كبسولتك

#كبسولتك تعلمك على مجال الاعلام الدوائي من الصفر لحد ما ينذكر اسمك بهذا المجال وخطوه خطوه احنه وياكم وبشكل مجاني فمبدأ #كبسولتك هو مبدا تعاوني بين مندوبين العراق ♥️🇮🇶 #سسلاااام

https://www.instagram.com/omr_iyd?igsh=MXhuc2NmZXJ4c251dA==

#المقابلات شباب المقابله نسبة قبولك بيها تعتمد على ٥٥٪؜ على لغة الجسد ٣٥٪؜على صوتك ١٠٪؜ على كلامك *من هاي الاحصائيه العالميه يتبين النه الكلام والاسئله الي يسئلوها السوبر فايزر او المنجر مو مهمه لان عشره بالميه المهم هو لغة الجسد واندفاعيتك وقوة شخصيتك…

#كبسولتك واني اتابع الصيدلاني علي الراوي تحيه اله ذكر كلام بالريل الاخير اله قبل فتره ذكرناه الكم وهيه لغة الجسد وشكد هيه مهمه

#المقابلات *اذكر ثلاث صفات سلبيه بيك دكتور بالبدايه ما نكول عليهن سلبيات، نكدر نكول عنهن عقبات ونتخطاه نان شاء الله ومنهن اسئل هواي لكون اني شخص محب للتفاصيل فبالتالي ممكن ينزعج مني المقابل اغار هواي من الشخص الاحسن مني بالتالي اخليه منافس قوي واكوم اضوج منه 😅 وهو شي مو صح المفروض اكسبه واستفاد من خبرته النلج ) كون اني فريش #تازه فممكن تكون سلبيه في بدايه الشغل عاطفي زياده *شنو تعرف عن شركتنه؟ اذكر المعلومات الايجابيه الي سمعتها عن الشركه حاول تتعرف ع مندوبيها واسمائهم على الاداريين والايتمات الي بيها، كلشي تعرف اذكره شكد تتوقع الراتب؟ (هذا السوال الي عنده خبره يختلف عن الفريش #تازه) دكتور على حسب الجهود الي راح ابذلها والي راح تشوفها واكيد مراح تبخس حقي حاول لا تنطيه رقم واذا لح انطيه رينج (٧٠٠-٨٠٠ دولار) واذا عرفت مندوبيها فاسئل ع الراتب الي يقدمه المكتب وكله سمعت انو حضراتكم تقدمون للمندوبين كذا رقم مثلا ٨٠٠ دولار نزل منها ١٠٠دواار لان ما عندي خبره واذا فريش لا تنزل اكثرمن من ٥٠٠ دولار موضوع الراتب هذا الخمسميه دولار ابد مو استحقاقك وراح تواجه صعوبات وركضه يله تحصلهن احنه مو بصدد نكللكم الاعلام الدوائي صعب لكن كل عمل واله صعوبات *انت تشتغل بشركتنه وتنطيك ٨٠٠ دولار بالشهر وتوفرتلك وضيفه ب ١٠٠٠ دولار تعوفنه وتروح؟ هذا السوال نريدكم انتو تجاوبونه عليه واذا عدكم اضافات للاسئله الفاتت فهم دزوهن النه هذا العمل راح يعزز مبدأ التعاون بيناتنه والي ع اساسه قائمه منصة #كبسولتك @kabsultak11_bot

اليوم ينزل منشور نكمل بيه الاسئلة التقليديه للمقابلات فانتظرونه……….. وتدلللللوووونننن🤍♥️ #سسلاااام

شباب قبل المقابله انطيكم شغله مجربه كول #كبسولتك 100 مره بس كون تصم ايدك ومن تكمل 100 عده افتح ايدك مجربه للقبول بالمقابلات 😁

#المقابلات كاعد بمقابلة ومجهز وضعك والترتيب فول الفول 😎 ويسألك ( شركتنه تنطيك راتب 800$ وشركة ثانيه تنطيك 1000$ تعوفنه وتروح لغير شركة؟!) واخيرا اجينه ع اسئلة المقابلات بالنسبة للاسئلة عندك اسئلة تقليديه، اسئلة علمية، اسئلة ذكاء، اسئلة عن الفيلد. * اسئلة العلمية على حسب انت طالب او خريج، المرحلة الدراسيه هم الها دور يعني لكل شي ميزانه. *اسئلة عن المجال هم على حسب انته مشتغل او لا ( #تازه) راح نجيي الاسئلة التقليدية منها *عرف عن نفسك ( فلان الفلاني عمرك، سكنك، دراستك خريج او طالب وباي مرحلة وجامعتك ،حالة الاجتماعية ) مثلا در سالم محمد موليد ١٩٩٩ ساكن بالإسكندرية خريج جامعة القاهرة مزوج. *ليش نوضفك ؟! ممكن ما اكون افضل شخص بين المتقدمين لكن اني عندي جينات حب الشغل ملاحظ للتفاصيل بالتالي اتعلم بسرعه متكيف ومرن متماشي ويه بيئة الشركة صح خبرتي قليله لكن عندي حماس عالي للشخص الي عنده خبره يضيف خبراته( دكتور ع حسب خبرتي بالفيلد الدوائي كدرت اكون علاقات ويه الاطباء والسكرتيريه والصيادلة ايضا، بالتالي راح اضيف كفرج اكثر للاطباء ونزيد مبيعات الشركة اكو بعد اسئلك هواي ع المقابلات كلهن راح نذكرهم ان شاء الله #سسلااام♥️🤍 #كبسولتك

