نكات🌚🧡خواطــــــــر📎♥

•تلفون م فيهو صباح الخير يا زفت ، وإشتقت ليك يا حيوان ، أحسن يتباع 😔🤏

عيدكم مبارك💚💚. تقبّل الله منا ومنكم صالح الأعمال، أعاده الله عليكُم أعوامًا عديدة وأزمنة مديدة في عافية وستر وكل عام وأنتم بألف خير💚.

في جُملة بتقول: " الحُبْ يبدأ حين ينتهي الحماس" إنبهار البدايات وإنك بتبقى مفتون بجمال شخص أو بطريقة كلامه، أو تصرفات معينة دا إسمه إنجذاب. الحُب الحقيقي بيجي بعد المشاكِل ، الخِصام، الغياب، التعب، والعُيوب البتظهر، الحُبْ الحقيقي بيجي لما تكون مصمم تختار الشخص دا رغم كل حاجة !. الإنسان الصح هو الإنسان البتكون عارف كل عيوبه ونواقصه، وعارف إنه تصرفاته في بعض الأحيان بتزعجك وبتزعلك، وبتكون عارف حتى في خيارات كتيرة فيها صفات أحسن منه بمراحل.. بس بتلاقي نفسك مختارو هو بكل حاجة فيه، وإنت راضي كل الرضا ومرتاح نفسياً.. إنت محتاج شخص تشوف فيه عُيوبك ومزاياك، محتاج شخص بتشوفه بيغلط ذيك، وتختلف معاه وتتفق.. مافي إنسان مثالي، ومافي إنسان كامل، والكمال لله وحده ،بس في إنسان مناسب، إنسان بحمل الخريطة الوحيدة البتوصلك لسعادتك الحقيقية. 🤎🤎🤎

لازم تكون راضي عن نفسك . قررت تشتغل في شركة وتمشي الساعة 5 وتخرج وتنبسط باليل ، ما عندك دعوه بصاحبك اللي فتح شركته وليل نهار talks ..ولا زميلك اللي بيقبض أضعافك وسافر الخليج .. قررت تتعب وتعافر وتشتغل عشرين ساعة في اليوم ما عندك دعوة بصاحبك اللي ناايم ومرتاح .. قررت تتعلم وتفهم الشغل من السوق ما عندك دعوه بصاحبك اللي بيعمل الماجستير في أمريكا .. قررت تعرس وتدور علي الاستقرار، تقبل تاثير ده علي حياتك وأولوياتك، ما عندك دعوة بصاحبك اللي ما عندو حاجة يخاف عليها فقدر يغامر .. قررت تعمل كل حاجة في نفس الوقت تقبل الضغط وقلة الراحة لان ده إختيارك .. خليك دايما راضي عن نفسك وقراراتك عشان ترتاح وإلا هتعيش عمرك كله حاسس بنقص .. 🤎🤎

"ما تخسر الزول الشاريك"🤎🤎 في حياتك ح تلقي ناس كتار فيهم الحنين وفيهم الطيب وفيهم القاسي وفيهم الداعم وفيهم السند وفيهم البشجع ، والناس فترات بمشوا ناس وبجوا ناس الحياة ما بتقيف علي زول معين بس انتا البتوقف حياتك علي شخص معين ياهو زاتو الزول البحبك بالجد ، الشايلك ف قلبوا ،الهمك همو ، ومشاكلك مشاكلو، ووجدك في حياتو ما مربوط بي مصلحة أو ظرف ،ياهو الشخص الإنتا تتمسك بيهو ،زول شاريك من الدنيا ومتسمك بيك وما ح يخذلك وما ح تهون عليهو.🤎🤎

‏يا شَاكِياً ضيقَ الحياةِ وهمُّهَا ‏ هَل تَرتَجي لِلهَمِّ أن يَتَبَدَّدَا ‏إن الدَّواءَ بِكَلمةٍ لو قُلتَهَا ‏ لمَا استَطاعَ الهَمُّ أن يتَمرَّدَا ‏فاجعَل لِسَانكَ دَائِمًا يَشدُو بِهَا ‏ وهِيَ الصَّلاةُ عَلىٰ النَّبيِّ مُحَمَّداﷺ اللَّهُمَّ صَلِّ وَسَلِّمْ عَلَى نَبيِّنَا مُـحَمَّدٍ‏

"أحيانًا من شدَّة وضوحِك يحكمُ عليك النّاس بِـ الغمُوضِ..!! ربما لأنهم لم يتعوَّدوا علىٰ رؤية إنسَان لا يخشىٰ مِن إظهارِ نوايَاه..؛ فَـ النَّظرُ إلىٰ الشَّمسِ يُعمِيك رغم سطوعِها..، تمامًا ك الإنسَان الواضح يُحيِّرك مِن شدَّة وضوحِه..؛ إنَّهُ ك الشَّمس لا يُمكن لِـ أحدٍ أن يخفِيه..، كما لا يُمكن لِـ أحدٍ أن يستوعبَه". 👕👕

