بنت القانون

⚖️ تسجيل الشقة في الشهر العقاري… مش إجراء روتيني، ده إثبات ملكية 🏠✍️ 🤔 📌 ناس كتير بتشتري شقق بعقود عرفية أو صحة توقيع وتفتكر إن بكده خلاص اصبحت مالكة ❌ والحقيقة القانونية غير كده تمامًا 🔹 يعني إيه تسجيل شقة في الشهر العقاري؟ 📌 يعني تثبيت الملكية في سجلات الدولة رسميًا، بحيث: ✔️ محدش ينازعك في الشقة ✔️ تبيع أو تورّث أو ترهن براحتك ✔️ حقك يبقى محمي قدام الكافة 📌 وده مش كلام نظري… ده نص قانون وحكم محكمة نقض ⚖️ النص القانوني الصريح 📜 المادة 9 من قانون الشهر العقاري رقم 114 لسنة 1946 تنص على أن: 🔹"جميع التصرفات التي من شأنها إنشاء أو نقل أو زوال حق عيني عقاري لا تكون نافذة لا بين المتعاقدين ولا بالنسبة للغير إلا إذا شُهرت." 🔴 يعني: ▪️ عقد عرفي ❌ ▪️ صحة توقيع ❌ ▪️ استلام الشقة ❌ 📌 الملكية لا تنتقل إلا بالتسجيل ⚖️ محكمة النقض قالت إيه؟ 🔹 الطعن رقم 7359 لسنة 86 قضائية – جلسة 9 / 5 / 2022 قضت محكمة النقض بأن: 🔶"ملكية العقار لا تنتقل إلى المشتري إلا بتسجيل عقد البيع أو تسجيل الحكم النهائي بصحته ونفاذه، ويظل العقد غير المسجل مجرد التزام شخصي." 🔹 الطعن رقم 1930 لسنة 52 قضائية ▫️العقد غير المشهر لا ينقل الملكية ولا يحتج به على الغير مهما طال الزمن. 📌 يعني حتى لو قاعد في الشقة سنين… من غير تسجيل، هتبقي الملكية مش كاملة 🔹 طيب إيه الطرق القانونية لتسجيل الشقة؟ 1️⃣ التسجيل بعقد مشهر ✔️ لو البائع مالك بعقد مسجل ✔️ أسهل وأسرع طريق 2️⃣ التسجيل بحكم صحة ونفاذ ✔️ لو معاك عقد عرفي ✔️ والبائع رافض التسجيل 📌 الحكم النهائي يقوم مقام التسجيل ⚖️ وده مؤيد بحكم النقض: 🔹 الطعن رقم 824 لسنة 44 قضائية 🔘الحكم بصحة ونفاذ العقد يُكسب المشتري الملكية بعد شهره. 3️⃣ التسجيل طبقًا لقانون 9 لسنة 2022 (التعديل الجديد) وده أهم تطور حصل 👇 📜 القانون سمح بالتسجيل: ✔️ بعقد عرفي ✔️ بدون تسلسل ملكية قديم ✔️ وبمستندات حيازة 📜 وحدد مدة للبت في الطلب 30 يوم فقط 📜 وفصل بين: ❌ ضريبة التصرفات ✅ وإجراءات التسجيل 🔹 الأوراق المطلوبة غالبًا: 📄 عقد البيع 📄 بطاقة الرقم القومي 📄 ما يثبت الحيازة (إيصال مرافق – حكم – معاينة) 📄 كشف رسمي من الحي (بتختلف حسب كل حالة) ⚠️ ملحوظة مهمة جدًا من قضاء النقض 🔹 الطعن رقم 3155 لسنة 60 قضائية 🔘التسجيل لا يصحح العقد الباطل ولا ينشئ ملكية إذا كان سببها غير مشروع. 📌 يعني: ✔️ التسجيل يحمي الحق ❌ لكنه ما يغطيش عقد مزور أو باطل ✅ الخلاصة القانونية 🔴 عقد عرفي = التزام 🔴 صحة توقيع = إثبات إمضاء 🟢 التسجيل = ملكية كاملة 📌 وده ثابت: ✔️ بنص القانون ✔️ وبأحكام محكمة النقض

