كاضم سماعيل الكاطع

The owner of this channel has been inactive for the last 11 months. If they remain inactive for the next 7 days, they may lose their account and admin rights in this channel. The contents of the channel will remain accessible for all users.

محسوبه من العمر كل ليله نكضيها ومحسوبه من الدرب كل خطوه نمشيها. ايامنه الي تمر رحله بقطار العمر سفره بمرابع خضر شتريد سميها لو نوكف بنص درب الدنيا تبقئ دور المي صعد للجرف الفخر للناعور دور صديق الوفي ومشي بدرب بيه نور وعينك علئ صاحبك يغفه وتضل ناطور

إمطِرلك إسبوعين لو بس تمر طيف لو مِن صدگ مريت إمطِر شِته وصَيف.

غَيمت عيني عليك وتنَگط دموع كونك تُمر بالروح أمطرلَك إسبوع.

يامن مكدر علي غيرك فصاله صعب جم دوب افصل وشك للي خذو غيبتك مجبور افضل خلك وجاتل ويل حجي والخيل داست علي سحكت اضلوعي سحك

منو يكدر يشيل الحزن عني ويخليني بفرح للناس اغني يساعدني على هم من الهموم وانا همومي هواي وتعبني تعلمت الحزن من امي والناس من لولت عليه الولد يبني دللول.. ودللول.. ودللول نايل طورهن ليهسه باذني فطموني بصير وبغيمة دموع مطرن بس عليه وبللني زرعن بيه كل انواع الاحزان وماجازن لحد ما شيبني

واحد بناله قصر باسعار مفتوحه رسموله طير بقفص والايد متلوحه واختلفوا عله السعر والي رسمها تعب بالجيه والروحه الرسام دمه الصبغ وتكلفه اللوحه ما عامل عله الرسم عامل عله جروحه طال النقاش وكبر واللوحه متعلقت عله الكاع مطروحه ايام بعد الزعل شفناها ممسوحه والطير منها اختفه ومنهم سحب روحه الطير ليش اختفه ومنهم سحب روحه الرسام حطه بقفص بيبانه مفتوحه هاي الناس شي تلبس كلبدون وشي كطع لبسها البرد والطين تاج العافيه مو ترس البطون ها كده الكتف عند المجانين اذا غاب الامان من اليشبعون يصير الزاد بالبلعوم سجين مو شرط الفرح عند اليلمون مريض النفس ما يشفه بملايين دنيا واخره نتحاسب شلون مو كالوا عيال الله المساكين تورطت لمن كلتها .. عيدك مبارك سعيد لملموني وطشروني وضال بس اصكل واعيد ادري بيها جروحك انته ياجرح عندك جديد بلبل بحنجرته شوكة تريده يقره لك نشيد شلون يقرالك نشيد

الدنيا ما دام انتهت والعمر كاضي منهو بينه بلا خطيئة خل يكوم اعله الملف يكشف الماضي خل يجي يسويله مره ايشوف بيتي اشراح وشظل من غراضي ناس صعدت ناس بعدت وانا بخيمتي وسوقي وعكاظي وجان بامكاني اصير لكن هموم العشيرة لا انا راضي على شيخي ولا عليه شيخي راضي جان بامكاني اصير أملاك وقصور واراضي لكن اعرف هاي كلها ماتساوي فركة ايد وراس محني اباب قاضي لكن اعرف هاي كلها ماتساوي نوم ليله اعله المخده بليه خوف وبال فاضي هي مو بالسرعه تلم ولو على السرعة يصير اغنى شخص عدنه الرياضي خلصت عمري بدولتي لا انا راضي اعله وضعي ولا عليه الوضع راضي

مره مره عشرتي وياك مره ومن اريد انساك يمنعني الكلب ويذبله حسره ومن اريد انساك يعرضلي الدرب ويكلي الك خطوات ذكرى ومن اريد انساك تذكرني الملامه وشنهي ربحي وياك واللي مادروا كالو تخسره انه شنهي الماخسرته وحتى اخسره ويانهر يعتب عليه حتى بجناح الكصب روجات اعبره وياجبل يصعب عليك حتى اذب حبال روحي اكصايب اعلى جتاف صخره وياعظم تتصوره التم حتى يم بابك عشر كسرات اكسره مره .. مره والمراره اتزيد لليمشي ابجزيره وما لكه وسادة محبه اتريح ظهره والمراره اتزيد للما يلكه ظل وينتجي اعله الشيب عمره ويا جمرتي الماطفت حسبت يطفيها دمعي ثاري دمعاتي اعله خد النار شذره انته من دكيت بابي جبت وياك الحزن خطار ماين والفرح طلعته بره انه من شكيت زيجي احتركت ايدي وانته من شكيت زيجك شفنه كمره كان عمري نهر صافي ومايه غافي وخنجرك مثل البلم بالليل طره ويانهر والحسره حسره كون اشوفن سندبادك شايل اعله اجتافه جزره بكلبي حسره كون اذب ثوب الحزن وانه بشبابي والحزن عالخد اسطره هيه حسره وامنيه نسميها فكره كون اشوفن سندبادك شايل اعله كتافه جزره كون اشوفن مريمك ما بيها لوله ومن صدك نلكاها عذره هيه حسره .. وعشره مره والمراره اتزيد للما يلكه في وينتجي اعله الشيب عمره