نهنئكم بحلول شهر ⁧ رمضان⁩ المبارك ، شهر الرحمة والمغفرة. نسأل الله أن يتقبل منا ومنكم الصيام والقيام، وأن يعيده علينا وعلى الأمة الإسلامية بالخير واليمن والبركات جعلنا و إياكم من العتقاء من النيران بإذن الله تعالى 💜💜. كل عام و أنتم بخير 💜💜

المراد من سعيك واجتهادك تحقيق غاية الصبر، وتفضيل درجة الصبر على كتير من الدرجات في الدنيا دليل عظمة وبوريك انه احد اصعب الأمور في الدنيا هي الصبر. فما تخرب مساعيك بالملل واليأس من رحمة الله، حقق غاية المساعي بالصبر وهو عليه حسن الثواب والجزاء.! ربنا يجعلنا جميعاً من الساعين الصابرين . 🖤🖤🖤

كتار السمحين ، بس الاكتفاء بخليك تشوف العندك أسمح وأحسن زول. 🌹🌹

لو اتكلمنا عن الاختيار الصاح في الف طريقة للتعبير عن الحب اروعها انو المعاك يكون شاريك ،شاري وجودك وعامل لخاطرك حساب. تأكد انو أهم احساس في العلاقة انو المعاك يعرفك انك ما بتهون انه مهم جدا وانو مهما حصل ما حيسيبك. احساس حلو لمن المعاك يقول ليك اخسرك كيف يعني ؟ لالا ما ممكن طبعا أو انا مستعد أعمل أي شي عشانك ولا اخسرك أو انا ما عايز من الدنيا غيرك حتلاقي بحاول مرة واتنين عشان ما عايز يخسرك. طبيعي الناس بتتشاكل، وتزعل وتغيب وتعاتب بس المهم نرجع نخسر النقاش ونكسب بعض. حتي في الشكل حتكون مطمن انو ما حيسيبك انا بعيوبي وانت بعيوبك نحنا بنكمل بعض بنشيل بعض. دائما يعيد ويكرر ويقول ليك انا ما نفسي أخسرك. 💘💘💘💘💘💘

لو ركزت مع الفاتك، ح تضيع الراجيك.! 💘💘

" الحُبْ يبدأ حين ينتهي الحماس" إنبهار البدايات وإنك بتبقى مفتون بجمال شخص أو بطريقة كلامه، أو تصرفات معينة دا إسمه إنجذاب. الحُب الحقيقي بيجي بعد المشاكِل ، الخِصام، الغياب، التعب، والعُيوب البتظهر، الحُبْ الحقيقي بيجي لما تكون مصمم تختار الشخص دا رغم كل حاجة !. الإنسان الصح هو الإنسان البتكون عارف كل عيوبه ونواقصه، وعارف إنه تصرفاته في بعض الأحيان بتزعجك وبتزعلك، وبتكون عارف حتى في خيارات كتيرة فيها صفات أحسن منه بمراحل.. بس بتلاقي نفسك مختارو هو بكل حاجة فيه، وإنت راضي كل الرضا ومرتاح نفسياً.. إنت محتاج شخص تشوف فيه عُيوبك ومزاياك، محتاج شخص بتشوفه بيغلط ذيك، وتختلف معاه وتتفق.. مافي إنسان مثالي، ومافي إنسان كامل، بس في إنسان مناسب، إنسان بحمل الخريطة الوحيدة البتوصلك لسعادتك الحقيقية. ❤️❤️❤️

الواحد لو بياخد في السهر قروش هسي كان نافس ايلون ماسك.! 😂😂

فوق فوق سودانا فوق ☝️🇸🇩 ❤️

‏الجنجويد وحواضنهم الذين استوطنوا بيوتنا، يفرون اليوم تحت نيران الطيران ويسلكون طرق مشابهة لتلك التي أجبروا أهل الجزيرة على النزوح عبرها. ‏ما فعلوه بالناس يعود عليهم وهاهم يعانون من ازمة في الوقود وينزحون على الاقدام لكيلومترات، هذه المرة بلا رحمة تمامًا كما لم يرحموا أحدًا من قبل.

🧋✉️ طول ما الناس دي لسه ما فاهمة انو مبدأ العلاقة تنازلات عمرها ما ح تنجح وحتكون عبارة عن فترات م اكتر. ❤️❤️

"الأيام ستجبرك حتمًا أن تتجاهل أمورًا كانت أكبر اهتمامك. " ❤️❤️

تكون رادحة ومتشاكلة مع نص الكرة الأرضية وتكتب: "يرعبهم كونك امرأة قوية" لا ي ماما..يرعبهم كونك زولة رداحة ولسانك متبري منك.😞😞

سمعت دكتور التغذية يقول امضغ اللقمه 20 مرّهُ لتكون سهلة الهضم ، جربتها و رجعت مديت يدي اشيل اللقمة التانيه لقيت الجماعه بيشربوا شاي. 😂😂