📌 يعني إيه نشوز ؟ 🤔 وإمتى الزوجة تعتبر ناشز في القانون المصري؟ 🔶 كتير من الناس بتسمع كلمة نشوز وبتفتكر إنها كلمة دينية لكن الحقيقة إن النشوز له معنى قانوني واضح ومحدد في قانون الأحوال الشخصية المصري 👩‍⚖️⚖️ 🔹 أولاً : يعني إيه نشوز بالبلدي ؟ ببساطة 👇 النشوز يعني إن الزوجة: 🔘تسيب بيت الزوجية 🔘أو ترفض ترجع تعيش مع جوزها ❌ من غير سبب شرعي أو قانوني وساعتها القانون بيقول إن الزوجة كده خارجة عن طاعة الزوج وبالتالي: ➡️ نفقتها بتتوقف 🔹 ثانيًا: القانون قال إيه عن النشوز؟ 🔘 القانون رقم 25 لسنة 1929 المعدل بالقانون 100 لسنة 1985 ▫️وتحديدًا المادة 11 مكرر ثانياً نصّت صراحة على إن: 🧾 ▪️لو الزوجة امتنعت عن طاعة الزوج بدون حق بتتوقف نفقتها من تاريخ الامتناع بشرط إن الزوج يكون وجّه لها إنذار طاعة رسمي يعني ❗ مفيش نشوز من غير إنذار طاعة 🔹 ثالثًا: يعني إيه إنذار طاعة؟ إنذار الطاعة ده: 🔹بيكون إعلان رسمي على يد محضر ▫️الزوج بيدعو فيه زوجته ترجع بيت الزوجية ▫️ولازم يحدد عنوان المسكن بوضوح 📌 والزوجة من يوم ما الإنذار يوصلها: ➡️ معاها 30 يوم ▪️يا اما ترجع ▪️يا إما تعترض على إنذار الطاعة وتقول أسبابها 🔹 رابعًا: إمتى الزوجة تعتبر ناشز فعلًا؟ الزوجة تعتبر ناشز قانونًا في الحالات دي 👇 ✅ الإنذار وصلها صح ✅ عدّى 30 يوم ❌ ما رجعتش ❌ وما قدمتش اعتراض ❌ او اعترضت بس المحكمة رفضت اعتراضها 📌 ساعتها: ➡️ النفقة بتتوقف من تاريخ الامتناع 🔹 خامسًا: طيب لو الزوجة عندها سبب؟ القانون منصف للطرفين 👌 والزوجة من حقها تعترض لو عندها سبب زي: ▫️ضرب ▫️إهانة ▫️عدم أمان ▫️مسكن غير صالح ▫️أو أي ضرر حقيقي 📌 ومحكمة الأسرة بتفحص الكلام ده ولو ثبت الضرر: ❌ مفيش نشوز ❌ النفقة تفضل قائمة 🔹 سادسًا: محكمة النقض قالت إيه؟ 📌 محكمة النقض المصرية قررت في أكتر من حكم إن: ⚖️ مجرد إرسال إنذار طاعة مش كفاية لوحده لازم المحكمة تتأكد إن: 🔹المسكن صالح 🔶والزوج أمين ▫️ومفيش ضرر على الزوجة وأكدت كمان إن: ➡️ النشوز أثره الأساسي هو وقف النفقة فقط مش حرمان الزوجة من كل حقوقها 🔹 سابعًا: آثار النشوز إيه؟ لو الزوجة ثبت نشوزها 👇 ❌ لا تستحق نفقة زوجية طالما النشوز قائم لكن ⚠️ : ده مش معناه إنها فقدت كل حقوقها ومش معناه إنها ما تقدرش تطلب طلاق للضرر لو أثبتته 🔹 ثامنًا: أخطاء ناس كتير بتقع فيها .. 🚫 مش أي خروج من البيت يبقى نشوز 🚫 الشغل مش نشوز لو الزوج موافق أو عارف 🚫 إنذار طاعة غلط = دعوى فاشلة 🚫 التحايل أو الكيد ممكن يقلب ضد الزوج 📌 الخلاصة المهمة جدًا: النشوز في القانون المصري: ✔️ ليه شروط ✔️ وليه إجراءات ✔️ ومش بيقع أوتوماتيك والقانون دايمًا بيوازن بين: ⚖️ حق الزوج ⚖️ وحق الزوجة