#المقابلات وحده من اهم الاساليب المستخدمه للبيع هي الابتسامه زين ليششش؟! الجواب اله جانب سايكلوجي والي مفاده ( انه الناس من تبتسم بوجها يكون في حالة الاطار الذهني الايجابي، ويفكرون بسرعه اكبر، ويكونون اكثر عرضة للتعاون وحل المشكلات ( بدلا من القتال والمقاومه) وانته كمندوب ناجح ابتسم بوجه مديرك بالمقابله بوجه عميلك من تبيعله #سسلاااام #كبسولتك

#مواصفات_المندوب_الناجح ١- البياع الناجح يحب الناس ويحب يساعد الناس لعل هذه من اهم الصفات الي تكون بشخصيه البياع، والاهم (integrity) ويه العميل, الرزق عند الله ومكتوبلك كذا تاخذ من الدنيا فماكو اي داعي تكذب او تجرد من القيم والمبادئ بالاضافه سمعتك بالفيلد الدوائي راح تدمرها ٢- مهارات التواصل البياع الناجح عنده مهارات تواصل عاليه حاله حال الممثل المحترف من لغة الجسد والتواصل البصري وتعبيرات الوجه وهذا يقودنه للنقطه الثالثه ٣- الثبات الانفعالي اقصد هنا تعبيرات الوجه يعني انته من داخلك تفور لان العميل كلك كلام مزعج بس ضاهريا انت مبتسم وما مبين ابد غضبك ع العميل وما اخذت الامور بشكل شخصي *وابشرك يا حبيبي كل هذه المهارات تكدر تكتسبها بمرور الوقت #سسسلام♥️

#المقابلات First impression is the last impression♥️📣 دكاتره شغله مهمه لازم تنتبهون عليها والي هيه صور البروفايل من تقدم على التليكرام او الاميل اوالواتساب لازم لازم لازم صور الي مخليهن ع هذن المواقع يكونن صور مرتبات، اذا اكو صور لابس بيها رسمي خليها وابتعد عن صور الي لابس بيها فانيله وطاكها بالجم او صور مقولات مال 2010 كل التوفيق #سلام♥️

ان شاء الله بالمنشورات الجايه راح نطرحلكم اهم الاسئله الي تنطرح بالمقابلات وشلون اكدر اجاوب عليهن بالجواب الي يريده المنجر او السوبر فايزر🤍

#المقابلات اليوم المنجر ليش ممكن ما يقبلك بالشركه كمندوب علمي #اولا الشخصيه الضعيفه #ثانيا. الكذاب وببساطه ينكشف من خلال خبرة المنجر بالفيلد الدوائي #ثالثا الابتسامه والي معبس بالوجه ينرفض #خامسا عدم مقدرة على تحمل الضغط بالنسبه لاخير نقطه وكلش مهمه بعض السوبر فايزريه او المنجريه يحاولون يستفزوك بالمقابله ويشوفوك شكد ممكن تتحمل فممكن تشوفه يلعب بالجهاز وانته تحجي وياه كنوع من عدم الامبالاة او يدخن كدامك او او او ……. او الاتعس تتعرض لاهانه غير مباشره انته هنا ولا تدير بال ولا يمك مشي كإنما شي لم يكن وكون مطمئن بنهايه المقابله راح يعتذر سلام♥️

#المقابلات شباب المقابله نسبة قبولك بيها تعتمد على ٥٥٪؜ على لغة الجسد ٣٥٪؜على صوتك ١٠٪؜ على كلامك *من هاي الاحصائيه العالميه يتبين النه الكلام والاسئله الي يسئلوها السوبر فايزر او المنجر مو مهمه لان عشره بالميه المهم هو لغة الجسد واندفاعيتك وقوة شخصيتك وشكد انت واثق بنفسك ومسيطر ع الوضع المقابله مثل ما وضحنه سابقا *بالنسبه للصوت📣💥. مره بوحده من المقابلات جان ويانه دكتور صيدلاني الله يذكره بالخير صوته عذب بشكل ومن يحجي وياك بدك بس تسمعله فحصل المقابله بس علمود صوته وبعض المهارات الي جان يمتلكها فصوتك خليه صوت اذاعي وادرب على هذا الشي الصوت الاذاعي عادة ما يتميز بالقوة والهدوء والثقه ولا تنسى الابتسامه 🙂 سلام♥️

https://youtu.be/YnTEXW7RaYY?si=6bhiAKw4QJRDZ0T8

https://youtu.be/YnTEXW7RaYY?si=6bhiAKw4QJRDZ0T8

الاستاذ عمر اياد يعلمك ع لغة الجسد ولغة الجسد بالمقابلات عليها ٥٥٪؜ من فرصة القبول

https://www.instagram.com/omr_iyd?igsh=MXhuc2NmZXJ4c251dA==