..💖

تغطيت وبعدني الليله بردان لان مو انت يمي فراشي بارد وينك يادفو ياجمر الاحزان احس بدمي بالشريان جامد يا مر الصبر ماكضك عنان نسمع بس صهيلك وين شارد كل ساعه وتعتني جفوف بطران وانا جلد العلي قماشه بايد تعال اوزن هموم وجيب ميزان وشوف شكد عذاب الروح زايد انسحبوا من حياتي هواي خلان بقيت بهل زمان لوحدي اعاند سواد الليل يبقى وتطفه الالوان واعيد بذكرياتك والمشاهد اذا كل طير عنده ثنين جنحان وانا مكسور وعشت بجناح واحد على بير المنايا وجيت عطشان مجبور وشربت الماي راكد وينك يالبعيد الكلب مليان غنا وبوسات ودموع وقصايد وياك بعشرتي ياليل خسران مثل عشرة النور وي الكواغد لو طاهر حليبه الدهر ماخان ضربني براسي غفله واني كاعد

🖤.

زعلان! بس يا زعل لمن ترد للصدك كبل المناده اجي .. وشلون جيه اجي أركض ركض محترك! ياللذتك إبريتي وين الكه مثلك هوى لولاك والله أختنك هي شراكة نفس لو سكت كلبك سكت كلبي ويدك لو يدك لو ما وكتنه صعب ما جان ابد نفترك كلمن مشه لحالته واحد سكن بالغرب واحد سكن بالشرك وكل هالمسافه البعد وسوالفك تنسمع جن احنه حلك ابحلك والله عشكنا عشك يامن امكدر علي غيرك فصاله صعب جم دوب اخيط واشك حنيت انه لشوفتك واصبرت بس ما صبر كلبي وصرخ راح اطك جاباني الك واذعنت جيتك ابليله شته ظلمه ومطرها رشك وشبعده صار الدرب خوف ورعيد وثلج وجفوف اديه زرك ابابك طحت ها كمت ضميت اديه او ردت عالباب بالروح ادك بس كالو إلمن تدك كلمن مشه لحالته واحد سكن بالغرب واحد سكن بالشرك

❤️‍🔥.

مامرتاح عيوني تستحي بس الدموع اوكاح مامرتاح منٌك منٌي من الجاي من الراح مامرتاح عركه وي الزمن ورجعنه مكسورين وبعيده المسافه وينسي اللي طاح مامرتاح لأن شفت الشمس نزلت تبوس الكاع وبجف الطفل تنلاح ولأن قاضي البلابل مدد التوقيف ومفتوحه السما والفيل عنده جناح مامرتاح لأن قفل المحبه إنباك وترهم عليه مفتاح مامرتاح متروك بجزيره وتيهت بالليل واجو ربعي عليه بقافلة اشباح وانت اشبيك!! لمن دافعت عن نفسي صابك غيض مو حتى الكنافذ من تحس بالخوف تستخدم جلدها سلاح مامرتاح من ربعي ولامرتاح تمساح بنهرهم صاحوا من الخوف وجازفت بحياتي من سمعت اصياح صارعت المنيه وبيده هزني الموت ومدمى اطلعت صفكوا للتمساح كل هذا وتريد ارتاح مامرتاح ولا جن الفجر مثل الفجر محبوب لون الفجر صاير يقبض الارواح رجعت الستاره بحركه عالشباج ورثيت الورد وبجيت من شفت الندى فوك المدافع طاح قل شوف السفينة والضباب يزيد وسيوف الملامه بجلوة الملاح ياسن الصخر وتكسرت بالروج مو كنت بزمانك ترهب السفان مامرتاح من ربعي ولامرتاح نادووني وركضت ابليل ايد الرسن بيها وايد بيها سلاح عثرت مهرتي وربعي قبل ما طيح واحد كًال للثاني: ابشرك طاح ابشرك طاح