📞📲تسجيل المكالمات الهاتفية او مكالمات الواتساب بدون علم الطرف التاني… جريمة ولا حق؟ 🤔 📌في الفترة الأخيرة بقينا نشوف ناس كتير على السوشيال ميديا بتقول: "أنا سجلت المكالمة عشان أضمن حقي» «سجلته وهو بيعترف» «ده صوتي وصورتي ومن حقي أستخدمه» ⚠️ لكن الحقيقة القانونية مختلفة تمامًا… وتسجيل مكالمة أو صوت شخص من غير علمه ممكن يوديك الحبس ❌ ❓ هل تسجيل المكالمات قانوني في مصر؟ 🔴 الأصل في القانون: لا ❌ تسجيل المكالمات أو المحادثات من غير علم أو إذن الطرف الآخر يُعد جريمة إلا في حالات محددة جدًا. ⚖️ النصوص القانونية الحاكمة: 🔹 أولًا: قانون العقوبات المصري 📌 المادة 309 مكرر (أ) "يعاقب بالحبس كل من اعتدى على حرمة الحياة الخاصة للمواطن، بأن استرق السمع أو سجل أو نقل محادثات جرت في مكان خاص أو عن طريق التليفون، بغير رضاء المجني عليه." 📌 المادة 309 مكرر (ب) "وتكون العقوبة الحبس مدة لا تزيد على خمس سنوات إذا استُخدم التسجيل أو أُذيع أو استُعمل ولو في غير علانية." 📌 يعني إيه الكلام ده؟ ✔️ مجرد التسجيل = جريمة ✔️ استخدام التسجيل أو نشره = جريمة أشد 🔹 ثانيًا: قانون مكافحة جرائم تقنية المعلومات رقم 175 لسنة 2018 📌 المادة 25 تعاقب بالحبس والغرامة كل من اعتدى على أي من المبادئ أو القيم الأسرية في المجتمع المصري، أو انتهك حرمة الحياة الخاصة، باستخدام شبكة المعلومات. 📌 وده بيشمل: 🔺تسجيل مكالمات واتساب 🔸تسجيل فويس نوت 🔹نشر محادثات خاصة ❌ طب لو التسجيل عشان إثبات حقي؟ دي أكبر غلطة ❗ محكمة النقض حسمت الموضوع بوضوح. ⚖️ أحكام محكمة النقض: 📌 الطعن رقم ١٢٦٣ لسنة ٦٣ قضائية – جنائي "التسجيلات الصوتية التي تتم خفية ودون علم أو إذن صاحبها، تُعد اعتداءً على حرمة الحياة الخاصة ولا يجوز التعويل عليها كدليل." 📌 الطعن رقم ١١٤٥ لسنة ٧٠ قضائية "الأدلة المستمدة من تسجيلات غير مشروعة لا يعول عليها ولو تضمنت اعترافًا صريحًا." 📌 يعني حتى لو الشخص معترف ❌ الدليل نفسه باطل ❌ ❓ إمتى التسجيل يكون قانوني؟ ✔️ لو التسجيل تم بعلم وموافقة صريحة من الطرف الآخر ✔️ أو بإذن قضائي من النيابة العامة ✔️ أو كان التسجيل صادر من جهة مخولة قانونًا (زي الجهات الأمنية) غير كده = جريمة كاملة الأركان ⚠️ 🚨 خطورة أكبر: نشر التسجيل ناس كتير بتغلط غلطة أكبر: تسجل وبعدين تبعت التسجيل لحد أو تنشره على فيسبوك أو واتساب 📌 هنا العقوبة بتضاعف وبتدخل في نطاق: 🔺تشهير 🔸انتهاك خصوصية 🔹جرائم إلكترونية ⚠️ رسالة مهمة لكل الناس: 📌 نيتك مش مقياس 📌 إحساسك بالظلم مش مبرر 📌 "أنا كنت بدافع عن نفسي" مش سبب قانوني 🔴 القانون بيحاسب على الفعل مش على النية ✅ الحل القانوني الصحيح: ✔️ لو حد بيهددك بلاغ رسمي ✔️ لو حد بيبتزك محضر + أدلة مشروعة ✔️ لو فيه خلاف اتجه لسكة القانون مش التسجيل الخفي ⚖️ الخلاصة: 📢 تسجيل المكالمات بدون علم الطرف الآخر: ❌ جريمة ❌ دليل باطل ❌ ممكن يوديك الحبس 📌 خليك فاكر: مش كل حاجة تمسكها في إيدك تبقى دليل… أحيانًا تكون تهمة

