمثالي - مصلح بن عياد -

ما يعدل طبلة الراس غير أم القناد ‏دلةٍ ماهيب " كوفي " و لا " شمبانيا "

عن الطلة اللي تنتظرها جميع الناس ‏أنا .. في إنتظار الطلة اللي على بالي

ذوقتني هجرها .. ثاني ضحيّه ‏و أصطلت روحي على حرّ فرقاها

جمالك مهيب و طلتك تلفت الأنظار ‏في وصفك ؟ يضيع الفكر و الشعر ما يوفي

كل المساري تنسرى ، كل السوالف تُستثار ‏يومٍ يضيع من العمر وياك ؟ يوووم عيد

كل لبسٍ ترتدينه تخلّينه عجيب ‏و كل عقدٍ تلبسينه تزيدين ثْمنه

عز الله إن الشايب اللي جاب جاب ‏جت من خياله مستحيل مْن ظْهره :)

يا غايبه ما مرّ فصل من الفصول ‏ماقام لك قلبي .. بـ تجديد الولاء

بـ الحسن و العفه و العود الدقاق ‏أنتي ١٠٠ و الغيد واحد فـ الميه :)

إنسان ماعنده وفاء ماهو إنسان ‏في شرعنا جحد المواقف جريمه

سدد وقارب وبعض أحيان عيّ ولا تقارب ‏خل في راسك عناد وخل في قلبك جساره

من المعطيات يوادع الحلم شوف العين ‏مثل ما النهار يوادع الشمس لا غابت

لا تنشد الصامت ورا ما تكلمت ‏من موّت اللي فيك موّت كلامه ‏عن الكلام الواجد يكفي الصمت ‏وعن الملام الصد شيخ الملامة

أبتسم للناس وأضحك للحياه ‏ولو تضيق اليوم قل بكره تزين

يجهل أحساسي اللي ما درا وش جرالي ‏ مثل مايجهل المستشعر الشاعريِّه

مات الكلام ودموعنا عيّت تغيب ‏فيها تعِب وفيها عتب وفيها حزن

ماحنا علايق قوم ولا قصار يدين ‏عن الهيّنه تحمى لحانا شواربنا