رابطة الجمال

‏روحي اللي ما طواها من ظروف الوقت طاوي ‏لين طاحت في يدين الليل والشمس اعتقتها ‏الجبال الشّم ملجا الذيب والحر النداوي ‏وش تبي فيها العنود اللي من اليمّه رقتها ؟ ‏اقبلت مثل الهبايب وابعدت مثل الرجاوي ‏والله ان كنّي عرفت الحاجه اللي ما لقتها ‏الوله قاس المسافة…

‏روحي اللي ما طواها من ظروف الوقت طاوي ‏لين طاحت في يدين الليل والشمس اعتقتها ‏الجبال الشّم ملجا الذيب والحر النداوي ‏وش تبي فيها العنود اللي من اليمّه رقتها ؟ ‏اقبلت مثل الهبايب وابعدت مثل الرجاوي ‏والله ان كنّي عرفت الحاجه اللي ما لقتها ‏الوله قاس المسافة و الغلا ساق الخطاوي ‏لين عدّاها الامان و رحلة البحث ارهقتها ‏الوكاد اللي جعلني عن مصايدها غناوي ‏فارعٍ لو تبتسم بين الورود استنطقتها ‏من كثر ما بينها و بين القمر نسبة تساوي ‏مستعد احلف لو اخذ منه بصمة طابقتها ‏القلوب البيض تعرف من تحب ومن تخاوي ‏ما تغيّرها الليالي السود مهما فرّقتها ‏كل ما جيت الطريق و قلبي من الشوق ذاوي ‏ودي اكتب " ايه احبك " فوق لوحة منطقتها ‏يا مغن الحسن نظرة من وسيعاتك مناوي ‏آشخصي الانظار فـ العشبة : و تغترّ ورقتها ‏وش يقول ؟ اللي يدوّر زلته شاعر و غاوي ‏فالعيون اللي تخلي الأنفس تراجع ثقتها ! ‏في حوَرها ما يعديّ ساحة الشعر الحراوي ‏و في قصيدي ما يشبّعها و يرضي ذائقتها ‏صوبتني بـ الوساع وطيّرتني فـ " السماوي " ‏لابسه كبد السماء الزرقاء وكبدي حارقتها ‏ما دريت ان كلمة احبك مثل بنج المداوي ‏لين شافتني صويب وقالت اسمي وانطقتها

‏الايام ( ظلما ) والليالي عديمة راي ‏مشاويرها " حرمان " ودروبها حرة ‏خذت مني أغلى ما تمنيت في دنياي ‏و خلّت لي اللي ما تعوّذت من شره ‏أنا بخير والله .. لو معي ذاكرة نساي ‏ماهي بالحنين ولوعة الوجد مضطرة ‏تفاصيل ماترحم وقوفي ولا ممشاي ‏وجعها يجي ويروح .. ويعاود الكرة ‏سلامي على المتحكمة بزعلي ورضاي ‏وعلى الغرة اللي ( طوّقتني ) على غرة ‏ولا هان عودٍ شوفته تطلق محيّاي ‏نسيم الهبوب .. يداعبه كل ما مره ‏هذي جرته في مرتع الصدر رايح جاي ‏من أبسط حقوق الحر خطواته الحرة ‏يا محبوبتي لا زال كوعي على مركاي ‏تحلويت صكات الليالي .. وهي مرّة ‏أنا آجر قلبي مع طريقك وآجر خطاي ‏وآخاف أجرحه ويسيل دمي على الجرة ‏تغرّبت حتى عن ربوعي وعن مرباي ‏أحس الوطن ما فيه عارض ولا حرة ‏بعدك الليالي صوتها صوت عازف ناي ‏يهيّض جروح القلب .. ويقلّب صوره ‏اذا ما بقى ؛ ( حنّيةٍ ) تستعيد قواي ‏حنانيك بـاللي يقطع الشوق بالمرة ‏وقوف الحياد أستنقصه من سنين صباي ‏أشوف آهله فـ الغالب أصغر من الذرة ‏لا شان الزمان يضرّني واحد من عداي ‏ولا غاليٍ ؛ لا " سرّ وضعي " ولا ضرّه ‏لو الموت مرّة ما تعنّيت في دنياي ‏أنا آشوف لي حيّين ماتوا مية مرة

i really miss you

الحلم يأتيني بزولك واراعيه - وفي كل حلم اقوم قبل اتحفاه 😔

هقيت اني ملكتك ما دريت أن الاماني غرور انك في يدي لين انتحى بي الوقت واقفى بك !

‏أحبّك من أول يوم شفتك إلين اليوم ‏ لو إني ما أصرح لك بحبي ولا أذيعه

‏أخذيني من التعب للحب للأرتياح ‏وأنتي كريمة و من بيتٍ وراه كرماء ‏مليتي العين عفه و السنين إنشراح ‏إلين شفت العذارى مثل شكل الدُماء ‏يا أخر الحب وجهك يستحق الكفاح ‏أنا أول أنسان طار و شاف وجهك سماء

يا نصيبي من الصُور ، والرسايل من كل شمسٍ قايمه - ومن كل ظلٍ مايل ( يا مكاني من البيوت ) ومن الصحاري اللي غربت فكري قبايل اقبلي مثل ديم مثل نارٍ في هشيم من غصون الضيّ من ليل الغضى

لَوُ أجنب عن غرامك وش يجنبني طيوفك ؟ وانت شيء وين ما لديت وجهي له بقايّا

«تعالي..لو رصاصة وانحري صدري تراي إنسان يفضل ريحة البارود والنيران عن بعدك»

المشكلة ماهي في دمعي ولحظات الحنيّن المشكله في اللي " يروح وياخذ الدنيا معّه "

والله لو يبور الملا كله ما يبور حبي لك

‏عسى وجهك يسامحني على التقصير ‏يابو ( وجهٍ ) يغربني عن ... افكاري ‏احبك و السفر نوعٍ من التغيير ‏اسافر لك … وأنا في زحمة اعذاري ‏اقول اسف وأنا الأسف على التأخير ‏انا المشتاق لـ ( الغربه ) عن دياري ‏واذا تسأل عن اخباري بكون بخير, ‏مدامك ( أنت ) تسألني عن اخباري

وانا أحبك انت بس ❤️

والله ماطلعت شمس ولا غربت إلا وأحبك مقرون بأنفاسي

عيّت على صدري تهب الهبايب

‏تطري علي في مقطع ما به ارسال ‏واشتاق لك شوقٍ يجدد جروحي ‏والى تذكرتك وانا عندي رجال ‏قمت اتبسّم بيني وبين روحي

‏قبل اعشقك كنت اعشق وصوفك ‏واليوم لوّك ذنب ابقترفك ‏وابكي على فقدك وانا اشوفك ‏بلاي احبك قبل ما اعرفك