هل الرسائل والمحادثات دليل في المحكمة؟ 🤔📱 الإجابة: أيوه، بس مش دايمًا ❗ القانون بيقبل الرسائل والمحادثات كدليل بشروط معينة، وفي حالات تانية بيرفضها. ✅ إمتى الرسائل والمحادثات تتقبل في المحكمة؟ ✔️ لو كانت واضحة وصريحة يعني الكلام مباشر ومفيهوش لبس أو تأويل. ✔️ لو بتثبت واقعة قانونية مهمة زي اعتراف بدَين، تهديد، سبّ وقذف، اتفاق، أو إقرار بحق. ✔️ لو مش متاخدة بطريق غير مشروع يعني مش ناتجة عن اختراق أو تجسس أو تسجيل بدون علم الطرف التاني في الحالات اللي القانون بيمنعها. ✔️ لو المحكمة اطمأنت لها لأن القاضي ليه سلطة تقديرية في قبولها أو رفضها. ❌ إمتى الرسائل والمحادثات تترفض؟ ✖️ لو كانت مبتورة أو ناقصة جزء منها متاخد وجزء متشال. ✖️ لو كانت معدلة أو مشكوك في صحتها زي صور شاشة من غير أصل أو من غير أي وسيلة تثبت صدقها. ✖️ لو كانت مجهولة المصدر يعني مش واضح مين المرسل أو الحساب مش مؤكد. ✖️ لو مش ليها علاقة مباشرة بالقضية حتى لو الرسائل صحيحة. ⚖️ هل الرسائل لوحدها كفاية لكسب القضية؟ 🔹 في بعض القضايا: أيوه زي: السب والقذف / التهديد / الاعتراف الصريح لو الرسائل واضحة ومباشرة، ممكن تكون كافية لوحدها. 🔹 في قضايا تانية: لأ زي: قضايا الأسرة / النزاعات المالية الكبيرة هنا بتكون محتاجة أدلة تكميلية (شهود – مستندات – تحويلات – تقارير فنية) ✅ مثال (1): اعتراف بدَين شخص باعت رسالة بيقول فيها: > «أنا فعلاً مديون لك بـ 50 ألف وهسدهم آخر الشهر» 📌 هنا الرسالة اعتراف صريح، والمحكمة ممكن تعتمد عليها كدليل قوي. ✅ مثال (2): سب وقذف شخص بعت رسائل فيها ألفاظ واضحة ومهينة. 📌 في الحالة دي الرسائل تعتبر دليل مباشر على واقعة السب والقذف وممكن تكفي لوحدها. ✅ مثال (3): تهديد رسالة مكتوب فيها: > «لو ما عملتش كذا هأذيك» 📌 دي تعتبر جريمة تهديد، والرسائل بتبقى دليل أساسي. ❌ أمثلة على رفض الرسائل في المحكمة ❌ مثال (4): محادثة ناقصة حد قدّم جزء من الشات من غير بداية الكلام أو نهايته. 📌 المحكمة ممكن ترفضه لأنه مبتور ومضلل. ❌ مثال (5): سكرين شوت بدون أصل شخص قدّم صور شاشة بس من غير ما يقدّم الهاتف أو الحساب الأصلي. 📌 المحكمة ممكن تشكك في صحتها وترفضها. ❌ مثال (6): حساب مجهول رسائل جاية من حساب باسم وهمي أو من غير ما يثبت مين صاحبه. 📌 هنا الرسائل ملهاش قيمة قانونية كفاية. ⚖️ أمثلة لما الرسائل لوحدها تبقى كفاية ✔️ تهديد واضح ✔️ سب وقذف صريح ✔️ اعتراف مكتوب لا يحتمل تفسير 📌 في الحالات دي، الرسائل ممكن تكون دليل كافي لوحده. ⚠️ وأمثلة لما الرسائل تحتاج دليل تاني 🔸 نزاع على فلوس كبيرة 🔸 قضايا أسرة 🔸 اتفاقات شفهية طويلة هنا لازم دعم الرسائل بشهود أو مستندات. 📌 تفاصيل قانونية مهمة لازم تعرفها: ▪️ الرسائل تعتبر قرينة مش دليل قاطع في أغلب الأحوال. ▪️ الأفضل دعمها بدليل تاني علشان تقوّي موقفك. ▪️ المحكمة ممكن تطلب فحص فني للتأكد من صحتها. ▪️ مش كل محادثة واتساب أو فيسبوك تتقبل تلقائيًا. ⚠️ نصيحة قانونية أخيرة: لو عندك محادثات مهمة: 📌 احتفظ بالأصل 📌 متعدلش فيها 📌 وقدّمها عن طريق محامي علشان تتعرض على المحكمة بشكل قانوني صحيح

