ATARAXIA

محاولات لجعل الأمور أقل أهميّة في ذهنٍ حادّ الإنتباه.

ثمّة سببان وراء خوفي من فتح قلبي للناس: الضّرر الذي يمكنهم إحداثه، الضّرر الذي يمكنهم إيجاده.

صباحو "حبيبتي"، مبارح نسيتي تطفِّي ضوّ ضحكتك، وأنا ما بقدر نام إلا عالعتمة.. هيك تعوّدت. بتعرفي: لبنان وكهربا؟ ما بيظبطو... من ال 1800، والدول عم تستخدم الكهربا على الأقل لتضوّي الطرقات والبيوت ونحن بلبنان، أوّل غرض بتلاقيه بجواريرنا وشنطنا: قداحة وشمعة. بأكّدلك عبر دراساتي المتواضعة، أغلب المرضى بالعيادات النفسيّة، عندهن فوبيا الكهربا. هاي الفوبيا بالذات، هي يلّي بتخلّي اللبناني يكون أقوى من غيرو، وأقدر على إنو يكمّل بهالحياة رغم انعدام كل مقوّمات للحياة. بتقلّي رفيقتي: انتو عنجد شعب قوي جبّار.. قصف و رصاص، تهجير وأنقاض بيوت، وبنية تحتية مضروبة، وتسمم وفوسفور.. وأغذية فاسدة.. بضحك من قلبي، يعني شو بدي خبّرها؟! الرصاص بإيام السّلم والحرب من ألعاب الصغار والكبار. وإنو شي طبيعي تفيق ع صوت إطلاق نار بنصاص الليالي لأن في حدا مبتهج قرّر يتسلى، وإنو شي كتير عادي تسمع هيصات ودبك وتصفيق من عند الجيران لأن إجت الكهربا! أو مثلًا يتخلّل يومك أصوات التكبير لأن إجت الماي وامتلت الخزّانات. … أنا من زمان منتبه إنو نحن ما عنا بلد. بس مبارح لانتبهت إنو "ضحكتك" هي بلدي. وإنها الضّو، والكهربا، والمايّ. بيكفي عتمة البلد.. خلّيكي ناسية ضحكتك مضوّاية.

من بين ثمانية مليار نسمة في نسمة وحدة حارقتني والمشكلة الكبيرة إنها مستعدة تحبّ و تحكي مع ثمانية مليار نسمة إلا نسمة وحدة!

والله شايفك، مش شايف غيرك يمكن؛

‏أنا وأنت غارقان في بعضنا البعض ‏لدرجة أن كل شيء آخر يبدو فارغًا

هل تدرين لماذا لم أدمن أيّ نوع من الأشياء يومًا؟ لا "مسلسلات"، لا "سجائر"، لا ألعاب الكترونية، أو ورقيّة، لا عادات اجتماعية، لا مشروبات.. لا طقوس شاي أو قهوة، لا شيء تمكّن أن يوقعني في فخّ الإدمان. لا شيء بتاتًا! هل تدرين لمَ؟ لأنني أكره أن أراني مأسوراً لشيء، حتى لو كان طيفكِ. وجهكِ قيد. أنفكِ قيد. ابتسامتكِ قيد. صوتكِ مجموعة قيود. ضحكتكِ... ضحكتكِ تبًا لها. ألا ترين العالم يحترق؟ ألا ترين الأرض تغلي بالمؤامرات الكبرى الحروب.. إنها تشتعل، شغّلي حاسة الشّم عندكِ قليلًا خبّئي عنّي ضحكتك، هذا ليس وقتها، إدفنيها.. لا يهمّني بأيّ طريقة تتخلّصين منها، لكن أبعديها بمسافةٍ أعجز عن التقاط ذبذبة واحدة منها. تبًا لكلّ أنواع الإدمان. لصوتكِ. لضحكتكِ على وجه التحديد.

"الأشياء التي لا أقولها، ولا أعرف كيف أقولها، هي الأشياء التي لا أنساها ولا تنساني."

بنصّ الحديث اليومي وبكلمة ما بتضحّك غيرنا بصوت المسلسل اللي متابعينه و الأفلام اللي ما خلّصناها ومن محلّ ما الحكي بيعلق بعرف إنه نحن مشروع تعب، ومشروع حبّ بنفس الوقت. بعرف إنه نحن مش فكرة مرتّبة، نحن مشاعر ما بتعرف تنطر. منقرّب، منبعّد، و منعيد منتفق إنه ما فينا نتّفق المهم متّفقين.. بس الغريب وسط هالضجيج كلّه ما بدي غير هالفوضى، ولا بصدّق غير هالوج اللي بيقهرني وبيطمنّي، وإلى الأبد رغم كل هالعقل الشي الوحيد الثابت براسي هو وجّك.

مِنضحّك أوقات منزعل من النّاس كيف ما بحبّونا، ونحن أنجق عارفين نحب حالنا.

إنّك تتعرّف على إنسان حقيقي بعالم هلقد سطحي ومزيّف.. نِعمة.

السيجارة التي إبتلعتها على خطّ الواحدة فجراً ليش خطّ؟ لأن هيك بدّي بيذكّرني بالخط اللّي حنمشي عليه وصولاً للعالم الآخر شي مُخيف للصراحة شو ما وقع منّك من فوق ما فيك تلمّه بتفقد توازنك.. وأنا متل الحمارة صافنة لا أفكّر إلّا بِتَوازُني كلمة مهمّة فحرّكتها، وأعود إلى سيجارتي الربع متر ما بعرف مش شاطرة كتير بالقياسات المهم التي تتكوّن من الورق وبعض المواد المشتعلة متل الحبر الفرق إنّه حتّى لو كان حبر غير قابل للإشتعال قد ينتج عنه دخان سام إذا أحرقنا الورقة كأن عم يقلّك كنت كتبت برصاص و بلا محن العبرة إذا إنت كاتب و بتدخّن أوّل شي ما تِبلع و عراف نقّي حِبرك، إذا منّك مأكّد إنّك كاتب الرصاص منيح. أنا مثلاً بعدني فوق عالخطّ عم راقب بتوازن ما أفقدني إيّاه تَوازُني.

‏"هناك راحة في حسم الأمور، بغضّ النظر عن نتائجها."

السؤال اللي دايماً بسمعه: ليش منخسرن لمّا نحبّن كتير..

-إلى أبد الآبدين- وقتٌ طويل.. لكنني لا أُمانع في إنفاقهِ بجانبك.

"أُريدُ لمن أُحِبّ أن يكونَ حرًّا، حتّى منّي". أتدري.. من الذي إذا علَّمته الطيران، طار.. وعاد إليك؟ ‏"إنّه الذي وجد فيك حُرّيته".

لم يعد يعنيني من هذا الكوكب أيّ فعل تجاه قضيّتي؛ حذاء طفلٍ من الجنوب أهمّ من أيّ رجل أبيض لازال يبحث عن مساعي سلمية لكسر الحصار والحرب عن المنطقة. أنا أنتمى للجياع، أنتمي للبنادق، والقنابل والقذائف.. أنتمي للفدائيين والانغماسيين؛ أما المحاولات السّلميّة التي تهلّل لها شعوب المنطقة هنا، لا تعني لي شيئاً؛ معاذ الله أن نتشبّه بهذه الشعوب.

وكمان بطّلت دخّن بس كل ما اشتقلك بولّع سيجارة عالفاضي.. كرمالك

‏و على فكرة القمر اليوم حلو و بيشبهك

بيني و بينك بحر ونهر وطيّارة وعرباية فول وشي ١٠ سيّارات عم يزمروا، كل شي الّا خطوتين