Surgery نظري

شباب خلي اوضح كم شغلة ١-هذا رائيي الشخصي و نصيحتي للمرحلة السادسة بشكل عام وتجربتي الشخصية قد تكون صح و قد تكون غلط ٢- ثانيا، كل المشرفين في القناة لا صلة لهم بهذا المنشور لاني مشرف جديد توا صعدوني

السلام عليكم ورحمه الله و بركاته اشلونكم ان شاء الله تكونون بخير عدي فد شغلة اريد اكولهة واعتبروني اخوكم الصغير او الجبير بكيفكم بس كملوا للنهاية ردت اسولفلكم على كم شغلة دتصير سواء جانت بوكتي من جنت ستاجير او هسة وبصراحة ما اكدر اسكت عليهة لان اذا نظل ساكتين حنشوف هيج شغلات تزداد اكثر واكثر هواية من ضعفاء النفوس يستغلون هذي الفترات اللي الطالب يكون مقبل على مرحلة جديدة او مرحلة الستاجير والوزاري ويكون كلش vulnerable وخايف من المستقبل المجهول اللي ينتظرة و يبدون يتوعدوهم بوعود كاذبة و يدسون السم بلعسل بلكلام مالتهم و تشوفون الاعلانات اللي يخلوهة بهواي قنوات حتى يكذبون على العقل الباطن للطالب من اجل مبالغ مادية ، وينعاد السناريو مال سادس اعدادي والمدرسين الخصوصي اللي الرايح والجاي صار يصيح بشعارات كاذبة. وينشرون بنوك اسئلة او كورسات ويكلوكم هاي الوزاري كلهة منهة واذا ما اشتركتوا حتضيعون مستقبلكم، وهل مثاليات اللي لا تودي ولا تجيب بس تزيد من قلقكم. اسولفلكم عن نفسي اني مستواي متوسط بلكلية دائماً جنت اني اعتمد على روحي بلدراسة و حتى قنوات زملائي اللي يسووهة ما اشترك بيهة لان بية طبع اذا المعلومة ما اخذهة من المصدر او ملزمة ما ارتاح لان كلنة معرضين للغلط (بس قنوات الاوائل على دفعتنة مشترك بيهة لان اعرفهم جانوا ينشرون لاجل العلم و لاجل الاخرة وما عدهم هدف مادي والله يباركلهم ان شاء الله ) ما اطول عليكم تخرجت بتقدير جيد جداً لله الحمد وكل هذا بتوفيق منه اللي انصحكم بي اذا تريدون تعتمدون على احد فاعتمدوا على انفسكم بلدرجة الاولى او اشخاص معروفين ، الاوائل على كلياتهم او ناس تعرفهم ومشتركين يمهم قبل و فعلاً مطلعين درجات عالية او دكاترة صارلهم هواي و شطار واكو هواية طلاب اصلاً ما اشتركوا باي كورس بس اعتمدوا على نفسهم وتشوفوهم بدعوا بلدرجات لا تشتتون نفسكم، اعتمدوا ملازم كليتكم اذا تشوفهة جانت كافية او حملوا ملازم د هيثم واقروا عليهن او اقروا علمصدر مباشرة و شوفولكم فد بنك اسئلة تبقون دائماً تحلون و نصيحة اول ما تخلصون موضوع حلو اسئلتة و اللي تغلطون بي اخذولة سكرين و خلوهة على المحاظرة مالتكم . + لخصوا بايدكم. واذا تريدون فحتى على اليوتيوب متروسة كورسات و الفيدوات لاي موضوع تريدوه( بلنسائية اعتمدت على د مصطفى القطران و قناتة masterclass medicie الله يجازي بكل الخير شرح مرتب و تقريبا اغلب المواضيع و بطريقة oriented. عن نفسي جنت كلش ضعيف بكل المواد فاشتركت وية كورس د هيثم لكل المواد و بديت من الصفر ( هاي كلهة خلال فترة السادس) وهو بدا من الصفر يشرح لكل التفاصيل عن الموضوع واذا اكو شي هو ما جان شارحهة جنت اقرا على Amboss و جنت كذلك احل من ال Qbank مالتة وية كل موضوع اخلصة. و على ملاحظاتة وملازمة فقط جنت اجاوب بسشنات العملي بكل ثقة وبس حتى تكونون بلصورة ترة هذا مو اعلان و حتى د.هيثم ما يعرفني ولا حاجي وياية بس حبيت اوجهكم للطريق اللي اني بتجربتي شفتة صح . بلنهاية ترة السادس صح مرحلة challenging بس تعتمد ١٠٠٪؜ عليكم وعلى شكد قريتوا وشكد فهمتوا المادة والباقي توفيق من الله اسف اذا طولت عليكم واتمنالكم كل الخير.

السلام عليكم طلاب بداية كل التوفيق لكم بالعام الدراسي الجديد هاي القناة بيها هواية شغلات تخص نظري الجراحة من ملخصات واسئلة وشروحات ونصائح وكلش فادتنا العام وسهلت علينا المادة هذا رابط القناة انشروه حتى يستفيدون زملائكم https://t.me/kamikaze141 وهذا ايضا رابط قناة العملي والاوسكي للي راح يبدأون روتة الجراحة بيها كلشي يخص الاوسكي والاشياء اللي تحتاجوها https://t.me/+T-RwD0oKartmZmUy واي طالب منكم يريد ينشر بالقناة ويفيد الطلاب يتواصل على معرفي حتى ارفعه ادمن @iarajab

Channel name was changed to «Surgery نظري»

و بالنسبة لقناتنا هاي مال الجراحه رابطها موجود و اي شي يخصها يم عبد الرحمن او ابراهيم او علي خالد Ps: اي واحد يريد يصير مشرف من الاجيال الجايه خل يراسل ابراهيم هو يصعده لانه المالك الجديد @iarajab Peace out

https://t.me/+xWfkEr2t4n9hNTdi

https://t.me/+xWfkEr2t4n9hNTdi

اريد رابط قناة ال phc النظري اللي كنت مسويها

https://t.me/+oceNCETe4zkwZTAy

https://t.me/+oceNCETe4zkwZTAy

Surgery نظري pinned «https://t.me/kamikaze141»

https://t.me/kamikaze141

الحمد لله وشكراً جميعاً ان شاء الله النجاح والتوفيق للكل