Channel name was changed to «بنت القانون»

Channel photo updated

Channel photo removed

ملاحظات أساسية من الكتاب “بلاغة الكتابة القانونية” (Rhetoric for Legal Writers): الجزء ده بيلخص أهم المفاهيم والمصطلحات اللي لازم يعرفها أي محامي أو كاتب قانوني عشان يكون مقنع ومحترف: 1. المفاهيم الأساسية في التحليل القانوني: • التفكير كالمحامي (Thinking like a lawyer) • القانون المكتوب (Black Letter Law) • الوزن/القيمة السابقة (Precedential Value) • الحجية/المنطوق (Holding) • التعليل/الاستدلال (Reasoning) • التصنيف القضائي (Judicial Decisions): الأغلبية (Majority)، الرأي المخالف (Dissenting)، الرأي الموافق (Concurring)، التعددية (Plurality

حابّة أشارككم كتاب كنت بقرأه الفترة الأخيرة: “بلاغة الكتابة القانونية: النظرية والتطبيق في التحليل والإقناع” (Rhetoric for Legal Writers: The Theory and Practice of Analysis and Persuasion) للمؤلفة كريستين كونراد تيشوني (Kristen Konrad Tiscione). الكتاب بشكل عام بيهدف يعلم طلاب القانون والمحامين إزاي يستخدموا مبادئ البلاغة القديمة والحديثة في التحليل القانوني والكتابة اللي تقنع. وبيوضح إن المهارات القانونية مش بس معرفة “القانون المكتوب” (black letter law)، لكن كمان القدرة على إيجاده، تفسيره، وتطبيقه – يعني البلاغة القانونية هي اللي بتفرق. الكتاب متقسم جزئين: 1. النظرية: تاريخ وتطور البلاغة وأثرها على الحجة القانونية من اليونان القديمة لحد دلوقتي. 2. التطبيق العملي: إزاي تطبق مبادئ البلاغة في التفكير والكتابة كمحامي في العصر الحالي. أهم الموضوعات اللي بيتكلم عنها الكتاب: • البلاغة القانونية: دراسة كل أشكال التواصل، وخصوصًا الإقناع، وازاي نقدر نوصل رسالتنا القانونية بشكل فعال. • البحث والكتابة القانونية: الكتابة القانونية هدفها الأساسي توصيل المعلومة وإقناع القارئ بدقة ووضوح. • أنواع الكتابة القانونية: • المشورة القانونية: زي المذكرات القانونية، رسائل الرأي، الإيميلات الرسمية. • المرافعة القانونية: زي العرائض، الطلبات، المذكرات الموجزة اللي هدفها الإقناع. • الصكوك القانونية: زي القوانين، اللوائح، العقود، الوصايا. • مهارات التحليل والإقناع: بيغطي مبادئ أرسطو الخمسة وطرق التفكير القانوني زي الاستدلال الاستنباطي والاستقرائي والمماثلة. وكمان، الكتاب بيغطي كل المصطلحات القانونية المهمة وإزاي نكتبها باللغة الإنجليزية بطريقة صحيحة وواضحة. باختصار، الكتاب ده بيخليك تشوف الكتابة القانونية مش مجرد نقل قوانين، لكن فن وفكر وتحليل وإقناع.

لما يكون عندك قضية قتل المتهم فيها معترف وفيها 50 شاهد كلهم أجمعوا إن المتهم قتل المجني عليه الساعة 12 ظهراً وانتقل الطبيب الشرعي لمعاينة الجثة وتشريحها في تمام الساعة 4 عصراً، فأثبت في تقرير الصفة التشريحية «أنه وجد الجثة فى الثلاجة ووجدها في طور التعفن الرمي». يبقى الجملة دى هتنسف اعتراف المتهم بالقتل وهتنسف كذلك أقوال الشهود، طب ازاي؟! جملة إنه وجد الجثة في التلاجة ليها دلالة إن الجثة منذ دخولها إلى التلاجة بتظل محتفظة بالتغيرات الرمية، لأن مهمة التلاجة إنها تحافظ على حالة الجثة التي كانت عليها منذ دخولها. جملة إنه وجد الجثة في حالة التعفن الرمي، فدي معناها إن جريمة القتل لم تتم بأي حال من الأحوال قبل 18 ساعة، يعنى تم ارتكابها بالأمس أو أول أمس (حسب درجة التعفن). ودا بينسف اعتراف المتهم إنه قتل المجني عليه الساعة 12 ظهرا يعني قبل 4 ساعات من تشريحها! في حالة تعارض اعتراف المتهم مع الدليل الفنى «تقرير الطبيب الشرعي» المحكمة لن تأخذ بإعترافات المتهم، لأن الدليل الفني أقوى من أقوال الشهود بل أقوى من اعتراف المتهم ذاته. د. محمد الصادق

📎 الفرق بين مباحث الإنترنت و مباحث الإتصالات. أولا : مباحث الإنترنت تختص بكافة الجرائم التي تقع من خلال مواقع وبرامج الإنترنت والسوشيال ميديا. مثل تطبيق واتساب أو الفيس بوك أو تويتر او إنستجرام وغيرهم من تطبيقات التواصل الاجتماعي ولابد من أن يكون التهديد أو السب والقذف وارد على الحساب الخاص بالشاكى أو الشاكية. ويُعد جريمة كل قول أو فعل أو إشارة تحمل عبارات مسيئة. ثانيا : مباحث الإتصالات تختص بجميع الجرائم التي تقع من خلال الرسائل النصية على الهاتف أو المكالمات التيلفونية المسجلة. ويقع مقر مباحث الإتصالات فى كل سنترال عمومي بالمحافظات. وتختص بنظر مثل هذه الدعاوى " المحكمة الاقتصادية

Channel name was changed to «Kanun»

من حق المتهم أن يبحث عن دليل براءته ولو بطريق غير مشروع، لأنه الطرف الضعيف في الدعوى الجنائية، حيث أن خصومه من جهات الإستدلال تملك العديد من الأدوات التي تجعلها الأقوى. هذا عن المتهم أما خصومه فلا يجوز لهم البحث عن الإدانة إلا بطريق قانوني مشروع. حيث أنه من المسلم به انه لا يجوز أن تبنى إدانة صحيحة على دليل باطل في القانون، إلا أن المشروعية ليست بشرط واجب في دليل البراءة وذلك بأنه من المبادئ الأساسية في الإجراءات الجنائية أن الأصل في الإنسان المتهم البراءة. أ. أحمد أبوعلم #استجواب_istgwab